Keshava Nama
ಕೇಶವ ನಾಮ
ಈಶ ನಿನ್ನ ಚರಣ ಭಜನೆ ಆಶೆಯಿಂದ ಮಾಡುವೆನು, ದೋಷರಾಶಿ ನಾಶ ಮಾಡು ಶ್ರೀಶ ಕೇಶವ.
Eesha ninna charana bhajane asheyinda maduvenu, dosharashi nasha madu Shrisha Keshava.
Lord, I long to sing in worship of your feet. Keshava, lord of Shri, destroy my heaps of faults.
ಶರಣು ಹೊಕ್ಕೆನಯ್ಯ ಎನ್ನ ಮರಣ ಸಮಯದಲ್ಲಿ ನಿನ್ನ, ಚರಣ ಸ್ಮರಣೆ ಕರುಣಿಸಯ್ಯ ನಾರಾಯಣ.
Sharanu hokkenayya enna marana samayadalli ninna, charana smarane karunisayya Narayana.
I have taken refuge in you, Narayana. At the hour of my death, grant me the memory of your feet.
ಶೋಧಿಸೆನ್ನ ಭವದ ಕಲುಷ ಬೋಧಿಸಯ್ಯ ಜ್ಞಾನವೆನಗೆ, ಬಾಧಿಸುವ ಯಮನ ಬಾಧೆ ಬಿಡಿಸು ಮಾಧವ.
Shodhisenna bhavada kalusha bodhisayya jnanavenage, badhisuva Yamana badhe bidisu Madhava.
Cleanse the stain of worldly life from me and teach me true knowledge. Madhava, free me from the torment of Yama.
ಹಿಂದನೇಕ ಯೋನಿಗಳಲಿ ಬಂದು ಬಂದು ನೊಂದೆ ನಾನು, ಇಂದು ಭವದ ಬಂಧ ಬಿಡಿಸು ತಂದೆ ಗೋವಿಂದನೆ.
Hindaneka yonigalali bandu bandu nonde nanu, indu bhavada bandha bidisu tande Govindane.
In the past I suffered, born again and again in countless wombs. Today, Govinda my father, release me from the bonds of worldly life.
ಭ್ರಷ್ಟನೆನಿಸಬೇಡ ಕೃಷ್ಣ ಇಷ್ಟು ಮಾತ್ರ ಬೇಡಿಕೊಂಬೆ, ಶಿಷ್ಟರೊಳಗೆ ಇಟ್ಟು ಕಷ್ಟ ಬಿಡಿಸು ವಿಷ್ಣುವೆ.
Bhrashtanenisabeda Krishna ishtu matra bedikombe, shishtarolage ittu kashta bidisu Vishnuve.
Krishna, don’t let me be called a fallen one; this is all I ask. Vishnu, keep me among the good and free me from hardship.
ಮೊದಲು ನಿನ್ನ ಪಾದಪೂಜೆ ಮುದದಿ ಗೈವೆನಯ್ಯ ನಾನು, ಹೃದಯದೊಳಗೆ ಒದಗಿಸಯ್ಯ ಮಧುಸೂದನ.
Modalu ninna padapuje mudadi gaivenayya nanu, hridayadolage odagisayya Madhusudana.
First of all I will joyfully worship your feet. Madhusudana, slayer of Madhu, come and stay in my heart.
ಕವಿದುಕೊಂಡು ಇರುವ ಪಾಪ ಸವೆದು ಹೋಗುವಂತೆ ಮಾಡಿ, ಜವನ ಬಾಧೆಯನ್ನು ಬಿಡಿಸೊ ಘನ ತ್ರಿವಿಕ್ರಮ.
Kavidukondu iruva papa savedu hoguvante madi, javana badheyannu bidiso ghana Trivikrama.
Great Trivikrama, make the sin that has clouded over me wear away, and free me from the torment of Yama.
ಕಾಮಜನಕ ನಿನ್ನ ನಾಮ ಪ್ರೇಮದಿಂದ ಪಾಡುವಂಥ, ನೇಮವೆನಗೆ ಪಾಲಿಸಯ್ಯ ಸ್ವಾಮಿ ವಾಮನ.
Kamajanaka ninna nama premadinda paduvantha, nemavenage palisayya Swami Vamana.
Lord Vamana, father of Kama, grant me the discipline of singing your name with love.
ಮದನನಯ್ಯ ನಿನ್ನ ಮಹಿಮೆ ವದನದಲ್ಲಿ ಇರುವ ಹಾಗೆ, ಹೃದಯದಲ್ಲಿ ಸದನ ಮಾಡು ಮುದದಿ ಶ್ರೀಧರ.
Madananayya ninna mahime vadanadalli iruva hage, hridayadalli sadana madu mudadi Shridhara.
Shridhara, father of Madana, gladly make your home in my heart, so that your glory is always on my lips.
ಹುಸಿಯನಾಡಿ ಹೊಟ್ಟೆ ಹೊರೆವ ವಿಷಯದಲ್ಲಿ ರಸಿಕನೆಂದು, ಹುಸಿಗೆ ನನ್ನ ಹಾಕದಿರೊ ಹೃಷಿಕೇಶನೆ.
Husiyanadi hotte horeva vishayadalli rasikanendu, husige nanna hakadiro Hrishikeshane.
Hrishikesha, lord of the senses, don’t cast me into falsehood, as one who lies to fill his belly and relishes worldly pleasures.
ಅಬ್ಧಿಯೊಳಗೆ ಬಿದ್ದು ನಾನು ಒದ್ದುಕೊಂಬೆನಯ್ಯ ಭವದಿ, ಗೆದ್ದು ಪೋಪ ಬುದ್ಧಿ ತೋರೊ ಪದ್ಮನಾಭನೆ.
Abdhiyolage biddu nanu oddukombenayya bhavadi, geddu popa buddhi toro Padmanabhane.
Fallen into the ocean of worldly life, I thrash about. Padmanabha, show me the wisdom to win through and cross over.
ಕಾಮಕ್ರೋಧ ಬಿಡಿಸಿ ನಿನ್ನ ನಾಮ ಜಿಹ್ವೆಯೊಳಗೆ ನುಡಿಸು, ಶ್ರೀಮಹಾನುಭಾವನಾದ ದಾಮೋದರ.
Kamakrodha bidisi ninna nama jihveyolage nudisu, Shrimahanubhavanada Damodara.
Damodara, great and glorious one, free me from desire and anger and make my tongue speak your name.
ಪಂಕಜಾಕ್ಷ ನೀನು ಎನ್ನ ಮಂಕುಬುದ್ಧಿ ಬಿಡಿಸಿ ನಿನ್ನ, ಕಿಂಕರನ್ನ ಮಾಡಿಕೊಳ್ಳೊ ಸಂಕರುಷಣ.
Pankajaksha neenu enna mankubuddhi bidisi ninna, kinkaranna madikollo Sankarushana.
Lotus-eyed Sankarshana, clear away my dull mind and make me your servant.
ಏಸು ಜನ್ಮ ಬಂದರೇನು ದಾಸನಲ್ಲವೇನೊ ನಿನ್ನ, ಘಾಸಿ ಮಾಡದಿರೊ ಎನ್ನ ವಾಸುದೇವನೆ.
Esu janma bandarenu dasanallaveno ninna, ghasi madadiro enna Vasudevane.
However many births I go through, am I not still your servant? Vasudeva, don’t hurt me.
ಬುದ್ಧಿಶೂನ್ಯನಾಗಿ ನಾನು ಕದ್ದ ಕಳ್ಳನಾದೆನಯ್ಯ, ತಿದ್ದಿ ಹೃದಯ ಶುದ್ಧಿ ಮಾಡೊ ಪ್ರದ್ಯುಮ್ನನೆ.
Buddhishunyanagi nanu kadda kallanadenayya, tiddi hridaya shuddhi mado Pradyumnane.
Witless, I have become a thief. Pradyumna, set me right and make my heart pure.
ಜನನಿ ಜನಕ ನೀನೆ ಎಂದು ಎನುವೆನಯ್ಯ ದೀನಬಂಧು, ಎನಗೆ ಮುಕ್ತಿ ಪಾಲಿಸಿಂದು ಅನಿರುದ್ಧನೆ.
Janani janaka neene endu enuvenayya Deenabandhu, enage mukti palisindu Aniruddhane.
Friend of the helpless, I say you alone are my mother and father. Aniruddha, grant me liberation today.
ಹರುಷದಿಂದ ನಿನ್ನ ನಾಮ ಸ್ಮರಿಸುವಂತೆ ಮಾಡು ನೇಮ, ಇರಿಸು ಚರಣದಲ್ಲಿ ಕ್ಷೇಮ ಪುರುಷೋತ್ತಮ.
Harushadinda ninna nama smarisuvante madu nema, irisu charanadalli kshema Purushottama.
Purushottama, make it my rule to remember your name with joy, and keep me safe at your feet.
ಸಾಧುಸಂಗ ಕೊಟ್ಟು ನಿನ್ನ ಪಾದಭಜಕನೆನಿಸು ಎನ್ನ, ಭೇದ ಮಾಡಿ ನೋಡದಿರೊ ಅಧೋಕ್ಷಜ.
Sadhusanga kottu ninna padabhajakanenisu enna, bheda madi nodadiro Adhokshaja.
Adhokshaja, give me the company of the good and make me a worshipper of your feet; don’t look on me as an outsider.
ಚಾರುಚರಣ ತೋರಿ ಎನಗೆ ಪಾರುಗಾಣಿಸಯ್ಯ ಕೊನೆಗೆ, ಭಾರ ಹಾಕಿ ಇರುವೆ ನಿನಗೆ ನಾರಸಿಂಹನೆ.
Charucharana tori enage paruganisayya konege, bhara haki iruve ninage Narasimhane.
Show me your lovely feet and at the end carry me safely across. Narasimha, I have laid my whole burden on you.
ಸಂಚಿತಾರ್ಥ ಪಾಪಗಳನು ಕಿಂಚಿತಾದರುಳಿಯದಂತೆ, ಮುಂಚಿತಾಗಿ ಕಳೆದು ಪೊರೆಯೊ ಸ್ವಾಮಿ ಅಚ್ಯುತ.
Sanchitartha papagalanu kinchitadaruliyadante, munchitagi kaledu poreyo Swami Achyuta.
Lord Achyuta, wipe out my stored-up sins in advance, leaving not even a trace, and protect me.
ಜ್ಞಾನ ಭಕ್ತಿ ಕೊಟ್ಟು ನಿನ್ನ ಧ್ಯಾನದಲ್ಲಿ ಇಟ್ಟು ಎನ್ನ, ಹೀನಬುದ್ಧಿ ಬಿಡಿಸೊ ಮುನ್ನ ಜನಾರ್ದನ.
Jnana bhakti kottu ninna dhyanadalli ittu enna, heenabuddhi bidiso munna Janardana.
Janardana, give me knowledge and devotion, keep me in meditation on you, and first free me from my base thinking.
ಜಪತಪಾನುಷ್ಠಾನ ನೀನು ಒಪ್ಪುವಂತೆ ಮಾಡಲಿಲ್ಲ, ತಪ್ಪ ಕೋಟಿ ಕ್ಷಮಿಸಬೇಕು ಉಪೇಂದ್ರನೆ.
Japatapanushthana neenu oppuvante madalilla, tappa koti kshamisabeku Upendrane.
I have not done japa, penance or rituals in a way that would please you. Upendra, please forgive my countless mistakes.
ಮೊರೆಯನಿಡುವೆನಯ್ಯ ನಿನಗೆ ಸೆರೆಯ ಬಿಡಿಸು ಭವದ ಎನಗೆ, ಇರಿಸು ಭಕ್ತರೊಳಗೆ ಪರಮಪುರುಷ ಶ್ರೀಹರೆ.
Moreyaniduvenayya ninage sereya bidisu bhavada enage, irisu bhaktarolage paramapurusha Shrihare.
I cry out to you: free me from the prison of worldly life. Sri Hari, Supreme Person, keep me among your devotees.
ಪುಟ್ಟಿಸಲೇಬೇಡವಿನ್ನು ಪುಟ್ಟಿಸಿದಕೆ ಪಾಲಿಸಿನ್ನು, ಇಷ್ಟು ಬೇಡಿಕೊಂಬೆ ನಾನು ಶ್ರೀಕೃಷ್ಣನೆ.
Puttisalebedavinnu puttisidake palisinnu, ishtu bedikombe nanu Shrikrishnane.
Don’t make me be born again; and since you have given me this birth, look after me now. Sri Krishna, this is all I ask.
ಸತ್ಯವಾದ ನಾಮಗಳನು ನಿತ್ಯದಲ್ಲಿ ಪಠಿಸುವವರ, ಅರ್ತಿಯಿಂದ ಕಾಯದಿರನು ಕರ್ತೃ ಕೇಶವ.
Satyavada namagalanu nityadalli pathisuvavara, artiyinda kayadiranu kartri Keshava.
Keshava, the creator, will surely and lovingly protect those who recite these true names every day.
ಮರೆತು ಬಿಡದೆ ಹರಿಯ ನಾಮ ಬರೆದು ಓದಿ ಕೇಳುವರಿಗೆ, ಕರೆದು ಮುಕ್ತಿ ಕೊಡುವ ಬಾಡದಾದಿಕೇಶವ.
Maretu bidade Hariya nama baredu odi keluvarige, karedu mukti koduva Badadadikeshava.
Those who never forget Hari’s names but write, read and listen to them, Adikeshava of Bada calls to himself and grants liberation.