Narayaneeyam: Dashakam 26

नारायणीयम् · दशक 26

Stotras · Sanskrit · Krishna · by Melpathur Narayana Bhattathiri

इन्द्रद्युम्नः पाण्ड्यखण्डाधिराजस्त्वद्भक्तात्मा चन्दनाद्रौ कदाचित्।
त्वत्सेवायां मग्नधीरालुलोके नैवागस्त्यं प्राप्तमातिथ्यकामम्॥
Indradyumnah pandyakhandadhirajastvadbhaktatma chandanadrau kadachit, tvatsevayam magnadhiraluloke naivagastyam praptamatithyakamam.
Indradyumna, king of the Pandya land and your devotee, was once on the sandalwood mountain so absorbed in your worship that he did not notice the sage Agastya, who had come seeking hospitality.
कुम्भोद्भूतिस्संभृतक्रोधभारः स्तब्धात्मा त्वं हस्तिभूयं भजेति।
शप्त्वाथैनं प्रत्यगात्सोऽपि लेभे हस्तीन्द्रत्वं त्वत्स्मृतिव्यक्तिधन्यम्॥
Kumbhodbhutissambhritakrodhabharah stabdhatma tvam hastibhuyam bhajeti, shaptvathainam pratyagatsopi lebhe hastindratvam tvatsmritivyaktidhanyam.
Agastya, born from a pot, filled with anger, cursed him: ‘Dull one, become an elephant,’ and left. The king became the lord of elephants, a birth blessed by his remembrance of you.
दुग्धाम्भोधेर्मध्यभाजि त्रिकूटे क्रीडञ्छैले यूथपोऽयं वशाभिः।
सर्वान् जन्तूनत्यवर्तिष्ट शक्त्या त्वद्भक्तानां कुत्र नोत्कर्षलाभः॥
Dugdhambhodhermadhyabhaji trikute kridanchhaile yuthapoyam vashabhih, sarvan jantunatyavartishta shaktya tvadbhaktanam kutra notkarshalabhah.
On Mount Trikuta in the midst of the Milk Ocean, this herd leader played with his she-elephants and surpassed all creatures in strength. Where do your devotees not rise to greatness?
स्वेन स्थेम्ना दिव्यदेशत्वशक्त्या सोऽयं खेदानप्रजानन् कदाचित्।
शैलप्रान्ते घर्मतान्तः सरस्यां यूथैः सार्धं त्वत्प्रणुन्नोऽभिरेमे॥
Svena sthemna divyadeshatvashaktya soyam khedanaprajanan kadachit, shailaprante gharmatantah sarasyam yuthaih sardham tvatpranunnobhireme.
Through his own strength and the power of that divine land he knew no hardship. Once, worn out by heat on the mountainside and prompted by you, he played in a lake with his herd.
हूहूस्तावद्देवलस्यापि शापाद्ग्राहीभूतस्तज्जले वर्तमानः।
जग्राहैनं हस्तिनं पाददेशे शान्त्यर्थं हि श्रान्तिदोऽसि स्वकानाम्॥
Huhustavaddevalasyapi shapadgrahibhutastajjale vartamanah, jagrahainam hastinam padadeshe shantyartham hi shrantidosi svakanam.
Huhu, a gandharva turned into a crocodile by the sage Devala’s curse and living in that lake, seized the elephant by the foot. For you bring trouble to your own so as to bring them peace.
त्वत्सेवाया वैभवाद्दुर्निरोधं युध्यन्तं तं वत्सराणां सहस्रम्।
प्राप्ते काले त्वत्पदैकाग्र्यसिद्ध्यै नक्राक्रान्तं हस्तिवर्यं व्यधास्त्वम्॥
Tvatsevaya vaibhavaddurnirodham yudhyantam tam vatsaranam sahasram, prapte kale tvatpadaikagryasiddhyai nakrakrantam hastivaryam vyadhastvam.
Made unyielding by the power of his devotion to you, he fought for a thousand years. When the time came, you let the great elephant be overpowered by the crocodile, so that his mind would rest on your feet alone.
आर्तिव्यक्तप्राक्तनज्ञानभक्तिः शुण्डोत्क्षिप्तैः पुण्डरीकैस्समर्चन्।
पूर्वाभ्यस्तं निर्विशेषात्मनिष्ठं स्तोत्रश्रेष्ठं सोऽन्वगादीत् परात्मन्॥
Artivyaktapraktanajnanabhaktih shundotkshiptaih pundarikaissamarchan, purvabhyastam nirvisheshatmanishtham stotrashreshtham sonvagadit paratman.
In his anguish, the knowledge and devotion of his past life awoke; offering lotuses raised in his trunk, he recited the finest hymn, learned long before, fixed on the formless Self, O Supreme.
श्रुत्वा स्तोत्रं निर्गुणस्थं समस्तं ब्रह्मेशाद्यैर्नाहमित्यप्रयाते।
सर्वात्मा त्वं भूरिकारुण्यवेगात् तार्क्ष्यारूढः प्रेक्षितोऽभूः पुरस्तात्॥
Shrutva stotram nirgunastham samastam brahmeshadyairnahamityaprayate, sarvatma tvam bhurikarunyavegat tarkshyarudhah prekshitobhuh purastat.
Hearing that hymn to the formless, Brahma, Shiva and the others did not come, thinking ‘It is not me he calls.’ You, the Self of all, in a great rush of compassion, appeared before him riding Garuda.
हस्तीन्द्रं तं हस्तपद्मेन धृत्वा चक्रेण त्वं नक्रवर्यं व्यदारीः।
गन्धर्वेऽस्मिन्मुक्तशापे स हस्ती त्वत्सारूप्यं प्राप्य देदीप्यते स्म॥
Hastindram tam hastapadmena dhritva chakrena tvam nakravaryam vyadarih, gandharvesminmuktashape sa hasti tvatsarupyam prapya dedipyate sma.
Holding the elephant king with your lotus hand, you tore the crocodile apart with your discus. The gandharva was freed from his curse, and the elephant, taking a form like yours, shone brightly.
एतद्वृत्तं त्वां च मां च प्रगे यो गायेत्सोऽयं भूयसे श्रेयसे स्यात्।
इत्युक्त्वैनं तेन सार्धं गतस्त्वं धिष्ण्यं विष्णो पाहि वातालयेश॥
Etadvrittam tvam cha mam cha prage yo gayetsoyam bhuyase shreyase syat, ityuktvainam tena sardham gatastvam dhishnyam vishno pahi vatalayesha.
‘Whoever sings at dawn of this story, of you and of me, will gain the highest good.’ Saying this, you went with him to your abode. O Vishnu, Lord of Guruvayur, protect me.