Durga Saptashati 4: Shakradi Stuti
दुर्गा सप्तशती · चतुर्थ अध्याय
-
ॐ कालाभ्राभां कटाक्षैररिकुलभयदां मौलिबद्धेन्दुरेखां शङ्खं चक्रं कृपाणं त्रिशिखमपि करैरुद्वहन्तीं त्रिनेत्राम्।
सिंहस्कन्धाधिरूढां त्रिभुवनमखिलं तेजसा पूरयन्तीं ध्यायेद् दुर्गां जयाख्यां त्रिदशपरिवृतां सेवितां सिद्धिकामैः॥Om kalabhrabham katakshairarikulabhayadam maulibaddhendurekham shankham chakram kripanam trishikhamapi karairudvahantim trinetram, simhaskandhadhirudham tribhuvanamakhilam tejasa purayantim dhyayed durgam jayakhyam tridashaparivritam sevitam siddhikamaih.
Om. Meditate on Durga called Jaya: dark as a storm cloud, her glance striking fear into her enemies, the crescent moon bound in her hair, holding conch, discus, sword and trident in her hands, three-eyed, riding on a lion’s shoulders, filling the three worlds with her radiance, surrounded by the gods and served by those who seek perfection.
ॐ। जया नाम वाली दुर्गा का ध्यान करें: जो काले बादल जैसी आभा वाली हैं, जिनकी तिरछी नज़र शत्रुओं को डराती है, जिनके मस्तक पर चंद्रमा की रेखा है, जो हाथों में शंख, चक्र, तलवार और त्रिशूल धारण करती हैं, तीन नेत्रों वाली हैं, सिंह के कंधे पर सवार हैं, अपने तेज से तीनों लोकों को भर देती हैं, देवताओं से घिरी हैं और सिद्धि चाहने वाले जिनकी सेवा करते हैं।
-
ॐ ऋषिरुवाच॥
Om rishiruvacha.
Om. The sage said:
ॐ। ऋषि ने कहा:
-
शक्रादयः सुरगणा निहतेऽतिवीर्ये तस्मिन्दुरात्मनि सुरारिबले च देव्या।
तां तुष्टुवुः प्रणतिनम्रशिरोधरांसा वाग्भिः प्रहर्षपुलकोद्गमचारुदेहाः॥Shakradayah suragana nihatetivirye tasminduratmani suraribale cha devya, tam tushtuvuh pranatinamrashirodharamsa vagbhih praharshapulakodgamacharudehah.
When the mighty, wicked demon and his army had been slain by the Goddess, Indra and the hosts of gods praised her, their heads and shoulders bowed low, their bodies thrilling with joy.
जब देवी ने उस अत्यंत बलवान दुष्ट दैत्य और उसकी सेना को मार डाला, तब इंद्र आदि देवताओं ने सिर और कंधे झुकाकर, आनंद से रोमांचित शरीर के साथ, वाणी से उनकी स्तुति की।
-
देव्या यया ततमिदं जगदात्मशक्त्या निश्शेषदेवगणशक्तिसमूहमूर्त्या।
तामम्बिकामखिलदेवमहर्षिपूज्यां भक्त्या नताः स्म विदधातु शुभानि सा नः॥Devya yaya tatamidam jagadatmashaktya nishsheshadevaganashaktisamuhamurtya, tamambikamakhiladevamaharshipujyam bhaktya natah sma vidadhatu shubhani sa nah.
We bow in devotion to Ambika, worshipped by all gods and great sages, who pervades this world with her own power and whose form is the gathered might of all the gods. May she bring us good fortune.
जिन देवी ने अपनी शक्ति से इस संसार को व्याप्त कर रखा है, जिनका रूप सब देवताओं की शक्तियों का समूह है, सब देवताओं और महर्षियों से पूजित उन अंबिका को हम भक्ति से प्रणाम करते हैं। वे हमारा कल्याण करें।
-
यस्याः प्रभावमतुलं भगवाननन्तो ब्रह्मा हरश्च न हि वक्तुमलं बलं च।
सा चण्डिकाखिलजगत्परिपालनाय नाशाय चाशुभभयस्य मतिं करोतु॥Yasyah prabhavamatulam bhagavanananto brahma harashcha na hi vaktumalam balam cha, sa chandikakhilajagatparipalanaya nashaya chashubhabhayasya matim karotu.
Whose matchless glory and strength not even Lord Ananta, Brahma or Shiva can describe: may that Chandika set her mind on protecting the whole world and destroying the fear of evil.
जिनके अतुलनीय प्रभाव और बल का वर्णन भगवान अनंत, ब्रह्मा और शिव भी नहीं कर सकते, वे चंडिका सारे जगत की रक्षा और अशुभ भय के नाश का विचार करें।
-
या श्रीः स्वयं सुकृतिनां भवनेष्वलक्ष्मीः पापात्मनां कृतधियां हृदयेषु बुद्धिः।
श्रद्धा सतां कुलजनप्रभवस्य लज्जा तां त्वां नताः स्म परिपालय देवि विश्वम्॥Ya shrih svayam sukritinam bhavaneshvalakshmih papatmanam kritadhiyam hridayeshu buddhih, shraddha satam kulajanaprabhavasya lajja tam tvam natah sma paripalaya devi vishvam.
You are fortune itself in the homes of the virtuous and misfortune in the homes of the wicked, wisdom in the hearts of the thoughtful, faith in the good, and modesty in the well-born. We bow to you, O Goddess: protect the universe.
जो पुण्यात्माओं के घरों में स्वयं लक्ष्मी और पापियों के घरों में दरिद्रता हैं, विचारशीलों के हृदय में बुद्धि, सज्जनों में श्रद्धा और कुलीनों में लज्जा हैं, उन आपको हम प्रणाम करते हैं। हे देवी, संसार की रक्षा कीजिए।
-
किं वर्णयाम तव रूपमचिन्त्यमेतत् किं चातिवीर्यमसुरक्षयकारि भूरि।
किं चाहवेषु चरितानि तवाद्भुतानि सर्वेषु देव्यसुरदेवगणादिकेषु॥Kim varnayama tava rupamachintyametat kim chativiryamasurakshayakari bhuri, kim chahaveshu charitani tavadbhutani sarveshu devyasuradevaganadikeshu.
How can we describe your form, beyond all thought, or your great might that destroys the demons, or the wondrous deeds you did in battle among gods, demons and all?
हम आपके इस अचिंत्य रूप का, असुरों का नाश करने वाले आपके महान पराक्रम का, और देवताओं, असुरों आदि के बीच युद्ध में किए आपके अद्भुत कार्यों का क्या वर्णन करें?
-
हेतुः समस्तजगतां त्रिगुणापि दोषैर्न ज्ञायसे हरिहरादिभिरप्यपारा।
सर्वाश्रयाखिलमिदं जगदंशभूतमव्याकृता हि परमा प्रकृतिस्त्वमाद्या॥Hetuh samastajagatam trigunapi doshairna jnayase hariharadibhirapyapara, sarvashrayakhilamidam jagadamshabhutamavyakrita hi parama prakritistvamadya.
You are the cause of all the worlds; though made of the three qualities, you are untouched by their flaws. Even Vishnu and Shiva cannot know your limits. You are the refuge of all; this whole world is a part of you, for you are the first, supreme, unmanifest Nature.
आप सारे जगत की कारण हैं; तीन गुणों वाली होकर भी उनके दोषों से अछूती हैं। विष्णु और शिव भी आपका पार नहीं पाते। आप सबका आश्रय हैं, यह सारा जगत आपका ही अंश है, क्योंकि आप ही आदि, परम और अव्यक्त प्रकृति हैं।
-
यस्याः समस्तसुरता समुदीरणेन तृप्तिं प्रयाति सकलेषु मखेषु देवि।
स्वाहासि वै पितृगणस्य च तृप्तिहेतुरुच्चार्यसे त्वमत एव जनैः स्वधा च॥Yasyah samastasurata samudiranena triptim prayati sakaleshu makheshu devi, svahasi vai pitriganasya cha triptiheturuchcharyase tvamata eva janaih svadha cha.
O Goddess, you are Svaha, by whose utterance all the gods are satisfied in every sacrifice; and you are Svadha, which people chant to satisfy the ancestors.
हे देवी, आप स्वाहा हैं, जिसके उच्चारण से सब यज्ञों में सारे देवता तृप्त होते हैं; और आप ही स्वधा हैं, जिसका उच्चारण लोग पितरों की तृप्ति के लिए करते हैं।
-
या मुक्तिहेतुरविचिन्त्यमहाव्रता त्वमभ्यस्यसे सुनियतेन्द्रियतत्त्वसारैः।
मोक्षार्थिभिर्मुनिभिरस्तसमस्तदोषैर्विद्यासि सा भगवती परमा हि देवि॥Ya muktiheturavichintyamahavrata tvamabhyasyase suniyatendriyatattvasaraih, moksharthibhirmunibhirastasamastadoshairvidyasi sa bhagavati parama hi devi.
O Goddess, you are the cause of liberation, the great discipline beyond thought, practised by sages who seek freedom, who have mastered their senses and cast off every fault. You are that supreme, blessed knowledge.
हे देवी, आप मोक्ष की कारण और अचिंत्य महाव्रत हैं; इंद्रियों को वश में करने वाले, सब दोषों से मुक्त, मोक्ष चाहने वाले मुनि आपका ही अभ्यास करते हैं। आप ही वह परम भगवती विद्या हैं।
-
शब्दात्मिका सुविमलर्ग्यजुषां निधानमुद्गीथरम्यपदपाठवतां च साम्नाम्।
देवी त्रयी भगवती भवभावनाय वार्ता च सर्वजगतां परमार्तिहन्त्री॥Shabdatmika suvimalargyajusham nidhanamudgitharamyapadapathavatam cha samnam, devi trayi bhagavati bhavabhavanaya varta cha sarvajagatam paramartihantri.
You are the essence of sacred sound, the treasury of the pure Rig and Yajur Vedas and of the Sama with its lovely chants. You are the three Vedas, the Blessed One, the livelihood that sustains the world, and the one who ends its deepest pain.
आप शब्द स्वरूप हैं, निर्मल ऋग्वेद और यजुर्वेद की तथा मधुर उद्गीथ वाले सामवेद की निधि हैं। आप ही तीनों वेद, भगवती, संसार के पालन के लिए जीविका और सारे जगत की पीड़ा हरने वाली हैं।
-
मेधासि देवि विदिताखिलशास्त्रसारा दुर्गासि दुर्गभवसागरनौरसङ्गा।
श्रीः कैटभारिहृदयैककृताधिवासा गौरी त्वमेव शशिमौलिकृतप्रतिष्ठा॥Medhasi devi viditakhilashastrasara durgasi durgabhavasagaranaurasanga, shrih kaitabharihridayaikakritadhivasa gauri tvameva shashimaulikritapratishtha.
O Goddess, you are Medha, the wisdom that knows the essence of all scriptures; you are Durga, the boat that carries us across the hard ocean of worldly life, unattached; you are Shri, who dwells in the heart of Vishnu, and Gauri, at home with the moon-crowned Shiva.
हे देवी, आप सब शास्त्रों का सार जानने वाली मेधा हैं; आप दुर्गा हैं, कठिन भवसागर से पार ले जाने वाली अनासक्त नाव; आप विष्णु के हृदय में बसने वाली लक्ष्मी हैं, और चंद्रशेखर शिव के साथ प्रतिष्ठित गौरी भी आप ही हैं।
-
ईषत्सहासममलं परिपूर्णचन्द्रबिम्बानुकारि कनकोत्तमकान्तिकान्तम्।
अत्यद्भुतं प्रहृतमात्तरुषा तथापि वक्त्रं विलोक्य सहसा महिषासुरेण॥Ishatsahasamamalam paripurnachandrabimbanukari kanakottamakantikantam, atyadbhutam prahritamattarusha tathapi vaktram vilokya sahasa mahishasurena.
Your face, gently smiling, spotless like the full moon and lovely as the finest gold, was a wonder; yet when Mahishasura saw it, he struck at it in sudden rage.
आपका मुख हल्की मुस्कान वाला, पूर्ण चंद्रमा जैसा निर्मल और उत्तम सोने जैसी कांति वाला अद्भुत था; फिर भी महिषासुर ने उसे देखकर अचानक क्रोध में उस पर प्रहार किया।
-
दृष्ट्वा तु देवि कुपितं भ्रुकुटीकरालमुद्यच्छशाङ्कसदृशच्छवि यन्न सद्यः।
प्राणान्मुमोच महिषस्तदतीव चित्रं कैर्जीव्यते हि कुपितान्तकदर्शनेन॥Drishtva tu devi kupitam bhrukutikaralamudyachchhashankasadrishachchhavi yanna sadyah, prananmumocha mahishastadativa chitram kairjivyate hi kupitantakadarshanena.
And it is a great wonder, O Goddess, that seeing your face angry, fearsome with frowning brows and red as the rising moon, Mahisha did not give up his life at once. For who can live after seeing Death himself enraged?
हे देवी, यह बड़ा आश्चर्य है कि क्रोध से भरा, टेढ़ी भौंहों से भयंकर और उगते चंद्रमा जैसा लाल आपका मुख देखकर भी महिषासुर ने तुरंत प्राण नहीं छोड़े। क्रोधित यमराज को देखकर भला कौन जीवित रह सकता है?
-
देवि प्रसीद परमा भवती भवाय सद्यो विनाशयसि कोपवती कुलानि।
विज्ञातमेतदधुनैव यदस्तमेतन्नीतं बलं सुविपुलं महिषासुरस्य॥Devi prasida parama bhavati bhavaya sadyo vinashayasi kopavati kulani, vijnatametadadhunaiva yadastametannitam balam suvipulam mahishasurasya.
O Goddess, be gracious. When you are pleased you bring well-being; when angry you swiftly destroy whole clans. We have seen this just now, for the vast army of Mahishasura has been wiped out.
हे देवी, प्रसन्न होइए। आप प्रसन्न होकर कल्याण करती हैं और क्रोधित होकर तुरंत कुलों का नाश कर देती हैं। यह हमने अभी देखा, जब महिषासुर की विशाल सेना नष्ट हो गई।
-
ते सम्मता जनपदेषु धनानि तेषां तेषां यशांसि न च सीदति धर्मवर्गः।
धन्यास्त एव निभृतात्मजभृत्यदारा येषां सदाभ्युदयदा भवती प्रसन्ना॥Te sammata janapadeshu dhanani tesham tesham yashamsi na cha sidati dharmavargah, dhanyasta eva nibhritatmajabhrityadara yesham sadabhyudayada bhavati prasanna.
Those on whom you, the giver of prosperity, are pleased are honoured in their lands; theirs is wealth and fame, their righteousness never fails, and they are blessed with loyal children, servants and spouses.
जिन पर समृद्धि देने वाली आप प्रसन्न रहती हैं, वे अपने देश में सम्मानित होते हैं, उन्हें धन और यश मिलता है, उनका धर्म कभी कमज़ोर नहीं होता, और वे अपने पुत्र, सेवक और पत्नी के साथ धन्य होते हैं।
-
धर्म्याणि देवि सकलानि सदैव कर्माण्यत्यादृतः प्रतिदिनं सुकृती करोति।
स्वर्गं प्रयाति च ततो भवतीप्रसादाल्लोकत्रयेऽपि फलदा ननु देवि तेन॥Dharmyani devi sakalani sadaiva karmanyatyadritah pratidinam sukriti karoti, svargam prayati cha tato bhavatiprasadallokatrayepi phalada nanu devi tena.
By your grace, O Goddess, the virtuous person performs every righteous deed with care each day and so reaches heaven. Truly, you give rewards in all three worlds.
हे देवी, आपकी कृपा से पुण्यात्मा मनुष्य रोज़ बड़े आदर से सब धर्म के काम करता है और फिर स्वर्ग जाता है। सचमुच आप तीनों लोकों में फल देने वाली हैं।
-
दुर्गे स्मृता हरसि भीतिमशेषजन्तोः स्वस्थैः स्मृता मतिमतीव शुभां ददासि।
दारिद्र्यदुःखभयहारिणि का त्वदन्या सर्वोपकारकरणाय सदाऽऽर्द्रचित्ता॥Durge smrita harasi bhitimasheshajantoh svasthaih smrita matimativa shubham dadasi, daridryaduhkhabhayaharini ka tvadanya sarvopakarakaranaya sadardrachitta.
O Durga, when remembered you take away the fear of every being; remembered by those at ease, you give a mind full of goodness. Remover of poverty, pain and fear, who but you is so tender-hearted, always ready to help all?
हे दुर्गा, स्मरण करने पर आप सब प्राणियों का भय हर लेती हैं, और सुखी लोग स्मरण करें तो उन्हें बहुत शुभ बुद्धि देती हैं। दरिद्रता, दुख और भय को हरने वाली, आपके सिवा कौन है जिसका हृदय सबकी भलाई के लिए सदा दया से भरा रहता है?
-
एभिर्हतैर्जगदुपैति सुखं तथैते कुर्वन्तु नाम नरकाय चिराय पापम्।
सङ्ग्राममृत्युमधिगम्य दिवं प्रयान्तु मत्वेति नूनमहितान् विनिहंसि देवि॥Ebhirhatairjagadupaiti sukham tathaite kurvantu nama narakaya chiraya papam, sangramamrityumadhigamya divam prayantu matveti nunamahitan vinihamsi devi.
Surely you slay the enemies thinking: let the world be at peace once they are gone, and though they have sinned enough to stay long in hell, let them die in battle and reach heaven.
आप निश्चय ही यह सोचकर शत्रुओं को मारती हैं कि इनके मरने से संसार सुखी हो, और भले ही इन्होंने लंबे नरक लायक पाप किए हों, युद्ध में मरकर ये स्वर्ग चले जाएँ।
-
दृष्ट्वैव किं न भवती प्रकरोति भस्म सर्वासुरानरिषु यत्प्रहिणोषि शस्त्रम्।
लोकान् प्रयान्तु रिपवोऽपि हि शस्त्रपूता इत्थं मतिर्भवति तेष्वपि तेऽतिसाध्वी॥Drishtvaiva kim na bhavati prakaroti bhasma sarvasuranarishu yatprahinoshi shastram, lokan prayantu ripavopi hi shastraputa ittham matirbhavati teshvapi tetisadhvi.
Could you not turn all the demons to ash with a single glance? Yet you strike them with weapons so that even your enemies, purified by them, may reach the higher worlds. Such is your kindness even toward them.
क्या आप केवल देखकर ही सब असुरों को भस्म नहीं कर सकतीं? फिर भी आप उन पर शस्त्र चलाती हैं ताकि शस्त्र से पवित्र होकर शत्रु भी उत्तम लोकों में जाएँ। शत्रुओं के प्रति भी आपका ऐसा उत्तम भाव है।
-
खड्गप्रभानिकरविस्फुरणैस्तथोग्रैः शूलाग्रकान्तिनिवहेन दृशोऽसुराणाम्।
यन्नागता विलयमंशुमदिन्दुखण्डयोग्याननं तव विलोकयतां तदेतत्॥Khadgaprabhanikaravisphuranaistathograih shulagrakantinivahena drishosuranam, yannagata vilayamamshumadindukhandayogyananam tava vilokayatam tadetat.
That the demons’ eyes were not blinded by the fierce flashing of your sword and the dazzle of your trident’s tip is because they were gazing at your face, gentle as the radiant crescent moon.
आपकी तलवार की भयंकर चमक और त्रिशूल की नोक की तेज़ रोशनी से असुरों की आँखें नष्ट नहीं हुईं, क्योंकि वे चमकते चंद्रमा जैसे आपके सौम्य मुख को देख रहे थे।
-
दुर्वृत्तवृत्तशमनं तव देवि शीलं रूपं तथैतदविचिन्त्यमतुल्यमन्यैः।
वीर्यं च हन्तृहृतदेवपराक्रमाणां वैरिष्वपि प्रकटितैव दया त्वयेत्थम्॥Durvrittavrittashamanam tava devi shilam rupam tathaitadavichintyamatulyamanyaih, viryam cha hantrihritadevaparakramanam vairishvapi prakatitaiva daya tvayettham.
O Goddess, your nature is to subdue the wicked; your form is beyond thought and beyond compare; your might destroys those who robbed the gods of their strength. In this way you have shown mercy even to your enemies.
हे देवी, आपका स्वभाव दुराचारियों के आचरण को शांत करना है; आपका रूप अचिंत्य और अनुपम है; आपका पराक्रम देवताओं का बल छीनने वालों का नाश करता है। इस तरह आपने शत्रुओं पर भी दया ही दिखाई है।
-
केनोपमा भवतु तेऽस्य पराक्रमस्य रूपं च शत्रुभयकार्यतिहारि कुत्र।
चित्ते कृपा समरनिष्ठुरता च दृष्टा त्वय्येव देवि वरदे भुवनत्रयेऽपि॥Kenopama bhavatu tesya parakramasya rupam cha shatrubhayakaryatihari kutra, chitte kripa samaranishthurata cha drishta tvayyeva devi varade bhuvanatrayepi.
What can compare with your valour? Where else is a form so lovely yet so fearsome to enemies? Kindness in the heart and sternness in battle, O giver of boons, are seen together in you alone in all three worlds.
आपके इस पराक्रम की तुलना किससे हो? शत्रुओं को डराने वाला और फिर भी इतना मनोहर रूप और कहाँ है? हे वर देने वाली देवी, हृदय में दया और युद्ध में कठोरता, ये दोनों तीनों लोकों में केवल आप में ही दिखती हैं।
-
त्रैलोक्यमेतदखिलं रिपुनाशनेन त्रातं त्वया समरमूर्धनि तेऽपि हत्वा।
नीता दिवं रिपुगणा भयमप्यपास्तमस्माकमुन्मदसुरारिभवं नमस्ते॥Trailokyametadakhilam ripunashanena tratam tvaya samaramurdhani tepi hatva, nita divam ripugana bhayamapyapastamasmakamunmadasuraribhavam namaste.
By destroying the enemies you have saved all three worlds; slaying them at the front of battle, you sent even them to heaven, and you have taken away our fear of the frenzied demons. Salutations to you.
शत्रुओं का नाश करके आपने तीनों लोकों की रक्षा की; युद्ध भूमि में उन्हें मारकर उन्हें भी स्वर्ग पहुँचाया और उन्मत्त असुरों से होने वाला हमारा भय दूर किया। आपको नमस्कार है।
-
शूलेन पाहि नो देवि पाहि खड्गेन चाम्बिके।
घण्टास्वनेन नः पाहि चापज्यानिःस्वनेन च॥Shulena pahi no devi pahi khadgena chambike, ghantasvanena nah pahi chapajyanihsvanena cha.
Protect us with your trident, O Goddess; protect us with your sword, O Ambika; protect us with the sound of your bell and the twang of your bowstring.
हे देवी, त्रिशूल से हमारी रक्षा कीजिए; हे अंबिका, तलवार से रक्षा कीजिए; घंटे की ध्वनि और धनुष की टंकार से हमारी रक्षा कीजिए।
-
प्राच्यां रक्ष प्रतीच्यां च चण्डिके रक्ष दक्षिणे।
भ्रामणेनात्मशूलस्य उत्तरस्यां तथेश्वरि॥Prachyam raksha pratichyam cha chandike raksha dakshine, bhramanenatmashulasya uttarasyam tatheshvari.
Guard us in the east and the west, O Chandika; guard us in the south, and in the north as well, O Ishvari, by whirling your trident.
हे चंडिका, पूर्व और पश्चिम में हमारी रक्षा कीजिए, दक्षिण में रक्षा कीजिए, और हे ईश्वरी, अपना त्रिशूल घुमाकर उत्तर में भी रक्षा कीजिए।
-
सौम्यानि यानि रूपाणि त्रैलोक्ये विचरन्ति ते।
यानि चात्यर्थघोराणि तै रक्षास्मांस्तथा भुवम्॥Saumyani yani rupani trailokye vicharanti te, yani chatyarthaghorani tai rakshasmamstatha bhuvam.
With your gentle forms that move through the three worlds, and with your most terrible forms, protect us and the earth.
तीनों लोकों में विचरने वाले आपके जो सौम्य रूप हैं और जो अत्यंत भयंकर रूप हैं, उनसे हमारी और पृथ्वी की रक्षा कीजिए।
-
खड्गशूलगदादीनि यानि चास्त्राणि तेऽम्बिके।
करपल्लवसङ्गीनि तैरस्मान् रक्ष सर्वतः॥Khadgashulagadadini yani chastrani tembike, karapallavasangini tairasman raksha sarvatah.
O Ambika, with the sword, trident, mace and all the weapons held in your tender hands, protect us on every side.
हे अंबिका, आपके कोमल हाथों में जो तलवार, त्रिशूल, गदा आदि अस्त्र हैं, उनसे हमारी सब ओर से रक्षा कीजिए।
-
ऋषिरुवाच॥
Rishiruvacha.
The sage said:
ऋषि ने कहा:
-
एवं स्तुता सुरैर्दिव्यैः कुसुमैर्नन्दनोद्भवैः।
अर्चिता जगतां धात्री तथा गन्धानुलेपनैः॥Evam stuta surairdivyaih kusumairnandanodbhavaih, archita jagatam dhatri tatha gandhanulepanaih.
Thus praised by the gods, the mother of the worlds was worshipped with heavenly flowers from the Nandana garden and with fragrant pastes.
इस प्रकार देवताओं ने स्तुति करके जगत की माता का नंदन वन के दिव्य फूलों और सुगंधित लेपों से पूजन किया।
-
भक्त्या समस्तैस्त्रिदशैर्दिव्यैर्धूपैस्तु धूपिता।
प्राह प्रसादसुमुखी समस्तान् प्रणतान् सुरान्॥Bhaktya samastaistridashairdivyairdhupaistu dhupita, praha prasadasumukhi samastan pranatan suran.
When all the gods had devotedly offered her heavenly incense, she, her face bright with grace, spoke to all the bowing gods.
जब सब देवताओं ने भक्ति से उन्हें दिव्य धूप अर्पित की, तब प्रसन्न मुख वाली देवी ने प्रणाम करते सब देवताओं से कहा।
-
देव्युवाच॥
Devyuvacha.
The Goddess said:
देवी ने कहा:
-
व्रियतां त्रिदशाः सर्वे यदस्मत्तोऽभिवाञ्छितम्॥
Vriyatam tridashah sarve yadasmattobhivanchhitam.
O gods, ask of me whatever you all desire.
हे देवताओं, तुम सब मुझसे जो चाहते हो, वह माँग लो।
-
देवा ऊचुः॥
Deva uchuh.
The gods said:
देवताओं ने कहा:
-
भगवत्या कृतं सर्वं न किञ्चिदवशिष्यते॥
Bhagavatya kritam sarvam na kinchidavashishyate.
The Blessed Goddess has done everything; nothing remains to be done.
भगवती ने सब कुछ कर दिया है; अब कुछ भी बाकी नहीं है।
-
यदयं निहतः शत्रुरस्माकं महिषासुरः।
यदि चापि वरो देयस्त्वयास्माकं महेश्वरि॥Yadayam nihatah shatrurasmakam mahishasurah, yadi chapi varo deyastvayasmakam maheshvari.
Our enemy Mahishasura has been slain. Yet if you would still grant us a boon, O great Goddess,
हमारा शत्रु महिषासुर मारा गया है। फिर भी, हे महेश्वरी, यदि आप हमें वर देना चाहती हैं,
-
संस्मृता संस्मृता त्वं नो हिंसेथाः परमापदः।
यश्च मर्त्यः स्तवैरेभिस्त्वां स्तोष्यत्यमलानने॥Samsmrita samsmrita tvam no himsethah paramapadah, yashcha martyah stavairebhistvam stoshyatyamalanane.
then whenever we remember you, destroy our gravest troubles; and O pure-faced one, whatever mortal praises you with these hymns,
तो जब-जब हम आपको याद करें, आप हमारे बड़े से बड़े संकट दूर करें; और हे निर्मल मुख वाली, जो मनुष्य इन स्तुतियों से आपकी स्तुति करे,
-
तस्य वित्तर्द्धिविभवैर्धनदारादिसम्पदाम्।
वृद्धयेऽस्मत्प्रसन्ना त्वं भवेथाः सर्वदाम्बिके॥Tasya vittarddhivibhavairdhanadaradisampadam, vriddhayesmatprasanna tvam bhavethah sarvadambike.
may you, gracious to us, always increase his wealth, prosperity and glory, his riches, family and every blessing, O Ambika.
हे अंबिका, हम पर प्रसन्न होकर आप उसके धन, समृद्धि, वैभव, संपत्ति, पत्नी-परिवार और सब सुखों को सदा बढ़ाती रहें।
-
ऋषिरुवाच॥
Rishiruvacha.
The sage said:
ऋषि ने कहा:
-
इति प्रसादिता देवैर्जगतोऽर्थे तथाऽऽत्मनः।
तथेत्युक्त्वा भद्रकाली बभूवान्तर्हिता नृप॥Iti prasadita devairjagatorthe tathatmanah, tathetyuktva bhadrakali babhuvantarhita nripa.
Thus pleased by the gods, for the sake of the world and of themselves, Bhadrakali said, So be it, and vanished, O king.
हे राजन, इस प्रकार देवताओं ने संसार और अपने हित के लिए जब उन्हें प्रसन्न किया, तब भद्रकाली तथास्तु कहकर अंतर्धान हो गईं।
-
इत्येतत्कथितं भूप सम्भूता सा यथा पुरा।
देवी देवशरीरेभ्यो जगत्त्रयहितैषिणी॥Ityetatkathitam bhupa sambhuta sa yatha pura, devi devasharirebhyo jagattrayahitaishini.
So I have told you, O king, how in ancient times the Goddess, who wishes well for the three worlds, arose from the bodies of the gods.
हे राजन, इस तरह मैंने बताया कि तीनों लोकों का हित चाहने वाली देवी पहले देवताओं के शरीरों से कैसे प्रकट हुईं।
-
पुनश्च गौरीदेहात्सा समुद्भूता यथाभवत्।
वधाय दुष्टदैत्यानां तथा शुम्भनिशुम्भयोः॥Punashcha gauridehatsa samudbhuta yathabhavat, vadhaya dushtadaityanam tatha shumbhanishumbhayoh.
And how she arose again from the body of Gauri to slay the wicked demons and Shumbha and Nishumbha,
और फिर दुष्ट दैत्यों तथा शुंभ और निशुंभ के वध के लिए वे गौरी के शरीर से कैसे प्रकट हुईं,
-
रक्षणाय च लोकानां देवानामुपकारिणी।
तच्छृणुष्व मयाऽऽख्यातं यथावत्कथयामि ते॥ ह्रीं ॐ॥Rakshanaya cha lokanam devanamupakarini, tachchhrinushva mayakhyatam yathavatkathayami te. Hrim om.
to protect the worlds and help the gods: hear that too as I tell it to you just as it happened. Hrim, Om.
लोकों की रक्षा और देवताओं की सहायता के लिए, वह भी सुनो, मैं तुम्हें ठीक-ठीक सुनाता हूँ। ह्रीं ॐ।
-
इति श्रीमार्कण्डेयपुराणे सावर्णिके मन्वन्तरे देवीमाहात्म्ये शक्रादिस्तुतिर्नाम चतुर्थोऽध्यायः॥
Iti shrimarkandeyapurane savarnike manvantare devimahatmye shakradistutirnama chaturthodhyayah.
Thus ends the fourth chapter of the Devi Mahatmya, in the Markandeya Purana, in the Savarni Manvantara, called the hymn of Indra and the gods.
इस प्रकार श्री मार्कण्डेय पुराण के सावर्णिक मन्वंतर में देवी माहात्म्य का शक्रादि स्तुति नाम का चौथा अध्याय पूरा हुआ।