Shri Govinda Damodara Stotram
श्रीगोविन्ददामोदरस्तोत्रम्
-
अग्रे कुरूणामथ पाण्डवानां दुःशासनेनाहृतवस्त्रकेशा।
कृष्णा तदाक्रोशदनन्यनाथा गोविन्द दामोदर माधवेति॥Agre kurunamatha pandavanam duhshasanenahritavastrakesha, krishna tadakroshadananyanatha govinda damodara madhaveti.
Before the Kurus and the Pandavas, when Duhshasana dragged her by the hair and stripped her garment, Draupadi, with no other protector, cried out: “Govinda (protector of the cows), Damodara (bound at the waist), Madhava (Lakshmi’s lord)!”
कौरवों और पांडवों के सामने जब दुःशासन ने द्रौपदी के केश पकड़कर उनका वस्त्र खींचा, तब कोई और सहारा न देखकर उन्होंने पुकारा: “गोविंद, दामोदर, माधव!”
-
श्रीकृष्ण विष्णो मधुकैटभारे भक्तानुकम्पिन् भगवन् मुरारे।
त्रायस्व मां केशव लोकनाथ गोविन्द दामोदर माधवेति॥Shrikrishna vishno madhukaitabhare bhaktanukampin bhagavan murare, trayasva mam keshava lokanatha govinda damodara madhaveti.
O Shri Krishna, Vishnu, slayer of Madhu and Kaitabha, compassionate to devotees, Lord, enemy of Mura! Save me, Keshava, lord of the world: Govinda, Damodara, Madhava!
हे श्रीकृष्ण, हे विष्णु, मधु-कैटभ के संहारक, भक्तों पर दया करने वाले भगवान मुरारि! हे केशव, हे लोकनाथ, मेरी रक्षा करो: गोविंद, दामोदर, माधव!
-
विक्रेतुकामा किल गोपकन्या मुरारिपादार्पितचित्तवृत्तिः।
दध्यादिकं मोहवशादवोचद् गोविन्द दामोदर माधवेति॥Vikretukama kila gopakanya muraripadarpitachittavrittih, dadhyadikam mohavashadavochad govinda damodara madhaveti.
A cowherd girl set out to sell curd and milk, but with her mind given to Krishna’s feet, she was so lost that she called out “Govinda, Damodara, Madhava!” instead of her wares.
एक ग्वालिन दही आदि बेचने निकली, पर उसका मन मुरारि के चरणों में लगा था, इसलिए मोहवश वह दही की जगह “गोविंद, दामोदर, माधव” पुकारने लगी।
-
उलूखले सम्भृततण्डुलांश्च सङ्घट्टयन्त्यो मुसलैः प्रमुग्धाः।
गायन्ति गोप्यो जनितानुरागा गोविन्द दामोदर माधवेति॥Ulukhale sambhritatandulamshcha sanghattayantyo musalaih pramugdhah, gayanti gopyo janitanuraga govinda damodara madhaveti.
Pounding rice in the mortar with their pestles, the gopis, lost in love, sing: “Govinda, Damodara, Madhava!”
ओखली में भरे धान को मूसल से कूटती हुई, प्रेम में मग्न गोपियाँ गाती हैं: “गोविंद, दामोदर, माधव!”
-
काचित्कराम्भोजपुटे निषण्णं क्रीडाशुकं किंशुकरक्ततुण्डम्।
अध्यापयामास सरोरुहाक्षी गोविन्द दामोदर माधवेति॥Kachitkarambhojapute nishannam kridashukam kimshukaraktatundam, adhyapayamasa saroruhakshi govinda damodara madhaveti.
A lotus-eyed gopi taught her pet parrot, its beak red as a kimshuka flower, sitting in her cupped lotus hands, to say “Govinda, Damodara, Madhava!”
एक कमलनयनी गोपी ने अपनी अंजलि में बैठे, पलाश के फूल जैसी लाल चोंच वाले पालतू तोते को सिखाया: “गोविंद, दामोदर, माधव!”
-
गृहे गृहे गोपवधूसमूहः प्रतिक्षणं पिञ्जरसारिकाणाम्।
स्खलद्गिरां वाचयितुं प्रवृत्तो गोविन्द दामोदर माधवेति॥Grihe grihe gopavadhusamuhah pratikshanam pinjarasarikanam, skhaladgiram vachayitum pravritto govinda damodara madhaveti.
In house after house the cowherd wives are busy every moment teaching their caged mynas, still stumbling over words, to say “Govinda, Damodara, Madhava!”
घर-घर में ग्वालिनें हर पल अपने पिंजरों की तुतलाती मैनाओं को बोलना सिखाती हैं: “गोविंद, दामोदर, माधव!”
-
पर्य्यङ्किकाभाजमलं कुमारं प्रस्वापयन्त्योऽखिलगोपकन्याः।
जगुः प्रबन्धं स्वरतालबन्धं गोविन्द दामोदर माधवेति॥Paryyankikabhajamalam kumaram prasvapayantyokhilagopakanyah, jaguh prabandham svaratalabandham govinda damodara madhaveti.
Rocking the little boy in his cradle to sleep, all the cowherd girls sang a song set to tune and rhythm: “Govinda, Damodara, Madhava!”
पालने में लेटे बालकृष्ण को सुलाते हुए सब गोप-कन्याएँ सुर-ताल में बँधा गीत गाती थीं: “गोविंद, दामोदर, माधव!”
-
रामानुजं वीक्षणकेलिलोलं गोपी गृहीत्वा नवनीतगोलम्।
आबालकं बालकमाजुहाव गोविन्द दामोदर माधवेति॥Ramanujam vikshanakelilolam gopi grihitva navanitagolam, abalakam balakamajuhava govinda damodara madhaveti.
Holding up a ball of butter, a gopi called the little one, Balarama’s younger brother, whose eyes darted playfully: “Govinda, Damodara, Madhava!”
मक्खन का गोला हाथ में लेकर एक गोपी ने चंचल आँखों वाले नन्हे बलराम के छोटे भाई को पुकारा: “गोविंद, दामोदर, माधव!”
-
विचित्रवर्णाभरणाभिरामेऽभिधेहि वक्त्राम्बुजराजहंसि।
सदा मदीये रसनेऽग्ररङ्गे गोविन्द दामोदर माधवेति॥Vichitravarnabharanabhiramebhidhehi vaktrambujarajahamsi, sada madiye rasanegrarange govinda damodara madhaveti.
O my tongue, lovely with many-coloured ornaments, royal swan of the lotus of my mouth, always say on your stage: “Govinda, Damodara, Madhava!”
हे मेरी जिह्वा, तू रंग-बिरंगे आभूषणों से सुंदर है, मुख-कमल की राजहंसिनी है; अपने रंगमंच पर सदा बोल: “गोविंद, दामोदर, माधव!”
-
अङ्काधिरूढं शिशुगोपगूढं स्तनं धयन्तं कमलैककान्तम्।
सम्बोधयामास मुदा यशोदा गोविन्द दामोदर माधवेति॥Ankadhirudham shishugopagudham stanam dhayantam kamalaikakantam, sambodhayamasa muda yashoda govinda damodara madhaveti.
As the baby sat in her lap, nursing, hidden among the little cowherd children, the one beloved of Lakshmi, Yashoda called him lovingly: “Govinda, Damodara, Madhava!”
गोद में बैठे, छोटे ग्वाल-बालों के बीच छिपे, दूध पीते, लक्ष्मी के प्रिय बालक को यशोदा ने प्रेम से पुकारा: “गोविंद, दामोदर, माधव!”
-
क्रीडन्तमन्तर्व्रजमात्मजं स्वं समं वयस्यैः पशुपालबालैः।
प्रेम्णा यशोदा प्रजुहाव कृष्णं गोविन्द दामोदर माधवेति॥Kridantamantarvrajamatmajam svam samam vayasyaih pashupalabalaih, premna yashoda prajuhava krishnam govinda damodara madhaveti.
As her son Krishna played inside the village with the cowherd boys his age, Yashoda called him lovingly: “Govinda, Damodara, Madhava!”
गाँव के भीतर अपनी उम्र के ग्वाल-बालों के साथ खेलते अपने बेटे कृष्ण को यशोदा ने प्यार से पुकारा: “गोविंद, दामोदर, माधव!”
-
यशोदया गाढमुलूखलेन गोकण्ठपाशेन निबध्यमानः।
रुरोद मन्दं नवनीतभोजी गोविन्द दामोदर माधवेति॥Yashodaya gadhamulukhalena gokanthapashena nibadhyamanah, ruroda mandam navanitabhoji govinda damodara madhaveti.
Tied tightly to the mortar by Yashoda with a cow’s neck-rope, the butter-eater cried softly: “Govinda, Damodara, Madhava!”
यशोदा ने गाय बाँधने की रस्सी से उन्हें ओखली से कसकर बाँधा, तब मक्खन खाने वाले कन्हैया धीरे-धीरे रोने लगे: “गोविंद, दामोदर, माधव!”
-
निजाङ्गणे कङ्कणकेलिलोलं गोपी गृहीत्वा नवनीतगोलम्।
आमर्दयत्पाणितलेन नेत्रे गोविन्द दामोदर माधवेति॥Nijangane kankanakelilolam gopi grihitva navanitagolam, amardayatpanitalena netre govinda damodara madhaveti.
In her courtyard a gopi, holding a ball of butter, rubbed her eyes with her palm as he played with her bangles, saying “Govinda, Damodara, Madhava!”
अपने आँगन में मक्खन का गोला लिए एक गोपी, कंगनों से खेलते कन्हैया को देखकर, हथेली से आँखें मलती हुई बोली: “गोविंद, दामोदर, माधव!”
-
गृहे गृहे गोपवधूकदम्बाः सर्वे मिलित्वा समवाययोगे।
पुण्यानि नामानि पठन्ति नित्यं गोविन्द दामोदर माधवेति॥Grihe grihe gopavadhukadambah sarve militva samavayayoge, punyani namani pathanti nityam govinda damodara madhaveti.
In house after house the cowherd wives gather together and every day recite the holy names: “Govinda, Damodara, Madhava!”
घर-घर में ग्वालिनों के झुंड मिलकर इकट्ठे होते हैं और रोज़ ये पवित्र नाम पढ़ते हैं: “गोविंद, दामोदर, माधव!”
-
मन्दारमूले वदनाभिरामं बिम्बाधरे पूरितवेणुनादम्।
गोगोपगोपीजनमध्यसंस्थं गोविन्द दामोदर माधवेति॥Mandaramule vadanabhiramam bimbadhare puritavenunadam, gogopagopijanamadhyasamstham govinda damodara madhaveti.
At the foot of the mandara tree, with his lovely face and his flute sounding on his red lips, standing among the cows, cowherds and gopis: Govinda, Damodara, Madhava!
मंदार वृक्ष के नीचे, सुंदर मुख वाले, बिंबफल जैसे लाल होंठों से बाँसुरी बजाते, गायों, ग्वालों और गोपियों के बीच खड़े: गोविंद, दामोदर, माधव!
-
उत्थाय गोप्योऽपररात्रभागे स्मृत्वा यशोदासुतबालकेलिम्।
गायन्ति प्रोच्चैर्दधि मन्थयन्त्यो गोविन्द दामोदर माधवेति॥Utthaya gopyopararatrabhage smritva yashodasutabalakelim, gayanti prochchairdadhi manthayantyo govinda damodara madhaveti.
Rising before dawn, the gopis remember the childhood play of Yashoda’s son and, churning curd, sing aloud: “Govinda, Damodara, Madhava!”
रात के पिछले पहर उठकर गोपियाँ यशोदानंदन की बाल-लीलाएँ याद करती हैं और दही मथते हुए ऊँचे स्वर में गाती हैं: “गोविंद, दामोदर, माधव!”
-
जग्धोऽथ दत्तो नवनीतपिण्डो गृहे यशोदा विचिकित्सयन्ती।
उवाच सत्यं वद हे मुरारे गोविन्द दामोदर माधवेति॥Jagdhotha datto navanitapindo grihe yashoda vichikitsayanti, uvacha satyam vada he murare govinda damodara madhaveti.
“Did you eat the lump of butter, or give it away?” Yashoda asked at home, doubtful. “Tell the truth, Murari!”: Govinda, Damodara, Madhava!
“मक्खन का गोला खा गए या किसी को दे दिया?” शंका में पड़ी यशोदा ने घर में पूछा, “हे मुरारि, सच बताओ!”: गोविंद, दामोदर, माधव!
-
अभ्यर्च्य गेहं युवतिः प्रवृद्धप्रेमप्रवाहा दधि निर्ममन्थ।
गायन्ति गोप्योऽथ सखीसमेता गोविन्द दामोदर माधवेति॥Abhyarchya geham yuvatih pravriddhapremapravaha dadhi nirmamantha, gayanti gopyotha sakhisameta govinda damodara madhaveti.
Having worshipped at home, a young woman churned the curd, her love overflowing, and with her friends the gopis sing: “Govinda, Damodara, Madhava!”
घर में पूजा करके उमड़ते प्रेम से भरी एक युवती ने दही मथा, और सखियों के साथ गोपियाँ गाती हैं: “गोविंद, दामोदर, माधव!”
-
क्वचित् प्रभाते दधिपूर्णपात्रे निक्षिप्य मन्थं युवती मुकुन्दम्।
आलोक्य गानं विविधं करोति गोविन्द दामोदर माधवेति॥Kvachit prabhate dadhipurnapatre nikshipya mantham yuvati mukundam, alokya ganam vividham karoti govinda damodara madhaveti.
Early one morning, setting the churning rod in a pot full of curd, a young woman gazed at Mukunda and sang many songs: “Govinda, Damodara, Madhava!”
किसी भोर में दही से भरे मटके में मथानी डालकर एक युवती मुकुंद को निहारती हुई तरह-तरह के गीत गाती है: “गोविंद, दामोदर, माधव!”
-
क्रीडापरं भोजनमज्जनार्थं हितैषिणी स्त्री तनुजं यशोदा।
आजूहवत् प्रेमपरिप्लुताक्षी गोविन्द दामोदर माधवेति॥Kridaparam bhojanamajjanartham hitaishini stri tanujam yashoda, ajuhavat premapariplutakshi govinda damodara madhaveti.
Her son was absorbed in play, and loving Yashoda, eyes brimming with affection, called him to eat and bathe: “Govinda, Damodara, Madhava!”
बेटा खेल में मगन था, तब उसकी भलाई चाहने वाली यशोदा ने प्रेम-भरी आँखों से उसे खाने और नहाने के लिए पुकारा: “गोविंद, दामोदर, माधव!”
-
सुखं शयानं निलये च विष्णुं देवर्षिमुख्या मुनयः प्रपन्नाः।
तेनाच्युते तन्मयतां व्रजन्ति गोविन्द दामोदर माधवेति॥Sukham shayanam nilaye cha vishnum devarshimukhya munayah prapannah, tenachyute tanmayatam vrajanti govinda damodara madhaveti.
Great sages led by the divine seers take refuge in Vishnu, resting peacefully in his abode, and by saying “Govinda, Damodara, Madhava” they become one with the Imperishable.
देवर्षि आदि श्रेष्ठ मुनि अपने धाम में सुख से शयन करते विष्णु की शरण लेते हैं, और “गोविंद, दामोदर, माधव” कहकर अच्युत में तन्मय हो जाते हैं।
-
विहाय निद्रामरुणोदये च विधाय कृत्यानि च विप्रमुख्याः।
वेदावसाने प्रपठन्ति नित्यं गोविन्द दामोदर माधवेति॥Vihaya nidramarunodaye cha vidhaya krityani cha vipramukhyah, vedavasane prapathanti nityam govinda damodara madhaveti.
Rising from sleep at dawn and finishing their duties, the foremost of the learned recite every day at the close of their Vedic chanting: “Govinda, Damodara, Madhava!”
भोर में नींद छोड़कर और अपने नित्यकर्म करके श्रेष्ठ ब्राह्मण वेदपाठ के अंत में रोज़ पढ़ते हैं: “गोविंद, दामोदर, माधव!”
-
वृन्दावने गोपगणाश्च गोप्यो विलोक्य गोविन्दवियोगखिन्नाम्।
राधां जगुः साश्रुविलोचनाभ्यां गोविन्द दामोदर माधवेति॥Vrindavane gopaganashcha gopyo vilokya govindaviyogakhinnam, radham jaguh sashruvilochanabhyam govinda damodara madhaveti.
In Vrindavan, seeing Radha pining in separation from Govinda, the cowherds and gopis sang with tearful eyes: “Govinda, Damodara, Madhava!”
वृंदावन में गोविंद के वियोग से दुखी राधा को देखकर ग्वाल और गोपियाँ आँसू-भरी आँखों से गाने लगे: “गोविंद, दामोदर, माधव!”
-
प्रभातसञ्चारगता नु गावस्तद्रक्षणार्थं तनयं यशोदा।
प्राबोधयत् पाणितलेन मन्दं गोविन्द दामोदर माधवेति॥Prabhatasancharagata nu gavastadrakshanartham tanayam yashoda, prabodhayat panitalena mandam govinda damodara madhaveti.
The cows were setting out for their morning grazing, so to have them looked after, Yashoda gently woke her son with her hand: “Govinda, Damodara, Madhava!”
गायें सुबह चरने निकल रही थीं, उनकी रखवाली के लिए यशोदा ने हथेली से धीरे से बेटे को जगाया: “गोविंद, दामोदर, माधव!”
-
प्रवालशोभा इव दीर्घकेशा वाताम्बुपर्णाशनपूतदेहाः।
मूले तरूणां मुनयः पठन्ति गोविन्द दामोदर माधवेति॥Pravalashobha iva dirghakesha vatambuparnashanaputadehah, mule tarunam munayah pathanti govinda damodara madhaveti.
Sages with long matted hair glowing like coral, their bodies purified by living on air, water and leaves, recite beneath the trees: “Govinda, Damodara, Madhava!”
मूँगे जैसी चमकती लंबी जटाओं वाले, हवा, जल और पत्ते खाकर पवित्र हुए मुनि पेड़ों के नीचे जपते हैं: “गोविंद, दामोदर, माधव!”
-
एवं ब्रुवाणा विरहातुरा भृशं व्रजस्त्रियः कृष्णविषक्तमानसाः।
विसृज्य लज्जां रुरुदुः स्म सुस्वरं गोविन्द दामोदर माधवेति॥Evam bruvana virahatura bhrisham vrajastriyah krishnavishaktamanasah, visrijya lajjam ruruduh sma susvaram govinda damodara madhaveti.
Speaking like this, the women of Vraja, aching in separation, their hearts fixed on Krishna, cast aside shyness and wept aloud: “Govinda, Damodara, Madhava!”
ऐसा कहती हुई, वियोग से अत्यंत व्याकुल, कृष्ण में मन लगाए ब्रज की स्त्रियाँ लाज छोड़कर ऊँचे स्वर में रो पड़ीं: “गोविंद, दामोदर, माधव!”
-
गोपी कदाचिन्मणिपञ्जरस्थं शुकं वचो वाचयितुं प्रवृत्ता।
आनन्दकन्द व्रजचन्द्र कृष्ण गोविन्द दामोदर माधवेति॥Gopi kadachinmanipanjarastham shukam vacho vachayitum pravritta, anandakanda vrajachandra krishna govinda damodara madhaveti.
Once a gopi set about teaching the parrot in its jewelled cage to say: “Root of bliss, moon of Vraja, Krishna, Govinda, Damodara, Madhava!”
एक बार एक गोपी मणियों के पिंजरे में बैठे तोते को बोलना सिखाने लगी: “आनंदकंद, ब्रजचंद्र कृष्ण, गोविंद, दामोदर, माधव!”
-
गोवत्सबालैः शिशुकाकपक्षं बध्नन्तमम्भोजदलायताक्षम्।
उवाच माता चिबुकं गृहीत्वा गोविन्द दामोदर माधवेति॥Govatsabalaih shishukakapaksham badhnantamambhojadalayataksham, uvacha mata chibukam grihitva govinda damodara madhaveti.
As the lotus-eyed boy tied his little side-locks with the calves’ tails, his mother took his chin and said: “Govinda, Damodara, Madhava!”
कमलदल जैसी बड़ी आँखों वाले बालक को बछड़ों की पूँछ से अपनी लटें बाँधते देख माँ ने उसकी ठुड्डी पकड़कर कहा: “गोविंद, दामोदर, माधव!”
-
प्रभातकाले वरवल्लवौघा गोरक्षणार्थं धृतवेत्रदण्डाः।
आकारयामासुरनन्तमाद्यं गोविन्द दामोदर माधवेति॥Prabhatakale varavallavaugha gorakshanartham dhritavetradandah, akarayamasuranantamadyam govinda damodara madhaveti.
At daybreak the cowherd boys, sticks in hand to tend the cows, called the endless, primal Lord: “Govinda, Damodara, Madhava!”
भोर होते ही गायें चराने के लिए हाथ में छड़ी लिए ग्वाल-बालों ने अनंत, आदि प्रभु को पुकारा: “गोविंद, दामोदर, माधव!”
-
जलाशये कालियमर्दनाय यदा कदम्बादपतन्मुरारिः।
गोपाङ्गनाश्चुक्रुशुरेत्य गोपा गोविन्द दामोदर माधवेति॥Jalashaye kaliyamardanaya yada kadambadapatanmurarih, gopanganashchukrushuretya gopa govinda damodara madhaveti.
When Murari leapt from the kadamba tree into the pool to subdue the serpent Kaliya, the gopis and cowherds ran there crying: “Govinda, Damodara, Madhava!”
जब कालिय नाग का मर्दन करने मुरारि कदंब से कुंड में कूद पड़े, तब गोपियाँ और ग्वाले वहाँ आकर चिल्लाने लगे: “गोविंद, दामोदर, माधव!”
-
अक्रूरमासाद्य यदा मुकुन्दश्चापोत्सवार्थं मथुरां प्रविष्टः।
तदा स पौरैर्जयसीत्यभाषि गोविन्द दामोदर माधवेति॥Akruramasadya yada mukundashchapotsavartham mathuram pravishtah, tada sa paurairjayasityabhashi govinda damodara madhaveti.
When Mukunda came with Akrura and entered Mathura for the festival of the bow, the citizens greeted him with “Victory to you!” and “Govinda, Damodara, Madhava!”
जब मुकुंद अक्रूर के साथ धनुष-यज्ञ के उत्सव के लिए मथुरा पहुँचे, तब नगरवासियों ने “आपकी जय हो” कहकर पुकारा: “गोविंद, दामोदर, माधव!”
-
कंसस्य दूतेन यदैव नीतौ वृन्दावनान्ताद् वसुदेवसूनू।
रुरोद गोपी भवनस्य मध्ये गोविन्द दामोदर माधवेति॥Kamsasya dutena yadaiva nitau vrindavanantad vasudevasunu, ruroda gopi bhavanasya madhye govinda damodara madhaveti.
When Kamsa’s messenger took Vasudeva’s two sons away from Vrindavan, a gopi wept inside her home: “Govinda, Damodara, Madhava!”
जब कंस का दूत वसुदेव के दोनों पुत्रों को वृंदावन से ले गया, तब एक गोपी घर के भीतर रोने लगी: “गोविंद, दामोदर, माधव!”
-
सरोवरे कालियनागबद्धं शिशुं यशोदातनयं निशम्य।
चक्रुर्लुठन्त्यः पथि गोपबाला गोविन्द दामोदर माधवेति॥Sarovare kaliyanagabaddham shishum yashodatanayam nishamya, chakrurluthantyah pathi gopabala govinda damodara madhaveti.
Hearing that Yashoda’s little son was caught in the coils of the serpent Kaliya in the lake, the cowherd girls rolled on the path crying: “Govinda, Damodara, Madhava!”
यह सुनकर कि यशोदा का नन्हा बेटा सरोवर में कालिय नाग के फंदे में फँस गया है, ग्वाल-बालाएँ रास्ते पर लोटती हुई पुकारने लगीं: “गोविंद, दामोदर, माधव!”
-
अक्रूरयाने यदुवंशनाथं सङ्गच्छमानं मथुरां निरीक्ष्य।
ऊचुर्वियोगात् किल गोपबाला गोविन्द दामोदर माधवेति॥Akrurayane yaduvamshanatham sangachchhamanam mathuram nirikshya, uchurviyogat kila gopabala govinda damodara madhaveti.
Seeing the lord of the Yadus leaving for Mathura in Akrura’s chariot, the cowherd girls cried out in the pain of parting: “Govinda, Damodara, Madhava!”
यदुवंश के स्वामी को अक्रूर के रथ में मथुरा जाते देखकर वियोग में ग्वाल-बालाएँ बोल उठीं: “गोविंद, दामोदर, माधव!”
-
चक्रन्द गोपी नलिनीवनान्ते कृष्णेन हीना कुसुमे शयाना।
प्रफुल्लनीलोत्पललोचनाभ्यां गोविन्द दामोदर माधवेति॥Chakranda gopi nalinivanante krishnena hina kusume shayana, praphullanilotpalalochanabhyam govinda damodara madhaveti.
At the edge of a lotus grove, lying on flowers, without Krishna, a gopi wept from eyes like full-blown blue lotuses: “Govinda, Damodara, Madhava!”
कमलवन के किनारे फूलों पर लेटी, कृष्ण से बिछुड़ी एक गोपी खिले नीलकमल जैसी आँखों से रो पड़ी: “गोविंद, दामोदर, माधव!”
-
मातापितृभ्यां परिवार्यमाणा गेहं प्रविष्टा विललाप गोपी।
आगत्य मां पालय विश्वनाथ गोविन्द दामोदर माधवेति॥Matapitribhyam parivaryamana geham pravishta vilalapa gopi, agatya mam palaya vishvanatha govinda damodara madhaveti.
Kept back by her parents, a gopi went into the house and wept: “Come and protect me, lord of the universe: Govinda, Damodara, Madhava!”
माता-पिता के रोकने पर घर में गई एक गोपी विलाप करने लगी: “हे विश्वनाथ, आकर मेरी रक्षा करो: गोविंद, दामोदर, माधव!”
-
वृन्दावनस्थं हरिमाशु बुद्ध्वा गोपी गता कापि वनं निशायाम्।
तत्राप्यदृष्ट्वाऽतिभयादवोचद् गोविन्द दामोदर माधवेति॥Vrindavanastham harimashu buddhva gopi gata kapi vanam nishayam, tatrapyadrishtvatibhayadavochad govinda damodara madhaveti.
Thinking Hari was in Vrindavan, a gopi hurried into the forest at night; not finding him even there, she cried out in great fear: “Govinda, Damodara, Madhava!”
हरि को वृंदावन में जानकर एक गोपी रात में जल्दी से वन में गई; वहाँ भी उन्हें न देखकर वह बहुत डरकर पुकार उठी: “गोविंद, दामोदर, माधव!”
-
सुखं शयाना निलये निजेऽपि नामानि विष्णोः प्रवदन्ति मर्त्याः।
ते निश्चितं तन्मयतां व्रजन्ति गोविन्द दामोदर माधवेति॥Sukham shayana nilaye nijepi namani vishnoh pravadanti martyah, te nishchitam tanmayatam vrajanti govinda damodara madhaveti.
People who say Vishnu’s names, even while resting at ease in their own homes, surely become one with him: Govinda, Damodara, Madhava!
जो लोग अपने घर में आराम से लेटे हुए भी विष्णु के नाम लेते हैं, वे निश्चय ही उनमें तन्मय हो जाते हैं: गोविंद, दामोदर, माधव!
-
सा नीरजाक्षीमवलोक्य राधां रुरोद गोविन्दवियोगखिन्नाम्।
सखी प्रफुल्लोत्पललोचनाभ्यां गोविन्द दामोदर माधवेति॥Sa nirajakshimavalokya radham ruroda govindaviyogakhinnam, sakhi praphullotpalalochanabhyam govinda damodara madhaveti.
Seeing lotus-eyed Radha grieving in separation from Govinda, her friend wept from eyes like full-blown lotuses: “Govinda, Damodara, Madhava!”
गोविंद के वियोग से दुखी कमलनयनी राधा को देखकर उनकी सखी खिले कमल जैसी आँखों से रो पड़ी: “गोविंद, दामोदर, माधव!”
-
जिह्वे रसज्ञे मधुरप्रिया त्वं सत्यं हितं त्वां परमं वदामि।
आवर्णयेथा मधुराक्षराणि गोविन्द दामोदर माधवेति॥Jihve rasajne madhurapriya tvam satyam hitam tvam paramam vadami, avarnayetha madhuraksharani govinda damodara madhaveti.
O tongue, you know taste and love sweetness; I tell you the truth, for your highest good: keep repeating these sweet syllables: “Govinda, Damodara, Madhava!”
हे जिह्वा, तू स्वाद जानती है और तुझे मीठा प्रिय है; मैं तेरे परम हित की सच्ची बात कहता हूँ: ये मधुर अक्षर बार-बार बोल: “गोविंद, दामोदर, माधव!”
-
आत्यन्तिकव्याधिहरं जनानां चिकित्सकं वेदविदो वदन्ति।
संसारतापत्रयनाशबीजं गोविन्द दामोदर माधवेति॥Atyantikavyadhiharam jananam chikitsakam vedavido vadanti, samsaratapatrayanashabijam govinda damodara madhaveti.
The knowers of the Veda call it the physician who cures people’s deepest disease, the seed that destroys the threefold suffering of worldly life: “Govinda, Damodara, Madhava!”
वेद जानने वाले कहते हैं कि यही लोगों के सबसे बड़े रोग को मिटाने वाला वैद्य है, और संसार के तीनों तापों के नाश का बीज है: “गोविंद, दामोदर, माधव!”
-
ताताज्ञया गच्छति रामचन्द्रे सलक्ष्मणेऽरण्यचये ससीते।
चक्रन्द रामस्य निजा जनित्री गोविन्द दामोदर माधवेति॥Tatajnaya gachchhati ramachandre salakshmaneranyachaye sasite, chakranda ramasya nija janitri govinda damodara madhaveti.
When Ramachandra, at his father’s command, left for the forests with Lakshmana and Sita, Rama’s own mother wept: “Govinda, Damodara, Madhava!”
जब पिता की आज्ञा से रामचंद्र लक्ष्मण और सीता के साथ वन को चले, तब राम की अपनी माँ रो पड़ीं: “गोविंद, दामोदर, माधव!”
-
एकाकिनी दण्डककाननान्तात् सा नीयमाना दशकन्धरेण।
सीता तदाक्रन्ददनन्यनाथा गोविन्द दामोदर माधवेति॥Ekakini dandakakananantat sa niyamana dashakandharena, sita tadakrandadananyanatha govinda damodara madhaveti.
Carried off alone from the Dandaka forest by ten-headed Ravana, Sita, with no other protector, cried out: “Govinda, Damodara, Madhava!”
दस सिर वाले रावण द्वारा दंडक वन से अकेले ले जाई जाती सीता ने, कोई और सहारा न देख, पुकारा: “गोविंद, दामोदर, माधव!”
-
रामाद्वियुक्ता जनकात्मजा सा विचिन्तयन्ती हृदि रामरूपम्।
रुरोद सीता रघुनाथ पाहि गोविन्द दामोदर माधवेति॥Ramadviyukta janakatmaja sa vichintayanti hridi ramarupam, ruroda sita raghunatha pahi govinda damodara madhaveti.
Separated from Rama, Janaka’s daughter Sita, holding his form in her heart, wept: “Lord of the Raghus, protect me: Govinda, Damodara, Madhava!”
राम से बिछुड़ी जनकनंदिनी सीता मन में राम का रूप याद करती हुई रोईं: “हे रघुनाथ, रक्षा करो: गोविंद, दामोदर, माधव!”
-
प्रसीद विष्णो रघुवंशनाथ सुरासुराणां सुखदुःखहेतो।
रुरोद सीता तु समुद्रमध्ये गोविन्द दामोदर माधवेति॥Prasida vishno raghuvamshanatha surasuranam sukhaduhkhaheto, ruroda sita tu samudramadhye govinda damodara madhaveti.
In the midst of the ocean (on Lanka) Sita wept: “Be gracious, Vishnu, lord of the Raghu line, cause of the joys and sorrows of gods and demons: Govinda, Damodara, Madhava!”
समुद्र के बीच (लंका में) सीता रोईं: “हे विष्णु, हे रघुवंश के स्वामी, देवताओं और असुरों के सुख-दुख के कारण, प्रसन्न हो: गोविंद, दामोदर, माधव!”
-
अन्तर्जले ग्राहगृहीतपादो विसृष्टविक्लिष्टसमस्तबन्धुः।
तदा गजेन्द्रो नितरां जगाद गोविन्द दामोदर माधवेति॥Antarjale grahagrihitapado visrishtaviklishtasamastabandhuh, tada gajendro nitaram jagada govinda damodara madhaveti.
His foot seized by a crocodile under the water, abandoned by all his exhausted kin, the king of elephants then cried out with all his heart: “Govinda, Damodara, Madhava!”
पानी के भीतर मगर ने पैर पकड़ लिया और थके हुए सब साथी छोड़ गए, तब गजराज ने पूरे मन से पुकारा: “गोविंद, दामोदर, माधव!”
-
हंसध्वजः शङ्खयुतो ददर्श पुत्रं कटाहे प्रतपन्तमेनम्।
पुण्यानि नामानि हरेर्जपन्तं गोविन्द दामोदर माधवेति॥Hamsadhvajah shankhayuto dadarsha putram katahe pratapantamenam, punyani namani harerjapantam govinda damodara madhaveti.
King Hamsadhvaja, with his priest Shankha, saw his son being scorched in a cauldron, yet chanting Hari’s holy names: “Govinda, Damodara, Madhava!”
राजा हंसध्वज ने पुरोहित शंख के साथ देखा कि उनका पुत्र कड़ाह में तप रहा है, फिर भी हरि के पवित्र नाम जप रहा है: “गोविंद, दामोदर, माधव!”
-
दुर्वाससो वाक्यमुपेत्य कृष्णा सा चाब्रवीत् काननवासिनीशम्।
अन्तः प्रविष्टं मनसा जुहाव गोविन्द दामोदर माधवेति॥Durvasaso vakyamupetya krishna sa chabravit kananavasinisham, antah pravishtam manasa juhava govinda damodara madhaveti.
Faced with Durvasa’s demand in the forest, Draupadi turned to the Lord and called in her mind to the one who dwells within: “Govinda, Damodara, Madhava!”
वन में दुर्वासा की माँग सामने आने पर द्रौपदी ने प्रभु से विनती की और मन के भीतर बसे भगवान को पुकारा: “गोविंद, दामोदर, माधव!”
-
ध्येयः सदा योगिभिरप्रमेयः चिन्ताहरश्चिन्तितपारिजातः।
कस्तूरिकाकल्पितनीलवर्णो गोविन्द दामोदर माधवेति॥Dhyeyah sada yogibhiraprameyah chintaharashchintitaparijatah, kasturikakalpitanilavarno govinda damodara madhaveti.
Ever meditated on by yogis, beyond all measure, remover of worry, a wish-fulfilling tree to those who think of him, his skin dark blue as if made of musk: Govinda, Damodara, Madhava!
योगी जिनका सदा ध्यान करते हैं, जो अपरिमेय हैं, चिंता हरने वाले हैं, स्मरण करने वालों के लिए कल्पवृक्ष हैं, कस्तूरी जैसे नीले वर्ण वाले हैं: गोविंद, दामोदर, माधव!
-
संसारकूपे पतितोऽत्यगाधे मोहान्धपूर्णे विषयाभितप्ते।
करावलम्बं मम देहि विष्णो गोविन्द दामोदर माधवेति॥Samsarakupe patitotyagadhe mohandhapurne vishayabhitapte, karavalambam mama dehi vishno govinda damodara madhaveti.
I have fallen into the bottomless well of worldly life, filled with the darkness of delusion and scorched by sense pleasures. Give me your hand, Vishnu: Govinda, Damodara, Madhava!
मैं संसार के अथाह कुएँ में गिर पड़ा हूँ, जो मोह के अँधेरे से भरा है और विषयों से तपता है। हे विष्णु, मुझे हाथ का सहारा दो: गोविंद, दामोदर, माधव!
-
भजस्व मन्त्रं भवबन्धमुक्त्यै जिह्वे रसज्ञे सुलभं मनोज्ञम्।
द्वैपायनाद्यैर्मुनिभिः प्रजप्तं गोविन्द दामोदर माधवेति॥Bhajasva mantram bhavabandhamuktyai jihve rasajne sulabham manojnam, dvaipayanadyairmunibhih prajaptam govinda damodara madhaveti.
O tongue that knows taste, take up this mantra to be freed from worldly bondage; it is easy and delightful, chanted by sages like Vyasa: “Govinda, Damodara, Madhava!”
हे रस जानने वाली जिह्वा, संसार के बंधन से छूटने के लिए यह मंत्र जप; यह सरल और मनभावन है, व्यास आदि मुनियों ने इसे जपा है: “गोविंद, दामोदर, माधव!”
-
त्वामेव याचे मम देहि जिह्वे समागते दण्डधरे कृतान्ते।
वक्तव्यमेवं मधुरं सुभक्त्या गोविन्द दामोदर माधवेति॥Tvameva yache mama dehi jihve samagate dandadhare kritante, vaktavyamevam madhuram subhaktya govinda damodara madhaveti.
O tongue, this alone I beg of you: when Death arrives, staff in hand, say these sweet words with true devotion: “Govinda, Damodara, Madhava!”
हे जिह्वा, मैं तुझसे यही माँगता हूँ: जब दंडधारी यमराज आएँ, तब सच्ची भक्ति से ये मधुर शब्द बोलना: “गोविंद, दामोदर, माधव!”
-
गोपाल वंशीधर रूपसिन्धो लोकेश नारायण दीनबन्धो।
उच्चस्वरैस्त्वं वद सर्वदैव गोविन्द दामोदर माधवेति॥Gopala vamshidhara rupasindho lokesha narayana dinabandho, uchchasvaraistvam vada sarvadaiva govinda damodara madhaveti.
Gopala, flute-bearer, ocean of beauty, lord of the worlds, Narayana, friend of the helpless! Say it always, aloud: “Govinda, Damodara, Madhava!”
हे गोपाल, बंसीधर, रूप के सागर, लोकेश, नारायण, दीनबंधु! सदा ऊँचे स्वर में बोलो: “गोविंद, दामोदर, माधव!”
-
जिह्वे सदैवं भज सुन्दराणि नामानि कृष्णस्य मनोहराणि।
समस्तभक्तार्तिविनाशनानि गोविन्द दामोदर माधवेति॥Jihve sadaivam bhaja sundarani namani krishnasya manoharani, samastabhaktartivinashanani govinda damodara madhaveti.
O tongue, always sing Krishna’s beautiful, enchanting names, which end the suffering of all devotees: “Govinda, Damodara, Madhava!”
हे जिह्वा, सदा कृष्ण के सुंदर, मनोहर नाम भज, जो सब भक्तों के दुख मिटाते हैं: “गोविंद, दामोदर, माधव!”
-
गोविन्द गोविन्द हरे मुरारे गोविन्द गोविन्द मुकुन्द कृष्ण।
गोविन्द गोविन्द रथाङ्गपाणे गोविन्द दामोदर माधवेति॥Govinda govinda hare murare govinda govinda mukunda krishna, govinda govinda rathangapane govinda damodara madhaveti.
Govinda, Govinda, Hari, Murari! Govinda, Govinda, Mukunda, Krishna! Govinda, Govinda, you who hold the discus! Govinda, Damodara, Madhava!
गोविंद, गोविंद, हरि, मुरारि! गोविंद, गोविंद, मुकुंद, कृष्ण! गोविंद, गोविंद, चक्रधारी! गोविंद, दामोदर, माधव!
-
सुखावसाने त्विदमेव सारं दुःखावसाने त्विदमेव गेयम्।
देहावसाने त्विदमेव जाप्यं गोविन्द दामोदर माधवेति॥Sukhavasane tvidameva saram duhkhavasane tvidameva geyam, dehavasane tvidameva japyam govinda damodara madhaveti.
When happiness ends, this alone is the essence; when sorrow ends, this alone is to be sung; when the body ends, this alone is to be chanted: “Govinda, Damodara, Madhava!”
सुख के अंत में यही सार है, दुख के अंत में यही गाने योग्य है, और शरीर के अंत में यही जपने योग्य है: “गोविंद, दामोदर, माधव!”
-
दुर्वारवाक्यं परिगृह्य कृष्णा मृगीव भीता तु कथं कथञ्चित्।
सभां प्रविष्टा मनसा जुहाव गोविन्द दामोदर माधवेति॥Durvaravakyam parigrihya krishna mrigiva bhita tu katham kathanchit, sabham pravishta manasa juhava govinda damodara madhaveti.
Receiving the summons she could not refuse, Draupadi, frightened like a doe, somehow entered the assembly hall and called in her mind: “Govinda, Damodara, Madhava!”
टाली न जा सकने वाली आज्ञा पाकर डरी हुई हिरनी जैसी द्रौपदी किसी तरह सभा में पहुँचीं और मन ही मन पुकारा: “गोविंद, दामोदर, माधव!”
-
श्रीकृष्ण राधावर गोकुलेश गोपाल गोवर्धन नाथ विष्णो।
जिह्वे पिबस्वामृतमेतदेव गोविन्द दामोदर माधवेति॥Shrikrishna radhavara gokulesha gopala govardhana natha vishno, jihve pibasvamritametadeva govinda damodara madhaveti.
Shri Krishna, beloved of Radha, lord of Gokula, Gopala, lord of Govardhana, Vishnu! O tongue, drink only this nectar: “Govinda, Damodara, Madhava!”
हे श्रीकृष्ण, राधावल्लभ, गोकुलेश, गोपाल, गोवर्धननाथ, विष्णु! हे जिह्वा, बस यही अमृत पी: “गोविंद, दामोदर, माधव!”
-
श्रीनाथ विश्वेश्वर विश्वमूर्ते श्रीदेवकीनन्दन दैत्यशत्रो।
जिह्वे पिबस्वामृतमेतदेव गोविन्द दामोदर माधवेति॥Shrinatha vishveshvara vishvamurte shridevakinandana daityashatro, jihve pibasvamritametadeva govinda damodara madhaveti.
Lord of Lakshmi, lord of the universe, whose form is the universe, son of Devaki, enemy of demons! O tongue, drink only this nectar: “Govinda, Damodara, Madhava!”
हे लक्ष्मीपति, विश्वेश्वर, विश्वरूप, देवकीनंदन, दैत्यों के शत्रु! हे जिह्वा, बस यही अमृत पी: “गोविंद, दामोदर, माधव!”
-
गोपीपते कंसरिपो मुकुन्द लक्ष्मीपते केशव वासुदेव।
जिह्वे पिबस्वामृतमेतदेव गोविन्द दामोदर माधवेति॥Gopipate kamsaripo mukunda lakshmipate keshava vasudeva, jihve pibasvamritametadeva govinda damodara madhaveti.
Lord of the gopis, enemy of Kamsa, Mukunda, husband of Lakshmi, Keshava, Vasudeva! O tongue, drink only this nectar: “Govinda, Damodara, Madhava!”
हे गोपीपति, कंस के शत्रु, मुकुंद, लक्ष्मीपति, केशव, वासुदेव! हे जिह्वा, बस यही अमृत पी: “गोविंद, दामोदर, माधव!”
-
गोपीजनाह्लादकर व्रजेश गोचारणारण्यकृतप्रवेश।
जिह्वे पिबस्वामृतमेतदेव गोविन्द दामोदर माधवेति॥Gopijanahladakara vrajesha gocharanaranyakritapravesha, jihve pibasvamritametadeva govinda damodara madhaveti.
Delight of the gopis, lord of Vraja, who goes into the forest to graze the cows! O tongue, drink only this nectar: “Govinda, Damodara, Madhava!”
हे गोपियों को आनंद देने वाले, ब्रजेश, गायें चराने वन में जाने वाले! हे जिह्वा, बस यही अमृत पी: “गोविंद, दामोदर, माधव!”
-
प्राणेश विश्वम्भर कैटभारे वैकुण्ठ नारायण चक्रपाणे।
जिह्वे पिबस्वामृतमेतदेव गोविन्द दामोदर माधवेति॥Pranesha vishvambhara kaitabhare vaikuntha narayana chakrapane, jihve pibasvamritametadeva govinda damodara madhaveti.
Lord of my life, sustainer of all, slayer of Kaitabha, Vaikuntha, Narayana, holder of the discus! O tongue, drink only this nectar: “Govinda, Damodara, Madhava!”
हे प्राणनाथ, विश्व का पालन करने वाले, कैटभ के संहारक, वैकुंठ, नारायण, चक्रपाणि! हे जिह्वा, बस यही अमृत पी: “गोविंद, दामोदर, माधव!”
-
हरे मुरारे मधुसूदनाद्य श्रीराम सीतावर रावणारे।
जिह्वे पिबस्वामृतमेतदेव गोविन्द दामोदर माधवेति॥Hare murare madhusudanadya shrirama sitavara ravanare, jihve pibasvamritametadeva govinda damodara madhaveti.
Hari, Murari, slayer of Madhu, the primal one, Shri Rama, Sita’s husband, enemy of Ravana! O tongue, drink only this nectar: “Govinda, Damodara, Madhava!”
हे हरि, मुरारि, मधुसूदन, आदिपुरुष, श्रीराम, सीतापति, रावण के शत्रु! हे जिह्वा, बस यही अमृत पी: “गोविंद, दामोदर, माधव!”
-
श्रीयादवेन्द्राद्रिधराम्बुजाक्ष गोगोपगोपीसुखदानदक्ष।
जिह्वे पिबस्वामृतमेतदेव गोविन्द दामोदर माधवेति॥Shriyadavendradridharambujaksha gogopagopisukhadanadaksha, jihve pibasvamritametadeva govinda damodara madhaveti.
Chief of the Yadavas, lifter of the mountain, lotus-eyed, skilled at giving joy to the cows, cowherds and gopis! O tongue, drink only this nectar: “Govinda, Damodara, Madhava!”
हे यादवेंद्र, पर्वत उठाने वाले, कमलनयन, गायों, ग्वालों और गोपियों को सुख देने में कुशल! हे जिह्वा, बस यही अमृत पी: “गोविंद, दामोदर, माधव!”
-
धराभरोत्तारणगोपवेष विहारलीलाकृतबन्धुशेष।
जिह्वे पिबस्वामृतमेतदेव गोविन्द दामोदर माधवेति॥Dharabharottaranagopavesha viharalilakritabandhushesha, jihve pibasvamritametadeva govinda damodara madhaveti.
You who took a cowherd’s guise to lift the earth’s burden, and in play made Shesha (Balarama) your brother! O tongue, drink only this nectar: “Govinda, Damodara, Madhava!”
हे पृथ्वी का भार उतारने के लिए ग्वाले का वेश धरने वाले, लीला में शेष (बलराम) को भाई बनाने वाले! हे जिह्वा, बस यही अमृत पी: “गोविंद, दामोदर, माधव!”
-
बकीबकाघासुरधेनुकारे केशीतृणावर्तविघातदक्ष।
जिह्वे पिबस्वामृतमेतदेव गोविन्द दामोदर माधवेति॥Bakibakaghasuradhenukare keshitrinavartavighatadaksha, jihve pibasvamritametadeva govinda damodara madhaveti.
Slayer of Putana, Baka, Agha and Dhenuka, skilled at destroying Keshi and Trinavarta! O tongue, drink only this nectar: “Govinda, Damodara, Madhava!”
हे पूतना, बकासुर, अघासुर और धेनुकासुर के शत्रु, केशी और तृणावर्त को मारने में कुशल! हे जिह्वा, बस यही अमृत पी: “गोविंद, दामोदर, माधव!”
-
श्रीजानकीजीवन रामचन्द्र निशाचरारे भरताग्रजेश।
जिह्वे पिबस्वामृतमेतदेव गोविन्द दामोदर माधवेति॥Shrijanakijivana ramachandra nishacharare bharatagrajesha, jihve pibasvamritametadeva govinda damodara madhaveti.
Life of Janaki, Ramachandra, enemy of the night-roaming demons, Bharata’s elder brother and lord! O tongue, drink only this nectar: “Govinda, Damodara, Madhava!”
हे जानकी के जीवन, रामचंद्र, राक्षसों के शत्रु, भरत के बड़े भाई और स्वामी! हे जिह्वा, बस यही अमृत पी: “गोविंद, दामोदर, माधव!”
-
नारायणानन्त हरे नृसिंह प्रह्लादबाधाहर हे कृपालो।
जिह्वे पिबस्वामृतमेतदेव गोविन्द दामोदर माधवेति॥Narayanananta hare nrisimha prahladabadhahara he kripalo, jihve pibasvamritametadeva govinda damodara madhaveti.
Narayana, endless one, Hari, Narasimha, compassionate one who removed Prahlada’s torment! O tongue, drink only this nectar: “Govinda, Damodara, Madhava!”
हे नारायण, अनंत, हरि, नृसिंह, प्रह्लाद का कष्ट हरने वाले कृपालु! हे जिह्वा, बस यही अमृत पी: “गोविंद, दामोदर, माधव!”
-
लीलामनुष्याकृतिरामरूप प्रतापदासीकृतसर्वभूप।
जिह्वे पिबस्वामृतमेतदेव गोविन्द दामोदर माधवेति॥Lilamanushyakritiramarupa pratapadasikritasarvabhupa, jihve pibasvamritametadeva govinda damodara madhaveti.
You who in play took human form as Rama, and by your might made all kings your servants! O tongue, drink only this nectar: “Govinda, Damodara, Madhava!”
हे लीला से मनुष्य रूप में राम बनने वाले, अपने प्रताप से सब राजाओं को दास बनाने वाले! हे जिह्वा, बस यही अमृत पी: “गोविंद, दामोदर, माधव!”
-
श्रीकृष्ण गोविन्द हरे मुरारे हे नाथ नारायण वासुदेव।
जिह्वे पिबस्वामृतमेतदेव गोविन्द दामोदर माधवेति॥Shrikrishna govinda hare murare he natha narayana vasudeva, jihve pibasvamritametadeva govinda damodara madhaveti.
Shri Krishna, Govinda, Hari, Murari, O Lord, Narayana, Vasudeva! O tongue, drink only this nectar: “Govinda, Damodara, Madhava!”
हे श्रीकृष्ण, गोविंद, हरि, मुरारि, हे नाथ, नारायण, वासुदेव! हे जिह्वा, बस यही अमृत पी: “गोविंद, दामोदर, माधव!”
-
वक्तुं समर्थोऽपि न वक्ति कश्चिदहो जनानां व्यसनाभिमुख्यम्।
जिह्वे पिबस्वामृतमेतदेव गोविन्द दामोदर माधवेति॥Vaktum samarthopi na vakti kashchidaho jananam vyasanabhimukhyam, jihve pibasvamritametadeva govinda damodara madhaveti.
Though able to speak, hardly anyone says it; how people turn toward their own ruin! O tongue, drink only this nectar: “Govinda, Damodara, Madhava!”
बोल सकने पर भी कोई यह नहीं बोलता; अहो, लोग कैसे अपने दुखों की ओर ही मुड़ते हैं! हे जिह्वा, बस यही अमृत पी: “गोविंद, दामोदर, माधव!”