Lalita Pancharatnam

ललिता पञ्चरत्नम्

Stotra · Sanskrit · Lalita · by Adi Shankaracharya

1. प्रातः स्मरामि ललितावदनारविन्दं बिम्बाधरं पृथुलमौक्तिकशोभिनासम्।
   आकर्णदीर्घनयनं मणिकुण्डलाढ्यं मन्दस्मितं मृगमदोज्ज्वलफालदेशम्॥

   Pratah smarami lalitavadanaravindam bimbadharam prithulamauktikashobhinasam, akarnadirghanayanam manikundaladhyam mandasmitam mrigamadojjvalaphaladesham.

   At dawn I remember the lotus face of Lalita: lips red as the bimba fruit, nose bright with a large pearl, eyes stretching to her ears, rich jewelled earrings, a gentle smile, and a forehead glowing with musk.

   प्रातःकाल मैं ललिता देवी के कमल जैसे मुख का स्मरण करता हूँ, जिनके होंठ बिंबफल जैसे लाल हैं, नाक में बड़ा मोती चमकता है, आँखें कानों तक लंबी हैं, कानों में मणि के कुंडल हैं, होंठों पर मंद मुस्कान है और माथा कस्तूरी से दमकता है।

2. प्रातर्भजामि ललिताभुजकल्पवल्लीं रक्ताङ्गुलीयलसदङ्गुलिपल्लवाढ्याम्।
   माणिक्यहेमवलयाङ्गदशोभमानां पुण्ड्रेक्षुचापकुसुमेषुसृणीर्दधानाम्॥

   Pratarbhajami lalitabhujakalpavallim raktanguliyalasadangulipallavadhyam, manikyahemavalayangadashobhamanam pundrekshuchapakusumeshusrinirdadhanam.

   At dawn I worship Lalita’s arms, like wish-fulfilling vines, her tender fingers shining with red rings, adorned with ruby and gold bangles and armlets, holding the sugarcane bow, the flower arrows and the goad.

   प्रातःकाल मैं ललिता देवी की कल्पलता जैसी भुजाओं का भजन करता हूँ, जिनकी कोमल उँगलियों में लाल अँगूठियाँ चमकती हैं, जो माणिक और सोने के कंगन व बाजूबंद से सजी हैं और जो गन्ने का धनुष, फूलों के बाण और अंकुश धारण करती हैं।

3. प्रातर्नमामि ललिताचरणारविन्दं भक्तेष्टदाननिरतं भवसिन्धुपोतम्।
   पद्मासनादिसुरनायकपूजनीयं पद्माङ्कुशध्वजसुदर्शनलाञ्छनाढ्यम्॥

   Pratarnamami lalitacharanaravindam bhakteshtadananiratam bhavasindhupotam, padmasanadisuranayakapujaniyam padmankushadhvajasudarshanalanchhanadhyam.

   At dawn I bow to Lalita’s lotus feet, always ready to grant devotees their wishes, a boat across the ocean of worldly life, worshipped by Brahma and the chiefs of the gods, marked with the lotus, goad, banner and discus.

   प्रातःकाल मैं ललिता देवी के चरण कमलों को नमन करता हूँ, जो भक्तों की इच्छा पूरी करने में लगे रहते हैं, संसार सागर से पार ले जाने वाली नाव हैं, ब्रह्मा आदि देवताओं द्वारा पूजित हैं और कमल, अंकुश, ध्वज और चक्र के चिह्नों से सुशोभित हैं।

4. प्रातः स्तुवे परशिवां ललितां भवानीं त्रय्यन्तवेद्यविभवां करुणानवद्याम्।
   विश्वस्य सृष्टिविलयस्थितिहेतुभूतां विद्येश्वरीं निगमवाङ्मनसातिदूराम्॥

   Pratah stuve parashivam lalitam bhavanim trayyantavedyavibhavam karunanavadyam, vishvasya srishtivilayasthitihetubhutam vidyeshvarim nigamavanmanasatiduram.

   At dawn I praise Lalita Bhavani, the supreme power of Shiva, whose glory is known through the Upanishads, flawless in compassion, the cause of the world’s creation, preservation and dissolution, queen of all knowledge, far beyond scripture, speech and mind.

   प्रातःकाल मैं परम शिवा ललिता भवानी की स्तुति करता हूँ, जिनकी महिमा उपनिषदों से जानी जाती है, जो करुणा से निर्मल हैं, जो संसार की सृष्टि, पालन और संहार का कारण हैं, विद्या की स्वामिनी हैं और वेद, वाणी और मन की पहुँच से बहुत दूर हैं।

5. प्रातर्वदामि ललिते तव पुण्यनाम कामेश्वरीति कमलेति महेश्वरीति।
   श्रीशाम्भवीति जगतां जननी परेति वाग्देवतेति वचसा त्रिपुरेश्वरीति॥

   Pratarvadami lalite tava punyanama kameshvariti kamaleti maheshvariti, shrishambhaviti jagatam janani pareti vagdevateti vachasa tripureshvariti.

   At dawn, O Lalita, I speak your holy names aloud: Kameshvari, Kamala, Maheshvari, Shambhavi, Mother of the worlds, the Supreme, Goddess of speech, and Tripureshvari.

   हे ललिता, प्रातःकाल मैं अपनी वाणी से आपके पवित्र नाम लेता हूँ: कामेश्वरी, कमला, महेश्वरी, शांभवी, जगत की जननी, परा, वाग्देवी और त्रिपुरेश्वरी।

6. यः श्लोकपञ्चकमिदं ललिताम्बिकायाः सौभाग्यदं सुललितं पठति प्रभाते।
   तस्मै ददाति ललिता झटिति प्रसन्ना विद्यां श्रियं विमलसौख्यमनन्तकीर्तिम्॥

   Yah shlokapanchakamidam lalitambikayah saubhagyadam sulalitam pathati prabhate, tasmai dadati lalita jhatiti prasanna vidyam shriyam vimalasaukhyamanantakirtim.

   Whoever recites these five lovely verses to Mother Lalita at dawn, which bring good fortune, Lalita is quickly pleased with them and gives them knowledge, wealth, pure happiness and endless fame.

   जो व्यक्ति प्रातःकाल ललिता माँ के इन सौभाग्य देने वाले, सुंदर पाँच श्लोकों का पाठ करता है, ललिता देवी शीघ्र प्रसन्न होकर उसे विद्या, लक्ष्मी, निर्मल सुख और अनंत कीर्ति देती हैं।