Narayaneeyam: Dashakam 13
नारायणीयम् · दशक 13
-
हिरण्याक्षं तावद्वरद भवदन्वेषणपरं चरन्तं सांवर्ते पयसि निजजङ्घापरिमिते।
भवद्भक्तो गत्वा कपटपटुधीर्नारदमुनिः शनैरूचे नन्दन् दनुजमपि निन्दंस्तव बलम्॥Hiranyaksham tavadvarada bhavadanveshanaparam charantam samvarte payasi nijajanghaparimite, bhavadbhakto gatva kapatapatudhirnaradamunih shanairuche nandan danujamapi nindamstava balam.
O giver of boons, as Hiranyaksha roamed searching for you through the waters of the deluge, which reached only his knees, your devotee Narada, clever at pretence, went and quietly spoke to him, flattering the demon while belittling your strength.
हे वरदाता, जब हिरण्याक्ष प्रलय के जल में, जो उसके घुटनों तक ही था, तुम्हें ढूँढता घूम रहा था, तब तुम्हारे भक्त, चतुर नारद मुनि ने जाकर धीरे से उससे बात की, दैत्य की प्रशंसा की और तुम्हारे बल की निंदा की।
-
स मायावी विष्णुर्हरति भवदीयां वसुमतीं प्रभो कष्टं कष्टं किमिदमिति तेनाभिगदितः।
नदन् क्वासौ क्वासाविति स मुनिना दर्शितपथो भवन्तं सम्प्रापद्धरणिधरमुद्यन्तमुदकात्॥Sa mayavi vishnurharati bhavadiyam vasumatim prabho kashtam kashtam kimidamiti tenabhigaditah, nadan kvasau kvasaviti sa munina darshitapatho bhavantam samprapaddharanidharamudyantamudakat.
“That trickster Vishnu is carrying off your earth, my lord. What a shame, what a shame!” At these words the demon roared, “Where is he? Where is he?” and, shown the way by the sage, came upon you as you lifted the earth from the water.
“प्रभु, वह मायावी विष्णु तुम्हारी पृथ्वी ले जा रहा है। हाय, हाय, यह क्या!” यह सुनकर दैत्य गरजा, “कहाँ है वह? कहाँ है?” और मुनि के दिखाए रास्ते से वह तुम्हारे पास पहुँचा, जब तुम पृथ्वी को जल से ऊपर उठा रहे थे।
-
अहो आरण्योऽयं मृग इति हसन्तं बहुतरैर्दुरुक्तैर्विध्यन्तं दितिसुतमवज्ञाय भगवन्।
महीं दृष्ट्वा दंष्ट्राशिरसि चकितां स्वेन महसा पयोधावाधाय प्रसभमुदयुङ्क्था मृधविधौ॥Aho aranyoyam mriga iti hasantam bahutarairduruktairvidhyantam ditisutamavajnaya bhagavan, mahim drishtva damshtrashirasi chakitam svena mahasa payodhavadhaya prasabhamudayunktha mridhavidhau.
“Ha, a wild beast!” he laughed, piercing you with insults. Ignoring Diti’s son, Lord, you saw the earth trembling on the tip of your tusk, set it firmly on the ocean by your own power, and then turned to battle.
“अहा, यह तो जंगली पशु है!” कहकर वह हँसा और तरह-तरह की कटु बातों से तुम्हें बींधने लगा। हे भगवन, दिति के उस पुत्र की उपेक्षा करके तुमने दाँत की नोक पर काँपती पृथ्वी को देखा, उसे अपने तेज से समुद्र पर टिका दिया, और फिर युद्ध के लिए तैयार हुए।
-
गदापाणौ दैत्ये त्वमपि हि गृहीतोन्नतगदो नियुद्धेन क्रीडन्घटघटरवोद्घुष्टवियता।
रणालोकौत्सुक्यान्मिलति सुरसङ्घे द्रुतममुं निरुन्ध्याः सन्ध्यातः प्रथममिति धात्रा जगदिषे॥Gadapanau daitye tvamapi hi grihitonnatagado niyuddhena kridanghataghataravodghushtaviyata, ranalokautsukyanmilati surasanghe drutamamum nirundhyah sandhyatah prathamamiti dhatra jagadishe.
When the demon took up his mace, you too raised a mighty mace and sported in combat, the sky ringing with the clash of blows. As the gods gathered eager to watch, Brahma said to you, “Kill him quickly, before twilight.”
जब दैत्य ने गदा उठाई, तो तुमने भी विशाल गदा उठाई और युद्ध का खेल खेलने लगे, जिसकी टकराहट से आकाश गूँज उठा। जब युद्ध देखने को उत्सुक देवता इकट्ठे हुए, तब ब्रह्मा ने तुमसे कहा, “इसे संध्या से पहले जल्दी मार दो।”
-
गदोन्मर्दे तस्मिंस्तव खलु गदायां दितिभुवो गदाघाताद्भूमौ झटिति पतितायामहह ! भोः !।
मृदुस्मेरास्यस्त्वं दनुजकुलनिर्मूलनचणं महाचक्रं स्मृत्वा करभुवि दधानो रुरुचिषे॥Gadonmarde tasmimstava khalu gadayam ditibhuvo gadaghatadbhumau jhatiti patitayamahaha ! Bhoh !, mridusmerasyastvam danujakulanirmulanachanam mahachakram smritva karabhuvi dadhano ruruchishe.
In that clash of maces, when the demon’s blow knocked your mace to the ground, ah! you smiled gently, called to mind your great discus, so skilled at uprooting the demon race, and shone holding it in your hand.
उस गदा-युद्ध में जब दैत्य के प्रहार से तुम्हारी गदा झट से ज़मीन पर गिर पड़ी, अहो! तब तुमने मंद मुस्कान के साथ दैत्य-कुल का नाश करने में निपुण अपने महाचक्र को याद किया और उसे हाथ में लेकर चमक उठे।
-
ततः शूलं कालप्रतिमरुषि दैत्ये विसृजति त्वयि छिन्दत्येनत्करकलितचक्रप्रहरणात्।
समारुष्टो मुष्ट्या स खलु वितुदंस्त्वां समतनोत् गलन्माये मायास्त्वयि किल जगन्मोहनकरीः॥Tatah shulam kalapratimarushi daitye visrijati tvayi chhindatyenatkarakalitachakrapraharanat, samarushto mushtya sa khalu vitudamstvam samatanot galanmaye mayastvayi kila jaganmohanakarih.
Then the demon, furious as Death, hurled a trident, and you cut it down with the discus in your hand. Enraged, he struck you with his fist, and then cast world-bewildering illusions at you, in whom all illusion melts away.
फिर काल जैसे क्रुद्ध दैत्य ने त्रिशूल फेंका, और तुमने हाथ के चक्र से उसे काट दिया। तब गुस्से में उसने मुक्के से तुम पर वार किया, और जिनमें सारी माया गल जाती है, उन तुम पर संसार को मोहने वाली मायाएँ चलाईं।
-
भवच्चक्रज्योतिष्कणलवनिपातेन विधुते ततो मायाचक्रे विततघनरोषान्धमनसम्।
गरिष्ठाभिर्मुष्टिप्रहृतिभिरभिघ्नन्तमसुरं स्वपादाङ्गुष्ठेन श्रवणपदमूले निरवधीः॥Bhavachchakrajyotishkanalavanipatena vidhute tato mayachakre vitataghanaroshandhamanasam, garishthabhirmushtiprahritibhirabhighnantamasuram svapadangushthena shravanapadamule niravadhih.
When that web of illusion was scattered by a single spark from your discus, the demon, blinded by swelling rage, kept pounding you with heavy blows of his fists; and you killed him with your big toe at the root of his ear.
जब तुम्हारे चक्र की एक चिंगारी से वह माया-जाल बिखर गया, तब बढ़ते क्रोध से अंधा हुआ दैत्य भारी मुक्कों से तुम पर वार करता रहा; और तुमने अपने पैर के अँगूठे से उसके कान की जड़ पर प्रहार करके उसे मार डाला।
-
महाकायस्सोऽयं तव करसरोजप्रमथितो गलद्रक्तो वक्त्रादपतदृषिभिः श्लाघितहतिः।
तदा त्वामुद्दामप्रमदभरविद्योतिहृदया मुनीन्द्रास्सान्द्राभिः स्तुतिभिरनुवन्नध्वरतनुम्॥Mahakayassoyam tava karasarojapramathito galadrakto vaktradapatadrishibhih shlaghitahatih, tada tvamuddamapramadabharavidyotihridaya munindrassandrabhih stutibhiranuvannadhvaratanum.
That giant, struck down by your lotus hand, fell with blood streaming from his mouth, and the sages praised his slaying. Then the great sages, their hearts glowing with overflowing joy, extolled you, whose very body is the sacrifice, in rich hymns.
तुम्हारे कर-कमल से मारा गया वह विशालकाय दैत्य मुँह से खून बहाता हुआ गिर पड़ा, और ऋषियों ने उसके वध की प्रशंसा की। तब उमड़ते आनंद से जगमगाते हृदय वाले मुनिश्रेष्ठों ने यज्ञ-स्वरूप तुम्हारी भरपूर स्तुति की।
-
त्वचि च्छन्दो रोमस्वपि कुशगणश्चक्षुषि घृतं चतुर्होतारोऽङ्घ्रौ स्रुगपि वदने चोदर इडा।
ग्रहा जिह्वायां ते परपुरुष कर्णे च चमसा विभो सोमो वीर्यं वरद गलदेशेऽप्युपसदः॥Tvachi chchhando romasvapi kushaganashchakshushi ghritam chaturhotaronghrau srugapi vadane chodara ida, graha jihvayam te parapurusha karne cha chamasa vibho somo viryam varada galadeshepyupasadah.
“In your skin are the Vedic metres, in your bristles the sacred kusha grass, in your eyes the ghee, in your feet the four priests, in your mouth the ladle, in your belly the offering vessel, on your tongue the soma cups, in your ears the drinking bowls, O Supreme Person; your vigour is the soma, and in your neck are the upasad rites.”
“हे परमपुरुष, तुम्हारी त्वचा में वैदिक छंद हैं, रोमों में कुश, आँखों में घी, चरणों में चारों होता, मुख में स्रुवा, पेट में इडा पात्र, जीभ में सोम के ग्रह-पात्र, कानों में चमस हैं; हे विभु, तुम्हारा वीर्य सोम है और गले में उपसद यज्ञ हैं।”
-
मुनीन्द्रैरित्यादिस्तवनमुखरैर्मोदितमना महीयस्या मूर्त्या विमलतरकीर्त्या च विलसन्।
स्वधिष्ण्यं सम्प्राप्तः सुखरसविहारी मधुरिपो निरुन्ध्या रोगं मे सकलमपि वातालयपते॥Munindrairityadistavanamukharairmoditamana mahiyasya murtya vimalatarakirtya cha vilasan, svadhishnyam sampraptah sukharasavihari madhuripo nirundhya rogam me sakalamapi vatalayapate.
Delighted by these and other hymns of the sages, shining in your majestic form and spotless fame, you returned to your own abode, rejoicing in bliss. O enemy of Madhu, Lord of Guruvayur, put an end to all my illness.
मुनियों की ऐसी स्तुतियों से प्रसन्न होकर, अपने महान रूप और निर्मल कीर्ति से शोभित होकर तुम आनंद में विहार करते हुए अपने धाम लौट गए। हे मधुसूदन, हे गुरुवायूर के स्वामी, मेरे सारे रोग दूर कर दो।