Narayaneeyam: Dashakam 2

नारायणीयम् · दशक 2

Stotra · Sanskrit · Krishna · by Melpathur Narayana Bhattathiri

1. सूर्यस्पर्धिकिरीटमूर्ध्वतिलकप्रोद्भासिफालान्तरं कारुण्याकुलनेत्रमार्द्रहसितोल्लासं सुनासापुटम्।
   गण्डोद्यन्मकराभकुण्डलयुगं कण्ठोज्ज्वलत्कौस्तुभं त्वद्रूपं वनमाल्यहारपटलश्रीवत्सदीप्रं भजे॥

   Suryaspardhikiritamurdhvatilakaprodbhasiphalantaram karunyakulanetramardrahasitollasam sunasaputam, gandodyanmakarabhakundalayugam kanthojjvalatkaustubham tvadrupam vanamalyaharapatalashrivatsadipram bhaje.

   I worship your form: a crown that rivals the sun, a forehead bright with an upright tilak, eyes full of compassion, a soft and tender smile, a fine nose, makara-shaped earrings glowing on your cheeks, the Kaustubha gem shining at your throat, radiant with forest garlands, necklaces and the Shrivatsa mark.

   मैं तुम्हारे रूप को भजता हूँ: सूर्य से होड़ लेता मुकुट, ऊर्ध्व तिलक से चमकता माथा, करुणा से भरे नेत्र, कोमल मधुर मुस्कान, सुंदर नासिका, गालों पर चमकते मकर-कुंडल, गले में दमकता कौस्तुभ मणि, और वनमाला, हारों तथा श्रीवत्स से जगमगाता शरीर।

2. केयूराङ्गदकङ्कणोत्तममहारत्नाङ्गुलीयाङ्कितश्रीमद्बाहुचतुष्कसङ्गतगदाशङ्खारिपङ्केरुहाम्।
   काञ्चित्काञ्चनकाञ्चिलाञ्छितलसत्पीताम्बरालम्बिनीमालम्बे विमलाम्बुजद्युतिपदां मूर्तिं तवार्तिच्छिदम्॥

   Keyurangadakankanottamamaharatnanguliyankitashrimadbahuchatushkasangatagadashankharipankeruham, kanchitkanchanakanchilanchhitalasatpitambaralambinimalambe vimalambujadyutipadam murtim tavartichchhidam.

   I cling to your form that cuts away all suffering: four splendid arms adorned with armlets, bracelets and jewelled rings, holding the mace, conch, discus and lotus; a gleaming yellow silk robe bound with a golden girdle; and feet glowing like a spotless lotus.

   मैं तुम्हारे दुख काटने वाले रूप का सहारा लेता हूँ: बाजूबंद, कंगन और रत्नजड़ित अँगूठियों से सजी चार सुंदर भुजाएँ, जिनमें गदा, शंख, चक्र और कमल हैं; सोने की करधनी से बँधा चमकता पीतांबर; और निर्मल कमल जैसी आभा वाले चरण।

3. यत्त्रैलोक्यमहीयसोऽपि महितं सम्मोहनं मोहनात् कान्तं कान्तिनिधानतोऽपि मधुरं माधुर्यधुर्यादपि।
   सौन्दर्योत्तरतोऽपि सुन्दरतरं त्वद्रूपमाश्चर्यतोऽप्याश्चर्यं भुवने न कस्य कुतुकं पुष्णाति विष्णो विभो॥

   Yattrailokyamahiyasopi mahitam sammohanam mohanat kantam kantinidhanatopi madhuram madhuryadhuryadapi, saundaryottaratopi sundarataram tvadrupamashcharyatopyashcharyam bhuvane na kasya kutukam pushnati vishno vibho.

   Your form is more glorious than the greatest in the three worlds, more enchanting than enchantment, lovelier than the treasury of loveliness, sweeter than sweetness itself, more beautiful than the most beautiful and more wondrous than wonder. Vishnu, all-pervading Lord, whose longing does it not stir?

   तुम्हारा रूप तीनों लोकों में सबसे महान से भी महान है, मोहक से भी मोहक, सुंदरता के भंडार से भी सुंदर, मधुरता से भी मधुर, सबसे सुंदर से भी सुंदर और आश्चर्य से भी अद्भुत है। हे विष्णु, हे विभु, संसार में किसके मन में यह उत्सुकता नहीं जगाता?

4. तत्तादृङ्मधुरात्मकं तव वपुः सम्प्राप्य सम्पन्मयी सा देवी परमोत्सुका चिरतरं नाऽस्ते स्वभक्तेष्वपि।
   तेनास्या बत कष्टमच्युत विभो त्वद्रूपमानोज्ञकप्रेमस्थैर्यमयादचापलबलाच्चापल्यवार्तोदभूत्॥

   Tattadrinmadhuratmakam tava vapuh samprapya sampanmayi sa devi paramotsuka chirataram naste svabhakteshvapi, tenasya bata kashtamachyuta vibho tvadrupamanojnakapremasthairyamayadachapalabalachchapalyavartodabhut.

   Having won your so sweet form, Lakshmi, goddess of fortune, longs for you so intensely that she never stays long even with her own devotees. And so, alas, Achyuta, her steady love for your charming form earned her the name of being fickle.

   तुम्हारे ऐसे मधुर रूप को पाकर संपत्ति की देवी लक्ष्मी इतनी उत्सुक रहती हैं कि अपने भक्तों के पास भी देर तक नहीं टिकतीं। इसलिए हाय, हे अच्युत, तुम्हारे मनोहर रूप के प्रति उनके अटल प्रेम से ही उन्हें चंचल होने की बदनामी मिली।

5. लक्ष्मीस्तावकरामणीयकहृतैवेयं परेष्वस्थिरेत्यस्मिन्नन्यदपि प्रमाणमधुना वक्ष्यामि लक्ष्मीपते।
   ये त्वद्ध्यानगुणानुकीर्तनरसासक्ता हि भक्ता जनास्तेष्वेषा वसति स्थिरैव दयितप्रस्तावदत्तादरा॥

   Lakshmistavakaramaniyakahritaiveyam pareshvasthiretyasminnanyadapi pramanamadhuna vakshyami lakshmipate, ye tvaddhyanagunanukirtanarasasakta hi bhakta janasteshvesha vasati sthiraiva dayitaprastavadattadara.

   That Lakshmi is unsteady with others only because your beauty has stolen her heart, let me prove another way, Lord of Lakshmi: with devotees who delight in meditating on you and singing your virtues, she stays put, honouring them because they speak of her beloved.

   हे लक्ष्मीपति, लक्ष्मी दूसरों के पास इसलिए नहीं टिकतीं क्योंकि तुम्हारी सुंदरता ने उनका मन हर लिया है, इसका एक और प्रमाण देता हूँ: जो भक्त तुम्हारे ध्यान और गुण-कीर्तन के रस में डूबे रहते हैं, उनके पास वे स्थिर रहती हैं, क्योंकि वे उनके प्रियतम की बात करते हैं।

6. एवम्भूतमनोज्ञतानवसुधानिष्यन्दसन्दोहनं त्वद्रूपं परचिद्रसायनमयं चेतोहरं शृण्वताम्।
   सद्यः प्रेरयते मतिं मदयते रोमाञ्चयत्यङ्गकं व्यासिञ्चत्यपि शीतबाष्पविसरैरानन्दमूर्च्छोद्भवैः॥

   Evambhutamanojnatanavasudhanishyandasandohanam tvadrupam parachidrasayanamayam chetoharam shrinvatam, sadyah prerayate matim madayate romanchayatyangakam vyasinchatyapi shitabashpavisarairanandamurchchhodbhavaih.

   Your form, pouring out ever-fresh nectar of charm, the elixir of supreme consciousness, steals the heart. For those who merely hear of it, it at once stirs the mind, intoxicates it, makes the body thrill, and bathes it in cool tears born of a swoon of bliss.

   ऐसी मनोहरता के नए-नए अमृत की धारा बहाने वाला, परम चेतना का रसायन, तुम्हारा मनहर रूप सुनने वालों की बुद्धि को तुरंत प्रेरित करता है, मतवाला बनाता है, शरीर को रोमांचित करता है, और आनंद की मूर्छा से उपजे ठंडे आँसुओं से भिगो देता है।

7. एवम्भूततया हि भक्त्यभिहितो योगः स योगद्वयात् कर्मज्ञानमयाद्भृशोत्तमतरो योगीश्वरैर्गीयते।
   सौन्दर्यैकरसात्मके त्वयि खलु प्रेमप्रकर्षात्मिका भक्तिर्निश्रममेव विश्वपुरुषैर्लभ्या रमावल्लभ॥

   Evambhutataya hi bhaktyabhihito yogah sa yogadvayat karmajnanamayadbhrishottamataro yogishvarairgiyate, saundaryaikarasatmake tvayi khalu premaprakarshatmika bhaktirnishramameva vishvapurushairlabhya ramavallabha.

   That is why the masters of yoga declare the yoga of devotion far higher than the two paths of action and knowledge. Devotion, which is the height of love for you, who are beauty itself, can be reached by everyone without strain, beloved of Lakshmi.

   इसीलिए योगीश्वर गाते हैं कि भक्ति-योग कर्म और ज्ञान के दोनों योगों से कहीं श्रेष्ठ है। हे रमावल्लभ, सुंदरता के रस-स्वरूप तुममें प्रेम की पराकाष्ठा वाली भक्ति सब लोगों को बिना श्रम के मिल सकती है।

8. निष्कामं नियतस्वधर्मचरणं यत्कर्मयोगाभिधं तद्दूरेत्यफलं यदौपनिषदज्ञानोपलभ्यं पुनः।
   तत्त्वव्यक्ततया सुदुर्गमतरं चित्तस्य तस्माद्विभो त्वत्प्रेमात्मकभक्तिरेव सततं स्वादीयसी श्रेयसी॥

   Nishkamam niyatasvadharmacharanam yatkarmayogabhidham tadduretyaphalam yadaupanishadajnanopalabhyam punah, tattvavyaktataya sudurgamataram chittasya tasmadvibho tvatprematmakabhaktireva satatam svadiyasi shreyasi.

   The yoga of action, doing one’s own duty without desire, bears fruit only far off; and the knowledge taught by the Upanishads is very hard for the mind to grasp, since its truth is unseen. So, Lord, devotion that is love for you is always sweeter and better.

   निष्काम भाव से अपना धर्म निभाना, जिसे कर्मयोग कहते हैं, उसका फल बहुत दूर है; और उपनिषदों के ज्ञान से मिलने वाला तत्त्व अव्यक्त होने के कारण मन के लिए अत्यंत कठिन है। इसलिए हे विभु, तुम्हारे प्रेम वाली भक्ति ही सदा अधिक मधुर और श्रेष्ठ है।

9. अत्यायासकराणि कर्मपटलान्याचर्य निर्यन्मलाः बोधे भक्तिपथेऽथवाप्युचिततामायान्ति किं तावता।
   क्लिष्ट्वा तर्कपथे परं तव वपुर्ब्रह्माख्यमन्ये पुनश्चित्तार्द्रत्वमृते विचिन्त्य बहुभिः सिध्यन्ति जन्मान्तरैः॥

   Atyayasakarani karmapatalanyacharya niryanmalah bodhe bhaktipathethavapyuchitatamayanti kim tavata, klishtva tarkapathe param tava vapurbrahmakhyamanye punashchittardratvamrite vichintya bahubhih sidhyanti janmantaraih.

   After performing heaps of exhausting rituals, people are cleansed and become fit for knowledge or devotion, but what of it? Others toil on the path of reasoning to contemplate your supreme form called Brahman, and without a melted heart they succeed only after many births.

   बहुत थकाने वाले कर्मकांड करके लोगों का मैल धुलता है और वे ज्ञान या भक्ति के योग्य बनते हैं, पर उससे क्या? दूसरे तर्क के रास्ते पर कष्ट उठाकर ब्रह्म कहलाने वाले तुम्हारे परम रूप का चिंतन करते हैं, और हृदय पिघले बिना बहुत जन्मों बाद सिद्ध होते हैं।

10. त्वद्भक्तिस्तु कथारसामृतझरीनिर्मज्जनेन स्वयं सिध्यन्ती विमलप्रबोधपदवीमक्लेशतस्तन्वती।
    सद्यः सिद्धिकरी जयत्ययि विभो सैवास्तु मे त्वत्पदप्रेमप्रौढिरसार्द्रता द्रुततरं वातालयाधीश्वर॥

    Tvadbhaktistu katharasamritajharinirmajjanena svayam sidhyanti vimalaprabodhapadavimakleshatastanvati, sadyah siddhikari jayatyayi vibho saivastu me tvatpadapremapraudhirasardrata drutataram vatalayadhishvara.

    But devotion to you perfects itself by bathing in streams of nectar from your stories, effortlessly opens the way to pure knowledge, and brings fulfilment at once. Victory to it, Lord! Lord of Guruvayur, may that very devotion, the melting rapture of mature love for your feet, come to me quickly.

    पर तुम्हारी भक्ति तुम्हारी कथाओं के अमृत-झरनों में नहाकर अपने आप सिद्ध होती है, बिना कष्ट के निर्मल ज्ञान का रास्ता खोलती है और तुरंत सिद्धि देती है। हे विभु, उसकी जय हो! हे गुरुवायूर के स्वामी, तुम्हारे चरणों के गहरे प्रेम-रस से भीगी वही भक्ति मुझे जल्दी मिले।