Narayaneeyam: Dashakam 37

नारायणीयम् · दशक 37

Stotra · Sanskrit · Krishna · by Melpathur Narayana Bhattathiri

1. सान्द्रानन्दतनो हरे ननु पुरा दैवासुरे सङ्गरे त्वत्कृत्ता अपि कर्मशेषवशतो ये ते न याता गतिम्।
   तेषां भूतलजन्मनां दितिभुवां भारेण दूरार्दिता भूमिः प्राप विरिञ्चमाश्रितपदं देवैः पुरैवागतैः॥

   Sandranandatano hare nanu pura daivasure sangare tvatkritta api karmasheshavashato ye te na yata gatim, tesham bhutalajanmanam ditibhuvam bharena durardita bhumih prapa virinchamashritapadam devaih puraivagataih.

   Hari, whose body is pure bliss: the demons you slew long ago in the war of gods and demons, who had not reached liberation because of their remaining karma, were born on earth. Weighed down by them, the Earth, deeply troubled, went to Brahma, where the gods had already come for refuge.

   हे सघन आनंदस्वरूप हरि, पहले देवासुर संग्राम में आपके हाथों मारे गए जो असुर बचे हुए कर्मों के कारण मुक्ति नहीं पा सके थे, वे धरती पर जन्मे। उनके बोझ से बहुत पीड़ित पृथ्वी ब्रह्मा के पास गई, जहाँ देवता पहले से शरण लेने आए थे।

2. हा हा दुर्जनभूरिभारमथितां पाथोनिधौ पातुकामेतां पालय हन्त मे विवशतां संपृच्छ देवानिमान्।
   इत्यादिप्रचुरप्रलापविवशामालोक्य धाता महीं देवानां वदनानि वीक्ष्य परितो दध्यौ भवन्तं हरे॥

   Ha ha durjanabhuribharamathitam pathonidhau patukametam palaya hanta me vivashatam samprichchha devaniman, ityadiprachurapralapavivashamalokya dhata mahim devanam vadanani vikshya parito dadhyau bhavantam hare.

   ‘Alas, crushed by the heavy load of the wicked, I am about to sink into the ocean; save me! Ask these gods how helpless I am.’ Seeing the Earth helpless with such laments, Brahma looked at the faces of the gods around him and meditated on you, Hari.

   ‘हाय, दुष्टों के भारी बोझ से कुचली मैं सागर में डूबने वाली हूँ; मेरी रक्षा करो! इन देवताओं से पूछो मैं कितनी विवश हूँ।’ ऐसे बहुत विलाप करती पृथ्वी को देखकर ब्रह्मा ने चारों ओर देवताओं के मुख देखे और हे हरि, आपका ध्यान किया।

3. ऊचे चाम्बुजभूरमूनयि सुराः सत्यं धरित्र्या वचो नन्वस्या भवतां च रक्षणविधौ दक्षो हि लक्ष्मीपतिः।
   सर्वे शर्वपुरस्सरा वयमितो गत्वा पयोवारिधिं नत्वा तं स्तुमहे जवादिति ययुः साकं तवाकेतनम्॥

   Uche chambujabhuramunayi surah satyam dharitrya vacho nanvasya bhavatam cha rakshanavidhau daksho hi lakshmipatih, sarve sharvapurassara vayamito gatva payovaridhim natva tam stumahe javaditi yayuh sakam tavaketanam.

   Brahma said: ‘Gods, what the Earth says is true, and the lord of Lakshmi is the one able to protect her and you. Let all of us, with Shiva leading, go to the ocean of milk, bow to him and quickly sing his praise.’ So they went together to your abode.

   कमल से जन्मे ब्रह्मा ने कहा: ‘हे देवताओ, पृथ्वी की बात सच है, और उसकी तथा आपकी रक्षा करने में लक्ष्मीपति ही समर्थ हैं। शिव को आगे करके हम सब यहाँ से क्षीरसागर चलें, उन्हें प्रणाम करें और जल्दी उनकी स्तुति करें।’ ऐसा कहकर सब साथ मिलकर आपके धाम गए।

4. ते मुग्धानिलशालिदुग्धजलधेस्तीरं गताः सङ्गता यावत्त्वत्पदचिन्तनैकमनसस्तावत्स पाथोजभूः।
   त्वद्वाचं हृदये निशम्य सकलानानन्दयन्नूचिवानाख्यातः परमात्मना स्वयमहं वाक्यं तदाकर्ण्यताम्॥

   Te mugdhanilashalidugdhajaladhestiram gatah sangata yavattvatpadachintanaikamanasastavatsa pathojabhuh, tvadvacham hridaye nishamya sakalananandayannuchivanakhyatah paramatmana svayamaham vakyam tadakarnyatam.

   When they reached the shore of the milk ocean, with its gentle breeze, and gathered there, minds fixed only on your feet, Brahma heard your words in his heart and, delighting them all, said: ‘The Supreme Self himself has spoken to me; hear his words.’

   जब वे मनोहर हवा वाले क्षीरसागर के तट पर पहुँचकर एकत्र हुए और उनका मन केवल आपके चरणों के ध्यान में लगा था, तब ब्रह्मा ने हृदय में आपकी वाणी सुनी और सबको प्रसन्न करते हुए कहा: ‘स्वयं परमात्मा ने मुझसे कहा है, वह वचन सुनो।’

5. जाने दीनदशामहं दिविषदां भूमेश्च भीमैर्नृपैस्तत्क्षेपाय भवामि यादवकुले सोऽहं समग्रात्मना।
   देवा वृष्णिकुले भवन्तु कलया देवाङ्गनाश्चावनौ मत्सेवार्थमिति त्वदीयवचनं पाथोजभूरूचिवान्॥

   Jane dinadashamaham divishadam bhumeshcha bhimairnripaistatkshepaya bhavami yadavakule soham samagratmana, deva vrishnikule bhavantu kalaya devanganashchavanau matsevarthamiti tvadiyavachanam pathojabhuruchivan.

   ‘I know the miserable state of the gods, and of the Earth under cruel kings. To end it I myself will be born, in my fullness, in the Yadava clan. Let the gods be born with a portion of themselves in the Vrishni clan, and the celestial women on earth, to serve me.’ These were your words, as Brahma told them.

   ‘मैं देवताओं की और भयंकर राजाओं से पीड़ित पृथ्वी की दयनीय दशा जानता हूँ। उसे मिटाने के लिए मैं स्वयं पूर्ण रूप से यदुकुल में जन्म लूँगा। देवता अपने अंश से वृष्णिकुल में जन्म लें, और देवांगनाएँ मेरी सेवा के लिए धरती पर जन्में।’ ब्रह्मा ने आपके ये वचन सुनाए।

6. श्रुत्वा कर्णरसायनं तव वचः सर्वेषु निर्वापितस्वान्तेष्वीश गतेषु तावककृपापीयूषतृप्तात्मसु।
   विख्याते मथुरापुरे किल भवत्सान्निध्यपुण्योत्तरे धन्यां देवकनन्दनामुदवहद्राजा स शूरात्मजः॥

   Shrutva karnarasayanam tava vachah sarveshu nirvapitasvanteshvisha gateshu tavakakripapiyushatriptatmasu, vikhyate mathurapure kila bhavatsannidhyapunyottare dhanyam devakanandanamudavahadraja sa shuratmajah.

   Hearing your words, so sweet to the ear, they all departed with peaceful hearts, Lord, filled with the nectar of your grace. Then in the famous city of Mathura, made holier by your coming presence, King Vasudeva, son of Shura, married the blessed Devaki, daughter of Devaka.

   हे ईश, कानों को अमृत जैसे आपके वचन सुनकर सब शांत मन से और आपकी कृपा के अमृत से तृप्त होकर लौट गए। फिर आपके सान्निध्य से और भी पवित्र प्रसिद्ध मथुरा नगरी में शूर के पुत्र राजा वसुदेव ने देवक की सौभाग्यशाली पुत्री देवकी से विवाह किया।

7. उद्वाहावसितौ तदीयसहजः कंसोऽथ सम्मानयन्नेतौ सूततया गतः पथि रथे व्योमोत्थया त्वद्गिरा।
   अस्यास्त्वामतिदुष्टमष्टमसुतो हन्तेति हन्तेरितः सन्त्रासात्स तु हन्तुमन्तिकगतां तन्वीं कृपाणीमधात्॥

   Udvahavasitau tadiyasahajah kamsotha sammanayannetau sutataya gatah pathi rathe vyomotthaya tvadgira, asyastvamatidushtamashtamasuto hanteti hanteritah santrasatsa tu hantumantikagatam tanvim kripanimadhat.

   After the wedding, her brother Kamsa, to honour the couple, drove their chariot. On the way your voice rang from the sky: ‘Her eighth son will kill you, wicked one.’ Terrified, he drew a sharp sword to kill the slender bride beside him.

   विवाह के बाद देवकी का भाई कंस उनका सम्मान करते हुए सारथी बनकर रथ चला रहा था। रास्ते में आकाश से आपकी वाणी हुई: ‘हे दुष्ट, इसका आठवाँ पुत्र तुझे मारेगा।’ यह सुनकर डर से उसने पास बैठी कोमल देवकी को मारने के लिए तेज़ तलवार निकाल ली।

8. गृह्णानश्चिकुरेषु तां खलमतिः शौरेश्चिरं सान्त्वनैर्नो मुञ्चन्पुनरात्मजार्पणगिरा प्रीतोऽथ यातो गृहान्।
   आद्यं त्वत्सहजं तथार्पितमपि स्नेहेन नाहन्नसौ दुष्टानामपि देव पुष्टकरुणा दृष्टा हि धीरेकदा॥

   Grihnanashchikureshu tam khalamatih shaureshchiram santvanairno munchanpunaratmajarpanagira pritotha yato grihan, adyam tvatsahajam tatharpitamapi snehena nahannasau dushtanamapi deva pushtakaruna drishta hi dhirekada.

   The wicked one seized her by the hair and would not let go despite Vasudeva’s long pleading; only when promised their sons did he relent and go home. Even your first-born brother, when handed over, he spared out of affection. Even in the wicked, Lord, a kind thought sometimes appears.

   उस दुष्ट ने उसके बाल पकड़ लिए और वसुदेव के बहुत समझाने पर भी नहीं छोड़ा; पुत्रों को सौंपने का वचन मिलने पर ही प्रसन्न होकर घर गया। आपके पहले भाई को सौंपे जाने पर भी उसने स्नेह से नहीं मारा। हे देव, दुष्टों में भी कभी-कभी दया का भाव दिखता है।

9. तावत्त्वन्मनसैव नारदमुनिः प्रोचे स भोजेश्वरं यूयं नन्वसुराः सुराश्च यदवो जानासि किं न प्रभो।
   मायावी स हरिर्भवद्वधकृते भावी सुरप्रार्थनादित्याकर्ण्य यदूनदूधुनदसौ शौरेश्च सूनूनहन्॥

   Tavattvanmanasaiva naradamunih proche sa bhojeshvaram yuyam nanvasurah surashcha yadavo janasi kim na prabho, mayavi sa harirbhavadvadhakrite bhavi suraprarthanadityakarnya yadunadudhunadasau shaureshcha sununahan.

   Then, by your will, the sage Narada told the king of the Bhojas: ‘You are demons and the Yadavas are gods; don’t you know, my lord? That magician Hari will be born to kill you, at the gods’ request.’ Hearing this, Kamsa harassed the Yadavas and killed Vasudeva’s sons.

   तब आपकी ही इच्छा से नारद मुनि ने भोजराज कंस से कहा: ‘प्रभु, क्या आप नहीं जानते कि आप असुर हैं और यादव देवता? वह मायावी हरि देवताओं की प्रार्थना पर आपको मारने के लिए जन्म लेगा।’ यह सुनकर उसने यादवों को सताया और वसुदेव के पुत्रों को मार डाला।

10. प्राप्ते सप्तमगर्भतामहिपतौ त्वत्प्रेरणान्मायया नीते माधव रोहिणीं त्वमपि भोः सच्चित्सुखैकात्मकः।
    देवक्या जठरं विवेशिथ विभो संस्तूयमानस्सुरैः स त्वं कृष्ण विधूय रोगपटलीं भक्तिं परां देहि मे॥

    Prapte saptamagarbhatamahipatau tvatprerananmayaya nite madhava rohinim tvamapi bhoh sachchitsukhaikatmakah, devakya jatharam viveshitha vibho samstuyamanassuraih sa tvam krishna vidhuya rogapatalim bhaktim param dehi me.

    When Shesha, lord of serpents, became the seventh child and by your will was carried by Maya to Rohini, then you too, Madhava, the one essence of being, awareness and bliss, entered Devaki’s womb, praised by the gods. Krishna, shake off my many illnesses and grant me supreme devotion.

    जब नागराज शेष सातवें गर्भ में आए और आपकी प्रेरणा से योगमाया ने उन्हें रोहिणी के पास पहुँचा दिया, तब हे माधव, सत्-चित्-आनंद स्वरूप आप भी देवताओं की स्तुति के बीच देवकी के गर्भ में प्रविष्ट हुए। हे कृष्ण, मेरे रोगों के समूह को दूर करके मुझे परम भक्ति दो।