Narayaneeyam: Dashakam 5

नारायणीयम् · दशक 5

Stotra · Sanskrit · Krishna · by Melpathur Narayana Bhattathiri

1. व्यक्ताव्यक्तमिदं न किञ्चिदभवत्प्राक्प्राकृतप्रक्षये मायायां गुणसाम्यरुद्धविकृतौ त्वय्यागतायां लयम्।
   नो मृत्युश्च तदामृतं च समभून्नाह्नो न रात्रेः स्थितिस्तत्रैकस्त्वमशिष्यथाः किल परानन्दप्रकाशात्मना॥

   Vyaktavyaktamidam na kinchidabhavatprakprakritaprakshaye mayayam gunasamyaruddhavikritau tvayyagatayam layam, no mrityushcha tadamritam cha samabhunnahno na ratreh sthitistatraikastvamashishyathah kila paranandaprakashatmana.

   Before creation, at the great dissolution, nothing of this world, manifest or unmanifest, existed; maya, its changes stilled by the balance of the three qualities, had merged into you. There was no death and no immortality, no day and no night; you alone remained, as the light of supreme bliss.

   सृष्टि से पहले महाप्रलय में यह व्यक्त-अव्यक्त जगत कुछ भी नहीं था; तीनों गुणों के संतुलन से जिसके विकार रुक गए थे, वह माया आपमें लीन हो गई थी। तब न मृत्यु थी, न अमरता, न दिन, न रात; केवल आप परम आनंद के प्रकाश रूप में बचे थे।

2. कालः कर्मगुणाश्च जीवनिवहा विश्वं च कार्यं विभो चिल्लीलारतिमेयुषि त्वयि तदा निर्लीनतामाययुः।
   तेषां नैव वदन्त्यसत्त्वमयि भोः शक्त्यात्मना तिष्ठतां नो चेत् किं गगनप्रसूनसदृशां भूयो भवेत्सम्भवः॥

   Kalah karmagunashcha jivanivaha vishvam cha karyam vibho chillilaratimeyushi tvayi tada nirlinatamayayuh, tesham naiva vadantyasattvamayi bhoh shaktyatmana tishthatam no chet kim gaganaprasunasadrisham bhuyo bhavetsambhavah.

   Time, karma, the qualities, the countless souls and the universe as effect, Lord, all dissolved into you as you rested in the joy of conscious play. Yet they are not said to have ceased, for they remained as latent power; otherwise, how could they arise again, any more than flowers from the sky?

   हे विभु, जब आप चैतन्य-लीला के आनंद में थे, तब काल, कर्म, गुण, जीवों के समूह और कार्यरूप विश्व सब आपमें लीन हो गए। फिर भी उन्हें असत् नहीं कहा जाता, क्योंकि वे शक्ति रूप में बने रहे; नहीं तो आकाश-पुष्प जैसी असंभव चीज़ों का फिर से जन्म कैसे होता?

3. एवं च द्विपरार्धकालविगतावीक्षां सिसृक्षात्मिकां बिभ्राणे त्वयि चुक्षुभे त्रिभुवनीभावाय माया स्वयम्।
   मायातः खलु कालशक्तिरखिलादृष्टं स्वभावोऽपि च प्रादुर्भूय गुणान्विकास्य विदधुस्तस्यास्सहायक्रियाम्॥

   Evam cha dviparardhakalavigataviksham sisrikshatmikam bibhrane tvayi chukshubhe tribhuvanibhavaya maya svayam, mayatah khalu kalashaktirakhiladrishtam svabhavopi cha pradurbhuya gunanvikasya vidadhustasyassahayakriyam.

   When the span of two parardhas had passed and you cast a glance full of the wish to create, maya herself stirred to become the three worlds. From maya arose the power of time, the unseen karma of all beings and their inborn nature, and these unfolded the qualities and aided her work.

   जब दो परार्ध का समय बीत गया और आपने सृष्टि की इच्छा वाली दृष्टि डाली, तो माया स्वयं तीनों लोक बनने के लिए क्षुब्ध हुई। माया से काल-शक्ति, सब जीवों का अदृष्ट कर्म और स्वभाव प्रकट हुए, और उन्होंने गुणों को विकसित करके उसके काम में सहायता की।

4. मायासन्निहितोऽप्रविष्टवपुषा साक्षीति गीतो भवान् भेदैस्तां प्रतिबिम्बतो विविशिवान् जीवोऽपि नैवापरः।
   कालादिप्रतिबोधिताऽथ भवता सञ्चोदिता च स्वयं माया सा खलु बुद्धितत्त्वमसृजद्योऽसौ महानुच्यते॥

   Mayasannihitopravishtavapusha sakshiti gito bhavan bhedaistam pratibimbato vivishivan jivopi naivaparah, kaladipratibodhitatha bhavata sanchodita cha svayam maya sa khalu buddhitattvamasrijadyosau mahanuchyate.

   Near maya but not entering it, you are called the Witness; entering it as a reflection through its many divisions, you are the individual soul, no other than you. Then maya, awakened by time and the rest and impelled by you, created the principle of intellect, called Mahat, the Great.

   माया के पास रहकर भी उसमें प्रवेश न करने वाले आप साक्षी कहलाते हैं; उसके भेदों में प्रतिबिम्ब रूप से प्रवेश करने पर आप ही जीव हैं, कोई दूसरा नहीं। फिर काल आदि से जगी और आपकी प्रेरणा पाकर माया ने बुद्धि-तत्त्व रचा, जिसे महत् कहते हैं।

5. तत्रासौ त्रिगुणात्मकोऽपि च महान् सत्त्वप्रधानः स्वयं जीवेऽस्मिन् खलु निर्विकल्पमहमित्युद्बोधनिष्पादकः।
   चक्रेऽस्मिन् सविकल्पबोधकमहन्तत्त्वं महान् खल्वसौ सम्पुष्टं त्रिगुणैस्तमोऽतिबहुलं विष्णो भवत्प्रेरणात्॥

   Tatrasau trigunatmakopi cha mahan sattvapradhanah svayam jivesmin khalu nirvikalpamahamityudbodhanishpadakah, chakresmin savikalpabodhakamahantattvam mahan khalvasau sampushtam trigunaistamotibahulam vishno bhavatpreranat.

   That Mahat, though made of the three qualities, is mostly pure goodness, and awakens in the soul the simple sense ‘I am’. Then, by your impulse, Vishnu, Mahat produced the ego, which gives the sense of ‘I’ as distinct, nourished by the three qualities and heavy with inertia.

   वह महत् तीनों गुणों से बना होकर भी सत्त्व-प्रधान है, और जीव में ‘मैं हूँ’ का निर्विकल्प बोध जगाता है। फिर हे विष्णु, आपकी प्रेरणा से उस महत् ने अहंकार-तत्त्व रचा, जो भेद वाला बोध देता है, तीनों गुणों से पुष्ट है और जिसमें तमोगुण अधिक है।

6. सोऽहं च त्रिगुणक्रमात्त्रिविधतामासाद्य वैकारिको भूयस्तैजसतामसाविति भवन्नाद्येन सत्त्वात्मना।
   देवानिन्द्रियमानिनोऽकृत दिशावातार्कपाश्यश्विनो वह्नीन्द्राच्युतमित्रकान् विधुविधिश्रीरुद्रशारीरकान्॥

   Soham cha trigunakramattrividhatamasadya vaikariko bhuyastaijasatamasaviti bhavannadyena sattvatmana, devanindriyamaninokrita dishavatarkapashyashvino vahnindrachyutamitrakan vidhuvidhishrirudrasharirakan.

   Following the three qualities, that ego became threefold: of goodness, of passion and of inertia. Through its first part, of goodness, it created the gods who preside over the senses and faculties: the directions, wind, sun, Varuna, the Ashvins, fire, Indra, Vishnu, Mitra, the moon, Brahma, Rudra and others.

   वह अहंकार तीनों गुणों के क्रम से वैकारिक, तैजस और तामस, तीन प्रकार का हुआ। अपने पहले सात्त्विक रूप से उसने इन्द्रियों के अधिष्ठाता देवता रचे: दिशाएँ, वायु, सूर्य, वरुण, अश्विनीकुमार, अग्नि, इन्द्र, अच्युत, मित्र, चन्द्रमा, ब्रह्मा, रुद्र आदि।

7. भूमन्मानसबुद्ध्यहङ्कृतिमिलच्चित्ताख्यवृत्त्यन्वितं तच्चान्तःकरणं विभो तव बलात्सत्त्वांश एवासृजत्।
   जातस्तैजसतो दशेन्द्रियगणस्तत्तामसांशात्पुनस्तन्मात्रं नभसो मरुत्पुरपते शब्दोऽजनि त्वद्बलात्॥

   Bhumanmanasabuddhyahankritimilachchittakhyavrittyanvitam tachchantahkaranam vibho tava balatsattvamsha evasrijat, jatastaijasato dashendriyaganastattamasamshatpunastanmatram nabhaso marutpurapate shabdojani tvadbalat.

   Infinite Lord, by your power that part of goodness created the inner instrument, with its functions of mind, intellect, ego and memory. From the part of passion came the ten senses; and from its part of inertia, by your power, Lord of Guruvayur, came sound, the subtle essence of space.

   हे भूमन्, आपकी शक्ति से उस सात्त्विक अंश ने मन, बुद्धि, अहंकार और चित्त नाम की वृत्तियों वाला अन्तःकरण रचा। तैजस अंश से दस इन्द्रियाँ हुईं; और फिर हे गुरुवायुर के स्वामी, आपकी शक्ति से उसके तामस अंश से आकाश की तन्मात्रा शब्द उत्पन्न हुआ।

8. शब्दाद्व्योम ततः ससर्जिथ विभो स्पर्शं ततो मारुतं तस्माद्रूपमतो महोऽथ च रसं तोयं च गन्धं महीम्।
   एवं माधव पूर्वपूर्वकलनादाद्याद्यधर्मान्वितं भूतग्राममिमं त्वमेव भगवन् प्राकाशयस्तामसात्॥

   Shabdadvyoma tatah sasarjitha vibho sparsham tato marutam tasmadrupamato mahotha cha rasam toyam cha gandham mahim, evam madhava purvapurvakalanadadyadyadharmanvitam bhutagramamimam tvameva bhagavan prakashayastamasat.

   From sound you created space, Lord; then touch, and from it wind; from wind form, and from form fire; then taste and water, smell and earth. So, Madhava, each holding the qualities of those before it, you brought forth this whole group of elements from the ego of inertia.

   हे विभु, शब्द से आपने आकाश रचा, फिर स्पर्श, उससे वायु; उससे रूप, फिर तेज; फिर रस और जल, गंध और पृथ्वी। इस तरह हे माधव, हे भगवन्, पहले वालों के गुणों से युक्त इस भूत-समूह को आपने ही तामस अहंकार से प्रकट किया।

9. एते भूतगणास्तथेन्द्रियगणा देवाश्च जाताः पृथङ्नो शेकुर्भुवनाण्डनिर्मितिविधौ देवैरमीभिस्तदा।
   त्वं नानाविधसूक्तिभिर्नुतगुणस्तत्त्वान्यमून्याविशंश्चेष्टाशक्तिमुदीर्य तानि घटयन् हैरण्यमण्डं व्यधाः॥

   Ete bhutaganastathendriyagana devashcha jatah prithanno shekurbhuvanandanirmitividhau devairamibhistada, tvam nanavidhasuktibhirnutagunastattvanyamunyavishamshcheshtashaktimudirya tani ghatayan hairanyamandam vyadhah.

   These elements, senses and gods, born separately, could not on their own build the cosmic egg. Praised by them with many hymns, you entered these principles, stirred in them the power to act, joined them together and made the golden egg.

   ये भूत, इन्द्रियाँ और देवता अलग-अलग जन्मे थे, इसलिए तब वे ब्रह्माण्ड नहीं बना सके। उनकी तरह-तरह की स्तुतियों से प्रसन्न होकर आपने इन तत्त्वों में प्रवेश किया, उनमें क्रिया-शक्ति जगाई, उन्हें जोड़ा और सुनहरा ब्रह्माण्ड बनाया।

10. अण्डं तत्खलु पूर्वसृष्टसलिलेऽतिष्ठत्सहस्रं समाः निर्भिन्दन्नकृथाश्चतुर्दशजगद्रूपं विराडाह्वयम्।
    साहस्रैः करपादमूर्धनिवहैर्निश्शेषजीवात्मको निर्भातोऽसि मरुत्पुराधिप स मां त्रायस्व सर्वामयात्॥

    Andam tatkhalu purvasrishtasaliletishthatsahasram samah nirbhindannakrithashchaturdashajagadrupam viradahvayam, sahasraih karapadamurdhanivahairnishsheshajivatmako nirbhatosi marutpuradhipa sa mam trayasva sarvamayat.

    That egg lay for a thousand years in the waters made before; breaking it open, you took the cosmic form called Virat, made of the fourteen worlds. With thousands of hands, feet and heads, as the soul of every being, you shine forth. Lord of Guruvayur, save me from all illness.

    वह ब्रह्माण्ड पहले रचे जल में हज़ार वर्ष तक रहा; उसे फोड़कर आपने चौदह लोकों वाला विराट रूप धारण किया। हज़ारों हाथों, पैरों और सिरों के साथ सब जीवों की आत्मा बनकर आप प्रकाशित हैं। हे गुरुवायुर के स्वामी, सब रोगों से मेरी रक्षा करो।