Narayaneeyam: Dashakam 50

नारायणीयम् · दशक 50

Stotra · Sanskrit · Krishna · by Melpathur Narayana Bhattathiri

1. तरलमधुकृद्वृन्दे वृन्दावनेऽथ मनोहरे पशुपशिशुभिस्साकं वत्सानुपालनलोलुपः।
   हलधरसखो देव श्रीमन् विचेरिथ धारयन् गवलमुरलीवेत्रं नेत्राभिरामतनुद्युतिः॥

   Taralamadhukridvrinde vrindavanetha manohare pashupashishubhissakam vatsanupalanalolupah, haladharasakho deva shriman vicheritha dharayan gavalamuralivetram netrabhiramatanudyutih.

   Then in lovely Vrindavan, alive with swarms of bees, eager to tend the calves with the cowherd boys and with Balarama as your friend, O glorious Lord, you roamed, carrying horn, flute and staff, your radiant body a joy to the eyes.

   फिर भौंरों के चंचल झुंडों वाले मनोहर वृंदावन में, ग्वाल बालों के साथ बछड़े चराने के उत्सुक, बलराम के साथी, हे श्रीमान देव, आप सींग, बाँसुरी और छड़ी लिए घूमते थे, और आपके शरीर की कांति आँखों को आनंद देती थी।

2. विहितजगतीरक्षं लक्ष्मीकराम्बुजलालितं ददति चरणद्वन्द्वं वृन्दावने त्वयि पावने।
   किमिव न बभौ सम्पत्सम्पूरितं तरुवल्लरीसलिलधरणीगोत्रक्षेत्रादिकं कमलापते॥

   Vihitajagatiraksham lakshmikarambujalalitam dadati charanadvandvam vrindavane tvayi pavane, kimiva na babhau sampatsampuritam taruvallarisaliladharanigotrakshetradikam kamalapate.

   When you, the purifier, set in Vrindavan your two feet, which protect the world and are caressed by Lakshmi’s lotus hands, O Lord of Lakshmi, how could its trees, creepers, waters, land, hills and fields not shine, overflowing with plenty?

   हे कमलापति, जब पावन आपने संसार की रक्षा करने वाले और लक्ष्मी के कर कमलों से सहलाए गए अपने दोनों चरण वृंदावन में रखे, तो वहाँ के पेड़, बेलें, जल, धरती, पर्वत और खेत समृद्धि से भरकर कैसे न चमकते?

3. विलसदुलपे कान्तारान्ते समीरणशीतले विपुलयमुनातीरे गोवर्धनाचलमूर्धसु।
   ललितमुरलीनादस्सञ्चारयन्खलु वात्सकं क्वचन दिवसे दैत्यं वत्साकृतिं त्वमुदैक्षथाः॥

   Vilasadulape kantarante samiranashitale vipulayamunatire govardhanachalamurdhasu, lalitamuralinadassancharayankhalu vatsakam kvachana divase daityam vatsakritim tvamudaikshathah.

   As you grazed the calves to the sweet sound of your flute, at the forest’s edge rich with grass and cooled by breezes, along the wide banks of the Yamuna and on the peaks of Govardhan, one day you saw a demon in the form of a calf.

   हरी घास वाले, हवा से शीतल वन के किनारे, यमुना के चौड़े तट पर और गोवर्धन की चोटियों पर मधुर बाँसुरी बजाते बछड़े चराते हुए, एक दिन आपने बछड़े के रूप में एक दैत्य को देखा।

4. रभसविलसत्पुच्छं विच्छायतोऽस्य विलोकयन् किमपि वलितस्कन्धं रन्ध्रप्रतीक्षमुदीक्षितम्।
   तमथ चरणे बिभ्रद्विभ्रामयन्मुहुरुच्चकैः कुहचन महावृक्षे चिक्षेपिथ क्षतजीवितम्॥

   Rabhasavilasatpuchchham vichchhayatosya vilokayan kimapi valitaskandham randhrapratikshamudikshitam, tamatha charane bibhradvibhramayanmuhuruchchakaih kuhachana mahavrikshe chikshepitha kshatajivitam.

   Noting its wildly swishing tail, its dull look and its turned neck as it watched for a chance, you seized it by the feet, whirled it high again and again, and flung it lifeless onto a great tree.

   उसकी ज़ोर से हिलती पूँछ, फीकी चमक और मौका ढूँढती मुड़ी गर्दन को देखकर आपने उसे पैरों से पकड़ा, बार-बार ऊँचा घुमाया और प्राणहीन करके एक बड़े पेड़ पर फेंक दिया।

5. निपतति महादैत्ये जात्या दुरात्मनि तत्क्षणं निपतनजवक्षुण्णक्षोणीरुहक्षतकानने।
   दिवि परिमिलद्वृन्दा वृन्दारकाः कुसुमोत्करैः शिरसि भवतो हर्षाद्वर्षन्ति नाम तदा हरे॥

   Nipatati mahadaitye jatya duratmani tatkshanam nipatanajavakshunnakshoniruhakshatakanane, divi parimiladvrinda vrindarakah kusumotkaraih shirasi bhavato harshadvarshanti nama tada hare.

   As the great demon, wicked by nature, fell, crushing trees and forest with the force of his fall, the gods gathered in the sky joyfully rained heaps of flowers on your head, O Hari.

   जैसे ही स्वभाव से दुष्ट वह महादैत्य गिरा और उसके गिरने के वेग से पेड़ और वन कुचल गए, हे हरि, आकाश में इकट्ठे देवताओं ने प्रसन्न होकर आपके सिर पर फूलों के ढेर बरसाए।

6. सुरभिलतमा मूर्धन्यूर्ध्वं कुतः कुसुमावली निपतति तवेत्युक्तो बालैः सहेलमुदैरयः।
   झटिति दनुजक्षेपेणोर्ध्वं गतस्तरुमण्डलात् कुसुमनिकरस्सोऽयं नूनं समेति शनैरिति॥

   Surabhilatama murdhanyurdhvam kutah kusumavali nipatati tavetyukto balaih sahelamudairayah, jhatiti danujakshepenordhvam gatastarumandalat kusumanikarassoyam nunam sameti shanairiti.

   When the boys asked, Where are these fragrant flowers falling on your head from above?, you said playfully: Surely these are flowers flung up from the trees when the demon fell, now drifting slowly down.

   जब बालकों ने पूछा कि ऊपर से आपके सिर पर ये सुगंधित फूल कहाँ से गिर रहे हैं, तो आपने हँसी में कहा: ज़रूर ये दैत्य के गिरने से पेड़ों से ऊपर उछले फूल हैं, जो अब धीरे-धीरे नीचे आ रहे हैं।

7. क्वचन दिवसे भूयो भूयस्तरेपरुषातपे तपनतनयापाथः पातुं गता भवदादयः।
   चलितगरुतं प्रेक्षामासुर्बकं खलु विस्मृतं क्षितिधरगरुच्छेदे कैलासशैलमिवापरम्॥

   Kvachana divase bhuyo bhuyastareparushatape tapanatanayapathah patum gata bhavadadayah, chalitagarutam prekshamasurbakam khalu vismritam kshitidharagaruchchhede kailasashailamivaparam.

   One day, in fierce heat, you and the others went to drink the Yamuna’s water and saw the crane Baka, flapping its wings, like a second Kailasa forgotten when the mountains’ wings were cut.

   एक दिन तेज़ धूप में आप और साथी यमुना का जल पीने गए और पंख हिलाते बकासुर को देखा, जो पर्वतों के पंख काटते समय भूल से छूटे दूसरे कैलाश पर्वत जैसा लग रहा था।

8. पिबति सलिलं गोपव्राते भवन्तमभिद्रुतः स किल निगिलन्नग्निप्रख्यं पुनर्द्रुतमुद्वमन्।
   दलयितुमगात्त्रोट्याः कोट्या तदाशु भवान्विभो खलजनभिदाचुञ्चुश्चञ्चू प्रगृह्य ददार तम्॥

   Pibati salilam gopavrate bhavantamabhidrutah sa kila nigilannagniprakhyam punardrutamudvaman, dalayitumagattrotyah kotya tadashu bhavanvibho khalajanabhidachunchushchanchu pragrihya dadara tam.

   As the cowherds drank, he rushed at you and swallowed you, but quickly spat you out, for you burned like fire, and came at you to tear you with his beak. Then, O Lord, skilled at splitting the wicked, you seized his beak and tore him apart.

   जब ग्वाले पानी पी रहे थे, तब वह आप पर झपटा और आपको निगल गया, पर आग जैसे जलते आपको तुरंत उगल दिया और चोंच की नोक से फाड़ने आया; तब हे विभु, दुष्टों को चीरने में कुशल आपने उसकी चोंच पकड़कर उसे चीर डाला।

9. सपदि सहजां सन्द्रष्टुं वा मृतां खलु पूतनामनुजमघमप्यग्रे गत्वा प्रतीक्षितुमेव वा।
   शमननिलयं याते तस्मिन्बके सुमनोगणे किरति सुमनोवृन्दं वृन्दावनाद्गृहमैयथाः॥

   Sapadi sahajam sandrashtum va mritam khalu putanamanujamaghamapyagre gatva pratikshitumeva va, shamananilayam yate tasminbake sumanogane kirati sumanovrindam vrindavanadgrihamaiyathah.

   As if to go and see his dead sister Putana, or to wait ahead for his brother Agha, Baka went to the abode of death; and as the gods showered flowers, you came home from Vrindavan.

   मानो अपनी मरी हुई बहन पूतना को देखने, या आगे जाकर अपने भाई अघासुर की राह देखने, बकासुर यमलोक चला गया; और जब देवता फूल बरसा रहे थे, तब आप वृंदावन से घर लौटे।

10. ललितमुरलीनादं दूरान्निशम्य वधूजनैस्त्वरितमुपगम्यारादारूढमोदमुदीक्षितः।
    जनितजननीनन्दानन्दस्समीरणमन्दिरप्रथितवसते शौरे दूरीकुरुष्व ममामयान्॥

    Lalitamuralinadam durannishamya vadhujanaistvaritamupagamyaradarudhamodamudikshitah, janitajananinandanandassamiranamandiraprathitavasate shaure durikurushva mamamayan.

    Hearing your sweet flute from afar, the women hurried out and gazed at you with growing joy; you who delighted your mother and Nanda, O Shauri, famed as dwelling in Guruvayur, drive away my illnesses.

    दूर से आपकी मधुर बाँसुरी सुनकर स्त्रियाँ जल्दी पास आईं और बढ़ते आनंद से आपको निहारने लगीं; माता और नंद को आनंद देने वाले, गुरुवायुर में प्रसिद्ध निवास वाले हे शौरि, मेरे रोग दूर कीजिए।