Narayaneeyam: Dashakam 65

नारायणीयम् · दशक 65

Stotra · Sanskrit · Krishna · by Melpathur Narayana Bhattathiri

1. गोपीजनाय कथितं नियमावसाने मारोत्सवं त्वमथ साधयितुं प्रवृत्तः।
   सान्द्रेण चान्द्रमहसा शिशिरीकृताशे प्रापूरयो मुरलिकां यमुनावनान्ते॥

   Gopijanaya kathitam niyamavasane marotsavam tvamatha sadhayitum pravrittah, sandrena chandramahasa shishirikritashe prapurayo muralikam yamunavanante.

   Then, to fulfil the festival of love you had promised the gopis at the end of their vow, you began to play your flute at the edge of the Yamuna forest, every direction cooled by the moon’s rich light.

   फिर गोपियों के व्रत के अंत में उनसे कहे प्रेम-उत्सव को पूरा करने के लिए, जब चंद्रमा की घनी चाँदनी से सब दिशाएँ शीतल थीं, तुम यमुना के वन के किनारे बाँसुरी बजाने लगे।

2. सम्मूर्छनाभिरुदितस्वरमण्डलाभिः सम्मूर्छयन्तमखिलं भुवनान्तरालम्।
   त्वद्वेणुनादमुपकर्ण्य विभो तरुण्यस्तत्तादृशं कमपि चित्तविमोहमापुः॥

   Sammurchhanabhiruditasvaramandalabhih sammurchhayantamakhilam bhuvanantaralam, tvadvenunadamupakarnya vibho tarunyastattadrisham kamapi chittavimohamapuh.

   Hearing your flute, its swelling melodies and notes enchanting the whole universe, Lord, the young women fell into an indescribable rapture of the heart.

   हे विभु, अपनी उठती तानों और स्वरों से सारे संसार को मोहित करने वाली तुम्हारी बाँसुरी की धुन सुनकर युवतियों का मन ऐसा मोहित हुआ जिसका वर्णन नहीं हो सकता।

3. ता गेहकृत्यनिरतास्तनयप्रसक्ताः कान्तोपसेवनपराश्च सरोरुहाक्ष्यः।
   सर्वं विसृज्य मुरलीरवमोहितास्ते कान्तारदेशमयि कान्ततनो समेताः॥

   Ta gehakrityaniratastanayaprasaktah kantopasevanaparashcha saroruhakshyah, sarvam visrijya muraliravamohitaste kantaradeshamayi kantatano sametah.

   Those lotus-eyed women, busy with housework, caring for children or serving their husbands, dropped everything, entranced by the flute, and gathered in the forest, O lovely one.

   हे सुंदर रूप वाले, घर के कामों में लगी, बच्चों में व्यस्त और पति की सेवा में लगी वे कमलनयनी स्त्रियाँ बाँसुरी की धुन से मोहित होकर सब छोड़कर वन में आ पहुँचीं।

4. काश्चिन्निजाङ्गपरिभूषणमादधाना वेणुप्रणादमुपकर्ण्य कृतार्धभूषाः।
   त्वामागता ननु तथैव विभूषिताभ्यस्ता एव संरुरुचिरे तव लोचनाय॥

   Kashchinnijangaparibhushanamadadhana venupranadamupakarnya kritardhabhushah, tvamagata nanu tathaiva vibhushitabhyasta eva samruruchire tava lochanaya.

   Some, in the middle of putting on their ornaments, heard the flute and came to you half-adorned; and to your eyes they looked lovelier than those fully adorned.

   कुछ गोपियाँ अपने गहने पहन ही रही थीं कि बाँसुरी सुनकर आधे शृंगार में ही तुम्हारे पास आ गईं; और तुम्हारी आँखों को वे पूरे शृंगार वालियों से भी अधिक सुंदर लगीं।

5. हारं नितम्बभुवि काचन धारयन्ती काञ्चीं च कण्ठभुवि देव समागता त्वाम्।
   हारित्वमात्मजघनस्य मुकुन्द तुभ्यं व्यक्तं बभाष इव मुग्धमुखी विशेषात्॥

   Haram nitambabhuvi kachana dharayanti kanchim cha kanthabhuvi deva samagata tvam, haritvamatmajaghanasya mukunda tubhyam vyaktam babhasha iva mugdhamukhi visheshat.

   One came to you, Lord, wearing her necklace on her hips and her girdle at her throat; with her innocent face, Mukunda, she seemed to be telling you plainly how captivating her hips were.

   हे देव, एक गोपी कमर पर हार और गले में करधनी पहनकर तुम्हारे पास आई; हे मुकुंद, भोले मुख वाली वह मानो साफ़ कह रही थी कि उसकी कमर विशेष रूप से मनमोहक है।

6. काचित् कुचे पुनरसज्जितकञ्चुलीका व्यामोहतः परवधूभिरलक्ष्यमाणा।
   त्वामाययौ निरुपमप्रणयातिभारराज्याभिषेकविधये कलशीधरेव॥

   Kachit kuche punarasajjitakanchulika vyamohatah paravadhubhiralakshyamana, tvamayayau nirupamapranayatibhararajyabhishekavidhaye kalashidhareva.

   Another, in her daze, came to you without her bodice, unnoticed by the other women, as though carrying ceremonial pitchers for the coronation of her boundless love.

   एक और गोपी व्याकुलता में बिना चोली पहने, दूसरी स्त्रियों की नज़र से बचकर तुम्हारे पास आई, मानो अपने अनुपम प्रेम के राज्याभिषेक के लिए कलश लिए आई हो।

7. काश्चिद्गृहात् किल निरेतुमपारयन्त्यस्त्वामेव देव हृदये सुदृढं विभाव्य।
   देहं विधूय परचित्सुखरूपमेकं त्वामाविशन् परमिमा ननु धन्यधन्याः॥

   Kashchidgrihat kila niretumaparayantyastvameva deva hridaye sudridham vibhavya, deham vidhuya parachitsukharupamekam tvamavishan paramima nanu dhanyadhanyah.

   Some who could not get out of their homes held you firmly in their hearts, Lord, cast off the body and entered you, the one supreme consciousness and bliss. Blessed, truly blessed were they.

   हे देव, कुछ गोपियाँ जो घर से निकल न सकीं, उन्होंने हृदय में तुम्हारा दृढ़ता से ध्यान किया और शरीर छोड़कर परम चिदानंद-स्वरूप तुममें समा गईं। वे सचमुच धन्य से भी धन्य थीं।

8. जारात्मना न परमात्मतया स्मरन्त्यो नार्यो गताः परमहंसगतिं क्षणेन।
   तं त्वां प्रकाशपरमात्मतनुं कथञ्चिच्चित्ते वहन्नमृतमश्रममश्नुवीय॥

   Jaratmana na paramatmataya smarantyo naryo gatah paramahamsagatim kshanena, tam tvam prakashaparamatmatanum kathanchichchitte vahannamritamashramamashnuviya.

   Those women, remembering you as a lover and not as the Supreme Self, reached in a moment the goal of the highest ascetics. May I, somehow holding you in my mind as the radiant Supreme Self, taste immortality without effort.

   वे स्त्रियाँ तुम्हें परमात्मा नहीं, प्रेमी मानकर याद करती थीं, फिर भी पल भर में परमहंसों की गति पा गईं। मैं किसी तरह तुम्हें प्रकाशमय परमात्मा रूप में मन में धारण करके बिना श्रम के अमृत पा सकूँ।

9. अभ्यागताभिरभितो व्रजसुन्दरीभिर्मुग्धस्मितार्द्रवदनः करुणावलोकी।
   निस्सीमकान्तिजलधिस्त्वमवेक्ष्यमाणो विश्वैकहृद्य हर मे पवनेश रोगान्॥

   Abhyagatabhirabhito vrajasundaribhirmugdhasmitardravadanah karunavaloki, nissimakantijaladhistvamavekshyamano vishvaikahridya hara me pavanesha rogan.

   Gazed on by the beauties of Vraja gathered all around, your face soft with an innocent smile and your glance full of compassion, boundless ocean of beauty, sole delight of the universe, Lord of Guruvayur, take away my illnesses.

   चारों ओर आई ब्रज-सुंदरियाँ तुम्हें निहार रही थीं; भोली मुस्कान से भीगा मुख, करुणा-भरी दृष्टि, असीम सौंदर्य के सागर, संसार के एकमात्र प्रिय, हे गुरुवायूर के स्वामी, मेरे रोग हर लो।