Narayaneeyam: Dashakam 89

नारायणीयम् · दशक 89

Stotra · Sanskrit · Krishna · by Melpathur Narayana Bhattathiri

1. रमाजाने जाने यदिह तव भक्तेषु विभवो न सद्यः सम्पद्यस्तदिह मदकृत्त्वादशमिनाम्।
   प्रशान्तिं कृत्वैव प्रदिशसि ततः काममखिलं प्रशान्तेषु क्षिप्रं न खलु भवदीये च्युतिकथा॥

   Ramajane jane yadiha tava bhakteshu vibhavo na sadyah sampadyastadiha madakrittvadashaminam, prashantim kritvaiva pradishasi tatah kamamakhilam prashanteshu kshipram na khalu bhavadiye chyutikatha.

   Lord of Lakshmi, I know why your devotees do not gain wealth at once here: in those without self-control it breeds pride. You first give them inner peace and then grant every wish quickly, and for those at peace there is no talk of falling from you.

   हे लक्ष्मीपति, मैं जानता हूँ कि आपके भक्तों को यहाँ तुरंत वैभव क्यों नहीं मिलता: असंयमी लोगों में वह मद पैदा करता है। आप पहले शांति देते हैं और फिर शांत भक्तों को सारी इच्छाएँ जल्दी देते हैं, और आपके भक्तों के पतन की तो बात ही नहीं।

2. सद्यःप्रसादरुषितान्विधिशङ्करादीन् केचिद्विभो निजगुणानुगुणं भजन्तः।
   भ्रष्टा भवन्ति बत कष्टमदीर्घदृष्ट्या स्पष्टं वृकासुर उदाहरणं किलास्मिन्॥

   Sadyahprasadarushitanvidhishankaradin kechidvibho nijagunanugunam bhajantah, bhrashta bhavanti bata kashtamadirghadrishtya spashtam vrikasura udaharanam kilasmin.

   O Lord, some worship Brahma, Shiva and the others, who are quickly pleased and quickly angered, each according to their own nature. Alas, through short-sightedness they fall. The demon Vrika is a clear example of this.

   हे विभु, कुछ लोग अपने स्वभाव के अनुसार जल्दी प्रसन्न और जल्दी रुष्ट होने वाले ब्रह्मा, शंकर आदि को भजते हैं। हाय, अदूरदर्शिता से वे गिर जाते हैं। इसका साफ़ उदाहरण वृकासुर है।

3. शकुनिजः स तु नारदमेकदा त्वरिततोषमपृच्छदधीश्वरम्।
   स च दिदेश गिरीशमुपासितुं न तु भवन्तमबन्धुमसाधुषु॥

   Shakunijah sa tu naradamekada tvaritatoshamaprichchhadadhishvaram, sa cha didesha girishamupasitum na tu bhavantamabandhumasadhushu.

   Once Vrika, son of Shakuni, asked Narada which god is quickly pleased. Narada told him to worship Shiva, the lord of the mountain, and not you, for you are no friend to the wicked.

   एक बार शकुनि के पुत्र वृक ने नारद से पूछा कि कौन से देवता जल्दी प्रसन्न होते हैं। नारद ने उसे गिरीश शिव की उपासना करने को कहा, आपकी नहीं, क्योंकि आप दुष्टों के साथी नहीं हैं।

4. तपस्तप्त्वा घोरं स खलु कुपितः सप्तमदिने शिरश्छित्त्वा सद्यः पुरहरमुपस्थाप्य पुरतः।
   अतिक्षुद्रं रौद्रं शिरसि करदानेन निधनं जगन्नाथाद्वव्रे भवति विमुखानां क्व शुभधीः॥

   Tapastaptva ghoram sa khalu kupitah saptamadine shirashchhittva sadyah puraharamupasthapya puratah, atikshudram raudram shirasi karadanena nidhanam jagannathadvavre bhavati vimukhanam kva shubhadhih.

   After harsh penance, angry on the seventh day, he began cutting off his head, and at once Shiva, destroyer of the cities, appeared before him. From the lord of the world he chose a vile and terrible boon: death for anyone on whose head he placed his hand. Where is good sense in those turned away from you?

   कठोर तप करके सातवें दिन क्रोधित होकर उसने अपना सिर काटना शुरू किया, तो त्रिपुरारि शिव तुरंत सामने प्रकट हुए। उसने जगन्नाथ से अत्यंत नीच और भयानक वर माँगा: जिसके सिर पर हाथ रखे वह मर जाए। आपसे विमुख लोगों में शुभ बुद्धि कहाँ?

5. मोक्तारं बन्धमुक्तो हरिणपतिरिव प्राद्रवत्सोऽथ रुद्रं दैत्याद्भीत्या स्म देवो दिशि दिशि वलते पृष्ठतो दत्तदृष्टिः।
   तूष्णीके सर्वलोके तव पदमधिरोक्ष्यन्तमुद्वीक्ष्य शर्वं दूरादेवाग्रतस्त्वं पटुवटुवपुषा तस्थिषे दानवाय॥

   Moktaram bandhamukto harinapatiriva pradravatsotha rudram daityadbhitya sma devo dishi dishi valate prishthato dattadrishtih, tushnike sarvaloke tava padamadhirokshyantamudvikshya sharvam duradevagratastvam patuvatuvapusha tasthishe danavaya.

   Then, like a lion let loose, he rushed at Rudra, who had granted the boon. Afraid of the demon, Shiva fled in every direction, looking back over his shoulder. As the whole world stood silent and Shiva was about to reach your abode, you appeared far ahead before the demon in the form of a clever young brahmin student.

   फिर बंधन से छूटे शेर की तरह वह वर देने वाले रुद्र की ओर दौड़ा। दैत्य से डरकर महादेव पीछे मुड़-मुड़कर देखते हुए हर दिशा में भागे। सारा संसार चुप था, और जब शिव आपके धाम पर चढ़ने वाले थे, तब आप दूर आगे चतुर ब्रह्मचारी बालक के रूप में दैत्य के सामने खड़े हो गए।

6. भद्रं ते शाकुनेय भ्रमसि किमधुना त्वं पिशाचस्य वाचा सन्देहश्चेन्मदुक्तौ तव किमु न करोष्यङ्गुलीमङ्ग मौलौ।
   इत्थं त्वद्वाक्यमूढः शिरसि कृतकरः सोऽपतच्छिन्नपातं भ्रंशो ह्येवं परोपासितुरपि च गतिः शूलिनोऽपि त्वमेव॥

   Bhadram te shakuneya bhramasi kimadhuna tvam pishachasya vacha sandehashchenmaduktau tava kimu na karoshyangulimanga maulau, ittham tvadvakyamudhah shirasi kritakarah sopatachchhinnapatam bhramsho hyevam paropasiturapi cha gatih shulinopi tvameva.

   “Good luck to you, son of Shakuni. Why do you run about now on the word of that ghoul? If you doubt what I say, my friend, why not put your finger on your own head?” Fooled by your words, he put his hand on his head and fell like a felled tree. So those who worship others fall; even for the trident-bearer, you alone are the refuge.

   “शकुनिपुत्र, तुम्हारा भला हो। अब उस पिशाच की बात पर क्यों भटक रहे हो? अगर मेरी बात पर संदेह है, तो भाई, अपने सिर पर उँगली क्यों नहीं रख लेते?” आपकी बात से भ्रमित होकर उसने सिर पर हाथ रखा और कटे पेड़ की तरह गिर पड़ा। इस तरह दूसरों के उपासकों का पतन होता है; और त्रिशूलधारी के भी सहारा आप ही हैं।

7. भृगुं किल सरस्वतीनिकटवासिनस्तापसास्त्रिमूर्तिषु समादिशन्नधिकसत्त्वतां वेदितुम्।
   अयं पुनरनादरादुदितरुद्धरोषे विधौ हरेऽपि च जिहिंसिषौ गिरिजया धृते त्वामगात्॥

   Bhrigum kila sarasvatinikatavasinastapasastrimurtishu samadishannadhikasattvatam veditum, ayam punaranadaraduditaruddharoshe vidhau harepi cha jihimsishau girijaya dhrite tvamagat.

   The sages living by the Sarasvati sent Bhrigu to find out which of the three gods had the most sattva. When he showed disrespect, Brahma flared up but held back his anger, and Shiva wanted to kill him but was restrained by Parvati. Then Bhrigu came to you.

   सरस्वती के पास रहने वाले तपस्वियों ने भृगु को यह जानने भेजा कि तीनों देवों में सबसे अधिक सत्त्व किसमें है। उनके अनादर करने पर ब्रह्मा का क्रोध उठा पर उन्होंने रोक लिया, और शिव ने उन्हें मारना चाहा पर पार्वती ने रोक लिया। फिर भृगु आपके पास आए।

8. सुप्तं रमाङ्कभुवि पङ्कजलोचनं त्वां विप्रे विनिघ्नति पदेन मुदोत्थितस्त्वम्।
   सर्वं क्षमस्व मुनिवर्य भवेत्सदा मे त्वत्पादचिह्नमिह भूषणमित्यवादीः॥

   Suptam ramankabhuvi pankajalochanam tvam vipre vinighnati padena mudotthitastvam, sarvam kshamasva munivarya bhavetsada me tvatpadachihnamiha bhushanamityavadih.

   When the brahmin kicked you, lotus-eyed one, as you lay asleep in Lakshmi’s lap, you rose up gladly and said, “Forgive everything, best of sages. May the mark of your foot always be my ornament here.”

   जब लक्ष्मी की गोद में सोए कमलनयन आपको उस ब्राह्मण ने पैर से मारा, तो आप प्रसन्नता से उठे और बोले, “हे मुनिश्रेष्ठ, सब क्षमा करें। आपके चरण का यह चिह्न यहाँ सदा मेरा आभूषण रहे।”

9. निश्चित्य ते च सुदृढं त्वयि बद्धभावाः सारस्वता मुनिवरा दधिरे विमोक्षम्।
   त्वामेवमच्युत पुनश्च्युतिदोषहीनं सत्त्वोच्चयैकतनुमेव वयं भजामः॥

   Nishchitya te cha sudridham tvayi baddhabhavah sarasvata munivara dadhire vimoksham, tvamevamachyuta punashchyutidoshahinam sattvochchayaikatanumeva vayam bhajamah.

   Convinced, the great sages by the Sarasvati fixed their hearts firmly on you and attained liberation. So, Achyuta, we too worship you alone, free from any fault of falling, whose very body is the height of sattva.

   यह निश्चय करके सरस्वती-तट के श्रेष्ठ मुनियों ने अपना मन दृढ़ता से आप में लगाया और मोक्ष पाया। इसलिए, हे अच्युत, हम भी पतन के दोष से रहित, शुद्ध सत्त्व की मूर्ति, केवल आपको ही भजते हैं।

10. जगत्सृष्ट्यादौ त्वां निगमनिवहैर्वन्दिभिरिव स्तुतं विष्णो सच्चित्परमरसनिर्द्वैतवपुषम्।
    परात्मानं भूमन् पशुपवनिताभाग्यनिवहं परीतापश्रान्त्यै पवनपुरवासिन् परिभजे॥

    Jagatsrishtyadau tvam nigamanivahairvandibhiriva stutam vishno sachchitparamarasanirdvaitavapusham, paratmanam bhuman pashupavanitabhagyanivaham paritapashrantyai pavanapuravasin paribhaje.

    Vishnu, at the start of creation the Vedas praised you like court bards; your form is being, consciousness, supreme bliss and oneness. All-pervading Supreme Self, the treasure of the cowherd women’s good fortune, Lord who dwells in Guruvayur, I worship you to end my sufferings.

    हे विष्णु, सृष्टि के आरंभ में वेदों ने चारणों की तरह आपकी स्तुति की; आपका स्वरूप सत्, चित्, परम आनंद और अद्वैत है। हे भूमन्, परमात्मा, गोपियों के सौभाग्य के भंडार, गुरुवायुर में रहने वाले प्रभु, अपने कष्ट मिटाने के लिए मैं आपकी उपासना करता हूँ।