Narayaneeyam: Dashakam 97

नारायणीयम् · दशक 97

Stotra · Sanskrit · Krishna · by Melpathur Narayana Bhattathiri

1. त्रैगुण्याद्भिन्नरूपं भवति हि भुवने हीनमध्योत्तमं यज्ज्ञानं श्रद्धा च कर्ता वसतिरपि सुखं कर्म चाहारभेदाः।
   त्वत्क्षेत्रत्वन्निषेवादि तु यदिह पुनस्त्वत्परं तत्तु सर्वं प्राहुर्नैर्गुण्यनिष्ठं तदनुभजनतो मङ्क्षु सिद्धो भवेयम्॥

   Traigunyadbhinnarupam bhavati hi bhuvane hinamadhyottamam yajjnanam shraddha cha karta vasatirapi sukham karma chaharabhedah, tvatkshetratvannishevadi tu yadiha punastvatparam tattu sarvam prahurnairgunyanishtham tadanubhajanato mankshu siddho bhaveyam.

   In this world, knowledge, faith, the doer, one’s dwelling, happiness, action and food each take low, middle and high forms according to the three qualities. But whatever is turned toward you, such as your holy places and your worship, is said to be beyond the qualities. By devotedly following that, may I soon be fulfilled.

   इस संसार में ज्ञान, श्रद्धा, कर्ता, निवास, सुख, कर्म और भोजन तीन गुणों के कारण निम्न, मध्यम और उत्तम रूप लेते हैं। पर जो कुछ आपसे जुड़ा है, जैसे आपके तीर्थ और आपकी सेवा, उसे गुणों से परे कहा गया है। उसका भजन करके मैं जल्दी सिद्ध हो जाऊँ।

2. त्वय्येव न्यस्तचित्तः सुखमयि विचरन्सर्वचेष्टास्त्वदर्थं त्वद्भक्तैस्सेव्यमानानपि चरितचरानाश्रयन् पुण्यदेशान्।
   दस्यौ विप्रे मृगादिष्वपि च सममतिर्मुच्यमानावमानस्पर्धासूयादिदोषः सततमखिलभूतेषु सम्पूजये त्वाम्॥

   Tvayyeva nyastachittah sukhamayi vicharansarvacheshtastvadartham tvadbhaktaissevyamananapi charitacharanashrayan punyadeshan, dasyau vipre mrigadishvapi cha samamatirmuchyamanavamanaspardhasuyadidoshah satatamakhilabhuteshu sampujaye tvam.

   With my mind placed in you alone, moving about happily, doing all my acts for your sake, dwelling in holy places frequented by your devotees and walked by you, seeing a thief, a Brahmin and animals alike, free of faults such as contempt, rivalry and envy, may I always worship you in all beings.

   केवल आपमें मन लगाकर, सुख से विचरते हुए, सब काम आपके लिए करते हुए, आपके भक्तों द्वारा सेवित और आपके चरणों से पवित्र स्थानों में रहते हुए, चोर, ब्राह्मण और पशुओं में समान बुद्धि रखते हुए, अपमान, होड़ और ईर्ष्या जैसे दोषों से छूटकर मैं सदा सब प्राणियों में आपकी पूजा करूँ।

3. त्वद्भावो यावदेषु स्फुरति न विशदं तावदेवं ह्युपास्तिं कुर्वन्नैकात्म्यबोधे झटिति विकसति त्वन्मयोऽहं चरेयम्।
   त्वद्धर्मस्यास्य तावत्किमपि न भगवन् प्रस्तुतस्य प्रणाशस्तस्मात्सर्वात्मनैव प्रदिश मम विभो भक्तिमार्गं मनोज्ञम्॥

   Tvadbhavo yavadeshu sphurati na vishadam tavadevam hyupastim kurvannaikatmyabodhe jhatiti vikasati tvanmayoham chareyam, tvaddharmasyasya tavatkimapi na bhagavan prastutasya pranashastasmatsarvatmanaiva pradisha mama vibho bhaktimargam manojnam.

   Until your presence shines clearly in them, I will worship in this way, and when the knowledge of oneness suddenly blossoms, may I live full of you. O Lord, nothing begun in this dharma of yours is ever lost; so, O all-pervading one, grant me wholeheartedly the lovely path of devotion.

   जब तक इनमें आपका भाव स्पष्ट नहीं चमकता, तब तक मैं ऐसे ही उपासना करूँ, और जब एकता का ज्ञान अचानक खिल उठे, तब आपमय होकर विचरूँ। हे भगवन, आपके इस धर्म में शुरू किया कुछ भी नष्ट नहीं होता; इसलिए हे विभु, पूरी तरह मुझे भक्ति का सुंदर मार्ग दीजिए।

4. तञ्चैनं भक्तियोगं द्रढयितुमयि मे साध्यमारोग्यमायुर्दिष्ट्या तत्रापि सेव्यं तव चरणमहो भेषजायेव दुग्धम्।
   मार्कण्डेयो हि पूर्वं गणकनिगदितद्वादशाब्दायुरुच्चैः सेवित्वा वत्सरं त्वां तव भटनिवहैर्द्रावयामास मृत्युम्॥

   Tanchainam bhaktiyogam dradhayitumayi me sadhyamarogyamayurdishtya tatrapi sevyam tava charanamaho bheshajayeva dugdham, markandeyo hi purvam ganakanigaditadvadashabdayuruchchaih sevitva vatsaram tvam tava bhatanivahairdravayamasa mrityum.

   To make this path of devotion firm I need health and long life; and happily, even for these your feet are to be served, as milk serves both as medicine and food. For long ago Markandeya, told by astrologers he would live only twelve years, served you devotedly for a year, and your attendants drove death away.

   इस भक्तियोग को दृढ़ करने के लिए मुझे आरोग्य और आयु चाहिए; और सौभाग्य से उनके लिए भी आपके चरणों की ही सेवा करनी है, जैसे दूध दवा भी है और भोजन भी। क्योंकि पहले ज्योतिषियों द्वारा बारह वर्ष की आयु बताए गए मार्कंडेय ने एक वर्ष तक लगन से आपकी सेवा की, और आपके सेवकों ने मृत्यु को भगा दिया।

5. मार्कण्डेयश्चिरायुस्स खलु पुनरपि त्वत्परः पुष्पभद्रातीरे निन्ये तपस्यन्नतुलसुखरतिः षट् तु मन्वन्तराणि।
   देवेन्द्रस्सप्तमस्तं सुरयुवतिमरुन्मन्मथैर्मोहयिष्यन् योगोष्मप्लुष्यमाणैर्न तु पुनरशकत्त्वज्जनं निर्जयेत्कः॥

   Markandeyashchirayussa khalu punarapi tvatparah pushpabhadratire ninye tapasyannatulasukharatih shat tu manvantarani, devendrassaptamastam surayuvatimarunmanmathairmohayishyan yogoshmaplushyamanairna tu punarashakattvajjanam nirjayetkah.

   That long-lived Markandeya, devoted to you, spent six Manvantaras in penance on the banks of the Pushpabhadra, rejoicing in matchless bliss. The seventh Indra tried to bewitch him with heavenly women, breezes and Kama, but they were scorched by the heat of his yoga and failed. Who can defeat your devotee?

   चिरंजीवी मार्कंडेय ने फिर आपमें लगे रहकर, अतुलनीय आनंद में डूबे हुए, पुष्पभद्रा नदी के तट पर तप करते छह मन्वंतर बिता दिए। सातवें इंद्र ने अप्सराओं, पवन और कामदेव से उन्हें मोहित करना चाहा, पर वे उनके योग की गर्मी से झुलसकर हार गए। आपके भक्त को कौन जीत सकता है?

6. प्रीत्या नारायणाख्यस्त्वमथ नरसखः प्राप्तवानस्य पार्श्वं तुष्ट्या तोष्टूयमानः स तु विविधवरैर्लोभितो नानुमेने।
   द्रष्टुं मायां त्वदीयां किल पुनरवृणोद्भक्तितृप्तान्तरात्मा मायादुःखानभिज्ञस्तदपि मृगयते नूनमाश्चर्यहेतोः॥

   Pritya narayanakhyastvamatha narasakhah praptavanasya parshvam tushtya toshtuyamanah sa tu vividhavarairlobhito nanumene, drashtum mayam tvadiyam kila punaravrinodbhaktitriptantaratma mayaduhkhanabhijnastadapi mrigayate nunamashcharyahetoh.

   Then, lovingly, you came to his side as Narayana with Nara. He praised you joyfully, but though you tempted him with many boons, he would not accept them. His heart content with devotion, he asked instead to see your maya; not knowing the sorrow it brings, surely he sought it out of wonder.

   फिर प्रेम से आप नर के साथ नारायण रूप में उनके पास आए। उन्होंने प्रसन्न होकर आपकी खूब स्तुति की, पर अनेक वरों का लोभ देने पर भी उन्होंने स्वीकार नहीं किया। भक्ति से तृप्त मन वाले उन्होंने आपकी माया देखने का वर माँगा; माया के दुख से अनजान होकर निश्चय ही उन्होंने आश्चर्य के लिए ऐसा चाहा।

7. याते त्वय्याशु वाताकुलजलदगलत्तोयपूर्णातिघूर्णत्सप्तार्णोराशिमग्ने जगति स तु जले सम्भ्रमन्वर्षकोटीः।
   दीनः प्रैक्षिष्ट दूरे वटदलशयनं कञ्चिदाश्चर्यबालं त्वामेव श्यामलाङ्गं वदनसरसिजन्यस्तपादाङ्गुलीकम्॥

   Yate tvayyashu vatakulajaladagalattoyapurnatighurnatsaptarnorashimagne jagati sa tu jale sambhramanvarshakotih, dinah praikshishta dure vatadalashayanam kanchidashcharyabalam tvameva shyamalangam vadanasarasijanyastapadangulikam.

   When you had gone, the world was soon drowned in the seven seas, swollen and churning with rain pouring from wind-tossed clouds. Wandering in the waters for crores of years, wretched, he saw far off a wondrous child lying on a banyan leaf: you, dark-limbed, with your toe placed in your lotus mouth.

   आपके जाते ही हवा से उड़ते बादलों से गिरते जल से भरे, उफनते सात समुद्रों में संसार डूब गया। करोड़ों वर्ष जल में भटकते हुए दुखी मार्कंडेय ने दूर बरगद के पत्ते पर लेटे एक अद्भुत बालक को देखा: श्याम अंगों वाले आपको, जिन्होंने अपने पैर का अँगूठा कमल-मुख में रखा था।

8. दृष्ट्वा त्वां हृष्टरोमा त्वरितमभिगतः स्प्रष्टुकामो मुनीन्द्रः श्वासेनान्तर्निविष्टः पुनरिह सकलं दृष्टवान् विष्टपौघम्।
   भूयोऽपि श्वासवातैर्बहिरनुपतितो वीक्षितस्त्वत्कटाक्षैर्मोदादाश्लेष्टुकामस्त्वयि पिहिततनौ स्वाश्रमे प्राग्वदासीत्॥

   Drishtva tvam hrishtaroma tvaritamabhigatah sprashtukamo munindrah shvasenantarnivishtah punariha sakalam drishtavan vishtapaugham, bhuyopi shvasavatairbahiranupatito vikshitastvatkatakshairmodadashleshtukamastvayi pihitatanau svashrame pragvadasit.

   Seeing you, the great sage, thrilled, hurried toward you wanting to touch you, and drawn in with your breath, he saw all the worlds again inside you. Breathed out once more, he met your glance; as he moved joyfully to embrace you, your form vanished, and he was in his hermitage as before.

   आपको देखकर पुलकित मुनिश्रेष्ठ आपको छूने की इच्छा से जल्दी आगे बढ़े, और आपकी साँस के साथ भीतर खिंचकर उन्होंने वहाँ फिर सारे लोक देखे। फिर साँस के साथ बाहर आकर उन पर आपकी दृष्टि पड़ी; जब वे आनंद से आपको गले लगाने चले, तो आपका रूप छिप गया और वे पहले की तरह अपने आश्रम में थे।

9. गौर्या सार्धं तदग्रे पुरभिदथ गतस्त्वत्प्रियप्रेक्षणार्थी सिद्धानेवास्य दत्त्वा स्वयमयमजरामृत्युतादीन् गतोऽभूत्।
   एवं त्वत्सेवयैव स्मररिपुरपि स प्रीयते येन तस्मान्मूर्तित्रय्यात्मकस्त्वं ननु सकलनियन्तेति सुव्यक्तमासीत्॥

   Gaurya sardham tadagre purabhidatha gatastvatpriyaprekshanarthi siddhanevasya dattva svayamayamajaramrityutadin gatobhut, evam tvatsevayaiva smararipurapi sa priyate yena tasmanmurtitrayyatmakastvam nanu sakalaniyanteti suvyaktamasit.

   Then Shiva, destroyer of the three cities, came before him with Gauri, wanting to see your beloved devotee; he granted him freedom from old age and death and powers he already had, and departed. Since even Shiva, enemy of Kama, is pleased by service to you, it became clear that you are the self of the three deities and the ruler of all.

   फिर आपके प्रिय भक्त को देखने की इच्छा से त्रिपुरारी शिव गौरी के साथ उनके सामने आए, और उन्हें बुढ़ापे और मृत्यु से मुक्ति आदि वे सिद्धियाँ देकर गए जो उनके पास पहले से थीं। क्योंकि कामदेव के शत्रु शिव भी आपकी सेवा से प्रसन्न होते हैं, इससे साफ हो गया कि आप ही त्रिमूर्ति के स्वरूप और सबके नियंता हैं।

10. त्र्यंशेऽस्मिन्सत्यलोके विधिहरिपुरभिन्मन्दिराण्यूर्ध्वमूर्ध्वं तेभ्योऽप्यूर्ध्वं तु मायाविकृतिविरहितो भाति वैकुण्ठलोकः।
    तत्र त्वं कारणाम्भस्यपि पशुपकुले शुद्धसत्त्वैकरूपी सच्चिद्ब्रह्माद्वयात्मा पवनपुरपते पाहि मां सर्वरोगात्॥

    Tryamshesminsatyaloke vidhiharipurabhinmandiranyurdhvamurdhvam tebhyopyurdhvam tu mayavikritivirahito bhati vaikunthalokah, tatra tvam karanambhasyapi pashupakule shuddhasattvaikarupi sachchidbrahmadvayatma pavanapurapate pahi mam sarvarogat.

    In the threefold Satyaloka the abodes of Brahma, Vishnu and Shiva rise one above another, and above them all shines Vaikuntha, free from the changes of maya. There, in the causal waters, and among the cowherds too, you are pure goodness alone, the one Brahman of being and awareness. O Lord of Guruvayur, protect me from all illness.

    तीन भागों वाले इस सत्यलोक में ब्रह्मा, विष्णु और शिव के धाम एक के ऊपर एक हैं, और उनके भी ऊपर माया के विकारों से रहित वैकुंठ लोक चमकता है। वहाँ, कारण जल में और ग्वालों के कुल में भी आप शुद्ध सत्व रूप, सत-चित स्वरूप अद्वैत ब्रह्म हैं। हे गुरुवायुर के स्वामी, सब रोगों से मेरी रक्षा कीजिए।