Durga Saptashati 1: Madhu-Kaitabha Vadh
দুর্গা সপ্তশতী · প্রথম অধ্যায
The Sanskrit text in Bengali script. The Roman line and the meaning are the same as in the original.
ওঁ খড্গং চক্রগদেষুচাপপরিঘাঞ্ছূলং ভুশুণ্ডীং শিরঃ শঙ্খং সন্দধতীং করৈস্ত্রিনযনাং সর্বাঙ্গভূষাবৃতাম্।
নীলাশ্মদ্যুতিমাস্যপাদদশকাং সেবে মহাকালিকাং যামস্তৌত্স্বপিতে হরৌ কমলজো হন্তুং মধুং কৈটভম্॥Om khadgam chakragadeshuchapaparighanchhulam bhushundim shirah shankham sandadhatim karaistrinayanam sarvangabhushavritam, nilashmadyutimasyapadadashakam seve mahakalikam yamastautsvapite harau kamalajo hantum madhum kaitabham.
Om. I worship Mahakali, who holds sword, discus, mace, arrows, bow, iron club, trident, sling, a severed head and conch in her hands; three-eyed, adorned with ornaments on every limb, dark as blue sapphire, with ten faces and ten feet; whom Brahma, born of the lotus, praised while Vishnu slept, so that Madhu and Kaitabha would be slain.
ওঁ নমশ্চণ্ডিকাযৈ॥
Om namashchandikayai.
Om, salutations to Chandika.
ওঁ ঐং মার্কণ্ডেয উবাচ॥
Om aim markandeya uvacha.
Om aim (the seed syllable of wisdom). Markandeya said:
সাবর্ণিঃ সূর্যতনযো যো মনুঃ কথ্যতেঽষ্টমঃ।
নিশাময তদুত্পত্তিং বিস্তরাদ্ গদতো মম॥Savarnih suryatanayo yo manuh kathyateshtamah, nishamaya tadutpattim vistarad gadato mama.
Savarni, son of the Sun, is called the eighth Manu. Listen as I tell you the story of his birth in full.
মহামাযানুভাবেন যথা মন্বন্তরাধিপঃ।
স বভূব মহাভাগঃ সাবর্ণিস্তনযো রবেঃ॥Mahamayanubhavena yatha manvantaradhipah, sa babhuva mahabhagah savarnistanayo raveh.
Hear how, by the power of Mahamaya, the great Savarni, son of the Sun, became lord of a Manu’s age.
স্বারোচিষেঽন্তরে পূর্বং চৈত্রবংশসমুদ্ভবঃ।
সুরথো নাম রাজাভূত্সমস্তে ক্ষিতিমণ্ডলে॥Svarochishentare purvam chaitravamshasamudbhavah, suratho nama rajabhutsamaste kshitimandale.
Long ago, in the age of the Manu Svarochisha, there was a king named Suratha, born of the Chaitra line, who ruled the whole earth.
তস্য পালযতঃ সম্যক্ প্রজাঃ পুত্রানিবৌরসান্।
বভূবুঃ শত্রবো ভূপাঃ কোলাবিধ্বংসিনস্তদা॥Tasya palayatah samyak prajah putranivaurasan, babhuvuh shatravo bhupah kolavidhvamsinastada.
While he protected his people well, as if they were his own children, the kings of the Kolavidhvamsi clan became his enemies.
তস্য তৈরভবদ্ যুদ্ধমতিপ্রবলদণ্ডিনঃ।
ন্যূনৈরপি স তৈর্যুদ্ধে কোলাবিধ্বংসিভির্জিতঃ॥Tasya tairabhavad yuddhamatiprabaladandinah, nyunairapi sa tairyuddhe kolavidhvamsibhirjitah.
The king, strong in arms, went to war with them, and though they were fewer, the Kolavidhvamsis defeated him.
ততঃ স্বপুরমাযাতো নিজদেশাধিপোঽভবৎ।
আক্রান্তঃ স মহাভাগস্তৈস্তদা প্রবলারিভিঃ॥Tatah svapuramayato nijadeshadhipobhavat, akrantah sa mahabhagastaistada prabalaribhih.
He returned to his own city and ruled only his own land; but there too the noble king was attacked by those powerful enemies.
অমাত্যৈর্বলিভির্দুষ্টৈর্দুর্বলস্য দুরাত্মভিঃ।
কোশো বলং চাপহৃতং তত্রাপি স্বপুরে ততঃ॥Amatyairbalibhirdushtairdurbalasya duratmabhih, kosho balam chapahritam tatrapi svapure tatah.
And in his own city, his strong, wicked and corrupt ministers seized the weakened king’s treasury and army.
ততো মৃগযাব্যাজেন হৃতস্বাম্যঃ স ভূপতিঃ।
একাকী হযমারুহ্য জগাম গহনং বনম্॥Tato mrigayavyajena hritasvamyah sa bhupatih, ekaki hayamaruhya jagama gahanam vanam.
Robbed of his rule, the king rode off alone on horseback into a dense forest, on the pretext of going hunting.
স তত্রাশ্রমমদ্রাক্ষীদ্ দ্বিজবর্যস্য মেধসঃ।
প্রশান্তশ্বাপদাকীর্ণং মুনিশিষ্যোপশোভিতম্॥Sa tatrashramamadrakshid dvijavaryasya medhasah, prashantashvapadakirnam munishishyopashobhitam.
There he saw the hermitage of Medhas, best of brahmins, where wild animals lived in peace and the sage’s disciples gave it grace.
তস্থৌ কংচিত্স কালং চ মুনিনা তেন সত্কৃতঃ।
ইতশ্চেতশ্চ বিচরংস্তস্মিন্মুনিবরাশ্রমে॥Tasthau kanchitsa kalam cha munina tena satkritah, itashchetashcha vicharamstasminmunivarashrame.
Honoured by the sage, he stayed there for some time, wandering here and there in that great sage’s hermitage.
সোঽচিন্তযত্তদা তত্র মমত্বাকৃষ্টচেতনঃ।
মত্পূর্বৈঃ পালিতং পূর্বং মযা হীনং পুরং হি তৎ॥Sochintayattada tatra mamatvakrishtachetanah, matpurvaih palitam purvam maya hinam puram hi tat.
There, his mind pulled by attachment, he thought: ‘The city my forefathers ruled, which I once ruled, is now lost to me.’
মদ্ভৃত্যৈস্তৈরসদ্বৃত্তৈর্ধর্মতঃ পাল্যতে ন বা।
ন জানে স প্রধানো মে শূরহস্তী সদামদঃ॥Madbhrityaistairasadvrittairdharmatah palyate na va, na jane sa pradhano me shurahasti sadamadah.
‘I don’t know if my wicked servants are ruling it rightly or not. And my chief elephant, brave and always in rut…’
মম বৈরিবশং যাতঃ কান্ ভোগানুপলপ্স্যতে।
যে মমানুগতা নিত্যং প্রসাদধনভোজনৈঃ॥Mama vairivasham yatah kan bhoganupalapsyate, ye mamanugata nityam prasadadhanabhojanaih.
‘…now in my enemies’ hands, what comforts will he find? And those who always followed me for my favour, wealth and food…’
অনুবৃত্তিং ধ্রুবং তেঽদ্য কুর্বন্ত্যন্যমহীভৃতাম্।
অসম্যগ্ব্যযশীলৈস্তৈঃ কুর্বদ্ভিঃ সততং ব্যযম্॥Anuvrittim dhruvam tedya kurvantyanyamahibhritam, asamyagvyayashilaistaih kurvadbhih satatam vyayam.
‘…surely serve other kings now. And those reckless spenders, wasting all the time…’
সঞ্চিতঃ সোঽতিদুঃখেন ক্ষযং কোশো গমিষ্যতি।
এতচ্চান্যচ্চ সততং চিন্তযামাস পার্থিবঃ॥Sanchitah sotiduhkhena kshayam kosho gamishyati, etachchanyachcha satatam chintayamasa parthivah.
‘…will drain the treasury I gathered with such effort.’ The king kept brooding on this and other worries.
তত্র বিপ্রাশ্রমাভ্যাশে বৈশ্যমেকং দদর্শ সঃ।
স পৃষ্টস্তেন কস্ত্বং ভো হেতুশ্চাগমনেঽত্র কঃ॥Tatra viprashramabhyashe vaishyamekam dadarsha sah, sa prishtastena kastvam bho hetushchagamanetra kah.
Near the sage’s hermitage he saw a merchant and asked him: ‘Who are you, friend, and why have you come here?’
সশোক ইব কস্মাত্ত্বং দুর্মনা ইব লক্ষ্যসে।
ইত্যাকর্ণ্য বচস্তস্য ভূপতেঃ প্রণযোদিতম্॥Sashoka iva kasmattvam durmana iva lakshyase, ityakarnya vachastasya bhupateh pranayoditam.
‘Why do you look so sorrowful and troubled?’ Hearing these kind words from the king…
প্রত্যুবাচ স তং বৈশ্যঃ প্রশ্রযাবনতো নৃপম্॥
Pratyuvacha sa tam vaishyah prashrayavanato nripam.
…the merchant bowed humbly and answered the king.
বৈশ্য উবাচ॥
Vaishya uvacha.
The merchant said:
সমাধির্নাম বৈশ্যোঽহমুত্পন্নো ধনিনাং কুলে॥
Samadhirnama vaishyohamutpanno dhaninam kule.
I am a merchant named Samadhi, born into a wealthy family.
পুত্রদারৈর্নিরস্তশ্চ ধনলোভাদসাধুভিঃ।
বিহীনশ্চ ধনৈর্দারৈঃ পুত্রৈরাদায মে ধনম্॥Putradarairnirastashcha dhanalobhadasadhubhih, vihinashcha dhanairdaraih putrairadaya me dhanam.
My wicked sons and wife, greedy for money, drove me out. They took my wealth and left me with no wealth, wife or sons.
বনমভ্যাগতো দুঃখী নিরস্তশ্চাপ্তবন্ধুভিঃ।
সোঽহং ন বেদ্মি পুত্রাণাং কুশলাকুশলাত্মিকাম্॥Vanamabhyagato duhkhi nirastashchaptabandhubhih, soham na vedmi putranam kushalakushalatmikam.
Cast out by my own trusted kin, I came to the forest in grief. Living here, I don’t know whether my sons are well or not…
প্রবৃত্তিং স্বজনানাং চ দারাণাং চাত্র সংস্থিতঃ।
কিং নু তেষাং গৃহে ক্ষেমমক্ষেমং কিং নু সাম্প্রতম্॥Pravrittim svajananam cha daranam chatra samsthitah, kim nu tesham grihe kshemamakshemam kim nu sampratam.
…nor have I news of my family or wife. Is all well at home with them now, or not?
কথং তে কিং নু সদ্বৃত্তা দুর্বৃত্তাঃ কিং নু মে সুতাঃ॥
Katham te kim nu sadvritta durvrittah kim nu me sutah.
How are they? Are my sons living well, or have they gone astray?
রাজোবাচ॥
Rajovacha.
The king said:
যৈর্নিরস্তো ভবাঁল্লুব্ধৈঃ পুত্রদারাদিভির্ধনৈঃ॥
Yairnirasto bhavamllubdhaih putradaradibhirdhanaih.
Those greedy sons, wife and others who drove you out for money…
তেষু কিং ভবতঃ স্নেহমনুবধ্নাতি মানসম্॥
Teshu kim bhavatah snehamanubadhnati manasam.
…why does your heart still cling to them with love?
বৈশ্য উবাচ॥
Vaishya uvacha.
The merchant said:
এবমেতদ্যথা প্রাহ ভবানস্মদ্গতং বচঃ॥
Evametadyatha praha bhavanasmadgatam vachah.
What you say about me is exactly right.
কিং করোমি ন বধ্নাতি মম নিষ্ঠুরতাং মনঃ।
যৈঃ সংত্যজ্য পিতৃস্নেহং ধনলুব্ধৈর্নিরাকৃতঃ॥Kim karomi na badhnati mama nishthuratam manah, yaih santyajya pitrisneham dhanalubdhairnirakritah.
But what can I do? My heart will not harden against those who, greedy for money, threw away a father’s love and drove me out…
পতিস্বজনহার্দং চ হার্দি তেষ্বেব মে মনঃ।
কিমেতন্নাভিজানামি জানন্নপি মহামতে॥Patisvajanahardam cha hardi teshveva me manah, kimetannabhijanami janannapi mahamate.
…and cast off all love for husband and kin; still my heart is with them. Wise one, I know this, yet I cannot understand it.
যত্প্রেমপ্রবণং চিত্তং বিগুণেষ্বপি বন্ধুষু।
তেষাং কৃতে মে নিঃশ্বাসো দৌর্মনস্যং চ জাযতে॥Yatpremapravanam chittam viguneshvapi bandhushu, tesham krite me nihshvaso daurmanasyam cha jayate.
My heart leans in love toward kin who have no goodness; for them I sigh and feel low.
করোমি কিং যন্ন মনস্তেষ্বপ্রীতিষু নিষ্ঠুরম্॥
Karomi kim yanna manasteshvapritishu nishthuram.
What can I do, when my heart will not turn hard toward those who have no love for me?
মার্কণ্ডেয উবাচ॥
Markandeya uvacha.
Markandeya said:
ততস্তৌ সহিতৌ বিপ্র তং মুনিং সমুপস্থিতৌ॥
Tatastau sahitau vipra tam munim samupasthitau.
Then, O brahmin, the two of them went together to the sage.
সমাধির্নাম বৈশ্যোঽসৌ স চ পার্থিবসত্তমঃ।
কৃত্বা তু তৌ যথান্যাযং যথার্হং তেন সংবিদম্॥Samadhirnama vaishyosau sa cha parthivasattamah, kritva tu tau yathanyayam yatharham tena samvidam.
Samadhi the merchant and that best of kings greeted him as was proper and fitting…
উপবিষ্টৌ কথাঃ কাশ্চিচ্চক্রতুর্বৈশ্যপার্থিবৌ॥
Upavishtau kathah kashchichchakraturvaishyaparthivau.
…and sitting down, the merchant and the king began to talk with him.
রাজোবাচ॥
Rajovacha.
The king said:
ভগবংস্ত্বামহং প্রষ্টুমিচ্ছাম্যেকং বদস্ব তৎ॥
Bhagavamstvamaham prashtumichchhamyekam vadasva tat.
Revered one, I wish to ask you one thing; please answer it.
দুঃখায যন্মে মনসঃ স্বচিত্তাযত্ততাং বিনা।
মমত্বং গতরাজ্যস্য রাজ্যাঙ্গেষ্বখিলেষ্বপি॥Duhkhaya yanme manasah svachittayattatam vina, mamatvam gatarajyasya rajyangeshvakhileshvapi.
My mind will not obey me, and this pains me: though I have lost my kingdom, I still feel ‘mine’ for every part of it.
জানতোঽপি যথাজ্ঞস্য কিমেতন্মুনিসত্তম।
অযং চ নিকৃতঃ পুত্রৈর্দারৈর্ভৃত্যৈস্তথোজ্ঝিতঃ॥Janatopi yathajnasya kimetanmunisattama, ayam cha nikritah putrairdarairbhrityaistathojjhitah.
Best of sages, why am I like an ignorant man though I know better? And this man was wronged by his sons and abandoned by wife and servants…
স্বজনেন চ সংত্যক্তস্তেষু হার্দী তথাপ্যতি।
এবমেষ তথাহং চ দ্বাবপ্যত্যন্তদুঃখিতৌ॥Svajanena cha santyaktasteshu hardi tathapyati, evamesha tathaham cha dvavapyatyantaduhkhitau.
…and forsaken by his own people, yet he still loves them dearly. So both he and I are deeply unhappy.
দৃষ্টদোষেঽপি বিষযে মমত্বাকৃষ্টমানসৌ।
তত্কিমেতন্মহাভাগ যন্মোহো জ্ঞানিনোরপি॥Drishtadoshepi vishaye mamatvakrishtamanasau, tatkimetanmahabhaga yanmoho jnaninorapi.
Our minds are drawn by attachment to things whose faults we have plainly seen. Noble one, why does delusion grip even those who know?
মমাস্য চ ভবত্যেষা বিবেকান্ধস্য মূঢতা॥
Mamasya cha bhavatyesha vivekandhasya mudhata.
Why has this folly come over both him and me, blind to what is right?
ঋষিরুবাচ॥
Rishiruvacha.
The sage said:
জ্ঞানমস্তি সমস্তস্য জন্তোর্বিষযগোচরে॥
Jnanamasti samastasya jantorvishayagochare.
Every living being has knowledge of the world of the senses.
বিষযশ্চ মহাভাগ যাতি চৈবং পৃথক্ পৃথক্।
দিবান্ধাঃ প্রাণিনঃ কেচিদ্রাত্রাবন্ধাস্তথাপরে॥Vishayashcha mahabhaga yati chaivam prithak prithak, divandhah praninah kechidratravandhastathapare.
And, noble one, the senses reach each creature in its own way. Some creatures are blind by day, others blind by night.
কেচিদ্দিবা তথা রাত্রৌ প্রাণিনস্তুল্যদৃষ্টযঃ।
জ্ঞানিনো মনুজাঃ সত্যং কিং তু তে ন হি কেবলম্॥Kechiddiva tatha ratrau praninastulyadrishtayah, jnanino manujah satyam kim tu te na hi kevalam.
Some see equally well by day and by night. Humans do have knowledge, it is true, but not they alone…
যতো হি জ্ঞানিনঃ সর্বে পশুপক্ষিমৃগাদযঃ।
জ্ঞানং চ তন্মনুষ্যাণাং যত্তেষাং মৃগপক্ষিণাম্॥Yato hi jnaninah sarve pashupakshimrigadayah, jnanam cha tanmanushyanam yattesham mrigapakshinam.
…for cattle, birds, beasts and all creatures have knowledge too. What humans know, beasts and birds know as well…
মনুষ্যাণাং চ যত্তেষাং তুল্যমন্যত্তথোভযোঃ।
জ্ঞানেঽপি সতি পশ্যৈতান্ পতঙ্গাঞ্ছাবচঞ্চুষু॥Manushyanam cha yattesham tulyamanyattathobhayoh, jnanepi sati pashyaitan patanganchhavachanchushu.
…and what they know, humans know; in other ways too they are alike. Though they have knowledge, look at these birds dropping grain into their chicks’ beaks…
কণমোক্ষাদৃতান্মোহাত্পীড্যমানানপি ক্ষুধা।
মানুষা মনুজব্যাঘ্র সাভিলাষাঃ সুতান্ প্রতি॥Kanamokshadritanmohatpidyamananapi kshudha, manusha manujavyaghra sabhilashah sutan prati.
…out of attachment, though they themselves suffer hunger. And people, O tiger among men, cherish hopes of their sons…
লোভাত্প্রত্যুপকারায নন্বেতান্ কিং ন পশ্যসি।
তথাপি মমতাবর্তে মোহগর্তে নিপাতিতাঃ॥Lobhatpratyupakaraya nanvetan kim na pashyasi, tathapi mamatavarte mohagarte nipatitah.
…greedy for something in return; don’t you see it? Even so, they are thrown into the whirlpool of ‘mine’, the pit of delusion…
মহামাযাপ্রভাবেণ সংসারস্থিতিকারিণা।
তন্নাত্র বিস্মযঃ কার্যো যোগনিদ্রা জগত্পতেঃ॥Mahamayaprabhavena samsarasthitikarina, tannatra vismayah karyo yoganidra jagatpateh.
…by the power of Mahamaya, who keeps the cycle of the world going. So there is nothing strange here: she is the yogic sleep of Vishnu, lord of the world.
মহামাযা হরেশ্চৈষা তযা সম্মোহ্যতে জগৎ।
জ্ঞানিনামপি চেতাংসি দেবী ভগবতী হি সা॥Mahamaya hareshchaisha taya sammohyate jagat, jnaninamapi chetamsi devi bhagavati hi sa.
She is Mahamaya, Vishnu’s own power, and by her the whole world is deluded. She is the blessed Goddess, and even the minds of the wise…
বলাদাকৃষ্য মোহায মহামাযা প্রযচ্ছতি।
তযা বিসৃজ্যতে বিশ্বং জগদেতচ্চরাচরম্॥Baladakrishya mohaya mahamaya prayachchhati, taya visrijyate vishvam jagadetachcharacharam.
…Mahamaya drags by force into delusion. By her this whole universe, moving and unmoving, is created.
সৈষা প্রসন্না বরদা নৃণাং ভবতি মুক্তযে।
সা বিদ্যা পরমা মুক্তের্হেতুভূতা সনাতনী॥Saisha prasanna varada nrinam bhavati muktaye, sa vidya parama mukterhetubhuta sanatani.
When she is pleased, she grants people the boon of liberation. She is the supreme knowledge, the eternal cause of freedom…
সংসারবন্ধহেতুশ্চ সৈব সর্বেশ্বরেশ্বরী॥
Samsarabandhahetushcha saiva sarveshvareshvari.
…and she alone, queen over all rulers, is also the cause of bondage to the world.
রাজোবাচ॥
Rajovacha.
The king said:
ভগবন্ কা হি সা দেবী মহামাযেতি যাং ভবান্॥
Bhagavan ka hi sa devi mahamayeti yam bhavan.
Revered one, who is this Goddess you call Mahamaya?
ব্রবীতি কথমুত্পন্না সা কর্মাস্যাশ্চ কিং দ্বিজ।
যত্প্রভাবা চ সা দেবী যত্স্বরূপা যদুদ্ভবা॥Braviti kathamutpanna sa karmasyashcha kim dvija, yatprabhava cha sa devi yatsvarupa yadudbhava.
How was she born, and what are her deeds, O brahmin? What is her power, her nature, her origin?
তত্সর্বং শ্রোতুমিচ্ছামি ত্বত্তো ব্রহ্মবিদাং বর॥
Tatsarvam shrotumichchhami tvatto brahmavidam vara.
I want to hear all of it from you, best of those who know Brahman.
ঋষিরুবাচ॥
Rishiruvacha.
The sage said:
নিত্যৈব সা জগন্মূর্তিস্তযা সর্বমিদং ততম্॥
Nityaiva sa jaganmurtistaya sarvamidam tatam.
She is eternal; the world is her form, and she pervades all of it.
তথাপি তত্সমুত্পত্তির্বহুধা শ্রূযতাং মম।
দেবানাং কার্যসিদ্ধ্যর্থমাবির্ভবতি সা যদা॥Tathapi tatsamutpattirbahudha shruyatam mama, devanam karyasiddhyarthamavirbhavati sa yada.
Even so, hear from me how she appears in many ways. Whenever she manifests to accomplish the work of the gods…
উত্পন্নেতি তদা লোকে সা নিত্যাপ্যভিধীযতে।
যোগনিদ্রাং যদা বিষ্ণুর্জগত্যেকার্ণবীকৃতে॥Utpanneti tada loke sa nityapyabhidhiyate, yoganidram yada vishnurjagatyekarnavikrite.
…the world says she is born, though she is eternal. At the end of an age, when the world had become one ocean…
আস্তীর্য শেষমভজত্কল্পান্তে ভগবান্ প্রভুঃ।
তদা দ্বাবসুরৌ ঘোরৌ বিখ্যাতৌ মধুকৈটভৌ॥Astirya sheshamabhajatkalpante bhagavan prabhuh, tada dvavasurau ghorau vikhyatau madhukaitabhau.
…and the Lord Vishnu spread out the serpent Shesha as his bed and entered yogic sleep, two terrible demons arose, the famous Madhu and Kaitabha.
বিষ্ণুকর্ণমলোদ্ভূতৌ হন্তুং ব্রহ্মাণমুদ্যতৌ।
স নাভিকমলে বিষ্ণোঃ স্থিতো ব্রহ্মা প্রজাপতিঃ॥Vishnukarnamalodbhutau hantum brahmanamudyatau, sa nabhikamale vishnoh sthito brahma prajapatih.
Born from the wax of Vishnu’s ears, they set out to kill Brahma. Brahma, the creator, was seated in the lotus growing from Vishnu’s navel.
দৃষ্ট্বা তাবসুরৌ চোগ্রৌ প্রসুপ্তং চ জনার্দনম্।
তুষ্টাব যোগনিদ্রাং তামেকাগ্রহৃদযস্থিতঃ॥Drishtva tavasurau chograu prasuptam cha janardanam, tushtava yoganidram tamekagrahridayasthitah.
Seeing those two fierce demons and Janardana, Vishnu, fast asleep, Brahma, with a focused heart, praised the Goddess who is yogic sleep…
বিবোধনার্থায হরের্হরিনেত্রকৃতালযাম্।
বিশ্বেশ্বরীং জগদ্ধাত্রীং স্থিতিসংহারকারিণীম্॥Vibodhanarthaya harerharinetrakritalayam, vishveshvarim jagaddhatrim sthitisamharakarinim.
…to wake Vishnu: she who had made her home in his eyes, queen of the universe, its sustainer, who keeps it and dissolves it…
নিদ্রাং ভগবতীং বিষ্ণোরতুলাং তেজসঃ প্রভুঃ॥
Nidram bhagavatim vishnoratulam tejasah prabhuh.
…the blessed Goddess who is Vishnu’s sleep, the matchless radiance; so the lord Brahma praised her.
ব্রহ্মোবাচ॥
Brahmovacha.
Brahma said:
ত্বং স্বাহা ত্বং স্বধা ত্বং হি বষট্কারঃ স্বরাত্মিকা॥
Tvam svaha tvam svadha tvam hi vashatkarah svaratmika.
You are Svaha and Svadha, the offerings to gods and ancestors; you are Vashat, the sacred call; you are the very soul of sound.
সুধা ত্বমক্ষরে নিত্যে ত্রিধা মাত্রাত্মিকা স্থিতা।
অর্ধমাত্রাস্থিতা নিত্যা যানুচ্চার্যা বিশেষতঃ॥Sudha tvamakshare nitye tridha matratmika sthita, ardhamatrasthita nitya yanuchcharya visheshatah.
You are the nectar; in the eternal syllable Om you abide as its three parts, and you are the eternal half-measure beyond them that cannot be spoken.
ত্বমেব সন্ধ্যা সাবিত্রী ত্বং দেবি জননী পরা।
ত্বযৈতদ্ধার্যতে বিশ্বং ত্বযৈতত্সৃজ্যতে জগৎ॥Tvameva sandhya savitri tvam devi janani para, tvayaitaddharyate vishvam tvayaitatsrijyate jagat.
You are the twilight prayer and Savitri; Goddess, you are the supreme Mother. By you this universe is upheld, by you this world is created.
ত্বযৈতত্পাল্যতে দেবি ত্বমত্স্যন্তে চ সর্বদা।
বিসৃষ্টৌ সৃষ্টিরূপা ত্বং স্থিতিরূপা চ পালনে॥Tvayaitatpalyate devi tvamatsyante cha sarvada, visrishtau srishtirupa tvam sthitirupa cha palane.
By you it is protected, Goddess, and at the end you always consume it. At creation you take the form of creation, and in protecting it the form of preservation…
তথা সংহৃতিরূপান্তে জগতোঽস্য জগন্মযে।
মহাবিদ্যা মহামাযা মহামেধা মহাস্মৃতিঃ॥Tatha samhritirupante jagatosya jaganmaye, mahavidya mahamaya mahamedha mahasmritih.
…and at the end the form of dissolution, O you who are the world itself. You are great knowledge, great illusion, great intellect, great memory…
মহামোহা চ ভবতী মহাদেবী মহাসুরী।
প্রকৃতিস্ত্বং চ সর্বস্য গুণত্রযবিভাবিনী॥Mahamoha cha bhavati mahadevi mahasuri, prakritistvam cha sarvasya gunatrayavibhavini.
…great delusion, the great Goddess, the great power. You are Nature, the source of all, bringing forth the three qualities.
কালরাত্রির্মহারাত্রির্মোহরাত্রিশ্চ দারুণা।
ত্বং শ্রীস্ত্বমীশ্বরী ত্বং হ্রীস্ত্বং বুদ্ধির্বোধলক্ষণা॥Kalaratrirmaharatrirmoharatrishcha daruna, tvam shristvamishvari tvam hristvam buddhirbodhalakshana.
You are the dark night of time, the great night, the terrible night of delusion. You are fortune, sovereignty, modesty, and the intelligence that awakens.
লজ্জা পুষ্টিস্তথা তুষ্টিস্ত্বং শান্তিঃ ক্ষান্তিরেব চ।
খড্গিনী শূলিনী ঘোরা গদিনী চক্রিণী তথা॥Lajja pushtistatha tushtistvam shantih kshantireva cha, khadgini shulini ghora gadini chakrini tatha.
You are shyness, nourishment and contentment, peace and forbearance. Fierce, you bear the sword, the trident, the mace and the discus…
শঙ্খিনী চাপিনী বাণভুশুণ্ডীপরিঘাযুধা।
সৌম্যা সৌম্যতরাশেষসৌম্যেভ্যস্ত্বতিসুন্দরী॥Shankhini chapini banabhushundiparighayudha, saumya saumyatarasheshasaumyebhyastvatisundari.
…the conch, the bow, arrows, sling and iron club. Yet you are gentle, gentler than all gentle things, and beautiful beyond them all.
পরাপরাণাং পরমা ত্বমেব পরমেশ্বরী।
যচ্চ কিঞ্চিত্ক্বচিদ্বস্তু সদসদ্বাখিলাত্মিকে॥Paraparanam parama tvameva parameshvari, yachcha kinchitkvachidvastu sadasadvakhilatmike.
You are higher than the highest and the lowest; you alone are the supreme Goddess. Whatever exists anywhere, real or unreal, O soul of all…
তস্য সর্বস্য যা শক্তিঃ সা ত্বং কিং স্তূযসে তদা।
যযা ত্বযা জগত্স্রষ্টা জগত্পাত্যত্তি যো জগৎ॥Tasya sarvasya ya shaktih sa tvam kim stuyase tada, yaya tvaya jagatsrashta jagatpatyatti yo jagat.
…the power in all of it is you; how then can you be praised? Even he who creates, protects and consumes the world…
সোঽপি নিদ্রাবশং নীতঃ কস্ত্বাং স্তোতুমিহেশ্বরঃ।
বিষ্ণুঃ শরীরগ্রহণমহমীশান এব চ॥Sopi nidravasham nitah kastvam stotumiheshvarah, vishnuh shariragrahanamahamishana eva cha.
…has been put to sleep by you; who here is able to praise you? Vishnu, I and Shiva have all been made to take bodies…
কারিতাস্তে যতোঽতস্ত্বাং কঃ স্তোতুং শক্তিমান্ ভবেৎ।
সা ত্বমিত্থং প্রভাবৈঃ স্বৈরুদারৈর্দেবি সংস্তুতা॥Karitaste yatotastvam kah stotum shaktiman bhavet, sa tvamittham prabhavaih svairudarairdevi samstuta.
…by you; so who has the power to praise you? Goddess, praised in this way for your own noble powers…
মোহযৈতৌ দুরাধর্ষাবসুরৌ মধুকৈটভৌ।
প্রবোধং চ জগত্স্বামী নীযতামচ্যুতো লঘু॥Mohayaitau duradharshavasurau madhukaitabhau, prabodham cha jagatsvami niyatamachyuto laghu.
…bewilder these two unconquerable demons, Madhu and Kaitabha, and let Achyuta, lord of the world, wake up quickly.
বোধশ্চ ক্রিযতামস্য হন্তুমেতৌ মহাসুরৌ॥
Bodhashcha kriyatamasya hantumetau mahasurau.
Awaken him so he may slay these two great demons.
ঋষিরুবাচ॥
Rishiruvacha.
The sage said:
এবং স্তুতা তদা দেবী তামসী তত্র বেধসা॥
Evam stuta tada devi tamasi tatra vedhasa.
Praised in this way by Brahma, the Goddess of dark sleep…
বিষ্ণোঃ প্রবোধনার্থায নিহন্তুং মধুকৈটভৌ।
নেত্রাস্যনাসিকাবাহুহৃদযেভ্যস্তথোরসঃ॥Vishnoh prabodhanarthaya nihantum madhukaitabhau, netrasyanasikabahuhridayebhyastathorasah.
…to wake Vishnu and have Madhu and Kaitabha slain, came forth from his eyes, mouth, nose, arms, heart and chest…
নির্গম্য দর্শনে তস্থৌ ব্রহ্মণোঽব্যক্তজন্মনঃ।
উত্তস্থৌ চ জগন্নাথস্তযা মুক্তো জনার্দনঃ॥Nirgamya darshane tasthau brahmanovyaktajanmanah, uttasthau cha jagannathastaya mukto janardanah.
…and stood before Brahma, whose birth is beyond knowing. Freed by her, Janardana, lord of the world, rose up…
একার্ণবেঽহিশযনাত্ততঃ স দদৃশে চ তৌ।
মধুকৈটভৌ দুরাত্মানাবতিবীর্যপরাক্রমৌ॥Ekarnavehishayanattatah sa dadrishe cha tau, madhukaitabhau duratmanavativiryaparakramau.
…from his serpent bed on the single ocean, and he saw those two, Madhu and Kaitabha, wicked and of enormous strength and valour…
ক্রোধরক্তেক্ষণাবত্তুং ব্রহ্মাণং জনিতোদ্যমৌ।
সমুত্থায ততস্তাভ্যাং যুযুধে ভগবান্ হরিঃ॥Krodharaktekshanavattum brahmanam janitodyamau, samutthaya tatastabhyam yuyudhe bhagavan harih.
…their eyes red with rage, ready to devour Brahma. Rising up, the Lord Hari fought with them.
পঞ্চবর্ষসহস্রাণি বাহুপ্রহরণো বিভুঃ।
তাবপ্যতিবলোন্মত্তৌ মহামাযাবিমোহিতৌ॥Panchavarshasahasrani bahupraharano vibhuh, tavapyatibalonmattau mahamayavimohitau.
The mighty Lord fought them with his bare arms for five thousand years. Drunk on their great strength and deluded by Mahamaya…
উক্তবন্তৌ বরোঽস্মত্তো ব্রিযতামিতি কেশবম্॥
Uktavantau varosmatto vriyatamiti keshavam.
…the two said to Keshava, Vishnu: ‘Ask a boon of us.’
শ্রীভগবানুবাচ॥
Shribhagavanuvacha.
The Lord said:
ভবেতামদ্য মে তুষ্টৌ মম বধ্যাবুভাবপি॥
Bhavetamadya me tushtau mama vadhyavubhavapi.
If you are pleased with me today, then let both of you be slain by me.
কিমন্যেন বরেণাত্র এতাবদ্ধি বৃতং মম॥
Kimanyena varenatra etavaddhi vritam mama.
What need is there of any other boon? This alone is what I choose.
ঋষিরুবাচ॥
Rishiruvacha.
The sage said:
বঞ্চিতাভ্যামিতি তদা সর্বমাপোমযং জগৎ॥
Vanchitabhyamiti tada sarvamapomayam jagat.
Tricked in this way, and seeing that the whole world was nothing but water…
বিলোক্য তাভ্যাং গদিতো ভগবান্ কমলেক্ষণঃ।
আবাং জহি ন যত্রোর্বী সলিলেন পরিপ্লুতা॥Vilokya tabhyam gadito bhagavan kamalekshanah, avam jahi na yatrorvi salilena paripluta.
…the two said to the lotus-eyed Lord: ‘Kill us where the earth is not flooded with water.’
ঋষিরুবাচ॥
Rishiruvacha.
The sage said:
তথেত্যুক্ত্বা ভগবতা শঙ্খচক্রগদাভৃতা।
কৃত্বা চক্রেণ বৈ চ্ছিন্নে জঘনে শিরসী তযোঃ॥Tathetyuktva bhagavata shankhachakragadabhrita, kritva chakrena vai chchhinne jaghane shirasi tayoh.
Saying ‘So be it’, the Lord who bears the conch, discus and mace placed their heads on his thigh and cut them off with his discus.
এবমেষা সমুত্পন্না ব্রহ্মণা সংস্তুতা স্বযম্।
প্রভাবমস্যা দেব্যাস্তু ভূযঃ শৃণু বদামি তে॥ ঐং ওঁ॥Evamesha samutpanna brahmana samstuta svayam, prabhavamasya devyastu bhuyah shrinu vadami te. Aim om.
So did she appear, praised by Brahma himself. Now hear more of this Goddess’s power, as I tell it to you. Aim, Om.
ইতি শ্রীমার্কণ্ডেযপুরাণে সাবর্ণিকে মন্বন্তরে দেবীমাহাত্ম্যে মধুকৈটভবধো নাম প্রথমোঽধ্যাযঃ॥
Iti shrimarkandeyapurane savarnike manvantare devimahatmye madhukaitabhavadho nama prathamodhyayah.
Thus ends the first chapter of the Devi Mahatmya in the Markandeya Purana, in the age of Savarni Manu: the slaying of Madhu and Kaitabha.