Durga Saptashati 12: Phala Stuti
దుర్గా సప్తశతీ · ద్వాదశ అధ్యాయ
The Sanskrit text in Telugu script. The Roman line and the meaning are the same as in the original.
ఓం విద్యుద్దామసమప్రభాం మృగపతిస్కన్ధస్థితాం భీషణాం కన్యాభిః కరవాలఖేటవిలసద్ధస్తాభిరాసేవితామ్।
హస్తైశ్చక్రగదాసిఖేటవిశిఖాంశ్చాపం గుణం తర్జనీం బిభ్రాణామనలాత్మికాం శశిధరాం దుర్గాం త్రినేత్రాం భజే॥Om vidyuddamasamaprabham mrigapatiskandhasthitam bhishanam kanyabhih karavalakhetavilasaddhastabhirasevitam, hastaishchakragadasikhetavishikhamshchapam gunam tarjanim bibhranamanalatmikam shashidharam durgam trinetram bhaje.
I worship three-eyed Durga, bright as a string of lightning, seated on a lion’s shoulder, fearsome, attended by maidens with swords and shields; who holds discus, mace, sword, shield, arrows, bow and noose and raises a warning finger; whose nature is fire and who wears the moon.
దేవ్యువాచ॥
Devyuvacha.
The Goddess said:
ఏభిః స్తవైశ్చ మాం నిత్యం స్తోష్యతే యః సమాహితః।
తస్యాహం సకలాం బాధాం నాశయిష్యామ్యసంశయమ్॥Ebhih stavaishcha mam nityam stoshyate yah samahitah, tasyaham sakalam badham nashayishyamyasamshayam.
Whoever praises me every day with these hymns, with a focused mind, I will surely remove all their troubles.
మధుకైటభనాశం చ మహిషాసురఘాతనమ్।
కీర్తయిష్యన్తి యే తద్వద్ వధం శుమ్భనిశుమ్భయోః॥Madhukaitabhanasham cha mahishasuraghatanam, kirtayishyanti ye tadvad vadham shumbhanishumbhayoh.
Those who recite how Madhu and Kaitabha were destroyed, how Mahishasura was slain, and likewise the killing of Shumbha and Nishumbha…
అష్టమ్యాం చ చతుర్దశ్యాం నవమ్యాం చైకచేతసః।
శ్రోష్యన్తి చైవ యే భక్త్యా మమ మాహాత్మ్యముత్తమమ్॥Ashtamyam cha chaturdashyam navamyam chaikachetasah, shroshyanti chaiva ye bhaktya mama mahatmyamuttamam.
…and those who listen with devotion and a focused mind to my supreme glory on the eighth, ninth and fourteenth days of the lunar fortnight…
న తేషాం దుష్కృతం కిఞ్చిద్ దుష్కృతోత్థా న చాపదః।
భవిష్యతి న దారిద్ర్యం న చైవేష్టవియోజనమ్॥Na tesham dushkritam kinchid dushkritottha na chapadah, bhavishyati na daridryam na chaiveshtaviyojanam.
…no wrongdoing will touch them, nor the troubles it brings; they will know neither poverty nor separation from those they love.
శత్రుతో న భయం తస్య దస్యుతో వా న రాజతః।
న శస్త్రానలతోయౌఘాత్కదాచిత్సమ్భవిష్యతి॥Shatruto na bhayam tasya dasyuto va na rajatah, na shastranalatoyaughatkadachitsambhavishyati.
Such a person will never fear enemies, robbers or kings, nor weapons, fire or floods.
తస్మాన్మమైతన్మాహాత్మ్యం పఠితవ్యం సమాహితైః।
శ్రోతవ్యం చ సదా భక్త్యా పరం స్వస్త్యయనం హి తత్॥Tasmanmamaitanmahatmyam pathitavyam samahitaih, shrotavyam cha sada bhaktya param svastyayanam hi tat.
So this glory of mine should be read with a focused mind and always heard with devotion, for it is the surest path to well-being.
ఉపసర్గానశేషాంస్తు మహామారీసముద్భవాన్।
తథా త్రివిధముత్పాతం మాహాత్మ్యం శమయేన్మమ॥Upasarganasheshamstu mahamarisamudbhavan, tatha trividhamutpatam mahatmyam shamayenmama.
My glory calms every calamity born of great epidemics, and the three kinds of ill omens.
యత్రైతత్పఠ్యతే సమ్యఙ్నిత్యమాయతనే మమ।
సదా న తద్విమోక్ష్యామి సాన్నిధ్యం తత్ర మే స్థితమ్॥Yatraitatpathyate samyannityamayatane mama, sada na tadvimokshyami sannidhyam tatra me sthitam.
Wherever this is properly recited every day in my shrine, I will never leave that place; my presence stays there.
బలిప్రదానే పూజాయామగ్నికార్యే మహోత్సవే।
సర్వం మమైతచ్చరితముచ్చార్యం శ్రావ్యమేవ చ॥Balipradane pujayamagnikarye mahotsave, sarvam mamaitachcharitamuchcharyam shravyameva cha.
At offerings, worship, fire rituals and great festivals, this whole story of mine should be recited and listened to.
జానతాఽజానతా వాపి బలిపూజాం తథా కృతామ్।
ప్రతీచ్ఛిష్యామ్యహం ప్రీత్యా వహ్నిహోమం తథా కృతమ్॥Janatajanata vapi balipujam tatha kritam, pratichchhishyamyaham pritya vahnihomam tatha kritam.
I will gladly accept offerings, worship and fire rituals made in this way, whether done with knowledge or without.
శరత్కాలే మహాపూజా క్రియతే యా చ వార్షికీ।
తస్యాం మమైతన్మాహాత్మ్యం శ్రుత్వా భక్తిసమన్వితః॥Sharatkale mahapuja kriyate ya cha varshiki, tasyam mamaitanmahatmyam shrutva bhaktisamanvitah.
At the great yearly worship held in autumn, whoever hears this glory of mine with devotion…
సర్వాబాధావినిర్ముక్తో ధనధాన్యసుతాన్వితః।
మనుష్యో మత్ప్రసాదేన భవిష్యతి న సంశయః॥Sarvabadhavinirmukto dhanadhanyasutanvitah, manushyo matprasadena bhavishyati na samshayah.
…will by my grace be freed from all troubles and blessed with wealth, grain and children; there is no doubt.
శ్రుత్వా మమైతన్మాహాత్మ్యం తథా చోత్పత్తయః శుభాః।
పరాక్రమం చ యుద్ధేషు జాయతే నిర్భయః పుమాన్॥Shrutva mamaitanmahatmyam tatha chotpattayah shubhah, parakramam cha yuddheshu jayate nirbhayah puman.
Hearing this glory of mine, my auspicious appearances and my valour in battle, a person becomes fearless.
రిపవః సంక్షయం యాన్తి కల్యాణం చోపపద్యతే।
నన్దతే చ కులం పుంసాం మాహాత్మ్యం మమ శృణ్వతామ్॥Ripavah sankshayam yanti kalyanam chopapadyate, nandate cha kulam pumsam mahatmyam mama shrinvatam.
Enemies are destroyed, good fortune comes, and the families of those who hear my glory prosper.
శాన్తికర్మణి సర్వత్ర తథా దుఃస్వప్నదర్శనే।
గ్రహపీడాసు చోగ్రాసు మాహాత్మ్యం శృణుయాన్మమ॥Shantikarmani sarvatra tatha duhsvapnadarshane, grahapidasu chograsu mahatmyam shrinuyanmama.
In every rite for peace, after a bad dream, and in severe trouble from the planets, one should listen to my glory.
ఉపసర్గాః శమం యాన్తి గ్రహపీడాశ్చ దారుణాః।
దుఃస్వప్నం చ నృభిర్దృష్టం సుస్వప్నముపజాయతే॥Upasargah shamam yanti grahapidashcha darunah, duhsvapnam cha nribhirdrishtam susvapnamupajayate.
Calamities and harsh planetary afflictions are calmed, and a bad dream turns into a good one.
బాలగ్రహాభిభూతానాం బాలానాం శాన్తికారకమ్।
సఙ్ఘాతభేదే చ నృణాం మైత్రీకరణముత్తమమ్॥Balagrahabhibhutanam balanam shantikarakam, sanghatabhede cha nrinam maitrikaranamuttamam.
It brings peace to children troubled by childhood afflictions, and when people fall out, it is the best way to restore friendship.
దుర్వృత్తానామశేషాణాం బలహానికరం పరమ్।
రక్షోభూతపిశాచానాం పఠనాదేవ నాశనమ్॥Durvrittanamasheshanam balahanikaram param, rakshobhutapishachanam pathanadeva nashanam.
It saps the strength of all the wicked, and its very recitation destroys demons, ghosts and evil spirits.
సర్వం మమైతన్మాహాత్మ్యం మమ సన్నిధికారకమ్।
పశుపుష్పార్ఘ్యధూపైశ్చ గన్ధదీపైస్తథోత్తమైః॥Sarvam mamaitanmahatmyam mama sannidhikarakam, pashupushparghyadhupaishcha gandhadipaistathottamaih.
This whole glory of mine brings my presence near. With offerings of animals, flowers, water, incense, perfume and fine lamps…
విప్రాణాం భోజనైర్హోమైః ప్రోక్షణీయైరహర్నిశమ్।
అన్యైశ్చ వివిధైర్భోగైః ప్రదానైర్వత్సరేణ యా॥Vipranam bhojanairhomaih prokshaniyairaharnisham, anyaishcha vividhairbhogaih pradanairvatsarena ya.
…with feeding brahmins, fire offerings, sprinkling of holy water day and night, and many other gifts and enjoyments offered for a whole year…
ప్రీతిర్మే క్రియతే సాస్మిన్ సకృత్సుచరితే శ్రుతే।
శ్రుతం హరతి పాపాని తథాఽఽరోగ్యం ప్రయచ్ఛతి॥Pritirme kriyate sasmin sakritsucharite shrute, shrutam harati papani tatharogyam prayachchhati.
…the joy all that gives me, I feel from hearing this holy story just once. Hearing it removes sins and grants good health.
రక్షాం కరోతి భూతేభ్యో జన్మనాం కీర్తనం మమ।
యుద్ధేషు చరితం యన్మే దుష్టదైత్యనిబర్హణమ్॥Raksham karoti bhutebhyo janmanam kirtanam mama, yuddheshu charitam yanme dushtadaityanibarhanam.
Singing of my appearances protects from evil spirits. And my deeds in battle, destroying the wicked demons…
తస్మిఞ్ఛ్రుతే వైరికృతం భయం పుంసాం న జాయతే।
యుష్మాభిః స్తుతయో యాశ్చ యాశ్చ బ్రహ్మర్షిభిః కృతాః॥Tasminchhrute vairikritam bhayam pumsam na jayate, yushmabhih stutayo yashcha yashcha brahmarshibhih kritah.
…once heard, leave people free of any fear from enemies. And the hymns sung by you gods and by the great sages…
బ్రహ్మణా చ కృతాస్తాస్తు ప్రయచ్ఛన్తి శుభాం మతిమ్।
అరణ్యే ప్రాన్తరే వాపి దావాగ్నిపరివారితః॥Brahmana cha kritastastu prayachchhanti shubham matim, aranye prantare vapi davagniparivaritah.
…and by Brahma, grant a pure and good mind. In a forest or a lonely place, surrounded by a forest fire…
దస్యుభిర్వా వృతః శూన్యే గృహీతో వాపి శత్రుభిః।
సింహవ్యాఘ్రానుయాతో వా వనే వా వనహస్తిభిః॥Dasyubhirva vritah shunye grihito vapi shatrubhih, simhavyaghranuyato va vane va vanahastibhih.
…or surrounded by robbers in a deserted place, or captured by enemies, or chased by lions and tigers or wild elephants in the forest…
రాజ్ఞా క్రుద్ధేన చాజ్ఞప్తో వధ్యో బన్ధగతోఽపి వా।
ఆఘూర్ణితో వా వాతేన స్థితః పోతే మహార్ణవే॥Rajna kruddhena chajnapto vadhyo bandhagatopi va, aghurnito va vatena sthitah pote maharnave.
…or sentenced to death by an angry king, or in prison, or tossed by the wind in a boat on the great ocean…
పతత్సు చాపి శస్త్రేషు సఙ్గ్రామే భృశదారుణే।
సర్వాబాధాసు ఘోరాసు వేదనాభ్యర్దితోఽపి వా॥Patatsu chapi shastreshu sangrame bhrishadarune, sarvabadhasu ghorasu vedanabhyarditopi va.
…or amid falling weapons in a fierce battle, or in any terrible trouble, or tormented by pain…
స్మరన్మమైతచ్చరితం నరో ముచ్యేత సఙ్కటాత్।
మమ ప్రభావాత్సింహాద్యా దస్యవో వైరిణస్తథా॥Smaranmamaitachcharitam naro muchyeta sankatat, mama prabhavatsimhadya dasyavo vairinastatha.
…a person who remembers this story of mine is freed from danger. By my power, lions and the like, robbers and enemies…
దూరాదేవ పలాయన్తే స్మరతశ్చరితం మమ॥
Duradeva palayante smaratashcharitam mama.
…flee far from anyone who remembers my story.
ఋషిరువాచ॥
Rishiruvacha.
The sage said:
ఇత్యుక్త్వా సా భగవతీ చణ్డికా చణ్డవిక్రమా॥
Ityuktva sa bhagavati chandika chandavikrama.
Having said this, the blessed Chandika, fierce in valour…
పశ్యతామేవ దేవానాం తత్రైవాన్తరధీయత।
తేఽపి దేవా నిరాతఙ్కాః స్వాధికారాన్ యథా పురా॥Pashyatameva devanam tatraivantaradhiyata, tepi deva niratankah svadhikaran yatha pura.
…vanished on the spot as the gods watched. And the gods, free of fear, took back their roles as before…
యజ్ఞభాగభుజః సర్వే చక్రుర్వినిహతారయః।
దైత్యాశ్చ దేవ్యా నిహతే శుమ్భే దేవరిపౌ యుధి॥Yajnabhagabhujah sarve chakrurvinihatarayah, daityashcha devya nihate shumbhe devaripau yudhi.
…all of them, their enemies slain, once more enjoying their shares of sacrifice. When the Goddess had killed Shumbha, enemy of the gods, in battle…
జగద్విధ్వంసిని తస్మిన్ మహోగ్రేఽతులవిక్రమే।
నిశుమ్భే చ మహావీర్యే శేషాః పాతాలమాయయుః॥Jagadvidhvamsini tasmin mahogretulavikrame, nishumbhe cha mahavirye sheshah patalamayayuh.
…that fierce destroyer of the world, of matchless might, and the mighty Nishumbha, the remaining demons went down to Patala.
ఏవం భగవతీ దేవీ సా నిత్యాపి పునః పునః।
సమ్భూయ కురుతే భూప జగతః పరిపాలనమ్॥Evam bhagavati devi sa nityapi punah punah, sambhuya kurute bhupa jagatah paripalanam.
In this way, O king, the blessed Goddess, though eternal, appears again and again to protect the world.
తయైతన్మోహ్యతే విశ్వం సైవ విశ్వం ప్రసూయతే।
సా యాచితా చ విజ్ఞానం తుష్టా ఋద్ధిం ప్రయచ్ఛతి॥Tayaitanmohyate vishvam saiva vishvam prasuyate, sa yachita cha vijnanam tushta riddhim prayachchhati.
She deludes this universe, and she gives birth to it. When asked, she grants wisdom; when pleased, she grants prosperity.
వ్యాప్తం తయైతత్సకలం బ్రహ్మాణ్డం మనుజేశ్వర।
మహాకాల్యా మహాకాలే మహామారీస్వరూపయా॥Vyaptam tayaitatsakalam brahmandam manujeshvara, mahakalya mahakale mahamarisvarupaya.
O king, this whole universe is pervaded by her, Mahakali, who at the time of great dissolution takes the form of the great destroyer.
సైవ కాలే మహామారీ సైవ సృష్టిర్భవత్యజా।
స్థితిం కరోతి భూతానాం సైవ కాలే సనాతనీ॥Saiva kale mahamari saiva srishtirbhavatyaja, sthitim karoti bhutanam saiva kale sanatani.
In her time she is the great destroyer; she, the unborn, becomes creation; and she, the eternal, sustains all beings in time.
భవకాలే నృణాం సైవ లక్ష్మీర్వృద్ధిప్రదా గృహే।
సైవాభావే తథాఽలక్ష్మీర్వినాశాయోపజాయతే॥Bhavakale nrinam saiva lakshmirvriddhiprada grihe, saivabhave tathalakshmirvinashayopajayate.
In good times she is Lakshmi in people’s homes, bringing growth; in hard times she becomes misfortune and brings ruin.
స్తుతా సమ్పూజితా పుష్పైర్ధూపగన్ధాదిభిస్తథా।
దదాతి విత్తం పుత్రాంశ్చ మతిం ధర్మే గతిం శుభామ్॥Stuta sampujita pushpairdhupagandhadibhistatha, dadati vittam putramshcha matim dharme gatim shubham.
Praised and worshipped with flowers, incense, perfume and the like, she grants wealth, children, a mind set on dharma and a blessed end.
ఇతి శ్రీమార్కణ్డేయపురాణే సావర్ణికే మన్వన్తరే దేవీమాహాత్మ్యే ఫలస్తుతిర్నామ ద్వాదశోఽధ్యాయః॥
Iti shrimarkandeyapurane savarnike manvantare devimahatmye phalastutirnama dvadashodhyayah.
Thus ends the twelfth chapter of the Devi Mahatmya in the Markandeya Purana: the praise of its blessings.