Shri Govinda Damodara Stotram
శ్రీగోవిన్దదామోదరస్తోత్రమ్
The Sanskrit text in Telugu script. The Roman line and the meaning are the same as in the original.
అగ్రే కురూణామథ పాణ్డవానాం దుఃశాసనేనాహృతవస్త్రకేశా।
కృష్ణా తదాక్రోశదనన్యనాథా గోవిన్ద దామోదర మాధవేతి॥Agre kurunamatha pandavanam duhshasanenahritavastrakesha, krishna tadakroshadananyanatha govinda damodara madhaveti.
Before the Kurus and the Pandavas, when Duhshasana dragged her by the hair and stripped her garment, Draupadi, with no other protector, cried out: “Govinda (protector of the cows), Damodara (bound at the waist), Madhava (Lakshmi’s lord)!”
శ్రీకృష్ణ విష్ణో మధుకైటభారే భక్తానుకమ్పిన్ భగవన్ మురారే।
త్రాయస్వ మాం కేశవ లోకనాథ గోవిన్ద దామోదర మాధవేతి॥Shrikrishna vishno madhukaitabhare bhaktanukampin bhagavan murare, trayasva mam keshava lokanatha govinda damodara madhaveti.
O Shri Krishna, Vishnu, slayer of Madhu and Kaitabha, compassionate to devotees, Lord, enemy of Mura! Save me, Keshava, lord of the world: Govinda, Damodara, Madhava!
విక్రేతుకామా కిల గోపకన్యా మురారిపాదార్పితచిత్తవృత్తిః।
దధ్యాదికం మోహవశాదవోచద్ గోవిన్ద దామోదర మాధవేతి॥Vikretukama kila gopakanya muraripadarpitachittavrittih, dadhyadikam mohavashadavochad govinda damodara madhaveti.
A cowherd girl set out to sell curd and milk, but with her mind given to Krishna’s feet, she was so lost that she called out “Govinda, Damodara, Madhava!” instead of her wares.
ఉలూఖలే సమ్భృతతణ్డులాంశ్చ సఙ్ఘట్టయన్త్యో ముసలైః ప్రముగ్ధాః।
గాయన్తి గోప్యో జనితానురాగా గోవిన్ద దామోదర మాధవేతి॥Ulukhale sambhritatandulamshcha sanghattayantyo musalaih pramugdhah, gayanti gopyo janitanuraga govinda damodara madhaveti.
Pounding rice in the mortar with their pestles, the gopis, lost in love, sing: “Govinda, Damodara, Madhava!”
కాచిత్కరామ్భోజపుటే నిషణ్ణం క్రీడాశుకం కింశుకరక్తతుణ్డమ్।
అధ్యాపయామాస సరోరుహాక్షీ గోవిన్ద దామోదర మాధవేతి॥Kachitkarambhojapute nishannam kridashukam kimshukaraktatundam, adhyapayamasa saroruhakshi govinda damodara madhaveti.
A lotus-eyed gopi taught her pet parrot, its beak red as a kimshuka flower, sitting in her cupped lotus hands, to say “Govinda, Damodara, Madhava!”
గృహే గృహే గోపవధూసమూహః ప్రతిక్షణం పిఞ్జరసారికాణామ్।
స్ఖలద్గిరాం వాచయితుం ప్రవృత్తో గోవిన్ద దామోదర మాధవేతి॥Grihe grihe gopavadhusamuhah pratikshanam pinjarasarikanam, skhaladgiram vachayitum pravritto govinda damodara madhaveti.
In house after house the cowherd wives are busy every moment teaching their caged mynas, still stumbling over words, to say “Govinda, Damodara, Madhava!”
పర్య్యఙ్కికాభాజమలం కుమారం ప్రస్వాపయన్త్యోఽఖిలగోపకన్యాః।
జగుః ప్రబన్ధం స్వరతాలబన్ధం గోవిన్ద దామోదర మాధవేతి॥Paryyankikabhajamalam kumaram prasvapayantyokhilagopakanyah, jaguh prabandham svaratalabandham govinda damodara madhaveti.
Rocking the little boy in his cradle to sleep, all the cowherd girls sang a song set to tune and rhythm: “Govinda, Damodara, Madhava!”
రామానుజం వీక్షణకేలిలోలం గోపీ గృహీత్వా నవనీతగోలమ్।
ఆబాలకం బాలకమాజుహావ గోవిన్ద దామోదర మాధవేతి॥Ramanujam vikshanakelilolam gopi grihitva navanitagolam, abalakam balakamajuhava govinda damodara madhaveti.
Holding up a ball of butter, a gopi called the little one, Balarama’s younger brother, whose eyes darted playfully: “Govinda, Damodara, Madhava!”
విచిత్రవర్ణాభరణాభిరామేఽభిధేహి వక్త్రామ్బుజరాజహంసి।
సదా మదీయే రసనేఽగ్రరఙ్గే గోవిన్ద దామోదర మాధవేతి॥Vichitravarnabharanabhiramebhidhehi vaktrambujarajahamsi, sada madiye rasanegrarange govinda damodara madhaveti.
O my tongue, lovely with many-coloured ornaments, royal swan of the lotus of my mouth, always say on your stage: “Govinda, Damodara, Madhava!”
అఙ్కాధిరూఢం శిశుగోపగూఢం స్తనం ధయన్తం కమలైకకాన్తమ్।
సమ్బోధయామాస ముదా యశోదా గోవిన్ద దామోదర మాధవేతి॥Ankadhirudham shishugopagudham stanam dhayantam kamalaikakantam, sambodhayamasa muda yashoda govinda damodara madhaveti.
As the baby sat in her lap, nursing, hidden among the little cowherd children, the one beloved of Lakshmi, Yashoda called him lovingly: “Govinda, Damodara, Madhava!”
క్రీడన్తమన్తర్వ్రజమాత్మజం స్వం సమం వయస్యైః పశుపాలబాలైః।
ప్రేమ్ణా యశోదా ప్రజుహావ కృష్ణం గోవిన్ద దామోదర మాధవేతి॥Kridantamantarvrajamatmajam svam samam vayasyaih pashupalabalaih, premna yashoda prajuhava krishnam govinda damodara madhaveti.
As her son Krishna played inside the village with the cowherd boys his age, Yashoda called him lovingly: “Govinda, Damodara, Madhava!”
యశోదయా గాఢములూఖలేన గోకణ్ఠపాశేన నిబధ్యమానః।
రురోద మన్దం నవనీతభోజీ గోవిన్ద దామోదర మాధవేతి॥Yashodaya gadhamulukhalena gokanthapashena nibadhyamanah, ruroda mandam navanitabhoji govinda damodara madhaveti.
Tied tightly to the mortar by Yashoda with a cow’s neck-rope, the butter-eater cried softly: “Govinda, Damodara, Madhava!”
నిజాఙ్గణే కఙ్కణకేలిలోలం గోపీ గృహీత్వా నవనీతగోలమ్।
ఆమర్దయత్పాణితలేన నేత్రే గోవిన్ద దామోదర మాధవేతి॥Nijangane kankanakelilolam gopi grihitva navanitagolam, amardayatpanitalena netre govinda damodara madhaveti.
In her courtyard a gopi, holding a ball of butter, rubbed her eyes with her palm as he played with her bangles, saying “Govinda, Damodara, Madhava!”
గృహే గృహే గోపవధూకదమ్బాః సర్వే మిలిత్వా సమవాయయోగే।
పుణ్యాని నామాని పఠన్తి నిత్యం గోవిన్ద దామోదర మాధవేతి॥Grihe grihe gopavadhukadambah sarve militva samavayayoge, punyani namani pathanti nityam govinda damodara madhaveti.
In house after house the cowherd wives gather together and every day recite the holy names: “Govinda, Damodara, Madhava!”
మన్దారమూలే వదనాభిరామం బిమ్బాధరే పూరితవేణునాదమ్।
గోగోపగోపీజనమధ్యసంస్థం గోవిన్ద దామోదర మాధవేతి॥Mandaramule vadanabhiramam bimbadhare puritavenunadam, gogopagopijanamadhyasamstham govinda damodara madhaveti.
At the foot of the mandara tree, with his lovely face and his flute sounding on his red lips, standing among the cows, cowherds and gopis: Govinda, Damodara, Madhava!
ఉత్థాయ గోప్యోఽపరరాత్రభాగే స్మృత్వా యశోదాసుతబాలకేలిమ్।
గాయన్తి ప్రోచ్చైర్దధి మన్థయన్త్యో గోవిన్ద దామోదర మాధవేతి॥Utthaya gopyopararatrabhage smritva yashodasutabalakelim, gayanti prochchairdadhi manthayantyo govinda damodara madhaveti.
Rising before dawn, the gopis remember the childhood play of Yashoda’s son and, churning curd, sing aloud: “Govinda, Damodara, Madhava!”
జగ్ధోఽథ దత్తో నవనీతపిణ్డో గృహే యశోదా విచికిత్సయన్తీ।
ఉవాచ సత్యం వద హే మురారే గోవిన్ద దామోదర మాధవేతి॥Jagdhotha datto navanitapindo grihe yashoda vichikitsayanti, uvacha satyam vada he murare govinda damodara madhaveti.
“Did you eat the lump of butter, or give it away?” Yashoda asked at home, doubtful. “Tell the truth, Murari!”: Govinda, Damodara, Madhava!
అభ్యర్చ్య గేహం యువతిః ప్రవృద్ధప్రేమప్రవాహా దధి నిర్మమన్థ।
గాయన్తి గోప్యోఽథ సఖీసమేతా గోవిన్ద దామోదర మాధవేతి॥Abhyarchya geham yuvatih pravriddhapremapravaha dadhi nirmamantha, gayanti gopyotha sakhisameta govinda damodara madhaveti.
Having worshipped at home, a young woman churned the curd, her love overflowing, and with her friends the gopis sing: “Govinda, Damodara, Madhava!”
క్వచిత్ ప్రభాతే దధిపూర్ణపాత్రే నిక్షిప్య మన్థం యువతీ ముకున్దమ్।
ఆలోక్య గానం వివిధం కరోతి గోవిన్ద దామోదర మాధవేతి॥Kvachit prabhate dadhipurnapatre nikshipya mantham yuvati mukundam, alokya ganam vividham karoti govinda damodara madhaveti.
Early one morning, setting the churning rod in a pot full of curd, a young woman gazed at Mukunda and sang many songs: “Govinda, Damodara, Madhava!”
క్రీడాపరం భోజనమజ్జనార్థం హితైషిణీ స్త్రీ తనుజం యశోదా।
ఆజూహవత్ ప్రేమపరిప్లుతాక్షీ గోవిన్ద దామోదర మాధవేతి॥Kridaparam bhojanamajjanartham hitaishini stri tanujam yashoda, ajuhavat premapariplutakshi govinda damodara madhaveti.
Her son was absorbed in play, and loving Yashoda, eyes brimming with affection, called him to eat and bathe: “Govinda, Damodara, Madhava!”
సుఖం శయానం నిలయే చ విష్ణుం దేవర్షిముఖ్యా మునయః ప్రపన్నాః।
తేనాచ్యుతే తన్మయతాం వ్రజన్తి గోవిన్ద దామోదర మాధవేతి॥Sukham shayanam nilaye cha vishnum devarshimukhya munayah prapannah, tenachyute tanmayatam vrajanti govinda damodara madhaveti.
Great sages led by the divine seers take refuge in Vishnu, resting peacefully in his abode, and by saying “Govinda, Damodara, Madhava” they become one with the Imperishable.
విహాయ నిద్రామరుణోదయే చ విధాయ కృత్యాని చ విప్రముఖ్యాః।
వేదావసానే ప్రపఠన్తి నిత్యం గోవిన్ద దామోదర మాధవేతి॥Vihaya nidramarunodaye cha vidhaya krityani cha vipramukhyah, vedavasane prapathanti nityam govinda damodara madhaveti.
Rising from sleep at dawn and finishing their duties, the foremost of the learned recite every day at the close of their Vedic chanting: “Govinda, Damodara, Madhava!”
వృన్దావనే గోపగణాశ్చ గోప్యో విలోక్య గోవిన్దవియోగఖిన్నామ్।
రాధాం జగుః సాశ్రువిలోచనాభ్యాం గోవిన్ద దామోదర మాధవేతి॥Vrindavane gopaganashcha gopyo vilokya govindaviyogakhinnam, radham jaguh sashruvilochanabhyam govinda damodara madhaveti.
In Vrindavan, seeing Radha pining in separation from Govinda, the cowherds and gopis sang with tearful eyes: “Govinda, Damodara, Madhava!”
ప్రభాతసఞ్చారగతా ను గావస్తద్రక్షణార్థం తనయం యశోదా।
ప్రాబోధయత్ పాణితలేన మన్దం గోవిన్ద దామోదర మాధవేతి॥Prabhatasancharagata nu gavastadrakshanartham tanayam yashoda, prabodhayat panitalena mandam govinda damodara madhaveti.
The cows were setting out for their morning grazing, so to have them looked after, Yashoda gently woke her son with her hand: “Govinda, Damodara, Madhava!”
ప్రవాలశోభా ఇవ దీర్ఘకేశా వాతామ్బుపర్ణాశనపూతదేహాః।
మూలే తరూణాం మునయః పఠన్తి గోవిన్ద దామోదర మాధవేతి॥Pravalashobha iva dirghakesha vatambuparnashanaputadehah, mule tarunam munayah pathanti govinda damodara madhaveti.
Sages with long matted hair glowing like coral, their bodies purified by living on air, water and leaves, recite beneath the trees: “Govinda, Damodara, Madhava!”
ఏవం బ్రువాణా విరహాతురా భృశం వ్రజస్త్రియః కృష్ణవిషక్తమానసాః।
విసృజ్య లజ్జాం రురుదుః స్మ సుస్వరం గోవిన్ద దామోదర మాధవేతి॥Evam bruvana virahatura bhrisham vrajastriyah krishnavishaktamanasah, visrijya lajjam ruruduh sma susvaram govinda damodara madhaveti.
Speaking like this, the women of Vraja, aching in separation, their hearts fixed on Krishna, cast aside shyness and wept aloud: “Govinda, Damodara, Madhava!”
గోపీ కదాచిన్మణిపఞ్జరస్థం శుకం వచో వాచయితుం ప్రవృత్తా।
ఆనన్దకన్ద వ్రజచన్ద్ర కృష్ణ గోవిన్ద దామోదర మాధవేతి॥Gopi kadachinmanipanjarastham shukam vacho vachayitum pravritta, anandakanda vrajachandra krishna govinda damodara madhaveti.
Once a gopi set about teaching the parrot in its jewelled cage to say: “Root of bliss, moon of Vraja, Krishna, Govinda, Damodara, Madhava!”
గోవత్సబాలైః శిశుకాకపక్షం బధ్నన్తమమ్భోజదలాయతాక్షమ్।
ఉవాచ మాతా చిబుకం గృహీత్వా గోవిన్ద దామోదర మాధవేతి॥Govatsabalaih shishukakapaksham badhnantamambhojadalayataksham, uvacha mata chibukam grihitva govinda damodara madhaveti.
As the lotus-eyed boy tied his little side-locks with the calves’ tails, his mother took his chin and said: “Govinda, Damodara, Madhava!”
ప్రభాతకాలే వరవల్లవౌఘా గోరక్షణార్థం ధృతవేత్రదణ్డాః।
ఆకారయామాసురనన్తమాద్యం గోవిన్ద దామోదర మాధవేతి॥Prabhatakale varavallavaugha gorakshanartham dhritavetradandah, akarayamasuranantamadyam govinda damodara madhaveti.
At daybreak the cowherd boys, sticks in hand to tend the cows, called the endless, primal Lord: “Govinda, Damodara, Madhava!”
జలాశయే కాలియమర్దనాయ యదా కదమ్బాదపతన్మురారిః।
గోపాఙ్గనాశ్చుక్రుశురేత్య గోపా గోవిన్ద దామోదర మాధవేతి॥Jalashaye kaliyamardanaya yada kadambadapatanmurarih, gopanganashchukrushuretya gopa govinda damodara madhaveti.
When Murari leapt from the kadamba tree into the pool to subdue the serpent Kaliya, the gopis and cowherds ran there crying: “Govinda, Damodara, Madhava!”
అక్రూరమాసాద్య యదా ముకున్దశ్చాపోత్సవార్థం మథురాం ప్రవిష్టః।
తదా స పౌరైర్జయసీత్యభాషి గోవిన్ద దామోదర మాధవేతి॥Akruramasadya yada mukundashchapotsavartham mathuram pravishtah, tada sa paurairjayasityabhashi govinda damodara madhaveti.
When Mukunda came with Akrura and entered Mathura for the festival of the bow, the citizens greeted him with “Victory to you!” and “Govinda, Damodara, Madhava!”
కంసస్య దూతేన యదైవ నీతౌ వృన్దావనాన్తాద్ వసుదేవసూనూ।
రురోద గోపీ భవనస్య మధ్యే గోవిన్ద దామోదర మాధవేతి॥Kamsasya dutena yadaiva nitau vrindavanantad vasudevasunu, ruroda gopi bhavanasya madhye govinda damodara madhaveti.
When Kamsa’s messenger took Vasudeva’s two sons away from Vrindavan, a gopi wept inside her home: “Govinda, Damodara, Madhava!”
సరోవరే కాలియనాగబద్ధం శిశుం యశోదాతనయం నిశమ్య।
చక్రుర్లుఠన్త్యః పథి గోపబాలా గోవిన్ద దామోదర మాధవేతి॥Sarovare kaliyanagabaddham shishum yashodatanayam nishamya, chakrurluthantyah pathi gopabala govinda damodara madhaveti.
Hearing that Yashoda’s little son was caught in the coils of the serpent Kaliya in the lake, the cowherd girls rolled on the path crying: “Govinda, Damodara, Madhava!”
అక్రూరయానే యదువంశనాథం సఙ్గచ్ఛమానం మథురాం నిరీక్ష్య।
ఊచుర్వియోగాత్ కిల గోపబాలా గోవిన్ద దామోదర మాధవేతి॥Akrurayane yaduvamshanatham sangachchhamanam mathuram nirikshya, uchurviyogat kila gopabala govinda damodara madhaveti.
Seeing the lord of the Yadus leaving for Mathura in Akrura’s chariot, the cowherd girls cried out in the pain of parting: “Govinda, Damodara, Madhava!”
చక్రన్ద గోపీ నలినీవనాన్తే కృష్ణేన హీనా కుసుమే శయానా।
ప్రఫుల్లనీలోత్పలలోచనాభ్యాం గోవిన్ద దామోదర మాధవేతి॥Chakranda gopi nalinivanante krishnena hina kusume shayana, praphullanilotpalalochanabhyam govinda damodara madhaveti.
At the edge of a lotus grove, lying on flowers, without Krishna, a gopi wept from eyes like full-blown blue lotuses: “Govinda, Damodara, Madhava!”
మాతాపితృభ్యాం పరివార్యమాణా గేహం ప్రవిష్టా విలలాప గోపీ।
ఆగత్య మాం పాలయ విశ్వనాథ గోవిన్ద దామోదర మాధవేతి॥Matapitribhyam parivaryamana geham pravishta vilalapa gopi, agatya mam palaya vishvanatha govinda damodara madhaveti.
Kept back by her parents, a gopi went into the house and wept: “Come and protect me, lord of the universe: Govinda, Damodara, Madhava!”
వృన్దావనస్థం హరిమాశు బుద్ధ్వా గోపీ గతా కాపి వనం నిశాయామ్।
తత్రాప్యదృష్ట్వాఽతిభయాదవోచద్ గోవిన్ద దామోదర మాధవేతి॥Vrindavanastham harimashu buddhva gopi gata kapi vanam nishayam, tatrapyadrishtvatibhayadavochad govinda damodara madhaveti.
Thinking Hari was in Vrindavan, a gopi hurried into the forest at night; not finding him even there, she cried out in great fear: “Govinda, Damodara, Madhava!”
సుఖం శయానా నిలయే నిజేఽపి నామాని విష్ణోః ప్రవదన్తి మర్త్యాః।
తే నిశ్చితం తన్మయతాం వ్రజన్తి గోవిన్ద దామోదర మాధవేతి॥Sukham shayana nilaye nijepi namani vishnoh pravadanti martyah, te nishchitam tanmayatam vrajanti govinda damodara madhaveti.
People who say Vishnu’s names, even while resting at ease in their own homes, surely become one with him: Govinda, Damodara, Madhava!
సా నీరజాక్షీమవలోక్య రాధాం రురోద గోవిన్దవియోగఖిన్నామ్।
సఖీ ప్రఫుల్లోత్పలలోచనాభ్యాం గోవిన్ద దామోదర మాధవేతి॥Sa nirajakshimavalokya radham ruroda govindaviyogakhinnam, sakhi praphullotpalalochanabhyam govinda damodara madhaveti.
Seeing lotus-eyed Radha grieving in separation from Govinda, her friend wept from eyes like full-blown lotuses: “Govinda, Damodara, Madhava!”
జిహ్వే రసజ్ఞే మధురప్రియా త్వం సత్యం హితం త్వాం పరమం వదామి।
ఆవర్ణయేథా మధురాక్షరాణి గోవిన్ద దామోదర మాధవేతి॥Jihve rasajne madhurapriya tvam satyam hitam tvam paramam vadami, avarnayetha madhuraksharani govinda damodara madhaveti.
O tongue, you know taste and love sweetness; I tell you the truth, for your highest good: keep repeating these sweet syllables: “Govinda, Damodara, Madhava!”
ఆత్యన్తికవ్యాధిహరం జనానాం చికిత్సకం వేదవిదో వదన్తి।
సంసారతాపత్రయనాశబీజం గోవిన్ద దామోదర మాధవేతి॥Atyantikavyadhiharam jananam chikitsakam vedavido vadanti, samsaratapatrayanashabijam govinda damodara madhaveti.
The knowers of the Veda call it the physician who cures people’s deepest disease, the seed that destroys the threefold suffering of worldly life: “Govinda, Damodara, Madhava!”
తాతాజ్ఞయా గచ్ఛతి రామచన్ద్రే సలక్ష్మణేఽరణ్యచయే ససీతే।
చక్రన్ద రామస్య నిజా జనిత్రీ గోవిన్ద దామోదర మాధవేతి॥Tatajnaya gachchhati ramachandre salakshmaneranyachaye sasite, chakranda ramasya nija janitri govinda damodara madhaveti.
When Ramachandra, at his father’s command, left for the forests with Lakshmana and Sita, Rama’s own mother wept: “Govinda, Damodara, Madhava!”
ఏకాకినీ దణ్డకకాననాన్తాత్ సా నీయమానా దశకన్ధరేణ।
సీతా తదాక్రన్దదనన్యనాథా గోవిన్ద దామోదర మాధవేతి॥Ekakini dandakakananantat sa niyamana dashakandharena, sita tadakrandadananyanatha govinda damodara madhaveti.
Carried off alone from the Dandaka forest by ten-headed Ravana, Sita, with no other protector, cried out: “Govinda, Damodara, Madhava!”
రామాద్వియుక్తా జనకాత్మజా సా విచిన్తయన్తీ హృది రామరూపమ్।
రురోద సీతా రఘునాథ పాహి గోవిన్ద దామోదర మాధవేతి॥Ramadviyukta janakatmaja sa vichintayanti hridi ramarupam, ruroda sita raghunatha pahi govinda damodara madhaveti.
Separated from Rama, Janaka’s daughter Sita, holding his form in her heart, wept: “Lord of the Raghus, protect me: Govinda, Damodara, Madhava!”
ప్రసీద విష్ణో రఘువంశనాథ సురాసురాణాం సుఖదుఃఖహేతో।
రురోద సీతా తు సముద్రమధ్యే గోవిన్ద దామోదర మాధవేతి॥Prasida vishno raghuvamshanatha surasuranam sukhaduhkhaheto, ruroda sita tu samudramadhye govinda damodara madhaveti.
In the midst of the ocean (on Lanka) Sita wept: “Be gracious, Vishnu, lord of the Raghu line, cause of the joys and sorrows of gods and demons: Govinda, Damodara, Madhava!”
అన్తర్జలే గ్రాహగృహీతపాదో విసృష్టవిక్లిష్టసమస్తబన్ధుః।
తదా గజేన్ద్రో నితరాం జగాద గోవిన్ద దామోదర మాధవేతి॥Antarjale grahagrihitapado visrishtaviklishtasamastabandhuh, tada gajendro nitaram jagada govinda damodara madhaveti.
His foot seized by a crocodile under the water, abandoned by all his exhausted kin, the king of elephants then cried out with all his heart: “Govinda, Damodara, Madhava!”
హంసధ్వజః శఙ్ఖయుతో దదర్శ పుత్రం కటాహే ప్రతపన్తమేనమ్।
పుణ్యాని నామాని హరేర్జపన్తం గోవిన్ద దామోదర మాధవేతి॥Hamsadhvajah shankhayuto dadarsha putram katahe pratapantamenam, punyani namani harerjapantam govinda damodara madhaveti.
King Hamsadhvaja, with his priest Shankha, saw his son being scorched in a cauldron, yet chanting Hari’s holy names: “Govinda, Damodara, Madhava!”
దుర్వాససో వాక్యముపేత్య కృష్ణా సా చాబ్రవీత్ కాననవాసినీశమ్।
అన్తః ప్రవిష్టం మనసా జుహావ గోవిన్ద దామోదర మాధవేతి॥Durvasaso vakyamupetya krishna sa chabravit kananavasinisham, antah pravishtam manasa juhava govinda damodara madhaveti.
Faced with Durvasa’s demand in the forest, Draupadi turned to the Lord and called in her mind to the one who dwells within: “Govinda, Damodara, Madhava!”
ధ్యేయః సదా యోగిభిరప్రమేయః చిన్తాహరశ్చిన్తితపారిజాతః।
కస్తూరికాకల్పితనీలవర్ణో గోవిన్ద దామోదర మాధవేతి॥Dhyeyah sada yogibhiraprameyah chintaharashchintitaparijatah, kasturikakalpitanilavarno govinda damodara madhaveti.
Ever meditated on by yogis, beyond all measure, remover of worry, a wish-fulfilling tree to those who think of him, his skin dark blue as if made of musk: Govinda, Damodara, Madhava!
సంసారకూపే పతితోఽత్యగాధే మోహాన్ధపూర్ణే విషయాభితప్తే।
కరావలమ్బం మమ దేహి విష్ణో గోవిన్ద దామోదర మాధవేతి॥Samsarakupe patitotyagadhe mohandhapurne vishayabhitapte, karavalambam mama dehi vishno govinda damodara madhaveti.
I have fallen into the bottomless well of worldly life, filled with the darkness of delusion and scorched by sense pleasures. Give me your hand, Vishnu: Govinda, Damodara, Madhava!
భజస్వ మన్త్రం భవబన్ధముక్త్యై జిహ్వే రసజ్ఞే సులభం మనోజ్ఞమ్।
ద్వైపాయనాద్యైర్మునిభిః ప్రజప్తం గోవిన్ద దామోదర మాధవేతి॥Bhajasva mantram bhavabandhamuktyai jihve rasajne sulabham manojnam, dvaipayanadyairmunibhih prajaptam govinda damodara madhaveti.
O tongue that knows taste, take up this mantra to be freed from worldly bondage; it is easy and delightful, chanted by sages like Vyasa: “Govinda, Damodara, Madhava!”
త్వామేవ యాచే మమ దేహి జిహ్వే సమాగతే దణ్డధరే కృతాన్తే।
వక్తవ్యమేవం మధురం సుభక్త్యా గోవిన్ద దామోదర మాధవేతి॥Tvameva yache mama dehi jihve samagate dandadhare kritante, vaktavyamevam madhuram subhaktya govinda damodara madhaveti.
O tongue, this alone I beg of you: when Death arrives, staff in hand, say these sweet words with true devotion: “Govinda, Damodara, Madhava!”
గోపాల వంశీధర రూపసిన్ధో లోకేశ నారాయణ దీనబన్ధో।
ఉచ్చస్వరైస్త్వం వద సర్వదైవ గోవిన్ద దామోదర మాధవేతి॥Gopala vamshidhara rupasindho lokesha narayana dinabandho, uchchasvaraistvam vada sarvadaiva govinda damodara madhaveti.
Gopala, flute-bearer, ocean of beauty, lord of the worlds, Narayana, friend of the helpless! Say it always, aloud: “Govinda, Damodara, Madhava!”
జిహ్వే సదైవం భజ సున్దరాణి నామాని కృష్ణస్య మనోహరాణి।
సమస్తభక్తార్తివినాశనాని గోవిన్ద దామోదర మాధవేతి॥Jihve sadaivam bhaja sundarani namani krishnasya manoharani, samastabhaktartivinashanani govinda damodara madhaveti.
O tongue, always sing Krishna’s beautiful, enchanting names, which end the suffering of all devotees: “Govinda, Damodara, Madhava!”
గోవిన్ద గోవిన్ద హరే మురారే గోవిన్ద గోవిన్ద ముకున్ద కృష్ణ।
గోవిన్ద గోవిన్ద రథాఙ్గపాణే గోవిన్ద దామోదర మాధవేతి॥Govinda govinda hare murare govinda govinda mukunda krishna, govinda govinda rathangapane govinda damodara madhaveti.
Govinda, Govinda, Hari, Murari! Govinda, Govinda, Mukunda, Krishna! Govinda, Govinda, you who hold the discus! Govinda, Damodara, Madhava!
సుఖావసానే త్విదమేవ సారం దుఃఖావసానే త్విదమేవ గేయమ్।
దేహావసానే త్విదమేవ జాప్యం గోవిన్ద దామోదర మాధవేతి॥Sukhavasane tvidameva saram duhkhavasane tvidameva geyam, dehavasane tvidameva japyam govinda damodara madhaveti.
When happiness ends, this alone is the essence; when sorrow ends, this alone is to be sung; when the body ends, this alone is to be chanted: “Govinda, Damodara, Madhava!”
దుర్వారవాక్యం పరిగృహ్య కృష్ణా మృగీవ భీతా తు కథం కథఞ్చిత్।
సభాం ప్రవిష్టా మనసా జుహావ గోవిన్ద దామోదర మాధవేతి॥Durvaravakyam parigrihya krishna mrigiva bhita tu katham kathanchit, sabham pravishta manasa juhava govinda damodara madhaveti.
Receiving the summons she could not refuse, Draupadi, frightened like a doe, somehow entered the assembly hall and called in her mind: “Govinda, Damodara, Madhava!”
శ్రీకృష్ణ రాధావర గోకులేశ గోపాల గోవర్ధన నాథ విష్ణో।
జిహ్వే పిబస్వామృతమేతదేవ గోవిన్ద దామోదర మాధవేతి॥Shrikrishna radhavara gokulesha gopala govardhana natha vishno, jihve pibasvamritametadeva govinda damodara madhaveti.
Shri Krishna, beloved of Radha, lord of Gokula, Gopala, lord of Govardhana, Vishnu! O tongue, drink only this nectar: “Govinda, Damodara, Madhava!”
శ్రీనాథ విశ్వేశ్వర విశ్వమూర్తే శ్రీదేవకీనన్దన దైత్యశత్రో।
జిహ్వే పిబస్వామృతమేతదేవ గోవిన్ద దామోదర మాధవేతి॥Shrinatha vishveshvara vishvamurte shridevakinandana daityashatro, jihve pibasvamritametadeva govinda damodara madhaveti.
Lord of Lakshmi, lord of the universe, whose form is the universe, son of Devaki, enemy of demons! O tongue, drink only this nectar: “Govinda, Damodara, Madhava!”
గోపీపతే కంసరిపో ముకున్ద లక్ష్మీపతే కేశవ వాసుదేవ।
జిహ్వే పిబస్వామృతమేతదేవ గోవిన్ద దామోదర మాధవేతి॥Gopipate kamsaripo mukunda lakshmipate keshava vasudeva, jihve pibasvamritametadeva govinda damodara madhaveti.
Lord of the gopis, enemy of Kamsa, Mukunda, husband of Lakshmi, Keshava, Vasudeva! O tongue, drink only this nectar: “Govinda, Damodara, Madhava!”
గోపీజనాహ్లాదకర వ్రజేశ గోచారణారణ్యకృతప్రవేశ।
జిహ్వే పిబస్వామృతమేతదేవ గోవిన్ద దామోదర మాధవేతి॥Gopijanahladakara vrajesha gocharanaranyakritapravesha, jihve pibasvamritametadeva govinda damodara madhaveti.
Delight of the gopis, lord of Vraja, who goes into the forest to graze the cows! O tongue, drink only this nectar: “Govinda, Damodara, Madhava!”
ప్రాణేశ విశ్వమ్భర కైటభారే వైకుణ్ఠ నారాయణ చక్రపాణే।
జిహ్వే పిబస్వామృతమేతదేవ గోవిన్ద దామోదర మాధవేతి॥Pranesha vishvambhara kaitabhare vaikuntha narayana chakrapane, jihve pibasvamritametadeva govinda damodara madhaveti.
Lord of my life, sustainer of all, slayer of Kaitabha, Vaikuntha, Narayana, holder of the discus! O tongue, drink only this nectar: “Govinda, Damodara, Madhava!”
హరే మురారే మధుసూదనాద్య శ్రీరామ సీతావర రావణారే।
జిహ్వే పిబస్వామృతమేతదేవ గోవిన్ద దామోదర మాధవేతి॥Hare murare madhusudanadya shrirama sitavara ravanare, jihve pibasvamritametadeva govinda damodara madhaveti.
Hari, Murari, slayer of Madhu, the primal one, Shri Rama, Sita’s husband, enemy of Ravana! O tongue, drink only this nectar: “Govinda, Damodara, Madhava!”
శ్రీయాదవేన్ద్రాద్రిధరామ్బుజాక్ష గోగోపగోపీసుఖదానదక్ష।
జిహ్వే పిబస్వామృతమేతదేవ గోవిన్ద దామోదర మాధవేతి॥Shriyadavendradridharambujaksha gogopagopisukhadanadaksha, jihve pibasvamritametadeva govinda damodara madhaveti.
Chief of the Yadavas, lifter of the mountain, lotus-eyed, skilled at giving joy to the cows, cowherds and gopis! O tongue, drink only this nectar: “Govinda, Damodara, Madhava!”
ధరాభరోత్తారణగోపవేష విహారలీలాకృతబన్ధుశేష।
జిహ్వే పిబస్వామృతమేతదేవ గోవిన్ద దామోదర మాధవేతి॥Dharabharottaranagopavesha viharalilakritabandhushesha, jihve pibasvamritametadeva govinda damodara madhaveti.
You who took a cowherd’s guise to lift the earth’s burden, and in play made Shesha (Balarama) your brother! O tongue, drink only this nectar: “Govinda, Damodara, Madhava!”
బకీబకాఘాసురధేనుకారే కేశీతృణావర్తవిఘాతదక్ష।
జిహ్వే పిబస్వామృతమేతదేవ గోవిన్ద దామోదర మాధవేతి॥Bakibakaghasuradhenukare keshitrinavartavighatadaksha, jihve pibasvamritametadeva govinda damodara madhaveti.
Slayer of Putana, Baka, Agha and Dhenuka, skilled at destroying Keshi and Trinavarta! O tongue, drink only this nectar: “Govinda, Damodara, Madhava!”
శ్రీజానకీజీవన రామచన్ద్ర నిశాచరారే భరతాగ్రజేశ।
జిహ్వే పిబస్వామృతమేతదేవ గోవిన్ద దామోదర మాధవేతి॥Shrijanakijivana ramachandra nishacharare bharatagrajesha, jihve pibasvamritametadeva govinda damodara madhaveti.
Life of Janaki, Ramachandra, enemy of the night-roaming demons, Bharata’s elder brother and lord! O tongue, drink only this nectar: “Govinda, Damodara, Madhava!”
నారాయణానన్త హరే నృసింహ ప్రహ్లాదబాధాహర హే కృపాలో।
జిహ్వే పిబస్వామృతమేతదేవ గోవిన్ద దామోదర మాధవేతి॥Narayanananta hare nrisimha prahladabadhahara he kripalo, jihve pibasvamritametadeva govinda damodara madhaveti.
Narayana, endless one, Hari, Narasimha, compassionate one who removed Prahlada’s torment! O tongue, drink only this nectar: “Govinda, Damodara, Madhava!”
లీలామనుష్యాకృతిరామరూప ప్రతాపదాసీకృతసర్వభూప।
జిహ్వే పిబస్వామృతమేతదేవ గోవిన్ద దామోదర మాధవేతి॥Lilamanushyakritiramarupa pratapadasikritasarvabhupa, jihve pibasvamritametadeva govinda damodara madhaveti.
You who in play took human form as Rama, and by your might made all kings your servants! O tongue, drink only this nectar: “Govinda, Damodara, Madhava!”
శ్రీకృష్ణ గోవిన్ద హరే మురారే హే నాథ నారాయణ వాసుదేవ।
జిహ్వే పిబస్వామృతమేతదేవ గోవిన్ద దామోదర మాధవేతి॥Shrikrishna govinda hare murare he natha narayana vasudeva, jihve pibasvamritametadeva govinda damodara madhaveti.
Shri Krishna, Govinda, Hari, Murari, O Lord, Narayana, Vasudeva! O tongue, drink only this nectar: “Govinda, Damodara, Madhava!”
వక్తుం సమర్థోఽపి న వక్తి కశ్చిదహో జనానాం వ్యసనాభిముఖ్యమ్।
జిహ్వే పిబస్వామృతమేతదేవ గోవిన్ద దామోదర మాధవేతి॥Vaktum samarthopi na vakti kashchidaho jananam vyasanabhimukhyam, jihve pibasvamritametadeva govinda damodara madhaveti.
Though able to speak, hardly anyone says it; how people turn toward their own ruin! O tongue, drink only this nectar: “Govinda, Damodara, Madhava!”