Narayaneeyam: Dashakam 30

ನಾರಾಯಣೀಯಮ್ · ದಶಕ 30

The Sanskrit text in Kannada script. The Roman line and the meaning are the same as in the original.

Stotras · Sanskrit · Krishna · by Melpathur Narayana Bhattathiri

ಶಕ್ರೇಣ ಸಂಯತಿ ಹತೋಽಪಿ ಬಲಿರ್ಮಹಾತ್ಮಾ ಶುಕ್ರೇಣ ಜೀವಿತತನುಃ ಕ್ರತುವರ್ಧಿತೋಷ್ಮಾ।
ವಿಕ್ರಾನ್ತಿಮಾನ್ ಭಯನಿಲೀನಸುರಾಂ ತ್ರಿಲೋಕೀಂ ಚಕ್ರೇ ವಶೇ ಸ ತವ ಚಕ್ರಮುಖಾದಭೀತಃ॥
Shakrena samyati hatopi balirmahatma shukrena jivitatanuh kratuvardhitoshma, vikrantiman bhayanilinasuram trilokim chakre vashe sa tava chakramukhadabhitah.
Though slain by Indra in battle, the great-souled Bali was brought back to life by Shukra, and his power grew through sacrifices. Mighty and fearless even of the edge of your discus, he took control of the three worlds while the gods hid in fear.
ಪುತ್ರಾರ್ತಿದರ್ಶನವಶಾದದಿತಿರ್ವಿಷಣ್ಣಾ ತಂ ಕಾಶ್ಯಪಂ ನಿಜಪತಿಂ ಶರಣಂ ಪ್ರಪನ್ನಾ।
ತ್ವತ್ಪೂಜನಂ ತದುದಿತಂ ಹಿ ಪಯೋವ್ರತಾಖ್ಯಂ ಸಾ ದ್ವಾದಶಾಹಮಚರತ್ತ್ವಯಿ ಭಕ್ತಿಪೂರ್ಣಾ॥
Putrartidarshanavashadaditirvishanna tam kashyapam nijapatim sharanam prapanna, tvatpujanam taduditam hi payovratakhyam sa dvadashahamacharattvayi bhaktipurna.
Aditi, grieved to see her sons suffer, took refuge in her husband Kashyapa. Full of devotion to you, she kept for twelve days the worship he taught her, the vow of living on milk.
ತಸ್ಯಾವಧೌ ತ್ವಯಿ ನಿಲೀನಮತೇರಮುಷ್ಯಾಃ ಶ್ಯಾಮಶ್ಚತುರ್ಭುಜವಪುಃ ಸ್ವಯಮಾವಿರಾಸೀಃ।
ನಮ್ರಾಂ ಚ ತಾಮಿಹ ಭವತ್ತನಯೋ ಭವೇಯಂ ಗೋಪ್ಯಂ ಮದೀಕ್ಷಣಮಿತಿ ಪ್ರಲಪನ್ನಯಾಸೀಃ॥
Tasyavadhau tvayi nilinamateramushyah shyamashchaturbhujavapuh svayamavirasih, namram cha tamiha bhavattanayo bhaveyam gopyam madikshanamiti pralapannayasih.
At its end, as her mind was lost in you, you yourself appeared, dark and four-armed. As she bowed, you told her, ‘I will be born here as your son; keep this vision of me secret,’ and left.
ತ್ವಂ ಕಾಶ್ಯಪೇ ತಪಸಿ ಸನ್ನಿದಧತ್ತದಾನೀಂ ಪ್ರಾಪ್ತೋಽಸಿ ಗರ್ಭಮದಿತೇಃ ಪ್ರಣುತೋ ವಿಧಾತ್ರಾ।
ಪ್ರಾಸೂತ ಚ ಪ್ರಕಟವೈಷ್ಣವದಿವ್ಯರೂಪಂ ಸಾ ದ್ವಾದಶೀಶ್ರವಣಪುಣ್ಯದಿನೇ ಭವನ್ತಮ್॥
Tvam kashyape tapasi sannidadhattadanim praptosi garbhamaditeh pranuto vidhatra, prasuta cha prakatavaishnavadivyarupam sa dvadashishravanapunyadine bhavantam.
Then, entering through Kashyapa’s austerity, you came into Aditi’s womb, praised by Brahma; and she gave birth to you, showing your divine form as Vishnu, on the holy day of Dvadashi under the Shravana star.
ಪುಣ್ಯಾಶ್ರಮಂ ತಮಭಿವರ್ಷತಿ ಪುಷ್ಪವರ್ಷೈರ್ಹರ್ಷಾಕುಲೇ ಸುರಕುಲೇ ಕೃತತೂರ್ಯಘೋಷೇ।
ಬದ್ಧ್ವಾಞ್ಜಲಿಂ ಜಯ ಜಯೇತಿ ನುತಃ ಪಿತೃಭ್ಯಾಂ ತ್ವಂ ತತ್ಕ್ಷಣೇ ಪಟುತಮಂ ವಟುರೂಪಮಾಧಾಃ॥
Punyashramam tamabhivarshati pushpavarshairharshakule surakule kritaturyaghoshe, baddhvanjalim jaya jayeti nutah pitribhyam tvam tatkshane patutamam vaturupamadhah.
As the joyful gods rained flowers on that holy hermitage and sounded their trumpets, and your parents praised you with folded hands, crying ‘Victory, victory!’, that very moment you took the form of a bright young brahmin boy.
ತಾವತ್ಪ್ರಜಾಪತಿಮುಖೈರುಪನೀಯ ಮೌಞ್ಜೀದಣ್ಡಾಜಿನಾಕ್ಷವಲಯಾದಿಭಿರರ್ಚ್ಯಮಾನಃ।
ದೇದೀಪ್ಯಮಾನವಪುರೀಶ ಕೃತಾಗ್ನಿಕಾರ್ಯಸ್ತ್ವಂ ಪ್ರಾಸ್ಥಿಥಾ ಬಲಿಗೃಹಂ ಪ್ರಕೃತಾಶ್ವಮೇಧಮ್॥
Tavatprajapatimukhairupaniya maunjidandajinakshavalayadibhirarchyamanah, dedipyamanavapurisha kritagnikaryastvam prasthitha baligriham prakritashvamedham.
Then, given the sacred thread by Prajapati and others, honoured with the grass girdle, staff, deerskin, rosary and the rest, your body blazing, Lord, after tending the sacred fire you set out for Bali’s house, where a horse sacrifice had begun.
ಗಾತ್ರೇಣ ಭಾವಿಮಹಿಮೋಚಿತಗೌರವಂ ಪ್ರಾಗ್ವ್ಯಾವೃಣ್ವತೇವ ಧರಣೀಂ ಚಲಯನ್ನಯಾಸೀಃ।
ಛತ್ರಂ ಪರೋಷ್ಮತಿರಣಾರ್ಥಮಿವಾದಧಾನೋ ದಣ್ಡಂ ಚ ದಾನವಜನೇಷ್ವಿವ ಸನ್ನಿಧಾತುಮ್॥
Gatrena bhavimahimochitagauravam pragvyavrinvateva dharanim chalayannayasih, chhatram paroshmatiranarthamivadadhano dandam cha danavajaneshviva sannidhatum.
You walked shaking the earth with your body, as if showing in advance the weight of the greatness to come, holding an umbrella as if to ward off the enemy’s heat, and a staff as if to bring punishment to the demons.
ತಾಂ ನರ್ಮದೋತ್ತರತಟೇ ಹಯಮೇಧಶಾಲಾಮಾಸೇದುಷಿ ತ್ವಯಿ ರುಚಾ ತವ ರುದ್ಧನೇತ್ರೈಃ।
ಭಾಸ್ವಾನ್ಕಿಮೇಷ ದಹನೋ ನು ಸನತ್ಕುಮಾರೋ ಯೋಗೀ ನು ಕೋಽಯಮಿತಿ ಶುಕ್ರಮುಖೈಃ ಶಶಙ್ಕೇ॥
Tam narmadottaratate hayamedhashalamasedushi tvayi rucha tava ruddhanetraih, bhasvankimesha dahano nu sanatkumaro yogi nu koyamiti shukramukhaih shashanke.
When you reached that hall of the horse sacrifice on the north bank of the Narmada, Shukra and the others, their eyes dazzled by your radiance, wondered: ‘Is this the sun, or fire, or Sanatkumara? What yogi is this?’
ಆನೀತಮಾಶು ಭೃಗುಭಿರ್ಮಹಸಾಭಿಭೂತೈಸ್ತ್ವಾಂ ರಮ್ಯರೂಪಮಸುರಃ ಪುಲಕಾವೃತಾಙ್ಗಃ।
ಭಕ್ತ್ಯಾ ಸಮೇತ್ಯ ಸುಕೃತೀ ಪರಿಣಿಜ್ಯ ಪಾದೌ ತತ್ತೋಯಮನ್ವಧೃತ ಮೂರ್ಧನಿ ತೀರ್ಥತೀರ್ಥಮ್॥
Anitamashu bhrigubhirmahasabhibhutaistvam ramyarupamasurah pulakavritangah, bhaktya sametya sukriti parinijya padau tattoyamanvadhrita murdhani tirthatirtham.
The Bhrigu priests, overwhelmed by your splendour, quickly brought you in. The virtuous demon king, thrilled all over, came to you with devotion, washed your feet, and placed that water, holiest of all holy waters, on his head.
ಪ್ರಹ್ಲಾದವಂಶಜತಯಾ ಕ್ರತುಭಿರ್ದ್ವಿಜೇಷು ವಿಶ್ವಾಸತೋ ನು ತದಿದಂ ದಿತಿಜೋಽಪಿ ಲೇಭೇ।
ಯತ್ತೇ ಪದಾಮ್ಬು ಗಿರಿಶಸ್ಯ ಶಿರೋಭಿಲಾಲ್ಯಂ ಸ ತ್ವಂ ವಿಭೋ ಗುರುಪುರಾಲಯ ಪಾಲಯೇಥಾಃ॥
Prahladavamshajataya kratubhirdvijeshu vishvasato nu tadidam ditijopi lebhe, yatte padambu girishasya shirobhilalyam sa tvam vibho gurupuralaya palayethah.
Whether because he was born in Prahlada’s line, or for his sacrifices and his faith in brahmins, even a son of Diti won this: the water of your feet, which Shiva cherishes on his head. Lord who dwell in Guruvayur, protect me.