Narayaneeyam: Dashakam 61

ನಾರಾಯಣೀಯಮ್ · ದಶಕ 61

The Sanskrit text in Kannada script. The Roman line and the meaning are the same as in the original.

Stotras · Sanskrit · Krishna · by Melpathur Narayana Bhattathiri

ತತಶ್ಚ ವೃನ್ದಾವನತೋಽತಿದೂರತೋ ವನಂ ಗತಸ್ತ್ವಂ ಖಲು ಗೋಪಗೋಕುಲೈಃ।
ಹೃದನ್ತರೇ ಭಕ್ತತರದ್ವಿಜಾಙ್ಗನಾಕದಮ್ಬಕಾನುಗ್ರಹಣಾಗ್ರಹಂ ವಹನ್॥
Tatashcha vrindavanatotidurato vanam gatastvam khalu gopagokulaih, hridantare bhaktataradvijanganakadambakanugrahanagraham vahan.
Then, with the cowherds and their herds, you went to a forest far from Vrindavan, carrying in your heart the wish to bless a group of brahmin wives who were deeply devoted to you.
ತತೋ ನಿರೀಕ್ಷ್ಯಾಶರಣೇ ವನಾನ್ತರೇ ಕಿಶೋರಲೋಕಂ ಕ್ಷುಧಿತಂ ತೃಷಾಕುಲಮ್।
ಅದೂರತೋ ಯಜ್ಞಪರಾನ್ ದ್ವಿಜಾನ್ ಪ್ರತಿ ವ್ಯಸರ್ಜಯೋ ದೀದಿವಿಯಾಚನಾಯ ತಾನ್॥
Tato nirikshyasharane vanantare kishoralokam kshudhitam trishakulam, adurato yajnaparan dvijan prati vyasarjayo didiviyachanaya tan.
There, in the shelterless forest, seeing the boys hungry and thirsty, you sent them to beg for food from some brahmins nearby who were busy with a sacrifice.
ಗತೇಷ್ವಥೋ ತೇಷ್ವಭಿಧಾಯ ತೇಽಭಿಧಾಂ ಕುಮಾರಕೇಷ್ವೋದನಯಾಚಿಷು ಪ್ರಭೋ।
ಶ್ರುತಿಸ್ಥಿರಾ ಅಪ್ಯಭಿನಿನ್ಯುರಶ್ರುತಿಂ ನ ಕಿಞ್ಚಿದೂಚುಶ್ಚ ಮಹೀಸುರೋತ್ತಮಾಃ॥
Gateshvatho teshvabhidhaya tebhidham kumarakeshvodanayachishu prabho, shrutisthira apyabhininyurashrutim na kinchiduchushcha mahisurottamah.
O Lord, when the boys went and asked for rice in your name, those great brahmins, though steeped in the Vedas, acted as if they had not heard and said nothing.
ಅನಾದರಾತ್ ಖಿನ್ನಧಿಯೋ ಹಿ ಬಾಲಕಾಃ ಸಮಾಯಯುರ್ಯುಕ್ತಮಿದಂ ಹಿ ಯಜ್ವಸು।
ಚಿರಾದಭಕ್ತಾಃ ಖಲು ತೇ ಮಹೀಸುರಾಃ ಕಥಂ ಹಿ ಭಕ್ತಂ ತ್ವಯಿ ತೈಃ ಸಮರ್ಪ್ಯತೇ॥
Anadarat khinnadhiyo hi balakah samayayuryuktamidam hi yajvasu, chiradabhaktah khalu te mahisurah katham hi bhaktam tvayi taih samarpyate.
Hurt by this neglect, the boys came back. That is fitting for such sacrificers: those brahmins had long been without devotion, so how could they offer food to you?
ನಿವೇದಯಧ್ವಂ ಗೃಹಿಣೀಜನಾಯ ಮಾಂ ದಿಶೇಯುರನ್ನಂ ಕರುಣಾಕುಲಾ ಇಮಾಃ।
ಇತಿ ಸ್ಮಿತಾರ್ದ್ರಂ ಭವತೇರಿತಾ ಗತಾಸ್ತೇ ದಾರಕಾ ದಾರಜನಂ ಯಯಾಚಿರೇ॥
Nivedayadhvam grihinijanaya mam disheyurannam karunakula imah, iti smitardram bhavaterita gataste daraka darajanam yayachire.
“Tell their wives about me; these women, full of compassion, will give food.” Sent by you with a gentle smile, the boys went and asked the wives.
ಗೃಹೀತನಾಮ್ನಿ ತ್ವಯಿ ಸಮ್ಭ್ರಮಾಕುಲಾಶ್ಚತುರ್ವಿಧಂ ಭೋಜ್ಯರಸಂ ಪ್ರಗೃಹ್ಯ ತಾಃ।
ಚಿರಂ ಧೃತತ್ವತ್ಪ್ರವಿಲೋಕನಾಗ್ರಹಾಃ ಸ್ವಕೈರ್ನಿರುದ್ಧಾ ಅಪಿ ತೂರ್ಣಮಾಯಯುಃ॥
Grihitanamni tvayi sambhramakulashchaturvidham bhojyarasam pragrihya tah, chiram dhritatvatpravilokanagrahah svakairniruddha api turnamayayuh.
At the mention of your name the women were thrilled. Taking food of all four kinds, and having long yearned to see you, they hurried to you though their own families tried to stop them.
ವಿಲೋಲಪಿಞ್ಛಂ ಚಿಕುರೇ ಕಪೋಲಯೋಃ ಸಮುಲ್ಲಸತ್ಕುಣ್ಡಲಮಾರ್ದ್ರಮೀಕ್ಷಿತೇ।
ನಿಧಾಯ ಬಾಹುಂ ಸುಹೃದಂಸಸೀಮನಿ ಸ್ಥಿತಂ ಭವನ್ತಂ ಸಮಲೋಕಯನ್ತ ತಾಃ॥
Vilolapinchham chikure kapolayoh samullasatkundalamardramikshite, nidhaya bahum suhridamsasimani sthitam bhavantam samalokayanta tah.
They saw you standing with a peacock feather swaying in your hair, earrings shining on your cheeks, tender in your gaze, your arm resting on a friend’s shoulder.
ತದಾ ಚ ಕಾಚಿತ್ ತ್ವದುಪಾಗಮೋದ್ಯತಾ ಗೃಹೀತಹಸ್ತಾ ದಯಿತೇನ ಯಜ್ವನಾ।
ತದೈವ ಸಞ್ಚಿನ್ತ್ಯ ಭವನ್ತಮಞ್ಜಸಾ ವಿವೇಶ ಕೈವಲ್ಯಮಹೋ ಕೃತಿನ್ಯಸೌ॥
Tada cha kachit tvadupagamodyata grihitahasta dayitena yajvana, tadaiva sanchintya bhavantamanjasa vivesha kaivalyamaho kritinyasau.
One woman, setting out to come to you, was held back by the hand by her husband, the sacrificer. Just by meditating on you then and there, she at once attained liberation. How blessed she was!
ಆದಾಯ ಭೋಜ್ಯಾನ್ಯನುಗೃಹ್ಯ ತಾಃ ಪುನಸ್ತ್ವದಙ್ಗಸಙ್ಗಸ್ಪೃಹಯೋಜ್ಝತೀರ್ಗೃಹಮ್।
ವಿಲೋಕ್ಯ ಯಜ್ಞಾಯ ವಿಸರ್ಜಯನ್ನಿಮಾಶ್ಚಕರ್ಥ ಭರ್ತೄನಪಿ ತಾಸ್ವಗರ್ಹಣಾನ್॥
Adaya bhojyanyanugrihya tah punastvadangasangasprihayojjhatirgriham, vilokya yajnaya visarjayannimashchakartha bhartrinapi tasvagarhanan.
Accepting the food and blessing the women, who were willing to leave home for your company, you saw them and sent them back for the sacrifice, and made their husbands not blame them.
ನಿರೂಪ್ಯ ದೋಷಂ ನಿಜಮಙ್ಗನಾಜನೇ ವಿಲೋಕ್ಯ ಭಕ್ತಿಂ ಚ ಪುನರ್ವಿಚಾರಿಭಿಃ।
ಪ್ರಬುದ್ಧತತ್ತ್ವೈಸ್ತ್ವಮಭಿಷ್ಟುತೋ ದ್ವಿಜೈರ್ಮರುತ್ಪುರಾಧೀಶ ನಿರುನ್ಧಿ ಮೇ ಗದಾನ್॥
Nirupya dosham nijamanganajane vilokya bhaktim cha punarvicharibhih, prabuddhatattvaistvamabhishtuto dvijairmarutpuradhisha nirundhi me gadan.
Seeing their own fault and the devotion of their wives, the brahmins, now awakened to the truth, reflected and praised you. Lord of Guruvayur, stop my illnesses.