Narayaneeyam: Dashakam 76
নারাযণীযম্ · দশক 76
The Sanskrit text in Bengali script. The Roman line and the meaning are the same as in the original.
গত্বা সান্দীপনিমথ চতুষ্ষষ্টিমাত্রৈরহোভিঃ সর্বজ্ঞস্ত্বং সহ মুসলিনা সর্ববিদ্যাং গৃহীত্বা।
পুত্রং নষ্টং যমনিলযনাদাহৃতং দক্ষিণার্থং দত্ত্বা তস্মৈ নিজপুরমগা নাদযন্পাঞ্চজন্যম্॥Gatva sandipanimatha chatushshashtimatrairahobhih sarvajnastvam saha musalina sarvavidyam grihitva, putram nashtam yamanilayanadahritam dakshinartham dattva tasmai nijapuramaga nadayanpanchajanyam.
Then you went to the sage Sandipani and, all-knowing as you are, learned every art with Balarama in just sixty-four days. As the teacher’s fee you brought back his lost son from Yama’s realm and gave him to him, and returned to your city, sounding your conch Panchajanya.
স্মৃত্বা স্মৃত্বা পশুপসুদৃশঃ প্রেমভারপ্রণুন্নাঃ কারুণ্যেন ত্বমপি বিবশঃ প্রাহিণোরুদ্ধবং তম্।
কিঞ্চামুষ্মৈ পরমসুহৃদে ভক্তবর্যায তাসাং ভক্ত্যুদ্রেকং সকলভুবনে দুর্লভং দর্শযিষ্যন্॥Smritva smritva pashupasudrishah premabharapranunnah karunyena tvamapi vivashah prahinoruddhavam tam, kinchamushmai paramasuhride bhaktavaryaya tasam bhaktyudrekam sakalabhuvane durlabham darshayishyan.
Remembering again and again the lovely-eyed cowherd women, who were driven by the weight of their love, you too were overcome with compassion and sent Uddhava, also to show that dearest friend and finest devotee their overflowing devotion, rare in all the worlds.
ত্বন্মাহাত্ম্যপ্রথিমপিশুনং গোকুলং প্রাপ্য সাযং ত্বদ্বার্তাভির্বহু স রমযামাস নন্দং যশোদাম্।
প্রাতর্দৃষ্ট্বা মণিমযরথং শঙ্কিতাঃ পঙ্কজাক্ষ্যঃ শ্রুত্বা প্রাপ্তং ভবদনুচরং ত্যক্তকার্যাঃ সমীযুঃ॥Tvanmahatmyaprathimapishunam gokulam prapya sayam tvadvartabhirbahu sa ramayamasa nandam yashodam, pratardrishtva manimayaratham shankitah pankajakshyah shrutva praptam bhavadanucharam tyaktakaryah samiyuh.
Reaching Gokula in the evening, a place that spoke of your greatness, he delighted Nanda and Yashoda with news of you. In the morning, seeing the jewelled chariot, the lotus-eyed gopis grew anxious; hearing that your companion had come, they dropped their work and gathered round.
দৃষ্ট্বা চৈনং ত্বদুপমলসদ্বেষভূষাভিরামং স্মৃত্বা স্মৃত্বা তব বিলসিতান্যুচ্চকৈস্তানি তানি।
রুদ্ধালাপাঃ কথমপি পুনর্গদ্গদাং বাচমূচুঃ সৌজন্যাদীন্নিজপরভিদামপ্যলং বিস্মরন্ত্যঃ॥Drishtva chainam tvadupamalasadveshabhushabhiramam smritva smritva tava vilasitanyuchchakaistani tani, ruddhalapah kathamapi punargadgadam vachamuchuh saujanyadinnijaparabhidamapyalam vismarantyah.
Seeing him, handsome in clothes and ornaments just like yours, and remembering again and again all your playful deeds, their voices choked; somehow they spoke in faltering words, forgetting courtesy and even the line between themselves and a stranger.
শ্রীমন্ কিং ত্বং পিতৃজনকৃতে প্রেষিতো নির্দযেন ক্বাসৌ কান্তো নগরসুদৃশাং হা হরে নাথ পাযাঃ।
আশ্লেষাণামমৃতবপুষো হন্ত তে চুম্বনানামুন্মাদানাং কুহকবচসাং বিস্মরেত্কান্ত কা বা॥Shriman kim tvam pitrijanakrite preshito nirdayena kvasau kanto nagarasudrisham ha hare natha payah, ashleshanamamritavapusho hanta te chumbananamunmadanam kuhakavachasam vismaretkanta ka va.
‘Good sir, were you sent for the sake of his parents by that heartless one? Where is he now, darling of the city women? Ah, Hari, our Lord, protect us! Which of us could ever forget your embraces, your nectar-sweet body, your kisses, our rapture and your teasing words, beloved?’
রাসক্রীডালুলিতললিতং বিশ্লথত্কেশপাশং মন্দোদ্ভিন্নশ্রমজলকণং লোভনীযং ত্বদঙ্গম্।
কারুণ্যাব্ধে সকৃদপি সমালিঙ্গিতুং দর্শযেতি প্রেমোন্মাদাদ্ভুবনমদন ত্বত্প্রিযাস্ত্বাং বিলেপুঃ॥Rasakridalulitalalitam vishlathatkeshapasham mandodbhinnashramajalakanam lobhaniyam tvadangam, karunyabdhe sakridapi samalingitum darshayeti premonmadadbhuvanamadana tvatpriyastvam vilepuh.
‘Ocean of compassion, enchanter of the world, show us even once, so we may hold it, your lovely body, tousled and graceful from the rasa dance, hair loosened, beaded with drops of sweat.’ So your beloveds cried out to you in the madness of love.
এবং প্রাযৈর্বিবশবচনৈরাকুলা গোপিকাস্তাঃ ত্বত্সন্দেশৈঃ প্রকৃতিমনযত্সোঽথ বিজ্ঞানগর্ভৈঃ।
ভূযস্তাভির্মুদিতমতিভিস্ত্বন্মযীভির্বধূভিস্তত্তদ্বার্তাসরসমনযত্কানিচিদ্বাসরাণি॥Evam prayairvivashavachanairakula gopikastah tvatsandeshaih prakritimanayatsotha vijnanagarbhaih, bhuyastabhirmuditamatibhistvanmayibhirvadhubhistattadvartasarasamanayatkanichidvasarani.
The gopis, distressed and speaking such helpless words, were brought back to calm by Uddhava with your messages full of wisdom. Then he spent some days happily with those joyful women, so absorbed in you, talking of all your doings.
ত্বত্প্রোদ্গানৈঃ সহিতমনিশং সর্বতো গেহকৃত্যং ত্বদ্বার্তৈব প্রসরতি মিথঃ সৈব চোত্স্বাপলাপাঃ।
চেষ্টাঃ প্রাযস্ত্বদনুকৃতযস্ত্বন্মযং সর্বমেবং দৃষ্ট্বা তত্র ব্যমুহদধিকং বিস্মযাদুদ্ধবোঽযম্॥Tvatprodganaih sahitamanisham sarvato gehakrityam tvadvartaiva prasarati mithah saiva chotsvapalapah, cheshtah prayastvadanukritayastvanmayam sarvamevam drishtva tatra vyamuhadadhikam vismayaduddhavoyam.
Day and night, in every home, the housework went on to songs about you; only talk of you passed between them, and even their talk in sleep was of you; their gestures mostly copied yours. Seeing everything so full of you, Uddhava was lost in wonder.
রাধাযা মে প্রিযতমমিদং মত্প্রিযৈবং ব্রবীতি ত্বং কিং মৌনং কলযসি সখে মানিনী মত্প্রিযেব।
ইত্যাদ্যেব প্রবদতি সখি ত্বত্প্রিযো নির্জনে মামিত্থংবাদৈররমযদযং ত্বত্প্রিযামুত্পলাক্ষীম্॥Radhaya me priyatamamidam matpriyaivam braviti tvam kim maunam kalayasi sakhe manini matpriyeva, ityadyeva pravadati sakhi tvatpriyo nirjane mamitthamvadairaramayadayam tvatpriyamutpalakshim.
‘Friend, when we are alone your beloved tells me things like: “This is what my Radha loves most,” and “Why so silent, friend, like my proud beloved?”’ With words like these, Uddhava delighted your lotus-eyed beloved.
এষ্যামি দ্রাগনুপগমনং কেবলং কার্যভারাদ্বিশ্লেষেঽপি স্মরণদৃঢতাসম্ভবান্মাস্তু খেদঃ।
ব্রহ্মানন্দে মিলতি নচিরাত্সঙ্গমো বা বিযোগস্তুল্যো বঃ স্যাদিতি তব গিরা সোঽকরোন্নির্ব্যথাস্তাঃ॥Eshyami draganupagamanam kevalam karyabharadvishleshepi smaranadridhatasambhavanmastu khedah, brahmanande milati nachiratsangamo va viyogastulyo vah syaditi tava gira sokaronnirvyathastah.
‘I will come soon; I stay away only because of the weight of my duties. Don’t grieve, for in separation remembrance grows stronger. Soon you will reach the bliss of Brahman, where union and separation are the same.’ With these words of yours he freed them from sorrow.
এবং ভক্তিঃ সকলভুবনে নেক্ষিতা ন শ্রুতা বা কিং শাস্ত্রৌঘৈঃ কিমিহ তপসা গোপিকাভ্যো নমোঽস্তু।
ইত্যানন্দাকুলমুপগতং গোকুলাদুদ্ধবং তং দৃষ্ট্বা হৃষ্টো গুরুপুরপতে পাহি মামামযৌঘাৎ॥Evam bhaktih sakalabhuvane nekshita na shruta va kim shastraughaih kimiha tapasa gopikabhyo namostu, ityanandakulamupagatam gokuladuddhavam tam drishtva hrishto gurupurapate pahi mamamayaughat.
‘Such devotion has never been seen or heard of in all the worlds. What use are piles of scripture or austerities here? I bow to the gopis!’ Seeing Uddhava return from Gokula overwhelmed with joy like this, you were delighted. Lord of Guruvayur, protect me from the flood of ills.