जगन्नाथाष्टकम्

Jagannathashtakam

स्तोत्र · संस्कृत · जगन्नाथ · आदि शङ्कराचार्य

1. कदाचित्कालिन्दीतटविपिनसङ्गीततरलो मुदाभीरीनारीवदनकमलास्वादमधुपः।
   रमाशम्भुब्रह्मामरपतिगणेशार्चितपदो जगन्नाथः स्वामी नयनपथगामी भवतु मे॥

   Kadachitkalinditatavipinasangitataralo mudabhirinarivadanakamalasvadamadhupah, ramashambhubrahmamarapatiganesharchitapado jagannathah svami nayanapathagami bhavatu me.

   जो कभी यमुना तट के वन में संगीत में मगन रहते हैं, जो भौंरे की तरह आनंद से ग्वालिनों के कमल-मुखों का रस लेते हैं, जिनके चरण लक्ष्मी, शिव, ब्रह्मा, इंद्र और गणेश पूजते हैं, वे जगन्नाथ स्वामी मेरी आँखों के सामने आएँ।

2. भुजे सव्ये वेणुं शिरसि शिखिपिच्छं कटितटे दुकूलं नेत्रान्ते सहचरकटाक्षं विदधते।
   सदा श्रीमद्वृन्दावनवसतिलीलापरिचयो जगन्नाथः स्वामी नयनपथगामी भवतु मे॥

   Bhuje savye venum shirasi shikhipichchham katitate dukulam netrante sahacharakataksham vidadhate, sada shrimadvrindavanavasatililaparichayo jagannathah svami nayanapathagami bhavatu me.

   जो बाएँ हाथ में बाँसुरी, सिर पर मोरपंख और कमर पर रेशमी वस्त्र धारण करते हैं, आँखों के कोनों से साथियों पर तिरछी नज़र डालते हैं और सदा सुंदर वृंदावन की लीलाओं में रमे रहते हैं, वे जगन्नाथ स्वामी मेरी आँखों के सामने आएँ।

3. महाम्भोधेस्तीरे कनकरुचिरे नीलशिखरे वसन्प्रासादान्तः सहजबलभद्रेण बलिना।
   सुभद्रामध्यस्थः सकलसुरसेवावसरदो जगन्नाथः स्वामी नयनपथगामी भवतु मे॥

   Mahambhodhestire kanakaruchire nilashikhare vasanprasadantah sahajabalabhadrena balina, subhadramadhyasthah sakalasurasevavasarado jagannathah svami nayanapathagami bhavatu me.

   जो महासागर के तट पर, सोने जैसे चमकते नीलगिरि पर अपने मंदिर में बलशाली भाई बलभद्र के साथ रहते हैं, जिनके बीच सुभद्रा हैं, और जो सब देवताओं को सेवा का अवसर देते हैं, वे जगन्नाथ स्वामी मेरी आँखों के सामने आएँ।

4. कृपापारावारः सजलजलदश्रेणिरुचिरो रमावाणीरामः स्फुरदमलपङ्केरुहमुखः।
   सुरेन्द्रैराराध्यः श्रुतिगणशिखागीतचरितो जगन्नाथः स्वामी नयनपथगामी भवतु मे॥

   Kripaparavarah sajalajaladashreniruchiro ramavaniramah sphuradamalapankeruhamukhah, surendrairaradhyah shrutiganashikhagitacharito jagannathah svami nayanapathagami bhavatu me.

   जो कृपा के सागर हैं, जल भरे बादलों की कतार जैसे सुंदर हैं, लक्ष्मी और सरस्वती के साथ रमते हैं, जिनका मुख चमकते निर्मल कमल जैसा है, जो देवराजों से पूजित हैं और जिनका चरित्र उपनिषदें गाती हैं, वे जगन्नाथ स्वामी मेरी आँखों के सामने आएँ।

5. रथारूढो गच्छन्पथि मिलितभूदेवपटलैः स्तुतिप्रादुर्भावं प्रतिपदमुपाकर्ण्य सदयः।
   दयासिन्धुर्बन्धुः सकलजगतां सिन्धुसुतया जगन्नाथः स्वामी नयनपथगामी भवतु मे॥

   Ratharudho gachchhanpathi militabhudevapatalaih stutipradurbhavam pratipadamupakarnya sadayah, dayasindhurbandhuh sakalajagatam sindhusutaya jagannathah svami nayanapathagami bhavatu me.

   जो रथ पर सवार होकर रास्ते में चलते हुए इकट्ठे ब्राह्मणों की स्तुतियाँ हर कदम पर दया से सुनते हैं, जो दया के सागर और सारे जगत के बंधु हैं और सागर-पुत्री लक्ष्मी के साथ हैं, वे जगन्नाथ स्वामी मेरी आँखों के सामने आएँ।

6. परंब्रह्मापीडः कुवलयदलोत्फुल्लनयनो निवासी नीलाद्रौ निहितचरणोऽनन्तशिरसि।
   रसानन्दी राधासरसवपुरालिङ्गनसुखो जगन्नाथः स्वामी नयनपथगामी भवतु मे॥

   Parambrahmapidah kuvalayadalotphullanayano nivasi niladrau nihitacharanonantashirasi, rasanandi radhasarasavapuralinganasukho jagannathah svami nayanapathagami bhavatu me.

   जो परब्रह्म के मुकुट हैं, जिनकी आँखें खिले नीले कमल की पंखुड़ियों जैसी हैं, जो नीलाचल पर रहते हैं, जिनके चरण अनंत नाग के सिर पर हैं, जो प्रेम रस में आनंदित हैं और राधा के प्रेममय आलिंगन से सुखी हैं, वे जगन्नाथ स्वामी मेरी आँखों के सामने आएँ।

7. न वै याचे राज्यं न च कनकमाणिक्यविभवं न याचेऽहं रम्यां सकलजनकाम्यां वरवधूम्।
   सदा काले काले प्रमथपतिना गीतचरितो जगन्नाथः स्वामी नयनपथगामी भवतु मे॥

   Na vai yache rajyam na cha kanakamanikyavibhavam na yacheham ramyam sakalajanakamyam varavadhum, sada kale kale pramathapatina gitacharito jagannathah svami nayanapathagami bhavatu me.

   मैं न राज्य माँगता हूँ, न सोने और माणिक का वैभव, न ही सबके मन को भाने वाली सुंदर पत्नी। बस इतना चाहता हूँ कि जिनका चरित्र शिव सदा हर समय गाते हैं, वे जगन्नाथ स्वामी मेरी आँखों के सामने आएँ।

8. हर त्वं संसारं द्रुततरमसारं सुरपते हर त्वं पापानां विततिमपरां यादवपते।
   अहो दीनेऽनाथे निहितचरणो निश्चितमिदं जगन्नाथः स्वामी नयनपथगामी भवतु मे॥

   Hara tvam samsaram drutataramasaram surapate hara tvam papanam vitatimaparam yadavapate, aho dinenathe nihitacharano nishchitamidam jagannathah svami nayanapathagami bhavatu me.

   हे देवताओं के स्वामी, इस सारहीन संसार को जल्दी हर लीजिए; हे यादवपति, मेरे अनंत पापों का ढेर हर लीजिए। अहा, यह निश्चित है कि वे दीन और अनाथ के पास अपने चरण रखते हैं; वे जगन्नाथ स्वामी मेरी आँखों के सामने आएँ।

9. जगन्नाथाष्टकं पुण्यं यः पठेत्प्रयतः शुचिः।
   सर्वपापविशुद्धात्मा विष्णुलोकं स गच्छति॥

   Jagannathashtakam punyam yah pathetprayatah shuchih, sarvapapavishuddhatma vishnulokam sa gachchhati.

   जो पवित्र और संयमित होकर इस पुण्य जगन्नाथाष्टक का पाठ करता है, वह सब पापों से शुद्ध होकर विष्णु लोक जाता है।