दक्षिणामूर्ति स्तोत्रम्

Dakshinamurthy Stotram

स्तोत्र · संस्कृत · शिव · आदि शंकराचार्य

1. मौनव्याख्याप्रकटितपरब्रह्मतत्त्वं युवानं वर्षिष्ठान्तेवसदृषिगणैरावृतं ब्रह्मनिष्ठैः।
   आचार्येन्द्रं करकलितचिन्मुद्रमानन्दमूर्तिं स्वात्मारामं मुदितवदनं दक्षिणामूर्तिमीडे॥

   Maunavyakhyaprakatitaparabrahmatattvam yuvanam varshishthantevasadrishiganairavritam brahmanishthaih, acharyendram karakalitachinmudramanandamurtim svatmaramam muditavadanam dakshinamurtimide.

   मैं दक्षिणामूर्ति की स्तुति करता हूँ: जो युवा हैं, जो मौन व्याख्या से परब्रह्म का तत्त्व प्रकट करते हैं, जो ब्रह्म में स्थित वृद्ध ऋषि-शिष्यों से घिरे हैं; जो आचार्यों में श्रेष्ठ हैं, हाथ में ज्ञानमुद्रा धारण किए हैं, आनंदस्वरूप हैं, अपनी आत्मा में ही रमते हैं और जिनका मुख प्रसन्न है।

2. वटविटपिसमीपे भूमिभागे निषण्णं सकलमुनिजनानां ज्ञानदातारमारात्।
   त्रिभुवनगुरुमीशं दक्षिणामूर्तिदेवं जननमरणदुःखच्छेददक्षं नमामि॥

   Vatavitapisamipe bhumibhage nishannam sakalamunijananam jnanadataramarat, tribhuvanagurumisham dakshinamurtidevam jananamaranaduhkhachchhedadaksham namami.

   मैं भगवान दक्षिणामूर्ति को नमन करता हूँ, जो बरगद के पेड़ के पास धरती पर बैठे हैं, पास बैठे सभी मुनियों को ज्ञान देते हैं, तीनों लोकों के गुरु हैं और जन्म-मरण के दुख को काटने में समर्थ हैं।

3. चित्रं वटतरोर्मूले वृद्धाः शिष्या गुरुर्युवा।
   गुरोस्तु मौनं व्याख्यानं शिष्यास्तुच्छिन्नसंशयाः॥

   Chitram vatatarormule vriddhah shishya gururyuva, gurostu maunam vyakhyanam shishyastuchchhinnasamshayah.

   कैसा आश्चर्य है: बरगद के पेड़ के नीचे शिष्य बूढ़े हैं और गुरु युवा। गुरु मौन रहकर उपदेश देते हैं, और शिष्यों के सारे संशय मिट जाते हैं।

4. निधये सर्वविद्यानां भिषजे भवरोगिणाम्।
   गुरवे सर्वलोकानां दक्षिणामूर्तये नमः॥

   Nidhaye sarvavidyanam bhishaje bhavaroginam, gurave sarvalokanam dakshinamurtaye namah.

   सब विद्याओं के भंडार, संसार-रूपी रोग से पीड़ितों के वैद्य और सब लोकों के गुरु दक्षिणामूर्ति को नमस्कार।

5. ॐ नमः प्रणवार्थाय शुद्धज्ञानैकमूर्तये।
   निर्मलाय प्रशान्ताय दक्षिणामूर्तये नमः॥

   Om namah pranavarthaya shuddhajnanaikamurtaye, nirmalaya prashantaya dakshinamurtaye namah.

   ॐ। ॐकार के अर्थस्वरूप, शुद्ध ज्ञान ही जिनका एकमात्र रूप है, उन निर्मल और परम शांत दक्षिणामूर्ति को नमस्कार।

6. विश्वं दर्पणदृश्यमाननगरीतुल्यं निजान्तर्गतं पश्यन्नात्मनि मायया बहिरिवोद्भूतं यथा निद्रया।
   यः साक्षात्कुरुते प्रबोधसमये स्वात्मानमेवाद्वयं तस्मै श्रीगुरुमूर्तये नम इदं श्रीदक्षिणामूर्तये॥

   Vishvam darpanadrishyamananagaritulyam nijantargatam pashyannatmani mayaya bahirivodbhutam yatha nidraya, yah sakshatkurute prabodhasamaye svatmanamevadvayam tasmai shrigurumurtaye nama idam shridakshinamurtaye.

   यह जगत दर्पण में दिखते नगर की तरह अपने भीतर ही है, फिर भी माया से सपने की तरह बाहर दिखता है; जागने पर वह अपनी ही अद्वितीय आत्मा का अनुभव करता है। उन गुरुरूप श्री दक्षिणामूर्ति को नमस्कार।

7. बीजस्यान्तरिवाङ्कुरो जगदिदं प्राङ्निर्विकल्पं पुनः मायाकल्पितदेशकालकलनावैचित्र्यचित्रीकृतम्।
   मायावीव विजृम्भयत्यपि महायोगीव यः स्वेच्छया तस्मै श्रीगुरुमूर्तये नम इदं श्रीदक्षिणामूर्तये॥

   Bijasyantarivankuro jagadidam prannirvikalpam punah mayakalpitadeshakalakalanavaichitryachitrikritam, mayaviva vijrimbhayatyapi mahayogiva yah svechchhaya tasmai shrigurumurtaye nama idam shridakshinamurtaye.

   बीज के भीतर अंकुर की तरह यह जगत पहले निराकार था; फिर माया से बने देश, काल और परिवर्तन की विविधता से इसे रंगकर वे इसे जादूगर या महायोगी की तरह अपनी इच्छा से फैलाते हैं। उन गुरुरूप श्री दक्षिणामूर्ति को नमस्कार।

8. यस्यैव स्फुरणं सदात्मकमसत्कल्पार्थकं भासते साक्षात्तत्त्वमसीति वेदवचसा यो बोधयत्याश्रितान्।
   यत्साक्षात्करणाद्भवेन्न पुनरावृत्तिर्भवाम्भोनिधौ तस्मै श्रीगुरुमूर्तये नम इदं श्रीदक्षिणामूर्तये॥

   Yasyaiva sphuranam sadatmakamasatkalparthakam bhasate sakshattattvamasiti vedavachasa yo bodhayatyashritan, yatsakshatkaranadbhavenna punaravrittirbhavambhonidhau tasmai shrigurumurtaye nama idam shridakshinamurtaye.

   उन्हीं का सत्यरूप प्रकाश इस असत् जैसे दिखते जगत के रूप में चमकता है; ‘तत्त्वमसि’ (तुम वही हो) इस वेद-वचन से वे शरणागतों को सीधा बोध कराते हैं, और उनका साक्षात्कार होने पर संसार-सागर में लौटना नहीं होता। उन गुरुरूप श्री दक्षिणामूर्ति को नमस्कार।

9. नानाच्छिद्रघटोदरस्थितमहादीपप्रभाभास्वरं ज्ञानं यस्य तु चक्षुरादिकरणद्वारा बहिः स्पन्दते।
   जानामीति तमेव भान्तमनुभात्येतत्समस्तं जगत् तस्मै श्रीगुरुमूर्तये नम इदं श्रीदक्षिणामूर्तये॥

   Nanachchhidraghatodarasthitamahadipaprabhabhasvaram jnanam yasya tu chakshuradikaranadvara bahih spandate, janamiti tameva bhantamanubhatyetatsamastam jagat tasmai shrigurumurtaye nama idam shridakshinamurtaye.

   कई छेदों वाले घड़े के भीतर रखे बड़े दीपक की रोशनी की तरह उनका ज्ञान आँख आदि इन्द्रियों से बाहर फैलता है; ‘मैं जानता हूँ’ के रूप में उनके चमकने पर ही यह सारा जगत चमकता है। उन गुरुरूप श्री दक्षिणामूर्ति को नमस्कार।

10. देहं प्राणमपीन्द्रियाण्यपि चलां बुद्धिं च शून्यं विदुः स्त्रीबालान्धजडोपमास्त्वहमिति भ्रान्ता भृशं वादिनः।
    मायाशक्तिविलासकल्पितमहाव्यामोहसंहारिणे तस्मै श्रीगुरुमूर्तये नम इदं श्रीदक्षिणामूर्तये॥

    Deham pranamapindriyanyapi chalam buddhim cha shunyam viduh stribalandhajadopamastvahamiti bhranta bhrisham vadinah, mayashaktivilasakalpitamahavyamohasamharine tasmai shrigurumurtaye nama idam shridakshinamurtaye.

    कुछ वाद-विवाद करने वाले, बच्चों या अंधों जैसे भ्रमित होकर, शरीर, प्राण, इन्द्रियों, चंचल बुद्धि या शून्य को ही ‘मैं’ मानते हैं। माया की लीला से बने इस महा-मोह का वे नाश करते हैं। उन गुरुरूप श्री दक्षिणामूर्ति को नमस्कार।

11. राहुग्रस्तदिवाकरेन्दुसदृशो मायासमाच्छादनात् सन्मात्रः करणोपसंहरणतो योऽभूत्सुषुप्तः पुमान्।
    प्रागस्वाप्समिति प्रबोधसमये यः प्रत्यभिज्ञायते तस्मै श्रीगुरुमूर्तये नम इदं श्रीदक्षिणामूर्तये॥

    Rahugrastadivakarendusadrisho mayasamachchhadanat sanmatrah karanopasamharanato yobhutsushuptah puman, pragasvapsamiti prabodhasamaye yah pratyabhijnayate tasmai shrigurumurtaye nama idam shridakshinamurtaye.

    जैसे राहु से ग्रसे सूर्य या चन्द्रमा, वैसे ही गहरी नींद में माया से ढका और इन्द्रियों को समेटे हुए पुरुष केवल सत्ता रूप में रहता है; जागने पर वह पहचानता है, ‘मैं सोया था।’ उन गुरुरूप श्री दक्षिणामूर्ति को नमस्कार।

12. बाल्यादिष्वपि जाग्रदादिषु तथा सर्वास्ववस्थास्वपि व्यावृत्तास्वनुवर्तमानमहमित्यन्तः स्फुरन्तं सदा।
    स्वात्मानं प्रकटीकरोति भजतां यो मुद्रया भद्रया तस्मै श्रीगुरुमूर्तये नम इदं श्रीदक्षिणामूर्तये॥

    Balyadishvapi jagradadishu tatha sarvasvavasthasvapi vyavrittasvanuvartamanamahamityantah sphurantam sada, svatmanam prakatikaroti bhajatam yo mudraya bhadraya tasmai shrigurumurtaye nama idam shridakshinamurtaye.

    बचपन आदि सब उम्रों में, जागने आदि सब अवस्थाओं में, उनके बदलते रहने पर भी ‘मैं’ के रूप में भीतर सदा एक-सा चमकने वाले आत्मा को वे शुभ ज्ञानमुद्रा से भक्तों के सामने प्रकट करते हैं। उन गुरुरूप श्री दक्षिणामूर्ति को नमस्कार।

13. विश्वं पश्यति कार्यकारणतया स्वस्वामिसम्बन्धतः शिष्याचार्यतया तथैव पितृपुत्राद्यात्मना भेदतः।
    स्वप्ने जाग्रति वा य एष पुरुषो मायापरिभ्रामितः तस्मै श्रीगुरुमूर्तये नम इदं श्रीदक्षिणामूर्तये॥

    Vishvam pashyati karyakaranataya svasvamisambandhatah shishyacharyataya tathaiva pitriputradyatmana bhedatah, svapne jagrati va ya esha purusho mayaparibhramitah tasmai shrigurumurtaye nama idam shridakshinamurtaye.

    सपने में हो या जागते हुए, माया से भ्रमित होकर यह पुरुष जगत को कार्य-कारण, स्वामी-सेवक, शिष्य-गुरु और पिता-पुत्र जैसे भेदों में देखता है। उन गुरुरूप श्री दक्षिणामूर्ति को नमस्कार।

14. भूरम्भांस्यनलोऽनिलोऽम्बरमहर्नाथो हिमांशुः पुमान् इत्याभाति चराचरात्मकमिदं यस्यैव मूर्त्यष्टकम्।
    नान्यत्किञ्चन विद्यते विमृशतां यस्मात्परस्माद्विभोः तस्मै श्रीगुरुमूर्तये नम इदं श्रीदक्षिणामूर्तये॥

    Bhurambhamsyanalonilombaramaharnatho himamshuh puman ityabhati characharatmakamidam yasyaiva murtyashtakam, nanyatkinchana vidyate vimrishatam yasmatparasmadvibhoh tasmai shrigurumurtaye nama idam shridakshinamurtaye.

    पृथ्वी, जल, अग्नि, वायु, आकाश, सूर्य, चन्द्रमा और जीव: यह चर-अचर जगत उन्हीं के आठ रूपों में चमकता है। विचार करने वालों के लिए उन परम, सर्वव्यापी प्रभु से अलग कुछ भी नहीं है। उन गुरुरूप श्री दक्षिणामूर्ति को नमस्कार।

15. सर्वात्मत्वमिति स्फुटीकृतमिदं यस्मादमुष्मिन् स्तवे तेनास्य श्रवणात्तदर्थमननाद्ध्यानाच्च सङ्कीर्तनात्।
    सर्वात्मत्वमहाविभूतिसहितं स्यादीश्वरत्वं स्वतः सिद्ध्येत्तत्पुनरष्टधा परिणतं चैश्वर्यमव्याहतम्॥

    Sarvatmatvamiti sphutikritamidam yasmadamushmin stave tenasya shravanattadarthamananaddhyanachcha sankirtanat, sarvatmatvamahavibhutisahitam syadishvaratvam svatah siddhyettatpunarashtadha parinatam chaishvaryamavyahatam.

    क्योंकि इस स्तोत्र में स्पष्ट किया गया है कि वे सबकी आत्मा हैं, इसलिए इसे सुनने, इसके अर्थ पर मनन करने, ध्यान करने और गाने से अपने आप सर्वात्म-भाव की महिमा के साथ ईश्वरत्व और आठ प्रकार का अबाध ऐश्वर्य मिलता है।