शिव मानस पूजा

Shiva Manas Puja

स्तोत्र · संस्कृत · शिव · आदि शंकराचार्य

1. रत्नैः कल्पितमासनं हिमजलैः स्नानं च दिव्याम्बरं नानारत्नविभूषितं मृगमदामोदाङ्कितं चन्दनम्।
   जातीचम्पकबिल्वपत्ररचितं पुष्पं च धूपं तथा दीपं देव दयानिधे पशुपते हृत्कल्पितं गृह्यताम्॥

   Ratnaih kalpitamasanam himajalaih snanam cha divyambaram nanaratnavibhushitam mrigamadamodankitam chandanam, jatichampakabilvapatrarachitam pushpam cha dhupam tatha dipam deva dayanidhe pashupate hritkalpitam grihyatam.

   रत्नों का आसन, हिमालय के ठंडे जल से स्नान, अनेक रत्नों से सजे दिव्य वस्त्र, कस्तूरी की सुगंध वाला चंदन, चमेली, चंपा और बिल्वपत्र से बने फूल, धूप और दीप: हे दया के भंडार पशुपति देव, मन में कल्पित इन सबको स्वीकार कीजिए।

2. सौवर्णे नवरत्नखण्डरचिते पात्रे घृतं पायसं भक्ष्यं पञ्चविधं पयोदधियुतं रम्भाफलं पानकम्।
   शाकानामयुतं जलं रुचिकरं कर्पूरखण्डोज्ज्वलं ताम्बूलं मनसा मया विरचितं भक्त्या प्रभो स्वीकुरु॥

   Sauvarne navaratnakhandarachite patre ghritam payasam bhakshyam panchavidham payodadhiyutam rambhaphalam panakam, shakanamayutam jalam ruchikaram karpurakhandojjvalam tambulam manasa maya virachitam bhaktya prabho svikuru.

   नवरत्नों से जड़े सोने के पात्र में घी और खीर, दूध-दही सहित पाँच प्रकार के भोजन, केले, शरबत, अनगिनत सब्ज़ियाँ, स्वादिष्ट जल और कपूर से चमकता पान: हे प्रभु, भक्ति से मन में बनाए ये सब स्वीकार कीजिए।

3. छत्रं चामरयोर्युगं व्यजनकं चादर्शकं निर्मलं वीणाभेरिमृदङ्गकाहलकला गीतं च नृत्यं तथा।
   साष्टाङ्गं प्रणतिः स्तुतिर्बहुविधा ह्येतत्समस्तं मया सङ्कल्पेन समर्पितं तव विभो पूजां गृहाण प्रभो॥

   Chhatram chamarayoryugam vyajanakam chadarshakam nirmalam vinabherimridangakahalakala gitam cha nrityam tatha, sashtangam pranatih stutirbahuvidha hyetatsamastam maya sankalpena samarpitam tava vibho pujam grihana prabho.

   छत्र, दो चँवर, पंखा और निर्मल दर्पण; वीणा, भेरी, मृदंग और शंख की ध्वनि, गीत और नृत्य; साष्टांग प्रणाम और तरह-तरह की स्तुतियाँ: हे विभु, यह सब मैं संकल्प से आपको अर्पित करता हूँ; हे प्रभु, यह पूजा स्वीकार कीजिए।

4. आत्मा त्वं गिरिजा मतिः सहचराः प्राणाः शरीरं गृहं पूजा ते विषयोपभोगरचना निद्रा समाधिस्थितिः।
   सञ्चारः पदयोः प्रदक्षिणविधिः स्तोत्राणि सर्वा गिरो यद्यत्कर्म करोमि तत्तदखिलं शम्भो तवाराधनम्॥

   Atma tvam girija matih sahacharah pranah shariram griham puja te vishayopabhogarachana nidra samadhisthitih, sancharah padayoh pradakshinavidhih stotrani sarva giro yadyatkarma karomi tattadakhilam shambho tavaradhanam.

   आप मेरी आत्मा हैं, पार्वती मेरी बुद्धि हैं, मेरे प्राण आपके साथी हैं, मेरा शरीर आपका घर है; इंद्रियों के भोग आपकी पूजा हैं, नींद समाधि है, मेरा चलना आपकी परिक्रमा है और मेरे सब शब्द आपके स्तोत्र हैं। हे शंभु, मैं जो भी करता हूँ, वह सब आपकी आराधना है।

5. करचरणकृतं वाक्कायजं कर्मजं वा श्रवणनयनजं वा मानसं वापराधम्।
   विहितमविहितं वा सर्वमेतत्क्षमस्व जय जय करुणाब्धे श्रीमहादेव शम्भो॥

   Karacharanakritam vakkayajam karmajam va shravananayanajam va manasam vaparadham, vihitamavihitam va sarvametatkshamasva jaya jaya karunabdhe shrimahadeva shambho.

   हाथों या पैरों से, वाणी या शरीर से, कर्म से, कानों या आँखों से, या मन से मैंने जो भी अपराध किए हों, चाहे वे विहित हों या निषिद्ध, उन सबको क्षमा कीजिए। हे करुणा के सागर श्री महादेव शंभु, आपकी जय हो, जय हो।