पशुपत्यष्टकम्

Pashupati Ashtakam

स्तोत्र · संस्कृत · शिव · पृथिवीपति सूरि

1. ध्यायेन्नित्यं महेशं रजतगिरिनिभं चारुचन्द्रावतंसं रत्नाकल्पोज्ज्वलाङ्गं परशुमृगवराभीतिहस्तं प्रसन्नम्।
   पद्मासीनं समन्तात्स्तुतममरगणैर्व्याघ्रकृत्तिं वसानं विश्वाद्यं विश्वबीजं निखिलभयहरं पञ्चवक्त्रं त्रिनेत्रम्॥

   Dhyayennityam mahesham rajatagirinibham charuchandravatamsam ratnakalpojjvalangam parashumrigavarabhitihastam prasannam, padmasinam samantatstutamamaraganairvyaghrakrittim vasanam vishvadyam vishvabijam nikhilabhayaharam panchavaktram trinetram.

   सदा महेश का ध्यान करें: जो चाँदी के पर्वत जैसे उजले हैं, सुंदर चंद्रमा जिनका शिरोभूषण है, रत्नों के गहनों से जिनका शरीर चमकता है, जो हाथों में फरसा, मृग, वर और अभय मुद्रा धारण करते हैं, प्रसन्न हैं, कमल पर बैठे हैं, देवगण चारों ओर जिनकी स्तुति करते हैं, जो बाघंबर पहनते हैं; जो संसार के आदि और बीज हैं, सब भय हरते हैं, पाँच मुख और तीन नेत्रों वाले हैं।

2. पशुपतिं द्युपतिं धरणीपतिं भुजगलोकपतिं च सतीपतिम्।
   प्रणतभक्तजनार्तिहरं परं भजत रे मनुजा गिरिजापतिम्॥

   Pashupatim dyupatim dharanipatim bhujagalokapatim cha satipatim, pranatabhaktajanartiharam param bhajata re manuja girijapatim.

   हे मनुष्यो, पार्वतीपति शिव को भजो, जो पशुपति, स्वर्ग के स्वामी, पृथ्वी के स्वामी, नागलोक के स्वामी और सती के पति हैं, और शरण में झुके भक्तों के दुख हरने वाले परमेश्वर हैं।

3. न जनको जननी न च सोदरो न तनयो न च भूरिबलं कुलम्।
   अवति कोऽपि न कालवशं गतं भजत रे मनुजा गिरिजापतिम्॥

   Na janako janani na cha sodaro na tanayo na cha bhuribalam kulam, avati kopi na kalavasham gatam bhajata re manuja girijapatim.

   न पिता, न माता, न भाई, न बेटा, न बड़ा बलवान कुल; काल के वश में पड़े व्यक्ति को कोई नहीं बचा सकता। हे मनुष्यो, पार्वतीपति शिव को भजो।

4. मुरजडिण्डिमवाद्यविलक्षणं मधुरपञ्चमनादविशारदम्।
   प्रमथभूतगणैरपि सेवितं भजत रे मनुजा गिरिजापतिम्॥

   Murajadindimavadyavilakshanam madhurapanchamanadavisharadam, pramathabhutaganairapi sevitam bhajata re manuja girijapatim.

   मुरज और डमरू की ध्वनि से पहचाने जाने वाले, मधुर पंचम स्वर में निपुण, प्रमथों और भूतगणों से सेवित: हे मनुष्यो, पार्वतीपति शिव को भजो।

5. शरणदं सुखदं शरणान्वितं शिव शिवेति शिवेति नतं नृणाम्।
   अभयदं करुणावरुणालयं भजत रे मनुजा गिरिजापतिम्॥

   Sharanadam sukhadam sharananvitam shiva shiveti shiveti natam nrinam, abhayadam karunavarunalayam bhajata re manuja girijapatim.

   शरण और सुख देने वाले, जिनकी लोग शरण लेते हैं, जिन्हें लोग “शिव, शिव, शिव” कहकर प्रणाम करते हैं, अभय देने वाले, करुणा के सागर: हे मनुष्यो, पार्वतीपति शिव को भजो।

6. नरशिरोरचितं मणिकुण्डलं भुजगहारमुदं वृषभध्वजम्।
   चितिरजोधवलीकृतविग्रहं भजत रे मनुजा गिरिजापतिम्॥

   Narashirorachitam manikundalam bhujagaharamudam vrishabhadhvajam, chitirajodhavalikritavigraham bhajata re manuja girijapatim.

   नरमुंडों और मणि-कुंडलों से सजे, साँपों के हार से प्रसन्न, जिनकी ध्वजा पर बैल है, जिनका शरीर चिता की भस्म से उजला है: हे मनुष्यो, पार्वतीपति शिव को भजो।

7. मखविनाशकरं शशिशेखरं सततमध्वरभाजिफलप्रदम्।
   प्रलयदग्धसुरासुरमानवं भजत रे मनुजा गिरिजापतिम्॥

   Makhavinashakaram shashishekharam satatamadhvarabhajiphalapradam, pralayadagdhasurasuramanavam bhajata re manuja girijapatim.

   दक्ष का यज्ञ नष्ट करने वाले, सिर पर चंद्रमा धारण करने वाले, यज्ञ करने वालों को सदा फल देने वाले, और प्रलय में देवता, असुर और मनुष्य सबको भस्म करने वाले: हे मनुष्यो, पार्वतीपति शिव को भजो।

8. मदमपास्य चिरं हृदि संस्थितं मरणजन्मजराभयपीडितम्।
   जगदुदीक्ष्य समीपभयाकुलं भजत रे मनुजा गिरिजापतिम्॥

   Madamapasya chiram hridi samsthitam maranajanmajarabhayapiditam, jagadudikshya samipabhayakulam bhajata re manuja girijapatim.

   घमंड छोड़कर, यह देखकर कि संसार मृत्यु, जन्म और बुढ़ापे के भय से पीड़ित है और पास आते संकट से व्याकुल है, हृदय में सदा बसे शिव को भजो: हे मनुष्यो, पार्वतीपति शिव को भजो।

9. हरिविरञ्चिसुराधिपपूजितं यमजनेशधनेशनमस्कृतम्।
   त्रिनयनं भुवनत्रितयाधिपं भजत रे मनुजा गिरिजापतिम्॥

   Hariviranchisuradhipapujitam yamajaneshadhaneshanamaskritam, trinayanam bhuvanatritayadhipam bhajata re manuja girijapatim.

   विष्णु, ब्रह्मा और इंद्र जिनकी पूजा करते हैं, यम, राजा और कुबेर जिन्हें नमस्कार करते हैं, तीन नेत्रों वाले, तीनों लोकों के स्वामी: हे मनुष्यो, पार्वतीपति शिव को भजो।

10. पशुपतेरिदमष्टकमद्भुतं विरचितं पृथिवीपतिसूरिणा।
    पठति संशृणुते मनुजः सदा शिवपुरीं वसते लभते मुदम्॥

    Pashupateridamashtakamadbhutam virachitam prithivipatisurina, pathati samshrinute manujah sada shivapurim vasate labhate mudam.

    कवि पृथ्वीपति सूरि द्वारा रचे पशुपति के इस अद्भुत अष्टक को जो मनुष्य सदा पढ़ता या सुनता है, वह शिवपुरी में रहता है और आनंद पाता है।