Durga Saptashati 7: Chanda Munda Vadh
ದುರ್ಗಾ ಸಪ್ತಶತೀ · ಸಪ್ತಮ ಅಧ್ಯಾಯ
The Sanskrit text in Kannada script. The Roman line and the meaning are the same as in the original.
ಓಂ ಧ್ಯಾಯೇಯಂ ರತ್ನಪೀಠೇ ಶುಕಕಲಪಠಿತಂ ಶೃಣ್ವತೀಂ ಶ್ಯಾಮಲಾಙ್ಗೀಂ ನ್ಯಸ್ತೈಕಾಙ್ಘ್ರಿಂ ಸರೋಜೇ ಶಶಿಶಕಲಧರಾಂ ವಲ್ಲಕೀಂ ವಾದಯನ್ತೀಮ್।
ಕಹ್ಲಾರಾಬದ್ಧಮಾಲಾಂ ನಿಯಮಿತವಿಲಸಚ್ಚೋಲಿಕಾಂ ರಕ್ತವಸ್ತ್ರಾಂ ಮಾತಙ್ಗೀಂ ಶಙ್ಖಪಾತ್ರಾಂ ಮಧುರಮಧುಮದಾಂ ಚಿತ್ರಕೋದ್ಭಾಸಿಭಾಲಾಮ್॥Om dhyayeyam ratnapithe shukakalapathitam shrinvatim shyamalangim nyastaikanghrim saroje shashishakaladharam vallakim vadayantim, kahlarabaddhamalam niyamitavilasachcholikam raktavastram matangim shankhapatram madhuramadhumadam chitrakodbhasibhalam.
Om. I meditate on Matangi, seated on a jewelled throne, listening to a parrot’s sweet chatter; dark of body, one foot resting on a lotus, wearing the crescent moon and playing the vina; garlanded with water lilies, in a fitted bright bodice and red clothes, holding a conch-shell cup, sweetly flushed with honey wine, her forehead shining with a tilak.
ಓಂ ಋಷಿರುವಾಚ॥
Om rishiruvacha.
Om. The sage said:
ಆಜ್ಞಪ್ತಾಸ್ತೇ ತತೋ ದೈತ್ಯಾಶ್ಚಣ್ಡಮುಣ್ಡಪುರೋಗಮಾಃ।
ಚತುರಙ್ಗಬಲೋಪೇತಾ ಯಯುರಭ್ಯುದ್ಯತಾಯುಧಾಃ॥Ajnaptaste tato daityashchandamundapurogamah, chaturangabalopeta yayurabhyudyatayudhah.
Then, at Shumbha’s command, the demons led by Chanda and Munda set out with a full army of four divisions, weapons raised.
ದದೃಶುಸ್ತೇ ತತೋ ದೇವೀಮೀಷದ್ಧಾಸಾಂ ವ್ಯವಸ್ಥಿತಾಮ್।
ಸಿಂಹಸ್ಯೋಪರಿ ಶೈಲೇನ್ದ್ರಶೃಙ್ಗೇ ಮಹತಿ ಕಾಞ್ಚನೇ॥Dadrishuste tato devimishaddhasam vyavasthitam, simhasyopari shailendrashringe mahati kanchane.
They saw the Goddess, smiling slightly, seated on her lion on a great golden peak of the king of mountains.
ತೇ ದೃಷ್ಟ್ವಾ ತಾಂ ಸಮಾದಾತುಮುದ್ಯಮಂ ಚಕ್ರುರುದ್ಯತಾಃ।
ಆಕೃಷ್ಟಚಾಪಾಸಿಧರಾಸ್ತಥಾನ್ಯೇ ತತ್ಸಮೀಪಗಾಃ॥Te drishtva tam samadatumudyamam chakrurudyatah, akrishtachapasidharastathanye tatsamipagah.
Seeing her, they made ready to seize her; some drew their bows, others held swords, and they closed in on her.
ತತಃ ಕೋಪಂ ಚಕಾರೋಚ್ಚೈರಮ್ಬಿಕಾ ತಾನರೀನ್ ಪ್ರತಿ।
ಕೋಪೇನ ಚಾಸ್ಯಾ ವದನಂ ಮಷೀವರ್ಣಮಭೂತ್ತದಾ॥Tatah kopam chakarochchairambika tanarin prati, kopena chasya vadanam mashivarnamabhuttada.
Then Ambika grew furious with those enemies, and her face turned dark as ink with anger.
ಭ್ರುಕುಟೀಕುಟಿಲಾತ್ತಸ್ಯಾ ಲಲಾಟಫಲಕಾದ್ದ್ರುತಮ್।
ಕಾಲೀ ಕರಾಲವದನಾ ವಿನಿಷ್ಕ್ರಾನ್ತಾಸಿಪಾಶಿನೀ॥Bhrukutikutilattasya lalataphalakaddrutam, kali karalavadana vinishkrantasipashini.
From her forehead, creased in a frown, there swiftly sprang Kali, of dreadful face, armed with sword and noose.
ವಿಚಿತ್ರಖಟ್ವಾಙ್ಗಧರಾ ನರಮಾಲಾವಿಭೂಷಣಾ।
ದ್ವೀಪಿಚರ್ಮಪರೀಧಾನಾ ಶುಷ್ಕಮಾಂಸಾತಿಭೈರವಾ॥Vichitrakhatvangadhara naramalavibhushana, dvipicharmaparidhana shushkamamsatibhairava.
She carried a strange skull-topped staff, wore a garland of human heads and a tiger skin, and was terrifying with her shrunken flesh.
ಅತಿವಿಸ್ತಾರವದನಾ ಜಿಹ್ವಾಲಲನಭೀಷಣಾ।
ನಿಮಗ್ನಾರಕ್ತನಯನಾ ನಾದಾಪೂರಿತದಿಙ್ಮುಖಾ॥Ativistaravadana jihvalalanabhishana, nimagnaraktanayana nadapuritadinmukha.
Her mouth gaped wide, her lolling tongue was fearsome, her red eyes sunk deep, and her roar filled every direction.
ಸಾ ವೇಗೇನಾಭಿಪತಿತಾ ಘಾತಯನ್ತೀ ಮಹಾಸುರಾನ್।
ಸೈನ್ಯೇ ತತ್ರ ಸುರಾರೀಣಾಮಭಕ್ಷಯತ ತದ್ಬಲಮ್॥Sa vegenabhipatita ghatayanti mahasuran, sainye tatra surarinamabhakshayata tadbalam.
She fell upon them with speed, slaying the great demons, and devoured that army of the enemies of the gods.
ಪಾರ್ಷ್ಣಿಗ್ರಾಹಾಙ್ಕುಶಗ್ರಾಹಿಯೋಧಘಣ್ಟಾಸಮನ್ವಿತಾನ್।
ಸಮಾದಾಯೈಕಹಸ್ತೇನ ಮುಖೇ ಚಿಕ್ಷೇಪ ವಾರಣಾನ್॥Parshnigrahankushagrahiyodhaghantasamanvitan, samadayaikahastena mukhe chikshepa varanan.
She seized elephants with one hand, along with their rear guards, drivers, warriors and bells, and flung them into her mouth.
ತಥೈವ ಯೋಧಂ ತುರಗೈ ರಥಂ ಸಾರಥಿನಾ ಸಹ।
ನಿಕ್ಷಿಪ್ಯ ವಕ್ತ್ರೇ ದಶನೈಶ್ಚರ್ವಯನ್ತ್ಯತಿಭೈರವಮ್॥Tathaiva yodham turagai ratham sarathina saha, nikshipya vaktre dashanaishcharvayantyatibhairavam.
In the same way she tossed warriors with their horses, and chariots with their drivers, into her mouth and chewed them horribly with her teeth.
ಏಕಂ ಜಗ್ರಾಹ ಕೇಶೇಷು ಗ್ರೀವಾಯಾಮಥ ಚಾಪರಮ್।
ಪಾದೇನಾಕ್ರಮ್ಯ ಚೈವಾನ್ಯಮುರಸಾನ್ಯಮಪೋಥಯತ್॥Ekam jagraha kesheshu grivayamatha chaparam, padenakramya chaivanyamurasanyamapothayat.
She grabbed one by the hair, another by the neck, trampled another underfoot, and crushed another against her chest.
ತೈರ್ಮುಕ್ತಾನಿ ಚ ಶಸ್ತ್ರಾಣಿ ಮಹಾಸ್ತ್ರಾಣಿ ತಥಾಸುರೈಃ।
ಮುಖೇನ ಜಗ್ರಾಹ ರುಷಾ ದಶನೈರ್ಮಥಿತಾನ್ಯಪಿ॥Tairmuktani cha shastrani mahastrani tathasuraih, mukhena jagraha rusha dashanairmathitanyapi.
The weapons and great missiles the demons hurled at her, she caught in her mouth in fury and ground them to bits with her teeth.
ಬಲಿನಾಂ ತದ್ ಬಲಂ ಸರ್ವಮಸುರಾಣಾಂ ದುರಾತ್ಮನಾಮ್।
ಮಮರ್ದಾಭಕ್ಷಯಚ್ಚಾನ್ಯಾನನ್ಯಾಂಶ್ಚಾತಾಡಯತ್ತಥಾ॥Balinam tad balam sarvamasuranam duratmanam, mamardabhakshayachchanyananyamshchatadayattatha.
She crushed that whole army of powerful, wicked demons; some she devoured and others she struck down.
ಅಸಿನಾ ನಿಹತಾಃ ಕೇಚಿತ್ಕೇಚಿತ್ಖಟ್ವಾಙ್ಗತಾಡಿತಾಃ।
ಜಗ್ಮುರ್ವಿನಾಶಮಸುರಾ ದನ್ತಾಗ್ರಾಭಿಹತಾಸ್ತಥಾ॥Asina nihatah kechitkechitkhatvangataditah, jagmurvinashamasura dantagrabhihatastatha.
Some were slain by her sword, some struck by her skull-staff, and other demons perished, pierced by the points of her teeth.
ಕ್ಷಣೇನ ತದ್ ಬಲಂ ಸರ್ವಮಸುರಾಣಾಂ ನಿಪಾತಿತಮ್।
ದೃಷ್ಟ್ವಾ ಚಣ್ಡೋಽಭಿದುದ್ರಾವ ತಾಂ ಕಾಲೀಮತಿಭೀಷಣಾಮ್॥Kshanena tad balam sarvamasuranam nipatitam, drishtva chandobhidudrava tam kalimatibhishanam.
Seeing the whole demon army struck down in a moment, Chanda rushed at that most terrifying Kali.
ಶರವರ್ಷೈರ್ಮಹಾಭೀಮೈರ್ಭೀಮಾಕ್ಷೀಂ ತಾಂ ಮಹಾಸುರಃ।
ಛಾದಯಾಮಾಸ ಚಕ್ರೈಶ್ಚ ಮುಣ್ಡಃ ಕ್ಷಿಪ್ತೈಃ ಸಹಸ್ರಶಃ॥Sharavarshairmahabhimairbhimakshim tam mahasurah, chhadayamasa chakraishcha mundah kshiptaih sahasrashah.
The great demon covered the fierce-eyed Goddess with showers of dreadful arrows, and Munda with discuses flung by the thousand.
ತಾನಿ ಚಕ್ರಾಣ್ಯನೇಕಾನಿ ವಿಶಮಾನಾನಿ ತನ್ಮುಖಮ್।
ಬಭುರ್ಯಥಾರ್ಕಬಿಮ್ಬಾನಿ ಸುಬಹೂನಿ ಘನೋದರಮ್॥Tani chakranyanekani vishamanani tanmukham, babhuryatharkabimbani subahuni ghanodaram.
Those many discuses, vanishing into her mouth, looked like countless suns entering the belly of a dark cloud.
ತತೋ ಜಹಾಸಾತಿರುಷಾ ಭೀಮಂ ಭೈರವನಾದಿನೀ।
ಕಾಲೀಕರಾಲವಕ್ತ್ರಾನ್ತರ್ದುರ್ದರ್ಶದಶನೋಜ್ಜ್ವಲಾ॥Tato jahasatirusha bhimam bhairavanadini, kalikaralavaktrantardurdarshadashanojjvala.
Then Kali, roaring terribly, laughed a dreadful laugh in great anger, her fearsome teeth flashing inside her gaping mouth.
ಉತ್ಥಾಯ ಚ ಮಹಾಸಿಂ ಹಂ ದೇವೀ ಚಣ್ಡಮಧಾವತ।
ಗೃಹೀತ್ವಾ ಚಾಸ್ಯ ಕೇಶೇಷು ಶಿರಸ್ತೇನಾಸಿನಾಚ್ಛಿನತ್॥Utthaya cha mahasim ham devi chandamadhavata, grihitva chasya kesheshu shirastenasinachchhinat.
Rising up, the Goddess cried ‘Ham!’ and rushed at Chanda with her great sword; seizing him by the hair, she cut off his head.
ಅಥ ಮುಣ್ಡೋಽಭ್ಯಧಾವತ್ತಾಂ ದೃಷ್ಟ್ವಾ ಚಣ್ಡಂ ನಿಪಾತಿತಮ್।
ತಮಪ್ಯಪಾತಯದ್ಭೂಮೌ ಸಾ ಖಡ್ಗಾಭಿಹತಂ ರುಷಾ॥Atha mundobhyadhavattam drishtva chandam nipatitam, tamapyapatayadbhumau sa khadgabhihatam rusha.
Seeing Chanda fallen, Munda ran at her; in her fury she struck him with her sword and brought him to the ground too.
ಹತಶೇಷಂ ತತಃ ಸೈನ್ಯಂ ದೃಷ್ಟ್ವಾ ಚಣ್ಡಂ ನಿಪಾತಿತಮ್।
ಮುಣ್ಡಂ ಚ ಸುಮಹಾವೀರ್ಯಂ ದಿಶೋ ಭೇಜೇ ಭಯಾತುರಮ್॥Hatashesham tatah sainyam drishtva chandam nipatitam, mundam cha sumahaviryam disho bheje bhayaturam.
Seeing Chanda and the mighty Munda fallen, what was left of the army fled in all directions, stricken with fear.
ಶಿರಶ್ಚಣ್ಡಸ್ಯ ಕಾಲೀ ಚ ಗೃಹೀತ್ವಾ ಮುಣ್ಡಮೇವ ಚ।
ಪ್ರಾಹ ಪ್ರಚಣ್ಡಾಟ್ಟಹಾಸಮಿಶ್ರಮಭ್ಯೇತ್ಯ ಚಣ್ಡಿಕಾಮ್॥Shirashchandasya kali cha grihitva mundameva cha, praha prachandattahasamishramabhyetya chandikam.
Holding the heads of Chanda and Munda, Kali came to Chandika and spoke, her words mixed with fierce laughter.
ಮಯಾ ತವಾತ್ರೋಪಹೃತೌ ಚಣ್ಡಮುಣ್ಡೌ ಮಹಾಪಶೂ।
ಯುದ್ಧಯಜ್ಞೇ ಸ್ವಯಂ ಶುಮ್ಭಂ ನಿಶುಮ್ಭಂ ಚ ಹನಿಷ್ಯಸಿ॥Maya tavatropahritau chandamundau mahapashu, yuddhayajne svayam shumbham nishumbham cha hanishyasi.
‘I have brought you Chanda and Munda as two great offerings. In the sacrifice of battle, you yourself will slay Shumbha and Nishumbha.’
ಋಷಿರುವಾಚ॥
Rishiruvacha.
The sage said:
ತಾವಾನೀತೌ ತತೋ ದೃಷ್ಟ್ವಾ ಚಣ್ಡಮುಣ್ಡೌ ಮಹಾಸುರೌ।
ಉವಾಚ ಕಾಲೀಂ ಕಲ್ಯಾಣೀ ಲಲಿತಂ ಚಣ್ಡಿಕಾ ವಚಃ॥Tavanitau tato drishtva chandamundau mahasurau, uvacha kalim kalyani lalitam chandika vachah.
Seeing the two great demons Chanda and Munda brought before her, the gracious Chandika spoke sweetly to Kali.
ಯಸ್ಮಾಚ್ಚಣ್ಡಂ ಚ ಮುಣ್ಡಂ ಚ ಗೃಹೀತ್ವಾ ತ್ವಮುಪಾಗತಾ।
ಚಾಮುಣ್ಡೇತಿ ತತೋ ಲೋಕೇ ಖ್ಯಾತಾ ದೇವಿ ಭವಿಷ್ಯಸಿ॥Yasmachchandam cha mundam cha grihitva tvamupagata, chamundeti tato loke khyata devi bhavishyasi.
‘Because you have come bringing Chanda and Munda, Goddess, you will be famous in the world as Chamunda.’
ಇತಿ ಶ್ರೀಮಾರ್ಕಣ್ಡೇಯಪುರಾಣೇ ಸಾವರ್ಣಿಕೇ ಮನ್ವನ್ತರೇ ದೇವೀಮಾಹಾತ್ಮ್ಯೇ ಚಣ್ಡಮುಣ್ಡವಧೋ ನಾಮ ಸಪ್ತಮೋಽಧ್ಯಾಯಃ॥
Iti shrimarkandeyapurane savarnike manvantare devimahatmye chandamundavadho nama saptamodhyayah.
Thus ends the seventh chapter of the Devi Mahatmya in the Markandeya Purana, in the age of Savarni Manu: the slaying of Chanda and Munda.