Mukunda Mala
ముకున్దమాలా
The Sanskrit text in Telugu script. The Roman line and the meaning are the same as in the original.
ఘుష్యతే యస్య నగరే రఙ్గయాత్రా దినే దినే।
తమహం శిరసా వన్దే రాజానం కులశేఖరమ్॥Ghushyate yasya nagare rangayatra dine dine, tamaham shirasa vande rajanam kulashekharam.
I bow my head to King Kulashekhara, in whose city a pilgrimage to Srirangam was proclaimed day after day.
శ్రీవల్లభేతి వరదేతి దయాపరేతి భక్తప్రియేతి భవలుణ్ఠనకోవిదేతి।
నాథేతి నాగశయనేతి జగన్నివాసేత్యాలాపినం ప్రతిదినం కురు మాం ముకున్ద॥Shrivallabheti varadeti dayapareti bhaktapriyeti bhavalunthanakovideti, natheti nagashayaneti jagannivasetyalapinam pratidinam kuru mam mukunda.
Mukunda, make me one who calls you every day: “Beloved of Lakshmi, giver of boons, full of mercy, lover of devotees, expert at breaking worldly bondage, Lord, who rests on the serpent, home of the universe.”
జయతు జయతు దేవో దేవకీనన్దనోఽయం జయతు జయతు కృష్ణో వృష్ణివంశప్రదీపః।
జయతు జయతు మేఘశ్యామలః కోమలాఙ్గో జయతు జయతు పృథ్వీభారనాశో ముకున్దః॥Jayatu jayatu devo devakinandanoyam jayatu jayatu krishno vrishnivamshapradipah, jayatu jayatu meghashyamalah komalango jayatu jayatu prithvibharanasho mukundah.
Victory, victory to this Lord, Devaki’s son! Victory, victory to Krishna, the lamp of the Vrishni clan! Victory, victory to the tender one, dark as a rain cloud! Victory, victory to Mukunda, who lifts the earth’s burden!
ముకున్ద మూర్ధ్నా ప్రణిపత్య యాచే భవన్తమేకాన్తమియన్తమర్థమ్।
అవిస్మృతిస్త్వచ్చరణారవిన్దే భవే భవే మేఽస్తు భవత్ప్రసాదాత్॥Mukunda murdhna pranipatya yache bhavantamekantamiyantamartham, avismritistvachcharanaravinde bhave bhave mestu bhavatprasadat.
Mukunda, bowing my head, I ask you for this one thing only: by your grace, in birth after birth, may I never forget your lotus feet.
నాహం వన్దే తవ చరణయోర్ద్వన్ద్వమద్వన్ద్వహేతోః కుమ్భీపాకం గురుమపి హరే నారకం నాపనేతుమ్।
రమ్యా రామా మృదుతనులతా నన్దనే నాపి రన్తుం భావే భావే హృదయభవనే భావయేయం భవన్తమ్॥Naham vande tava charanayordvandvamadvandvahetoh kumbhipakam gurumapi hare narakam napanetum, ramya rama mridutanulata nandane napi rantum bhave bhave hridayabhavane bhavayeyam bhavantam.
Hari, I do not bow to your feet to be free of life’s opposites, nor to escape the dreadful hell of Kumbhipaka, nor to enjoy lovely women in heaven’s Nandana garden. In every birth, may I hold you in the home of my heart.
నాస్థా ధర్మే న వసునిచయే నైవ కామోపభోగే యద్ భావ్యం తద్ భవతు భగవన్పూర్వకర్మానురూపమ్।
ఏతత్ప్రార్థ్యం మమ బహుమతం జన్మజన్మాన్తరేఽపి త్వత్పాదామ్భోరుహయుగగతా నిశ్చలా భక్తిరస్తు॥Nastha dharme na vasunichaye naiva kamopabhoge yad bhavyam tad bhavatu bhagavanpurvakarmanurupam, etatprarthyam mama bahumatam janmajanmantarepi tvatpadambhoruhayugagata nishchala bhaktirastu.
I have no interest in merit, in piles of wealth, or in enjoying pleasures. Lord, let whatever must happen happen as my past deeds deserve. This is the one prayer I hold dear: in birth after birth, may my devotion to your lotus feet stay unshaken.
దివి వా భువి వా మమాస్తు వాసో నరకే వా నరకాన్తక ప్రకామమ్।
అవధీరితశారదారవిన్దౌ చరణౌ తే మరణేఽపి చిన్తయామి॥Divi va bhuvi va mamastu vaso narake va narakantaka prakamam, avadhiritasharadaravindau charanau te maranepi chintayami.
Let me live in heaven, on earth, or even in hell, O destroyer of Naraka, as you wish. Even at death, may I think of your feet, which put the autumn lotus to shame.
కృష్ణ త్వదీయపదపఙ్కజపఞ్జరాన్తమద్యైవ మే విశతు మానసరాజహంసః।
ప్రాణప్రయాణసమయే కఫవాతపిత్తైః కణ్ఠావరోధనవిధౌ స్మరణం కుతస్తే॥Krishna tvadiyapadapankajapanjarantamadyaiva me vishatu manasarajahamsah, pranaprayanasamaye kaphavatapittaih kanthavarodhanavidhau smaranam kutaste.
Krishna, let the royal swan of my mind enter the cage of your lotus feet this very day. When life departs and my throat is choked with phlegm, wind and bile, how will I be able to remember you?
చిన్తయామి హరిమేవ సన్తతం మన్దహాసముదితాననామ్బుజం।
నన్దగోపతనయం పరాత్పరం నారదాదిమునివృన్దవన్దితమ్॥Chintayami harimeva santatam mandahasamuditananambujam, nandagopatanayam paratparam naradadimunivrindavanditam.
I think always of Hari alone: his lotus face glowing with a gentle smile, Nanda’s son, higher than the highest, worshipped by Narada and hosts of sages.
కరచరణసరోజే కాన్తిమన్నేత్రమీనే శ్రమముషి భుజవీచివ్యాకులేఽగాధమార్గే।
హరిసరసి విగాహ్యాపీయ తేజోజలౌఘం భవమరుపరిఖిన్నః క్లేశమద్య త్యజామి॥Karacharanasaroje kantimannetramine shramamushi bhujavichivyakulegadhamarge, harisarasi vigahyapiya tejojalaugham bhavamaruparikhinnah kleshamadya tyajami.
Hari is a lake whose lotuses are his hands and feet, whose fish are his shining eyes, rippling with the waves of his arms, unfathomably deep, washing away all weariness. Worn out by the desert of worldly life, I plunge in today, drink deep its waters of radiance, and leave my suffering behind.
సరసిజనయనే సశఙ్ఖచక్రే మురభిది మా విరమస్వ చిత్త రన్తుమ్।
సుఖతరమపరం న జాతు జానే హరిచరణస్మరణామృతేన తుల్యమ్॥Sarasijanayane sashankhachakre murabhidi ma viramasva chitta rantum, sukhataramaparam na jatu jane haricharanasmaranamritena tulyam.
O mind, never stop delighting in the lotus-eyed Lord who holds the conch and discus, the slayer of Mura. I know of no greater happiness anywhere equal to the nectar of remembering Hari’s feet.
మాభీర్మన్దమనో విచిన్త్య బహుధా యామీశ్చిరం యాతనా నామీ నః ప్రభవన్తి పాపరిపవః స్వామీ నను శ్రీధరః।
ఆలస్యం వ్యపనీయ భక్తిసులభం ధ్యాయస్వ నారాయణం లోకస్య వ్యసనాపనోదనకరో దాసస్య కిం న క్షమః॥Mabhirmandamano vichintya bahudha yamishchiram yatana nami nah prabhavanti paparipavah svami nanu shridharah, alasyam vyapaniya bhaktisulabham dhyayasva narayanam lokasya vyasanapanodanakaro dasasya kim na kshamah.
Do not be afraid, foolish mind, brooding over Yama’s long torments; these enemies, our sins, have no hold on us, for our master is Shridhara, Lakshmi’s lord. Shake off laziness and meditate on Narayana, so easily reached through devotion. He removes the sorrows of the whole world; can he not save his own servant?
భవజలధిగతానాం ద్వన్ద్వవాతాహతానాం సుతదుహితృకలత్రత్రాణభారార్దితానామ్।
విషమవిషయతోయే మజ్జతామప్లవానాం భవతు శరణమేకో విష్ణుపోతో నరాణామ్॥Bhavajaladhigatanam dvandvavatahatanam sutaduhitrikalatratranabhararditanam, vishamavishayatoye majjatamaplavanam bhavatu sharanameko vishnupoto naranam.
For people adrift in the ocean of worldly life, battered by the winds of joy and sorrow, weighed down by the burden of caring for sons, daughters and wife, sinking without a raft in the treacherous waters of sense pleasure, may Vishnu alone be the ship of refuge.
భవజలధిమగాధం దుస్తరం నిస్తరేయం కథమహమితి చేతో మా స్మ గాః కాతరత్వమ్।
సరసిజదృశి దేవే తావకీ భక్తిరేకా నరకభిది నిషణ్ణా తారయిష్యత్యవశ్యమ్॥Bhavajaladhimagadham dustaram nistareyam kathamahamiti cheto ma sma gah kataratvam, sarasijadrishi deve tavaki bhaktireka narakabhidi nishanna tarayishyatyavashyam.
O mind, don’t lose heart wondering, “How will I cross this bottomless, impassable ocean of worldly life?” Your devotion alone, resting in the lotus-eyed Lord who destroyed Naraka, will surely carry you across.
తృష్ణాతోయే మదనపవనోద్ధూతమోహోర్మిమాలే దారావర్తే తనయసహజగ్రాహసఙ్ఘాకులే చ।
సంసారాఖ్యే మహతి జలధౌ మజ్జతాం నస్త్రిధామన్ పాదామ్భోజే వరద భవతో భక్తినావం ప్రయచ్ఛ॥Trishnatoye madanapavanoddhutamohormimale daravarte tanayasahajagrahasanghakule cha, samsarakhye mahati jaladhau majjatam nastridhaman padambhoje varada bhavato bhaktinavam prayachchha.
In this vast ocean called worldly life, whose water is craving, whose waves of delusion are whipped up by the wind of desire, whose whirlpool is one’s wife, and which teems with crocodiles in the form of children and siblings, we are sinking. O Lord of the three realms, giver of boons, grant us the boat of devotion to your lotus feet.
మా ద్రాక్షం క్షీణపుణ్యాన్క్షణమపి భవతో భక్తిహీనాన్పదాబ్జే మా శ్రౌషం శ్రావ్యబన్ధం తవ చరితమపాస్యాన్యదాఖ్యానజాతమ్।
మా స్మార్షం మాధవ త్వామపి భువనపతే చేతసాపహ్నువానాన్ మా భూవం త్వత్సపర్యావ్యతికరరహితో జన్మజన్మాన్తరేఽపి॥Ma draksham kshinapunyankshanamapi bhavato bhaktihinanpadabje ma shrausham shravyabandham tava charitamapasyanyadakhyanajatam, ma smarsham madhava tvamapi bhuvanapate chetasapahnuvanan ma bhuvam tvatsaparyavyatikararahito janmajanmantarepi.
Let me not see, even for a moment, those without merit who lack devotion to your lotus feet; let me not hear any tale but your story, so worth hearing; let me not think of those who deny you in their hearts, Madhava, lord of the worlds; and in birth after birth, let me never be without your service.
జిహ్వే కీర్తయ కేశవం మురరిపుం చేతో భజ శ్రీధరం పాణిద్వన్ద్వ సమర్చయాచ్యుతకథాః శ్రోత్రద్వయ త్వం శృణు।
కృష్ణం లోకయ లోచనద్వయ హరేర్గచ్ఛాఙ్ఘ్రియుగ్మాలయం జిఘ్ర ఘ్రాణ ముకున్దపాదతులసీం మూర్ధన్ నమాధోక్షజమ్॥Jihve kirtaya keshavam muraripum cheto bhaja shridharam panidvandva samarchayachyutakathah shrotradvaya tvam shrinu, krishnam lokaya lochanadvaya harergachchhanghriyugmalayam jighra ghrana mukundapadatulasim murdhan namadhokshajam.
Tongue, praise Keshava; mind, worship Shridhara; hands, serve the Lord; ears, listen to stories of Achyuta; eyes, behold Krishna; feet, go to Hari’s temple; nose, smell the tulsi at Mukunda’s feet; head, bow to Adhokshaja.
హే లోకాః శృణుత ప్రసూతిమరణవ్యాధేశ్చికిత్సామిమాం యోగజ్ఞాః సముదాహరన్తి మునయో యాం యాజ్ఞవల్క్యాదయః।
అన్తర్జ్యోతిరమేయమేకమమృతం కృష్ణాఖ్యమాపీయతాం తత్పీతం పరమౌషధం వితనుతే నిర్వాణమాత్యన్తికమ్॥He lokah shrinuta prasutimaranavyadheshchikitsamimam yogajnah samudaharanti munayo yam yajnavalkyadayah, antarjyotirameyamekamamritam krishnakhyamapiyatam tatpitam paramaushadham vitanute nirvanamatyantikam.
Listen, people! Here is the cure for the disease of birth and death, which yogic sages like Yajnavalkya teach: drink the inner light called Krishna, immeasurable, one and immortal. Once drunk, this supreme medicine brings final liberation.
హే మర్త్యాః పరమం హితం శృణుత వో వక్ష్యామి సఙ్క్షేపతః సంసారార్ణవమాపదూర్మిబహులం సమ్యక్ ప్రవిశ్య స్థితాః।
నానాజ్ఞానమపాస్య చేతసి నమో నారాయణాయేత్యముం మన్త్రం సప్రణవం ప్రణామసహితం ప్రావర్తయధ్వం ముహుః॥He martyah paramam hitam shrinuta vo vakshyami sankshepatah samsararnavamapadurmibahulam samyak pravishya sthitah, nanajnanamapasya chetasi namo narayanayetyamum mantram sapranavam pranamasahitam pravartayadhvam muhuh.
O mortals, hear what is truly good for you; I will say it briefly. You who have sunk deep into the ocean of worldly life, full of waves of trouble, set aside all other learning and keep repeating in your heart, with Om and with a bow, the mantra “Namo Narayanaya”.
పృథ్వీ రేణురణుః పయాంసి కణికాః ఫల్గుః స్ఫులిఙ్గో లఘుస్తేజో నిఃశ్వసనం మరుత్ తనుతరం రన్ధ్రం సుసూక్ష్మం నభః।
క్షుద్రా రుద్రపితామహప్రభృతయః కీటాః సమస్తాః సురా దృష్టే యత్ర స తావకో విజయతే భూమావధూతావధిః॥Prithvi renuranuh payamsi kanikah phalguh sphulingo laghustejo nihshvasanam marut tanutaram randhram susukshmam nabhah, kshudra rudrapitamahaprabhritayah kitah samastah sura drishte yatra sa tavako vijayate bhumavadhutavadhih.
Once your glory is seen, the earth is a speck of dust, the waters mere drops, fire a tiny spark, the wind a faint breath, the sky a pinhole, and Rudra, Brahma and all the gods mere insects. Your glory, which knows no bounds, triumphs.
బద్ధేనాఞ్జలినా నతేన శిరసా గాత్రైః సరోమోద్గమైః కణ్ఠేన స్వరగద్గదేన నయనేనోద్గీర్ణబాష్పామ్బునా।
నిత్యం త్వచ్చరణారవిన్దయుగలధ్యానామృతాస్వాదినామస్మాకం సరసీరుహాక్ష సతతం సమ్పద్యతాం జీవితమ్॥Baddhenanjalina natena shirasa gatraih saromodgamaih kanthena svaragadgadena nayanenodgirnabashpambuna, nityam tvachcharanaravindayugaladhyanamritasvadinamasmakam sarasiruhaksha satatam sampadyatam jivitam.
With folded hands, bowed head, hair standing on end, a voice choked with feeling and tears streaming from our eyes, may our whole life pass, lotus-eyed Lord, in tasting the nectar of meditating on your lotus feet.
హే గోపాలక హే కృపాజలనిధే హే సిన్ధుకన్యాపతే హే కంసాన్తక హే గజేన్ద్రకరుణాపారీణ హే మాధవ।
హే రామానుజ హే జగత్త్రయగురో హే పుణ్డరీకాక్ష మాం హే గోపీజననాథ పాలయ పరం జానామి న త్వాం వినా॥He gopalaka he kripajalanidhe he sindhukanyapate he kamsantaka he gajendrakarunaparina he madhava, he ramanuja he jagattrayaguro he pundarikaksha mam he gopijananatha palaya param janami na tvam vina.
O Gopala, ocean of mercy, husband of the ocean’s daughter, slayer of Kamsa, you who carried compassion to the king of elephants, Madhava, Balarama’s brother, teacher of the three worlds, lotus-eyed lord of the gopis: protect me. I know nothing but you.
భక్తాపాయభుజఙ్గగారుడమణిస్త్రైలోక్యరక్షామణిర్గోపీలోచనచాతకామ్బుదమణిః సౌన్దర్యముద్రామణిః।
యః కాన్తామణిరుక్మిణీఘనకుచద్వన్ద్వైకభూషామణిః శ్రేయో దేవశిఖామణిర్దిశతు నో గోపాలచూడామణిః॥Bhaktapayabhujangagarudamanistrailokyarakshamanirgopilochanachatakambudamanih saundaryamudramanih, yah kantamanirukminighanakuchadvandvaikabhushamanih shreyo devashikhamanirdishatu no gopalachudamanih.
May Krishna, crest jewel of the cowherds, grant us what is best: the Garuda-gem against the serpent of devotees’ troubles, the guardian jewel of the three worlds, the rain cloud for the thirsting eyes of the gopis, the very seal of beauty, the one jewel adorning Rukmini, jewel among women, and the crest jewel of the gods.
శత్రుచ్ఛేదైకమన్త్రం సకలముపనిషద్వాక్యసమ్పూజ్యమన్త్రం సంసారోత్తారమన్త్రం సముచితతమసః సఙ్ఘనిర్యాణమన్త్రమ్।
సర్వైశ్వర్యైకమన్త్రం వ్యసనభుజగసన్దష్టసన్త్రాణమన్త్రం జిహ్వే శ్రీకృష్ణమన్త్రం జప జప సతతం జన్మసాఫల్యమన్త్రమ్॥Shatruchchhedaikamantram sakalamupanishadvakyasampujyamantram samsarottaramantram samuchitatamasah sanghaniryanamantram, sarvaishvaryaikamantram vyasanabhujagasandashtasantranamantram jihve shrikrishnamantram japa japa satatam janmasaphalyamantram.
O tongue, chant, keep chanting the mantra of Shri Krishna: the one mantra that cuts down enemies, honoured by every word of the Upanishads, the mantra that carries us across worldly life, that drives away the gathered darkness, the one mantra of all prosperity, that saves those bitten by the snake of misfortune, the mantra that makes this birth worthwhile.
వ్యామోహప్రశమౌషధం మునిమనోవృత్తిప్రవృత్త్యౌషధం దైత్యేన్ద్రార్తికరౌషధం త్రిజగతాం సఞ్జీవనైకౌషధమ్।
భక్తాత్యన్తహితౌషధం భవభయప్రధ్వంసనైకౌషధం శ్రేయఃప్రాప్తికరౌషధం పిబ మనః శ్రీకృష్ణదివ్యౌషధమ్॥Vyamohaprashamaushadham munimanovrittipravrittyaushadham daityendrartikaraushadham trijagatam sanjivanaikaushadham, bhaktatyantahitaushadham bhavabhayapradhvamsanaikaushadham shreyahpraptikaraushadham piba manah shrikrishnadivyaushadham.
O mind, drink the divine medicine of Shri Krishna: medicine that calms delusion, that turns sages’ minds inward, that torments the demon kings, the one life-giving medicine of the three worlds, supremely good for devotees, the one cure for the fear of worldly existence, the medicine that brings the highest good.
ఆమ్నాయాభ్యసనాన్యరణ్యరుదితం వేదవ్రతాన్యన్వహం మేదశ్ఛేదఫలాని పూర్తవిధయః సర్వం హుతం భస్మని।
తీర్థానామవగాహనాని చ గజస్నానం వినా యత్పదద్వన్ద్వామ్భోరుహసంస్మృతిం విజయతే దేవః స నారాయణః॥Amnayabhyasananyaranyaruditam vedavratanyanvaham medashchhedaphalani purtavidhayah sarvam hutam bhasmani, tirthanamavagahanani cha gajasnanam vina yatpadadvandvambhoruhasamsmritim vijayate devah sa narayanah.
Without remembering his lotus feet, scripture study is crying in the wilderness, daily Vedic vows only burn fat, charity and rites are offerings poured into ashes, and bathing at holy places is an elephant’s bath. Victory to that Lord Narayana!
శ్రీమన్నామ ప్రోచ్య నారాయణాఖ్యం కే న ప్రాపుర్వాఞ్ఛితం పాపినోఽపి।
హా నః పూర్వం వాక్ప్రవృత్తా న తస్మింస్తేన ప్రాప్తం గర్భవాసాదిదుఃఖమ్॥Shrimannama prochya narayanakhyam ke na prapurvanchhitam papinopi, ha nah purvam vakpravritta na tasmimstena praptam garbhavasadiduhkham.
Who, even among sinners, has not gained their wish by uttering the glorious name Narayana? Alas, our speech never turned to it before, and so we suffered life in the womb and all the rest.
మజ్జన్మనః ఫలమిదం మధుకైటభారే మత్ప్రార్థనీయమదనుగ్రహ ఏష ఏవ।
త్వద్భృత్యభృత్యపరిచారకభృత్యభృత్యభృత్యస్య భృత్య ఇతి మాం స్మర లోకనాథ॥Majjanmanah phalamidam madhukaitabhare matprarthaniyamadanugraha esha eva, tvadbhrityabhrityaparicharakabhrityabhrityabhrityasya bhritya iti mam smara lokanatha.
Slayer of Madhu and Kaitabha, this is the fruit of my birth, this is my prayer, this alone your grace: remember me, Lord of the world, as the servant of the servant of the servant, many times over, of your servants.
నాథే నః పురుషోత్తమే త్రిజగతామేకాధిపే చేతసా సేవ్యే స్వస్య పదస్య దాతరి పరే నారాయణే తిష్ఠతి।
యం కఞ్చిత్పురుషాధమం కతిపయగ్రామేశమల్పార్థదం సేవాయై మృగయామహే నరమహో మూఢా వరాకా వయమ్॥Nathe nah purushottame trijagatamekadhipe chetasa sevye svasya padasya datari pare narayane tishthati, yam kanchitpurushadhamam katipayagrameshamalparthadam sevayai mrigayamahe naramaho mudha varaka vayam.
While our Lord Narayana is here, the Supreme Person, sole ruler of the three worlds, worthy of the mind’s service, who gives his own state to his devotees, we go looking to serve some lowly man, lord of a few villages, who gives little. Alas, how foolish and pitiful we are!
మదన పరిహర స్థితిం మదీయే మనసి ముకున్దపదారవిన్దధామ్ని।
హరనయనకృశానునా కృశోఽసి స్మరసి న చక్రపరాక్రమం మురారేః॥Madana parihara sthitim madiye manasi mukundapadaravindadhamni, haranayanakrishanuna krishosi smarasi na chakraparakramam murareh.
O Kama, god of desire, give up your place in my mind, for it is the home of Mukunda’s lotus feet. You were already burnt thin by the fire of Shiva’s eye; don’t you remember the might of Murari’s discus?
తత్త్వం బ్రువాణాని పరం పరస్తాన్ మధు క్షరన్తీవ సతాం ఫలాని।
ప్రావర్తయ ప్రాఞ్జలిరస్మి జిహ్వే నామాని నారాయణగోచరాణి॥Tattvam bruvanani param parastan madhu ksharantiva satam phalani, pravartaya pranjalirasmi jihve namani narayanagocharani.
O tongue, I beg you with folded hands: keep reciting the names of Narayana, which speak the supreme truth beyond the highest and are like fruits dripping honey for the good.
ఇదం శరీరం పరిణామపేశలం పతత్యవశ్యం శ్లథసన్ధిజర్జరమ్।
కిమౌషధైః క్లిశ్యసి మూఢ దుర్మతే నిరామయం కృష్ణరసాయనం పిబ॥Idam shariram parinamapeshalam patatyavashyam shlathasandhijarjaram, kimaushadhaih klishyasi mudha durmate niramayam krishnarasayanam piba.
This body, lovely only for a while, will surely fall, its joints loosened and worn. Why torment yourself with medicines, foolish one? Drink the elixir of Krishna, which brings lasting health.
దారా వారాకరవరసుతా తే తనూజో విరిఞ్చిః స్తోతా వేదస్తవ సురగణో భృత్యవర్గః ప్రసాదః।
ముక్తిర్మాయా జగదవికలం తావకీ దేవకీ తే మాతా మిత్రం బలరిపుసుతస్త్వయ్యతోఽన్యన్న జానే॥Dara varakaravarasuta te tanujo virinchih stota vedastava suragano bhrityavargah prasadah, muktirmaya jagadavikalam tavaki devaki te mata mitram balaripusutastvayyatonyanna jane.
Your wife is Lakshmi, daughter of the ocean; your son is Brahma; the Veda sings your praise; the gods are your servants; liberation is your grace; the whole world is your maya; Devaki is your mother; and Arjuna, son of Indra, is your friend. So I know nothing other than you.
కృష్ణో రక్షతు నో జగత్త్రయగురుః కృష్ణం నమస్యామ్యహం కృష్ణేనామరశత్రవో వినిహతాః కృష్ణాయ తస్మై నమః।
కృష్ణాదేవ సముత్థితం జగదిదం కృష్ణస్య దాసోఽస్మ్యహం కృష్ణే తిష్ఠతి సర్వమేతదఖిలం హే కృష్ణ సంరక్ష మామ్॥Krishno rakshatu no jagattrayaguruh krishnam namasyamyaham krishnenamarashatravo vinihatah krishnaya tasmai namah, krishnadeva samutthitam jagadidam krishnasya dasosmyaham krishne tishthati sarvametadakhilam he krishna samraksha mam.
May Krishna, teacher of the three worlds, protect us. I bow to Krishna. By Krishna the enemies of the gods were slain; salutations to that Krishna. From Krishna alone this world arose; I am Krishna’s servant. All of this rests in Krishna. O Krishna, protect me.
తత్ త్వం ప్రసీద భగవన్ కురు మయ్యనాథే విష్ణో కృపాం పరమకారుణికః ఖలు త్వమ్।
సంసారసాగరనిమగ్నమనన్త దీనముద్ధర్తుమర్హసి హరే పురుషోత్తమోఽసి॥Tat tvam prasida bhagavan kuru mayyanathe vishno kripam paramakarunikah khalu tvam, samsarasagaranimagnamananta dinamuddhartumarhasi hare purushottamosi.
So be gracious, Lord Vishnu, and have mercy on me, who has no protector, for you are supremely compassionate. Endless One, Hari, you should lift me up, helpless and sunk in the ocean of worldly life, for you are the Supreme Person.
నమామి నారాయణపాదపఙ్కజం కరోమి నారాయణపూజనం సదా।
వదామి నారాయణనామ నిర్మలం స్మరామి నారాయణతత్త్వమవ్యయమ్॥Namami narayanapadapankajam karomi narayanapujanam sada, vadami narayananama nirmalam smarami narayanatattvamavyayam.
I bow to Narayana’s lotus feet, I always worship Narayana, I speak Narayana’s pure name, and I remember the imperishable truth that is Narayana.
శ్రీనాథ నారాయణ వాసుదేవ శ్రీకృష్ణ భక్తప్రియ చక్రపాణే।
శ్రీపద్మనాభాచ్యుత కైటభారే శ్రీరామ పద్మాక్ష హరే మురారే॥Shrinatha narayana vasudeva shrikrishna bhaktapriya chakrapane, shripadmanabhachyuta kaitabhare shrirama padmaksha hare murare.
Lord of Lakshmi, Narayana, Vasudeva, Shri Krishna, lover of devotees, holder of the discus, Padmanabha (from whose navel the lotus grows), Achyuta, slayer of Kaitabha, Shri Rama, lotus-eyed Hari, Murari!
అనన్త వైకుణ్ఠ ముకున్ద కృష్ణ గోవిన్ద దామోదర మాధవేతి।
వక్తుం సమర్థోఽపి న వక్తి కశ్చిదహో జనానాం వ్యసనాభిముఖ్యమ్॥Ananta vaikuntha mukunda krishna govinda damodara madhaveti, vaktum samarthopi na vakti kashchidaho jananam vyasanabhimukhyam.
Though able to say “Ananta, Vaikuntha, Mukunda, Krishna, Govinda, Damodara, Madhava”, hardly anyone says it. Alas, how people turn toward their own ruin!
ధ్యాయన్తి యే విష్ణుమనన్తమవ్యయం హృత్పద్మమధ్యే సతతం వ్యవస్థితమ్।
సమాహితానాం సతతాభయప్రదం తే యాన్తి సిద్ధిం పరమాం తు వైష్ణవీమ్॥Dhyayanti ye vishnumanantamavyayam hritpadmamadhye satatam vyavasthitam, samahitanam satatabhayapradam te yanti siddhim paramam tu vaishnavim.
Those who meditate on Vishnu, endless and imperishable, ever present in the lotus of the heart, who gives lasting fearlessness to the focused mind, attain the supreme perfection of union with Vishnu.
క్షీరసాగరతరఙ్గశీకరాసారతారకితచారుమూర్తయే।
భోగిభోగశయనీయశాయినే మాధవాయ మధువిద్విషే నమః॥Kshirasagaratarangashikarasaratarakitacharumurtaye, bhogibhogashayaniyashayine madhavaya madhuvidvishe namah.
Salutations to Madhava, enemy of the demon Madhu, whose lovely form is starred with spray from the waves of the Ocean of Milk, and who rests on the coils of the serpent.
యస్య ప్రియౌ శ్రుతిధరౌ కవిలోకవీరౌ మిత్రే ద్విజన్మవరపద్మశరావభూతామ్।
తేనామ్బుజాక్షచరణామ్బుజషట్పదేన రాజ్ఞా కృతా కృతిరియం కులశేఖరేణ॥Yasya priyau shrutidharau kavilokavirau mitre dvijanmavarapadmasharavabhutam, tenambujakshacharanambujashatpadena rajna krita kritiriyam kulashekharena.
This work was composed by King Kulashekhara, a bee at the lotus feet of the lotus-eyed Lord, whose two dear friends were excellent Brahmins, learned in scripture and heroes among poets.