Narayaneeyam: Dashakam 38
నారాయణీయమ్ · దశక 38
The Sanskrit text in Telugu script. The Roman line and the meaning are the same as in the original.
ఆనన్దరూప భగవన్నయి తేఽవతారే ప్రాప్తే ప్రదీప్తభవదఙ్గ నిరీయమాణైః।
కాన్తివ్రజైరివ ఘనాఘనమణ్డలైర్ద్యామావృణ్వతీ విరురుచే కిల వర్షవేలా॥Anandarupa bhagavannayi tevatare prapte pradiptabhavadanga niriyamanaih, kantivrajairiva ghanaghanamandalairdyamavrinvati viruruche kila varshavela.
O Lord whose form is bliss, when the time of your incarnation came, the rainy season shone, covering the sky with masses of clouds, as if with streams of radiance flowing from your shining body.
ఆశాసు శీతలతరాసు పయోదతోయైరాశాసితాప్తివివశేషు చ సజ్జనేషు।
నైశాకరోదయవిధౌ నిశి మధ్యమాయాం క్లేశాపహస్త్రిజగతాం త్వమిహాఽవిరాసీః॥Ashasu shitalatarasu payodatoyairashasitaptivivasheshu cha sajjaneshu, naishakarodayavidhau nishi madhyamayam kleshapahastrijagatam tvamihavirasih.
When the directions were cooled by rain from the clouds, when good people were longing for their hopes to come true, at midnight as the moon was rising, you who remove the troubles of the three worlds appeared here.
బాల్యస్పృశాపి వపుషా దధుషా విభూతీరుద్యత్కిరీటకటకాఙ్గదహారభాసా।
శఙ్ఖారివారిజగదాపరిభాసితేన మేఘాసితేన పరిలేసిథ సూతిగేహే॥Balyasprishapi vapusha dadhusha vibhutirudyatkiritakatakangadaharabhasa, shankharivarijagadaparibhasitena meghasitena parilesitha sutigehe.
In a form that, though a child’s, held divine splendour, shining with crown, bracelets, armlets and necklace, radiant with conch, discus, lotus and mace, and dark as a rain cloud, you shone in the birth chamber.
వక్షఃస్థలీసుఖనిలీనవిలాసిలక్ష్మీమన్దాక్షలక్షితకటాక్షవిమోక్షభేదైః।
తన్మన్దిరస్య ఖలకంసకృతామలక్ష్మీమున్మార్జయన్నివ విరేజిథ వాసుదేవ॥Vakshahsthalisukhanilinavilasilakshmimandakshalakshitakatakshavimokshabhedaih, tanmandirasya khalakamsakritamalakshmimunmarjayanniva virejitha vasudeva.
O Vasudeva, with the shy, varied glances of Lakshmi, who rests happily on your chest, you shone as if wiping away the misfortune that wicked Kamsa had brought upon that house.
శౌరిస్తు ధీరమునిమణ్డలచేతసోఽపి దూరస్థితం వపురుదీక్ష్య నిజేక్షణాభ్యామ్।
ఆనన్దబాష్పపులకోద్గమగద్గదార్ద్రస్తుష్టావ దృష్టిమకరన్దరసం భవన్తమ్॥Shauristu dhiramunimandalachetasopi durasthitam vapurudikshya nijekshanabhyam, anandabashpapulakodgamagadgadardrastushtava drishtimakarandarasam bhavantam.
Vasudeva, seeing with his own eyes your form, which stays far even from the minds of steadfast sages, choked with tears of joy and thrilling all over, praised you, the nectar of his eyes.
దేవ ప్రసీద పరపూరుష తాపవల్లీనిర్లూనదాత్ర సమనేత్ర కలావిలాసిన్।
ఖేదానపాకురు కృపాగురుభిః కటాక్షైరిత్యాది తేన ముదితేన చిరం నుతోఽభూః॥Deva prasida parapurusha tapavallinirlunadatra samanetra kalavilasin, khedanapakuru kripagurubhih katakshairityadi tena muditena chiram nutobhuh.
O God, be gracious, Supreme Person, sickle that cuts the creeper of suffering, impartial-eyed, delighting in your play: take away our sorrows with your merciful glances. With such words the joyful Vasudeva praised you for long.
మాత్రా చ నేత్రసలిలాస్తృతగాత్రవల్ల్యా స్తోత్రైరభిష్టుతగుణః కరుణాలయస్త్వమ్।
ప్రాచీనజన్మయుగలం ప్రతిబోధ్య తాభ్యాం మాతుర్గిరా దధిథ మానుషబాలవేషమ్॥Matra cha netrasalilastritagatravallya stotrairabhishtutagunah karunalayastvam, prachinajanmayugalam pratibodhya tabhyam maturgira dadhitha manushabalavesham.
Your mother too, her body bathed in tears, praised your virtues in hymns. Then you, the home of compassion, reminded them both of their two former births, and at your mother’s word took the form of an ordinary human child.
త్వత్ప్రేరితస్తదను నన్దతనూజయా తే వ్యత్యాసమారచయితుం స హి శూరసూనుః।
త్వాం హస్తయోరధృత చిత్తవిధార్యమార్యైరమ్భోరుహస్థకలహంసకిశోరరమ్యమ్॥Tvatpreritastadanu nandatanujaya te vyatyasamarachayitum sa hi shurasunuh, tvam hastayoradhrita chittavidharyamaryairambhoruhasthakalahamsakishoraramyam.
Then, prompted by you, Vasudeva, son of Shura, took you in his hands to exchange you with Nanda’s daughter: you whom the noble hold in their hearts, lovely as a young swan upon a lotus.
జాతా తదా పశుపసద్మని యోగనిద్రా నిద్రావిముద్రితమథాకృత పౌరలోకమ్।
త్వత్ప్రేరణాత్కిమివ చిత్రమచేతనైర్యద్ద్వారైః స్వయం వ్యఘటి సఙ్ఘటితైస్సుగాఢమ్॥Jata tada pashupasadmani yoganidra nidravimudritamathakrita pauralokam, tvatpreranatkimiva chitramachetanairyaddvaraih svayam vyaghati sanghatitaissugadham.
At that time Yoganidra was born in the cowherd’s house and put the townspeople into deep sleep. By your will the tightly bolted doors opened by themselves; what wonder is that?
శేషేణ భూరిఫణవారితవారిణాఽథ స్వైరం ప్రదర్శితపథో మణిదీపితేన।
త్వాం ధారయన్ స ఖలు ధన్యతమః ప్రతస్థే సోఽయం త్వమీశ మమ నాశయ రోగవేగాన్॥Sheshena bhuriphanavaritavarinatha svairam pradarshitapatho manidipitena, tvam dharayan sa khalu dhanyatamah pratasthe soyam tvamisha mama nashaya rogavegan.
Then Shesha shielded off the rain with his many hoods and, lighting the way with his jewels, showed the path; carrying you, that most blessed one set out. O Lord, you who are that same child, destroy the force of my illnesses.