Narayaneeyam: Dashakam 6
നാരായണീയമ് · ദശക 6
The Sanskrit text in Malayalam script. The Roman line and the meaning are the same as in the original.
ഏവം ചതുര്ദശജഗന്മയതാം ഗതസ്യ പാതാലമീശ തവ പാദതലം വദന്തി।
പാദോര്ധ്വദേശമപി ദേവ രസാതലം തേ ഗുല്ഫദ്വയം ഖലു മഹാതലമദ്ഭുതാത്മന്॥Evam chaturdashajaganmayatam gatasya patalamisha tava padatalam vadanti, padordhvadeshamapi deva rasatalam te gulphadvayam khalu mahatalamadbhutatman.
Since you have become the fourteen worlds, Lord, they say Patala is the sole of your foot, Rasatala the upper part of your foot, and Mahatala your two ankles, O wondrous one.
ജങ്ഘേ തലാതലമഥോ സുതലം ച ജാനൂ കിഞ്ചോരുഭാഗയുഗലം വിതലാതലേ ദ്വേ।
ക്ഷോണീതലം ജഘനമമ്ബരമങ്ഗ നാഭിര്വക്ഷശ്ച ശക്രനിലയസ്തവ ചക്രപാണേ॥Janghe talatalamatho sutalam cha janu kinchorubhagayugalam vitalatale dve, kshonitalam jaghanamambaramanga nabhirvakshashcha shakranilayastava chakrapane.
Your shanks are Talatala, your knees Sutala, your two thighs Vitala and Atala; your hips are the earth, your navel the sky, and your chest is Indra’s heaven, O holder of the discus.
ഗ്രീവാ മഹസ്തവ മുഖം ച ജനസ്തപസ്തു ഫാലം ശിരസ്തവ സമസ്തമയസ്യ സത്യമ്।
ഏവം ജഗന്മയതനോ ജഗദാശ്രിതൈരപ്യന്യൈര്നിബദ്ധവപുഷേ ഭഗവന്നമസ്തേ॥Griva mahastava mukham cha janastapastu phalam shirastava samastamayasya satyam, evam jaganmayatano jagadashritairapyanyairnibaddhavapushe bhagavannamaste.
Your neck is Maharloka, your face Janaloka, your forehead Tapoloka and your head Satyaloka, you who are everything. Salutations to you, Lord, whose body is the world, whose cosmic form others describe in other ways too.
ത്വദ്ബ്രഹ്മരന്ധ്രപദമീശ്വര വിശ്വകന്ദ ഛന്ദാംസി കേശവ ഘനാസ്തവ കേശപാശാഃ।
ഉല്ലാസിചില്ലിയുഗലം ദ്രുഹിണസ്യ ഗേഹം പക്ഷ്മാണി രാത്രിദിവസൌ സവിതാ ച നേത്രേ॥Tvadbrahmarandhrapadamishvara vishvakanda chhandamsi keshava ghanastava keshapashah, ullasichilliyugalam druhinasya geham pakshmani ratridivasau savita cha netre.
Lord, root of the universe, Keshava: the Vedic metres are the crown of your head, the clouds your locks of hair, your lovely arched brows the home of Brahma, your eyelashes night and day, and the sun your eyes.
നിശ്ശേഷവിശ്വരചനാ ച കടാക്ഷമോക്ഷഃ കര്ണൌ ദിശോഽശ്വിയുഗലം തവ നാസികേ ദ്വേ।
ലോഭത്രപേ ച ഭഗവന്നധരോത്തരോഷ്ഠൌ താരാഗണശ്ച ദശനാഃ ശമനശ്ച ദംഷ്ട്രാ॥Nishsheshavishvarachana cha katakshamokshah karnau dishoshviyugalam tava nasike dve, lobhatrape cha bhagavannadharottaroshthau taraganashcha dashanah shamanashcha damshtra.
The creation of the whole universe is your sidelong glance; the directions are your ears, the twin Ashvins your nostrils; greed and modesty are your lower and upper lips, the stars your teeth, and Yama, god of death, your tusks.
മായാ വിലാസഹസിതം ശ്വസിതം സമീരോ ജിഹ്വാ ജലം വചനമീശ ശകുന്തപങ്ക്തിഃ।
സിദ്ധാദയസ്സ്വരഗണാ മുഖരന്ധ്രമഗ്നിര്ദേവാ ഭുജാഃ സ്തനയുഗം തവ ധര്മദേവഃ॥Maya vilasahasitam shvasitam samiro jihva jalam vachanamisha shakuntapanktih, siddhadayassvaragana mukharandhramagnirdeva bhujah stanayugam tava dharmadevah.
Maya is your playful smile, the wind your breath, water your tongue, the flocks of birds your speech, the Siddhas and others the notes of your voice, fire your mouth, the gods your arms, and Dharma your chest.
പൃഷ്ഠം ത്വധര്മ ഇഹ ദേവ മനസ്സുധാംശുരവ്യക്തമേവ ഹൃദയാമ്ബുജമമ്ബുജാക്ഷ।
കുക്ഷിസ്സമുദ്രനിവഹാ വസനം തു സന്ധ്യേ ശേഫഃ പ്രജാപതിരസൌ വൃഷണൌ ച മിത്രഃ॥Prishtham tvadharma iha deva manassudhamshuravyaktameva hridayambujamambujaksha, kukshissamudranivaha vasanam tu sandhye shephah prajapatirasau vrishanau cha mitrah.
Adharma is your back, the moon your mind, the unmanifest your lotus heart, O lotus-eyed one; the oceans are your belly, the two twilights your garments, and Prajapati and Mitra your organs of procreation.
ശ്രോണീസ്ഥലം മൃഗഗണാഃ പദയോര്നഖാസ്തേ ഹസ്ത്യുഷ്ട്രസൈന്ധവമുഖാ ഗമനം തു കാലഃ।
വിപ്രാദിവര്ണഭവനം വദനാബ്ജബാഹുചാരൂരുയുഗ്മചരണം കരുണാമ്ബുധേ തേ॥Shronisthalam mrigaganah padayornakhaste hastyushtrasaindhavamukha gamanam tu kalah, vipradivarnabhavanam vadanabjabahucharuruyugmacharanam karunambudhe te.
The herds of animals are your hips; elephants, camels, horses and others are your toenails; time is your movement; and the Brahmins and other classes arise from your lotus face, arms, fine thighs and feet, ocean of compassion.
സംസാരചക്രമയി ചക്രധര ക്രിയാസ്തേ വീര്യം മഹാസുരഗണോഽസ്ഥികുലാനി ശൈലാഃ।
നാഡ്യസ്സരിത്സമുദയസ്തരവശ്ച രോമ ജീയാദിദം വപുരനിര്വചനീയമീശ॥Samsarachakramayi chakradhara kriyaste viryam mahasuraganosthikulani shailah, nadyassaritsamudayastaravashcha roma jiyadidam vapuranirvachaniyamisha.
The wheel of worldly existence is your activity, O holder of the discus; the great demons are your might, the mountains your bones, the rivers your veins and the trees your hair. Victory to this indescribable body of yours, Lord.
ഈദൃഗ്ജഗന്മയവപുസ്തവ കര്മഭാജാം കര്മാവസാനസമയേ സ്മരണീയമാഹുഃ।
തസ്യാന്തരാത്മവപുഷേ വിമലാത്മനേ തേ വാതാലയാധിപ നമോഽസ്തു നിരുന്ധി രോഗാന്॥Idrigjaganmayavapustava karmabhajam karmavasanasamaye smaraniyamahuh, tasyantaratmavapushe vimalatmane te vatalayadhipa namostu nirundhi rogan.
They say this world-body of yours is what people of ritual action should remember when their rites are done. Salutations to you, the pure Self who is the inner Self of that body, Lord of Guruvayur; put an end to my illnesses.