Narayaneeyam: Dashakam 73

ನಾರಾಯಣೀಯಮ್ · ದಶಕ 73

The Sanskrit text in Kannada script. The Roman line and the meaning are the same as in the original.

Stotras · Sanskrit · Krishna · by Melpathur Narayana Bhattathiri

ನಿಶಮಯ್ಯ ತವಾಥ ಯಾನವಾರ್ತಾಂ ಭೃಶಮಾರ್ತಾಃ ಪಶುಪಾಲಬಾಲಿಕಾಸ್ತಾಃ।
ಕಿಮಿದಂ ಕಿಮಿದಂ ಕಥಂ ನ್ವಿತೀಮಾಃ ಸಮವೇತಾಃ ಪರಿದೇವಿತಾನ್ಯಕುರ್ವನ್॥
Nishamayya tavatha yanavartam bhrishamartah pashupalabalikastah, kimidam kimidam katham nvitimah samavetah paridevitanyakurvan.
Hearing the news that you were leaving, the cowherd girls, deeply distressed, gathered together and lamented: “What is this? What is this? How can it be?”
ಕರುಣಾನಿಧಿರೇಷ ನನ್ದಸೂನುಃ ಕಥಮಸ್ಮಾನ್ವಿಸೃಜೇದನನ್ಯನಾಥಾಃ।
ಬತ ನಃ ಕಿಮು ದೈವಮೇವಮಾಸೀದಿತಿ ತಾಸ್ತ್ವದ್ಗತಮಾನಸಾ ವಿಲೇಪುಃ॥
Karunanidhiresha nandasunuh kathamasmanvisrijedananyanathah, bata nah kimu daivamevamasiditi tastvadgatamanasa vilepuh.
“How could Nanda’s son, this treasure of compassion, leave us, who have no one else? Alas, is this our fate?” So they wept, their minds gone with you.
ಚರಮಪ್ರಹರೇ ಪ್ರತಿಷ್ಠಮಾನಃ ಸಹ ಪಿತ್ರಾ ನಿಜಮಿತ್ರಮಣ್ಡಲೈಶ್ಚ।
ಪರಿತಾಪಭರಂ ನಿತಮ್ಬಿನೀನಾಂ ಶಮಯಿಷ್ಯನ್ ವ್ಯಮುಚಃ ಸಖಾಯಮೇಕಮ್॥
Charamaprahare pratishthamanah saha pitra nijamitramandalaishcha, paritapabharam nitambininam shamayishyan vyamuchah sakhayamekam.
Setting out in the last watch of the night with your father and your friends, you sent one friend to them to soothe the women’s grief.
ಅಚಿರಾದುಪಯಾಮಿ ಸನ್ನಿಧಿಂ ವೋ ಭವಿತಾ ಸಾಧು ಮಯೈವ ಸಙ್ಗಮಶ್ರೀಃ।
ಅಮೃತಾಮ್ಬುನಿಧೌ ನಿಮಜ್ಜಯಿಷ್ಯೇ ದ್ರುತಮಿತ್ಯಾಶ್ವಸಿತಾ ವಧೂರಕಾರ್ಷೀಃ॥
Achiradupayami sannidhim vo bhavita sadhu mayaiva sangamashrih, amritambunidhau nimajjayishye drutamityashvasita vadhurakarshih.
“I will soon come back to you; through me alone you will know the joy of union; I will quickly bathe you in an ocean of nectar.” With these words you comforted them.
ಸವಿಷಾದಭರಂ ಸಯಾಚ್ಞಮುಚ್ಚೈರತಿದೂರಂ ವನಿತಾಭಿರೀಕ್ಷ್ಯಮಾಣಃ।
ಮೃದು ತದ್ದಿಶಿ ಪಾತಯನ್ನಪಾಙ್ಗಾನ್ ಸಬಲೋಽಕ್ರೂರರಥೇನ ನಿರ್ಗತೋಽಭೂಃ॥
Savishadabharam sayachnamuchchairatiduram vanitabhirikshyamanah, mridu taddishi patayannapangan sabalokrurarathena nirgatobhuh.
Watched from afar by the women, grief-stricken and pleading aloud, you cast soft glances their way and left with Balarama in Akrura’s chariot.
ಅನಸಾ ಬಹುಲೇನ ವಲ್ಲವಾನಾಂ ಮನಸಾ ಚಾನುಗತೋಽಥ ವಲ್ಲಭಾನಾಮ್।
ವನಮಾರ್ತಮೃಗಂ ವಿಷಣ್ಣವೃಕ್ಷಂ ಸಮತೀತೋ ಯಮುನಾತಟೀಮಯಾಸೀಃ॥
Anasa bahulena vallavanam manasa chanugatotha vallabhanam, vanamartamrigam vishannavriksham samatito yamunatatimayasih.
Followed by the cowherds’ many carts and by the hearts of your beloved gopis, you passed through the forest, its deer grieving and trees drooping, and reached the bank of the Yamuna.
ನಿಯಮಾಯ ನಿಮಜ್ಯ ವಾರಿಣಿ ತ್ವಾಮಭಿವೀಕ್ಷ್ಯಾಥ ರಥೇಽಪಿ ಗಾನ್ದಿನೇಯಃ।
ವಿವಶೋಽಜನಿ ಕಿನ್ನ್ವಿದಂ ವಿಭೋಸ್ತೇ ನನು ಚಿತ್ರಂ ತ್ವವಲೋಕನಂ ಸಮನ್ತಾತ್॥
Niyamaya nimajya varini tvamabhivikshyatha rathepi gandineyah, vivashojani kinnvidam vibhoste nanu chitram tvavalokanam samantat.
Akrura, dipping into the water for his daily rites, saw you there, and you were also in the chariot. He was overwhelmed: “What is this, Lord? Seeing you everywhere is a wonder indeed.”
ಪುನರೇಷ ನಿಮಜ್ಯ ಪುಣ್ಯಶಾಲೀ ಪುರುಷಂ ತ್ವಾಂ ಪರಮಂ ಭುಜಙ್ಗಭೋಗೇ।
ಅರಿಕಮ್ಬುಗದಾಮ್ಬುಜೈಃ ಸ್ಫುರನ್ತಂ ಸುರಸಿದ್ಧೌಘಪರೀತಮಾಲುಲೋಕೇ॥
Punaresha nimajya punyashali purusham tvam paramam bhujangabhoge, arikambugadambujaih sphurantam surasiddhaughaparitamaluloke.
Dipping again, the blessed Akrura saw you as the Supreme Person resting on the serpent’s coils, shining with discus, conch, mace and lotus, surrounded by hosts of gods and siddhas.
ಸ ತದಾ ಪರಮಾತ್ಮಸೌಖ್ಯಸಿನ್ಧೌ ವಿನಿಮಗ್ನಃ ಪ್ರಣುವನ್ ಪ್ರಕಾರಭೇದೈಃ।
ಅವಿಲೋಕ್ಯ ಪುನಶ್ಚ ಹರ್ಷಸಿನ್ಧೋರನುವೃತ್ಯಾ ಪುಲಕಾವೃತೋ ಯಯೌ ತ್ವಾಮ್॥
Sa tada paramatmasaukhyasindhau vinimagnah pranuvan prakarabhedaih, avilokya punashcha harshasindhoranuvritya pulakavrito yayau tvam.
Lost in the ocean of the Supreme Self’s bliss, he praised you in many ways. When the vision faded, still carried on the tide of joy, he came to you with his hair standing on end.
ಕಿಮು ಶೀತಲಿಮಾ ಮಹಾನ್ ಜಲೇ ಯತ್ಪುಲಕೋಽಸಾವಿತಿ ಚೋದಿತೇನ ತೇನ।
ಅತಿಹರ್ಷನಿರುತ್ತರೇಣ ಸಾರ್ಧಂ ರಥವಾಸೀ ಪವನೇಶ ಪಾಹಿ ಮಾಂ ತ್ವಮ್॥
Kimu shitalima mahan jale yatpulakosaviti choditena tena, atiharshaniruttarena sardham rathavasi pavanesha pahi mam tvam.
“Is the water so cold that your hair stands on end?” you asked him, and he was speechless with joy. Seated in the chariot with him, Lord of Guruvayur, protect me.