Raghavendra Stotra
రాఘవేన్ద్ర స్తోత్ర
The Sanskrit text in Telugu script. The Roman line and the meaning are the same as in the original.
శ్రీపూర్ణబోధగురుతీర్థపయోబ్ధిపారా కామారిమాక్షవిషమాక్షశిరః స్పృశన్తీ।
పూర్వోత్తరామితతరఙ్గచరత్సుహంసా దేవాలిసేవితపరాఙ్ఘ్రిపయోజలగ్నా॥Shripurnabodhagurutirthapayobdhipara kamarimakshavishamakshashirah sprishanti, purvottaramitatarangacharatsuhamsa devalisevitaparanghripayojalagna.
Guru Raghavendra’s words are a sacred river flowing from the ocean of the teaching of Purnabodha (Madhvacharya). It is revered even by the greatest gods; good souls glide like swans on its endless waves of argument, and it clings to the Lord’s lotus feet, which the gods serve.
జీవేశభేదగుణపూర్తిజగత్సుసత్త్వనీచోచ్చభావముఖనక్రగణైః సమేతా।
దుర్వాద్యజాపతిగిలైర్గురురాఘవేన్ద్రవాగ్దేవతాసరిదముం విమలీ కరోతు॥Jiveshabhedagunapurtijagatsusattvanichochchabhavamukhanakraganaih sameta, durvadyajapatigilairgururaghavendravagdevatasaridamum vimali karotu.
Its crocodiles are its teachings: the difference between soul and God, the Lord’s fullness of virtues, the reality of the world, and the ranking of souls from low to high; they swallow those who argue falsely. May this river of Guru Raghavendra’s words make me pure.
శ్రీరాఘవేన్ద్రః సకలప్రదాతా స్వపాదకఞ్జద్వయభక్తిమద్భ్యః।
అఘాద్రిసమ్భేదనదృష్టివజ్రః క్షమాసురేన్ద్రోఽవతు మాం సదాఽయమ్॥Shriraghavendrah sakalapradata svapadakanjadvayabhaktimadbhyah, aghadrisambhedanadrishtivajrah kshamasurendrovatu mam sadayam.
May Sri Raghavendra always protect me: he grants everything to those devoted to his lotus feet, his gaze is a thunderbolt that shatters mountains of sin, and he is like Indra among holy men on earth.
శ్రీరాఘవేన్ద్రో హరిపాదకఞ్జనిషేవణాల్లబ్ధసమస్తసమ్పత్।
దేవస్వభావో దివిజద్రుమోఽయమిష్టప్రదో మే సతతం స భూయాత్॥Shriraghavendro haripadakanjanishevanallabdhasamastasampat, devasvabhavo divijadrumoyamishtaprado me satatam sa bhuyat.
Sri Raghavendra gained every treasure by serving Hari’s lotus feet. Godlike in nature, he is a wish-fulfilling tree of heaven; may he always grant my wishes.
భవ్యస్వరూపో భవదుఃఖతూలసఙ్ఘాగ్నిచర్యః సుఖధైర్యశాలీ।
సమస్తదుష్టగ్రహనిగ్రహేశో దురత్యయోపప్లవసిన్ధుసేతుః॥Bhavyasvarupo bhavaduhkhatulasanghagnicharyah sukhadhairyashali, samastadushtagrahanigrahesho duratyayopaplavasindhusetuh.
Noble in form, he is the fire that burns the cotton heap of worldly sorrow; full of joy and steadiness, master over every evil planet, a bridge across an ocean of hard-to-cross troubles.
నిరస్తదోషో నిరవద్యవేషః ప్రత్యర్థిమూకత్త్వనిదానభాషః।
విద్వత్పరిజ్ఞేయమహావిశేషో వాగ్వైఖరీనిర్జితభవ్యశేషః॥Nirastadosho niravadyaveshah pratyarthimukattvanidanabhashah, vidvatparijneyamahavishesho vagvaikharinirjitabhavyasheshah.
Free of every fault and flawless in appearance, his speech leaves opponents speechless; his greatness is known to the learned, and his eloquence surpasses even Shesha.
సన్తానసమ్పత్పరిశుద్ధభక్తివిజ్ఞానవాగ్దేహసుపాటవాదీన్।
దత్త్వా శరీరోత్థసమస్తదోషాన్ హత్త్వా స నోఽవ్యాద్గురురాఘవేన్ద్రః॥Santanasampatparishuddhabhaktivijnanavagdehasupatavadin, dattva sharirotthasamastadoshan hattva sa novyadgururaghavendrah.
Granting children, wealth, pure devotion, wisdom, eloquence and a strong body, and removing every ill of the body, may Guru Raghavendra protect us.
యత్పాదోదకసఞ్చయః సురనదీముఖ్యాపగాసాదితాసఙ్ఖ్యానుత్తమపుణ్యసఙ్ఘవిలసత్ప్రఖ్యాతపుణ్యావహః।
దుస్తాపత్రయనాశనో భువి మహావన్ధ్యాసుపుత్రప్రదో వ్యఙ్గస్వఙ్గసమృద్ధిదో గ్రహమహాపాపాపహస్తం శ్రయే॥Yatpadodakasanchayah suranadimukhyapagasaditasankhyanuttamapunyasanghavilasatprakhyatapunyavahah, dustapatrayanashano bhuvi mahavandhyasuputraprado vyangasvangasamriddhido grahamahapapapahastam shraye.
I take refuge in him whose foot-water carries the merit of bathing in the Ganga and countless holy rivers; it ends the three kinds of suffering, gives good sons even to the barren, makes the disabled whole and prosperous, and removes planetary troubles and great sins.
యత్పాదకఞ్జరజసా పరిభూషితాఙ్గా యత్పాదపద్మమధుపాయితమానసా యే।
యత్పాదపద్మపరికీర్తనజీర్ణవాచస్తద్దర్శనం దురితకాననదావభూతమ్॥Yatpadakanjarajasa paribhushitanga yatpadapadmamadhupayitamanasa ye, yatpadapadmaparikirtanajirnavachastaddarshanam duritakananadavabhutam.
Those whose bodies are adorned with the dust of his lotus feet, whose minds drink the honey of those feet like bees, whose voices are worn out praising them: the very sight of them is a forest fire to the forest of sins.
సర్వతన్త్రస్వతన్త్రోఽసౌ శ్రీమధ్వమతవర్ధనః।
విజయీన్ద్రకరాబ్జోత్థసుధీన్ద్రవరపుత్రకః॥Sarvatantrasvatantrosau shrimadhvamatavardhanah, vijayindrakarabjotthasudhindravaraputrakah.
He is a master of every school of thought, the one who spread the teaching of Sri Madhva, the dear disciple of Sudhindra, who was himself raised by Vijayindra’s hands.
శ్రీరాఘవేన్ద్రో యతిరాట్ గురుర్మే స్యాద్భయాపహః।
జ్ఞానభక్తిసుపుత్రాయుర్యశఃశ్రీపుణ్యవర్ధనః॥Shriraghavendro yatirat gururme syadbhayapahah, jnanabhaktisuputrayuryashahshripunyavardhanah.
May Sri Raghavendra, king of ascetics and my guru, remove my fears and increase my knowledge, devotion, good children, long life, fame, fortune and merit.
ప్రతివాదిజయస్వాన్తభేదచిహ్నాదరో గురుః।
సర్వవిద్యాప్రవీణోఽన్యో రాఘవేన్ద్రాన్న విద్యతే॥Prativadijayasvantabhedachihnadaro guruh, sarvavidyapravinonyo raghavendranna vidyate.
He wins over opposing debaters, holds the doctrine of difference dear at heart and has mastered every branch of learning: there is no other guru like Raghavendra.
అపరోక్షీకృతశ్రీశః సముపేక్షితభావజః।
అపేక్షితప్రదాతాఽన్యో రాఘవేన్ద్రాన్న విద్యతే॥Aparokshikritashrishah samupekshitabhavajah, apekshitapradatanyo raghavendranna vidyate.
He has directly seen Vishnu, Lakshmi’s lord, and set aside desire; there is no one but Raghavendra who so grants what is sought.
దయాదాక్షిణ్యవైరాగ్యవాక్పాటవముఖాఙ్కితః।
శాపానుగ్రహశక్తోఽన్యో రాఘవేన్ద్రాన్న విద్యతే॥Dayadakshinyavairagyavakpatavamukhankitah, shapanugrahashaktonyo raghavendranna vidyate.
Marked by compassion, kindness, detachment and eloquence, and able both to curse and to bless: there is none other like Raghavendra.
అజ్ఞానవిస్మృతిభ్రాన్తిసంశయాపస్మృతిక్షయాః।
తన్ద్రాకమ్పవచఃకౌణ్ఠ్యముఖా యే చేన్ద్రియోద్భవాః।
దోషాస్తే నాశమాయాన్తి రాఘవేన్ద్రప్రసాదతః॥Ajnanavismritibhrantisamshayapasmritikshayah, tandrakampavachahkaunthyamukha ye chendriyodbhavah, doshaste nashamayanti raghavendraprasadatah.
Ignorance, forgetfulness, confusion, doubt, loss of memory, drowsiness, trembling, faltering speech and other faults of the senses all vanish by Raghavendra’s grace.
ఓం శ్రీరాఘవేన్ద్రాయ నమః ఇత్యష్టాక్షరమన్త్రతః।
జపితాద్భావితాన్నిత్యమిష్టార్థాః స్యుర్న సంశయః॥Om shriraghavendraya namah ityashtaksharamantratah, japitadbhavitannityamishtarthah syurna samshayah.
By chanting and meditating daily on the eight-syllable mantra “Om Sri Raghavendraya namah”, one’s wishes are surely fulfilled.
హన్తు నః కాయజాన్ దోషానాత్మాత్మీయసముద్భవాన్।
సర్వానపి పుమర్థాంశ్చ దదాతు గురురాత్మవిత్॥Hantu nah kayajan doshanatmatmiyasamudbhavan, sarvanapi pumarthamshcha dadatu gururatmavit.
May the guru who knows the Self destroy the faults of our bodies and those that arise from ourselves and our own, and grant us all the goals of life.
ఇతి కాలత్రయే నిత్యం ప్రార్థనాం యః కరోతి సః।
ఇహాముత్రాప్తసర్వేష్టో మోదతే నాత్ర సంశయః॥Iti kalatraye nityam prarthanam yah karoti sah, ihamutraptasarveshto modate natra samshayah.
Whoever offers this prayer daily at the three times of day gains every wish here and hereafter and lives in joy; there is no doubt.
అగమ్యమహిమా లోకే రాఘవేన్ద్రో మహాయశాః।
శ్రీమధ్వమతదుగ్ధాబ్ధిచన్ద్రోఽవతు సదాఽనఘః॥Agamyamahima loke raghavendro mahayashah, shrimadhvamatadugdhabdhichandrovatu sadanaghah.
May Raghavendra protect us always: of great fame, his greatness beyond the world’s grasp, sinless, the moon that rose from the milk ocean of Sri Madhva’s teaching.
సర్వయాత్రాఫలావాప్త్యై యథాశక్తిప్రదక్షిణమ్।
కరోమి తవ సిద్ధస్య బృన్దావనగతం జలమ్।
శిరసా ధారయామ్యద్య సర్వతీర్థఫలాప్తయే॥Sarvayatraphalavaptyai yathashaktipradakshinam, karomi tava siddhasya brindavanagatam jalam, shirasa dharayamyadya sarvatirthaphalaptaye.
To gain the fruit of every pilgrimage I walk around you as best I can; and to gain the merit of every holy place, today I place on my head the water from your Brindavana, perfected one.
సర్వాభీష్టార్థసిద్ధ్యర్థం నమస్కారం కరోమ్యహమ్।
తవ సఙ్కీర్తనం వేదశాస్త్రార్థజ్ఞానసిద్ధయే॥Sarvabhishtarthasiddhyartham namaskaram karomyaham, tava sankirtanam vedashastrarthajnanasiddhaye.
I bow to you so that all my wishes are fulfilled, and I sing your praise to gain knowledge of the meaning of the Vedas and scriptures.
సంసారేఽక్షయసాగరే ప్రకృతితోఽగాధే సదా దుస్తరే సర్వావద్యజలగ్రహైరనుపమైః కామాదిభఙ్గాకులే।
నానావిభ్రమదుర్భ్రమేఽమితభయస్తోమాదిఫేనోత్కటే దుఃఖోత్కృష్టవిషే సముద్ధర గురో మా మగ్నరూపం సదా॥Samsarekshayasagare prakrititogadhe sada dustare sarvavadyajalagrahairanupamaih kamadibhangakule, nanavibhramadurbhramemitabhayastomadiphenotkate duhkhotkrishtavishe samuddhara guro ma magnarupam sada.
O Guru, always lift me out, for I am drowning in the ocean of worldly life: endless, fathomless and hard to cross, full of crocodiles of every fault, tossed by waves of desire, whirling with confusion, foaming with countless fears, and with sorrow as its deadliest poison.
రాఘవేన్ద్రగురుస్తోత్రం యః పఠేద్భక్తిపూర్వకమ్।
తస్య కుష్ఠాదిరోగాణాం నివృత్తిస్త్వరయా భవేత్॥Raghavendragurustotram yah pathedbhaktipurvakam, tasya kushthadiroganam nivrittistvaraya bhavet.
Whoever reads this hymn to Guru Raghavendra with devotion is quickly freed from leprosy and other diseases.
అన్ధోఽపి దివ్యదృష్టిః స్యాదేడమూకోఽపి వాక్పతిః।
పూర్ణాయుః పూర్ణసమ్పత్తిః స్తోత్రస్యాస్య జపాద్భవేత్॥Andhopi divyadrishtih syadedamukopi vakpatih, purnayuh purnasampattih stotrasyasya japadbhavet.
By chanting this hymn, even the blind gain divine sight, the deaf and mute become masters of speech, and one gains a full life and full prosperity.
యః పిబేజ్జలమేతేన స్తోత్రేణైవాభిమన్త్రితమ్।
తస్య కుక్షిగతా దోషాః సర్వే నశ్యన్తి తత్క్షణాత్॥Yah pibejjalametena stotrenaivabhimantritam, tasya kukshigata doshah sarve nashyanti tatkshanat.
Whoever drinks water blessed with this hymn finds every ailment of the belly gone at once.
యద్వృన్దావనమాసాద్య పఙ్గుః ఖఞ్జోఽపి వా జనః।
స్తోత్రేణానేన యః కుర్యాత్ప్రదక్షిణనమస్కృతీ।
స జఙ్ఘాలో భవేదేవ గురురాజప్రసాదతః॥Yadvrindavanamasadya panguh khanjopi va janah, stotrenanena yah kuryatpradakshinanamaskriti, sa janghalo bhavedeva gururajaprasadatah.
Even a lame or crippled person who comes to his Brindavana and circles and bows to it while reciting this hymn will become swift of foot, by the grace of the king of gurus.
సోమసూర్యోపరాగే చ పుష్యార్కాదిసమాగమే।
యోఽనుత్తమమిదం స్తోత్రమష్టోత్తరశతం జపేత్।
భూతప్రేతపిశాచాదిపీడా తస్య న జాయతే॥Somasuryoparage cha pushyarkadisamagame, yonuttamamidam stotramashtottarashatam japet, bhutapretapishachadipida tasya na jayate.
Whoever chants this supreme hymn 108 times during an eclipse of the moon or sun, or on a holy conjunction such as Pushya falling on a Sunday, is never troubled by ghosts and evil spirits.
ఏతత్స్తోత్రం సముచ్చార్య గురోర్వృన్దావనాన్తికే।
దీపసంయోజనాజ్జ్ఞానం పుత్రలాభో భవేద్ధ్రువమ్॥Etatstotram samuchcharya gurorvrindavanantike, dipasamyojanajjnanam putralabho bhaveddhruvam.
Reciting this hymn near the guru’s Brindavana and lighting a lamp there surely brings knowledge and the gift of a son.
పరవాదిజయో దివ్యజ్ఞానభక్త్యాదివర్ధనమ్।
సర్వాభీష్టప్రవృద్ధిః స్యాన్నాత్ర కార్యా విచారణా॥Paravadijayo divyajnanabhaktyadivardhanam, sarvabhishtapravriddhih syannatra karya vicharana.
One wins over opponents in debate, divine knowledge and devotion grow, and every wish thrives; there is nothing to doubt here.
రాజచోరమహావ్యాఘ్రసర్పనక్రాదిపీడనమ్।
న జాయతేఽస్య స్తోత్రస్య ప్రభావాన్నాత్ర సంశయః॥Rajachoramahavyaghrasarpanakradipidanam, na jayatesya stotrasya prabhavannatra samshayah.
By the power of this hymn one suffers no harm from kings, thieves, tigers, snakes, crocodiles and the like; there is no doubt.
యో భక్త్యా గురురాఘవేన్ద్రచరణద్వన్ద్వం స్మరన్ యః పఠేత్ స్తోత్రం దివ్యమిదం సదా న హి భవేత్తస్యాసుఖం కిఞ్చన।
కిం త్విష్టార్థసమృద్ధిరేవ కమలానాథప్రసాదోదయాత్ కీర్తిర్దిగ్విదితా విభూతిరతులా సాక్షీ హయాస్యోఽత్ర హి॥Yo bhaktya gururaghavendracharanadvandvam smaran yah pathet stotram divyamidam sada na hi bhavettasyasukham kinchana, kim tvishtarthasamriddhireva kamalanathaprasadodayat kirtirdigvidita vibhutiratula sakshi hayasyotra hi.
Whoever, remembering Guru Raghavendra’s feet with devotion, always reads this divine hymn will know no sorrow at all; by the grace of Vishnu, Lakshmi’s lord, his wishes flourish, his fame spreads everywhere and his wealth is unmatched. Hayagriva is witness to this.
ఇతి శ్రీరాఘవేన్ద్రార్యగురురాజప్రసాదతః।
కృతం స్తోత్రమిదం పుణ్యం శ్రీమద్భిర్హ్యప్పణాభిధైః॥Iti shriraghavendraryagururajaprasadatah, kritam stotramidam punyam shrimadbhirhyappanabhidhaih.
Thus this holy hymn was composed by the revered Appanacharya, by the grace of the noble Sri Raghavendra, king of gurus.
పూజ్యాయ రాఘవేన్ద్రాయ సత్యధర్మరతాయ చ।
భజతాం కల్పవృక్షాయ నమతాం కామధేనవే॥Pujyaya raghavendraya satyadharmarataya cha, bhajatam kalpavrikshaya namatam kamadhenave.
Salutations to the worshipful Raghavendra, devoted to truth and dharma, a wish-fulfilling tree to those who worship him and a wish-granting cow to those who bow to him.
ఆపాదమౌలిపర్యన్తం గురూణామాకృతిం స్మరేత్।
తేన విఘ్నాః ప్రణశ్యన్తి సిద్ధ్యన్తి చ మనోరథాః॥Apadamauliparyantam gurunamakritim smaret, tena vighnah pranashyanti siddhyanti cha manorathah.
One should picture the guru’s form from feet to crown; then obstacles vanish and the heart’s wishes come true.
దుర్వాదిధ్వాన్తరవయే వైష్ణవేన్దీవరేన్దవే।
శ్రీరాఘవేన్ద్రగురవే నమోఽత్యన్తదయాలవే॥Durvadidhvantaravaye vaishnavendivarendave, shriraghavendragurave namotyantadayalave.
Salutations to the most compassionate Guru Sri Raghavendra, a sun to the darkness of false argument and a moon to the lotus-like devotees of Vishnu.
మూకోఽపి యత్ప్రసాదేన ముకున్దశయనాయతే।
రాజరాజాయతే రిక్తో రాఘవేన్ద్రం తమాశ్రయే॥Mukopi yatprasadena mukundashayanayate, rajarajayate rikto raghavendram tamashraye.
I take refuge in Raghavendra, by whose grace even the mute becomes eloquent as Shesha, Vishnu’s serpent bed, and even the penniless becomes rich as Kubera, king of wealth.