दुर्गा सप्तशती · द्वितीय अध्याय
Durga Saptashati 2: Mahishasura Sainya Vadh
ॐ अक्षस्रक्परशुं गदेषुकुलिशं पद्मं धनुष्कुण्डिकां दण्डं शक्तिमसिं च चर्म जलजं घण्टां सुराभाजनम्।
शूलं पाशसुदर्शने च दधतीं हस्तैः प्रसन्नाननां सेवे सैरिभमर्दिनीमिह महालक्ष्मीं सरोजस्थिताम्॥Om akshasrakparashum gadeshukulisham padmam dhanushkundikam dandam shaktimasim cha charma jalajam ghantam surabhajanam, shulam pashasudarshane cha dadhatim hastaih prasannananam seve sairibhamardinimiha mahalakshmim sarojasthitam.
ॐ। मैं कमल पर विराजमान, प्रसन्न मुख वाली, महिषासुर का मर्दन करने वाली महालक्ष्मी की सेवा करता हूँ, जो अपने हाथों में अक्षमाला, फरसा, गदा, बाण, वज्र, कमल, धनुष, कमंडलु, दंड, शक्ति, तलवार, ढाल, शंख, घंटा, मधुपात्र, त्रिशूल, पाश और सुदर्शन चक्र धारण करती हैं।
ॐ ह्रीं ऋषिरुवाच॥
Om hrim rishiruvacha.
ॐ ह्रीं। ऋषि ने कहा:
देवासुरमभूद्युद्धं पूर्णमब्दशतं पुरा।
महिषेऽसुराणामधिपे देवानां च पुरन्दरे॥Devasuramabhudyuddham purnamabdashatam pura, mahishesuranamadhipe devanam cha purandare.
प्राचीन काल में देवताओं और असुरों के बीच पूरे सौ वर्षों तक युद्ध हुआ। असुरों का स्वामी महिषासुर था और देवताओं के स्वामी इंद्र थे।
तत्रासुरैर्महावीर्यैर्देवसैन्यं पराजितम्।
जित्वा च सकलान् देवानिन्द्रोऽभून्महिषासुरः॥Tatrasurairmahaviryairdevasainyam parajitam, jitva cha sakalan devanindrobhunmahishasurah.
उस युद्ध में महाबली असुरों ने देवताओं की सेना को हरा दिया, और सब देवताओं को जीतकर महिषासुर स्वयं इंद्र बन बैठा।
ततः पराजिता देवाः पद्मयोनिं प्रजापतिम्।
पुरस्कृत्य गतास्तत्र यत्रेशगरुडध्वजौ॥Tatah parajita devah padmayonim prajapatim, puraskritya gatastatra yatreshagarudadhvajau.
तब हारे हुए देवता कमल से जन्मे प्रजापति ब्रह्मा जी को आगे करके वहाँ गए जहाँ शिव और गरुड़ध्वज विष्णु थे।
यथावृत्तं तयोस्तद्वन्महिषासुरचेष्टितम्।
त्रिदशाः कथयामासुर्देवाभिभवविस्तरम्॥Yathavrittam tayostadvanmahishasuracheshtitam, tridashah kathayamasurdevabhibhavavistaram.
देवताओं ने उन दोनों को महिषासुर की सारी करतूतें, जैसी घटी थीं, और अपनी पराजय का पूरा हाल कह सुनाया।
सूर्येन्द्राग्न्यनिलेन्दूनां यमस्य वरुणस्य च।
अन्येषां चाधिकारान् स स्वयमेवाधितिष्ठति॥Suryendragnyanilendunam yamasya varunasya cha, anyesham chadhikaran sa svayamevadhitishthati.
वह सूर्य, इंद्र, अग्नि, वायु, चंद्रमा, यम, वरुण और अन्य देवताओं के अधिकार स्वयं ही चला रहा है।
स्वर्गान्निराकृताः सर्वे तेन देवगणा भुवि।
विचरन्ति यथा मर्त्या महिषेण दुरात्मना॥Svargannirakritah sarve tena devagana bhuvi, vicharanti yatha martya mahishena duratmana.
उस दुष्ट महिषासुर ने सब देवताओं को स्वर्ग से निकाल दिया है, और वे मनुष्यों की तरह धरती पर भटक रहे हैं।
एतद्वः कथितं सर्वममरारिविचेष्टितम्।
शरणं वः प्रपन्नाः स्मो वधस्तस्य विचिन्त्यताम्॥Etadvah kathitam sarvamamararivicheshtitam, sharanam vah prapannah smo vadhastasya vichintyatam.
देवताओं के शत्रु की सारी करतूतें हमने आपको बता दीं। हम आपकी शरण में आए हैं, उसके वध का उपाय सोचिए।
इत्थं निशम्य देवानां वचांसि मधुसूदनः।
चकार कोपं शम्भुश्च भ्रुकुटीकुटिलाननौ॥Ittham nishamya devanam vachamsi madhusudanah, chakara kopam shambhushcha bhrukutikutilananau.
देवताओं की ये बातें सुनकर मधुसूदन विष्णु और शिव को क्रोध आया, उनकी भौंहें तन गईं और मुख कठोर हो गए।
ततोऽतिकोपपूर्णस्य चक्रिणो वदनात्ततः।
निश्चक्राम महत्तेजो ब्रह्मणः शङ्करस्य च॥Tatotikopapurnasya chakrino vadanattatah, nishchakrama mahattejo brahmanah shankarasya cha.
तब अत्यंत क्रोध से भरे चक्रधारी विष्णु के मुख से एक महान तेज निकला, और वैसे ही ब्रह्मा और शंकर के मुख से भी।
अन्येषां चैव देवानां शक्रादीनां शरीरतः।
निर्गतं सुमहत्तेजस्तच्चैक्यं समगच्छत॥Anyesham chaiva devanam shakradinam shariratah, nirgatam sumahattejastachchaikyam samagachchhata.
इंद्र आदि अन्य देवताओं के शरीर से भी बड़ा भारी तेज निकला, और वह सब मिलकर एक हो गया।
अतीव तेजसः कूटं ज्वलन्तमिव पर्वतम्।
ददृशुस्ते सुरास्तत्र ज्वालाव्याप्तदिगन्तरम्॥Ativa tejasah kutam jvalantamiva parvatam, dadrishuste surastatra jvalavyaptadigantaram.
देवताओं ने वहाँ तेज का एक विशाल पुंज देखा, जो जलते हुए पर्वत जैसा था और जिसकी ज्वालाएँ सब दिशाओं में फैली थीं।
अतुलं तत्र तत्तेजः सर्वदेवशरीरजम्।
एकस्थं तदभून्नारी व्याप्तलोकत्रयं त्विषा॥Atulam tatra tattejah sarvadevasharirajam, ekastham tadabhunnari vyaptalokatrayam tvisha.
सब देवताओं के शरीर से निकला वह अनुपम तेज एक जगह इकट्ठा होकर एक नारी बन गया, जिसकी प्रभा से तीनों लोक भर गए।
यदभूच्छाम्भवं तेजस्तेनाजायत तन्मुखम्।
याम्येन चाभवन् केशा बाहवो विष्णुतेजसा॥Yadabhuchchhambhavam tejastenajayata tanmukham, yamyena chabhavan kesha bahavo vishnutejasa.
शिव के तेज से उनका मुख बना, यम के तेज से केश और विष्णु के तेज से भुजाएँ बनीं।
सौम्येन स्तनयोर्युग्मं मध्यं चैन्द्रेण चाभवत्।
वारुणेन च जङ्घोरू नितम्बस्तेजसा भुवः॥Saumyena stanayoryugmam madhyam chaindrena chabhavat, varunena cha janghoru nitambastejasa bhuvah.
चंद्रमा के तेज से दोनों स्तन, इंद्र के तेज से कमर, वरुण के तेज से जंघाएँ और पिंडलियाँ, और पृथ्वी के तेज से नितंब बने।
ब्रह्मणस्तेजसा पादौ तदङ्गुल्योऽर्कतेजसा।
वसूनां च कराङ्गुल्यः कौबेरेण च नासिका॥Brahmanastejasa padau tadangulyorkatejasa, vasunam cha karangulyah kauberena cha nasika.
ब्रह्मा के तेज से चरण, सूर्य के तेज से पैरों की उँगलियाँ, वसुओं के तेज से हाथों की उँगलियाँ और कुबेर के तेज से नासिका बनी।
तस्यास्तु दन्ताः सम्भूताः प्राजापत्येन तेजसा।
नयनत्रितयं जज्ञे तथा पावकतेजसा॥Tasyastu dantah sambhutah prajapatyena tejasa, nayanatritayam jajne tatha pavakatejasa.
प्रजापति के तेज से उनके दाँत बने, और अग्नि के तेज से उनके तीन नेत्र प्रकट हुए।
भ्रुवौ च सन्ध्ययोस्तेजः श्रवणावनिलस्य च।
अन्येषां चैव देवानां सम्भवस्तेजसां शिवा॥Bhruvau cha sandhyayostejah shravanavanilasya cha, anyesham chaiva devanam sambhavastejasam shiva.
दोनों संध्याओं के तेज से भौंहें और वायु के तेज से कान बने। इस प्रकार अन्य देवताओं के तेज से भी कल्याणमयी देवी का प्राकट्य हुआ।
ततः समस्तदेवानां तेजोराशिसमुद्भवाम्।
तां विलोक्य मुदं प्रापुरमरा महिषार्दिताः॥Tatah samastadevanam tejorashisamudbhavam, tam vilokya mudam prapuramara mahisharditah.
सब देवताओं के तेज-पुंज से प्रकट हुई उन देवी को देखकर महिषासुर से सताए हुए देवता आनंदित हो गए।
शूलं शूलाद्विनिष्कृष्य ददौ तस्यै पिनाकधृक्।
चक्रं च दत्तवान् कृष्णः समुत्पाद्य स्वचक्रतः॥Shulam shuladvinishkrishya dadau tasyai pinakadhrik, chakram cha dattavan krishnah samutpadya svachakratah.
पिनाकधारी शिव ने अपने त्रिशूल से एक त्रिशूल निकालकर उन्हें दिया, और श्रीविष्णु ने अपने चक्र से एक चक्र उत्पन्न करके दिया।
शङ्खं च वरुणः शक्तिं ददौ तस्यै हुताशनः।
मारुतो दत्तवांश्चापं बाणपूर्णे तथेषुधी॥Shankham cha varunah shaktim dadau tasyai hutashanah, maruto dattavamshchapam banapurne tatheshudhi.
वरुण ने उन्हें शंख दिया, अग्नि ने शक्ति दी, और वायु ने धनुष तथा बाणों से भरे दो तरकश दिए।
वज्रमिन्द्रः समुत्पाद्य कुलिशादमराधिपः।
ददौ तस्यै सहस्राक्षो घण्टामैरावताद् गजात्॥Vajramindrah samutpadya kulishadamaradhipah, dadau tasyai sahasraksho ghantamairavatad gajat.
देवराज सहस्राक्ष इंद्र ने अपने वज्र से एक वज्र उत्पन्न करके दिया, और ऐरावत हाथी से उतारकर एक घंटा भी दिया।
कालदण्डाद्यमो दण्डं पाशं चाम्बुपतिर्ददौ।
प्रजापतिश्चाक्षमालां ददौ ब्रह्मा कमण्डलुम्॥Kaladandadyamo dandam pasham chambupatirdadau, prajapatishchakshamalam dadau brahma kamandalum.
यम ने कालदंड से एक दंड, जल के स्वामी वरुण ने पाश, प्रजापति ने अक्षमाला और ब्रह्मा ने कमंडलु दिया।
समस्तरोमकूपेषु निजरश्मीन् दिवाकरः।
कालश्च दत्तवान् खड्गं तस्याश्चर्म च निर्मलम्॥Samastaromakupeshu nijarashmin divakarah, kalashcha dattavan khadgam tasyashcharma cha nirmalam.
सूर्य ने उनके सभी रोमकूपों में अपनी किरणें भर दीं, और काल ने उन्हें तलवार और चमकती ढाल दी।
क्षीरोदश्चामलं हारमजरे च तथाम्बरे।
चूडामणिं तथा दिव्यं कुण्डले कटकानि च॥Kshirodashchamalam haramajare cha tathambare, chudamanim tatha divyam kundale katakani cha.
क्षीरसागर ने उन्हें उज्ज्वल हार, कभी पुराने न होने वाले दो वस्त्र, दिव्य चूड़ामणि, दो कुंडल और कंगन दिए,
अर्धचन्द्रं तथा शुभ्रं केयूरान् सर्वबाहुषु।
नूपुरौ विमलौ तद्वद् ग्रैवेयकमनुत्तमम्॥Ardhachandram tatha shubhram keyuran sarvabahushu, nupurau vimalau tadvad graiveyakamanuttamam.
उज्ज्वल अर्धचंद्र, सब भुजाओं के लिए बाजूबंद, दो निर्मल नूपुर और गले के लिए सर्वोत्तम हार दिया,
अङ्गुलीयकरत्नानि समस्तास्वङ्गुलीषु च।
विश्वकर्मा ददौ तस्यै परशुं चातिनिर्मलम्॥Anguliyakaratnani samastasvangulishu cha, vishvakarma dadau tasyai parashum chatinirmalam.
और सब उँगलियों के लिए रत्नजड़ित अँगूठियाँ दीं। विश्वकर्मा ने उन्हें अत्यंत चमकीला फरसा दिया,
अस्त्राण्यनेकरूपाणि तथाभेद्यं च दंशनम्।
अम्लानपङ्कजां मालां शिरस्युरसि चापराम्॥Astranyanekarupani tathabhedyam cha damshanam, amlanapankajam malam shirasyurasi chaparam.
अनेक प्रकार के अस्त्र और अभेद्य कवच भी दिए। समुद्र ने उनके सिर और वक्ष के लिए कभी न मुरझाने वाले कमलों की मालाएँ दीं,
अददज्जलधिस्तस्यै पङ्कजं चातिशोभनम्।
हिमवान् वाहनं सिंहं रत्नानि विविधानि च॥Adadajjaladhistasyai pankajam chatishobhanam, himavan vahanam simham ratnani vividhani cha.
और एक अत्यंत सुंदर कमल दिया। हिमालय ने उन्हें वाहन के रूप में सिंह और तरह-तरह के रत्न दिए।
ददावशून्यं सुरया पानपात्रं धनाधिपः।
शेषश्च सर्वनागेशो महामणिविभूषितम्॥Dadavashunyam suraya panapatram dhanadhipah, sheshashcha sarvanagesho mahamanivibhushitam.
धन के स्वामी कुबेर ने उन्हें मधु से सदा भरा पानपात्र दिया, और इस पृथ्वी को धारण करने वाले नागराज शेष ने
नागहारं ददौ तस्यै धत्ते यः पृथिवीमिमाम्।
अन्यैरपि सुरैर्देवी भूषणैरायुधैस्तथा॥Nagaharam dadau tasyai dhatte yah prithivimimam, anyairapi surairdevi bhushanairayudhaistatha.
बड़ी-बड़ी मणियों से सजा नागहार दिया। अन्य देवताओं ने भी आभूषणों और अस्त्रों से देवी का सम्मान किया।
सम्मानिता ननादोच्चैः साट्टहासं मुहुर्मुहुः।
तस्या नादेन घोरेण कृत्स्नमापूरितं नभः॥Sammanita nanadochchaih sattahasam muhurmuhuh, tasya nadena ghorena kritsnamapuritam nabhah.
इस प्रकार सम्मानित होकर देवी ने बार-बार अट्टहास के साथ ऊँचे स्वर में गर्जना की, और उनके भयंकर नाद से सारा आकाश भर गया।
अमायतातिमहता प्रतिशब्दो महानभूत्।
चुक्षुभुः सकला लोकाः समुद्राश्च चकम्पिरे॥Amayatatimahata pratishabdo mahanabhut, chukshubhuh sakala lokah samudrashcha chakampire.
उसकी अत्यंत भारी प्रतिध्वनि गूँज उठी। सारे लोक काँप उठे और समुद्र हिल गए।
चचाल वसुधा चेलुः सकलाश्च महीधराः।
जयेति देवाश्च मुदा तामूचुः सिंहवाहिनीम्॥Chachala vasudha cheluh sakalashcha mahidharah, jayeti devashcha muda tamuchuh simhavahinim.
पृथ्वी डोल उठी और सब पर्वत हिलने लगे। देवताओं ने प्रसन्न होकर सिंहवाहिनी देवी से कहा, “आपकी जय हो!”
तुष्टुवुर्मुनयश्चैनां भक्तिनम्रात्ममूर्तयः।
दृष्ट्वा समस्तं संक्षुब्धं त्रैलोक्यममरारयः॥Tushtuvurmunayashchainam bhaktinamratmamurtayah, drishtva samastam sankshubdham trailokyamamararayah.
भक्ति से झुके हुए मुनियों ने उनकी स्तुति की। तीनों लोकों को खलबली में देखकर देवताओं के शत्रु असुर
सन्नद्धाखिलसैन्यास्ते समुत्तस्थुरुदायुधाः।
आः किमेतदिति क्रोधादाभाष्य महिषासुरः॥Sannaddhakhilasainyaste samuttasthurudayudhah, ah kimetaditi krodhadabhashya mahishasurah.
अपनी सारी सेना सजाकर हथियार उठाए खड़े हो गए। “अरे, यह क्या है?” क्रोध से ऐसा कहकर महिषासुर
अभ्यधावत तं शब्दमशेषैरसुरैर्वृतः।
स ददर्श ततो देवीं व्याप्तलोकत्रयां त्विषा॥Abhyadhavata tam shabdamasheshairasurairvritah, sa dadarsha tato devim vyaptalokatrayam tvisha.
असंख्य असुरों से घिरा उस नाद की ओर दौड़ा। तब उसने देवी को देखा, जिनकी प्रभा से तीनों लोक व्याप्त थे,
पादाक्रान्त्या नतभुवं किरीटोल्लिखिताम्बराम्।
क्षोभिताशेषपातालां धनुर्ज्यानिःस्वनेन ताम्॥Padakrantya natabhuvam kiritollikhitambaram, kshobhitasheshapatalam dhanurjyanihsvanena tam.
जिनके पैरों के भार से धरती दबी जा रही थी, जिनका मुकुट आकाश को छू रहा था, और जिनके धनुष की टंकार से सारे पाताल काँप रहे थे,
दिशो भुजसहस्रेण समन्ताद् व्याप्य संस्थिताम्।
ततः प्रववृते युद्धं तया देव्या सुरद्विषाम्॥Disho bhujasahasrena samantad vyapya samsthitam, tatah pravavrite yuddham taya devya suradvisham.
जो अपनी हजार भुजाओं से सब दिशाओं को घेरकर खड़ी थीं। तब उन देवी के साथ देवद्रोही असुरों का युद्ध छिड़ गया।
शस्त्रास्त्रैर्बहुधा मुक्तैरादीपितदिगन्तरम्।
महिषासुरसेनानीश्चिक्षुराख्यो महासुरः॥Shastrastrairbahudha muktairadipitadigantaram, mahishasurasenanishchikshurakhyo mahasurah.
चारों ओर इतने अस्त्र-शस्त्र चलाए गए कि सब दिशाएँ जगमगा उठीं। महिषासुर का सेनापति महादैत्य चिक्षुर
युयुधे चामरश्चान्यैश्चतुरङ्गबलान्वितः।
रथानामयुतैः षड्भिरुदग्राख्यो महासुरः॥Yuyudhe chamarashchanyaishchaturangabalanvitah, rathanamayutaih shadbhirudagrakhyo mahasurah.
लड़ने लगा, और चामर भी अन्य असुरों के साथ चतुरंगिणी सेना लेकर लड़ा। महादैत्य उदग्र साठ हजार रथों के साथ
अयुध्यतायुतानां च सहस्रेण महाहनुः।
पञ्चाशद्भिश्च नियुतैरसिलोमा महासुरः॥Ayudhyatayutanam cha sahasrena mahahanuh, panchashadbhishcha niyutairasiloma mahasurah.
लड़ा, महाहनु एक करोड़ रथों के साथ और महादैत्य असिलोमा पाँच करोड़ रथों के साथ लड़ा।
अयुतानां शतैः षड्भिर्बाष्कलो युयुधे रणे।
गजवाजिसहस्रौघैरनेकैः परिवारितः॥Ayutanam shataih shadbhirbashkalo yuyudhe rane, gajavajisahasraughairanekaih parivaritah.
बाष्कल साठ लाख रथों के साथ युद्ध में लड़ा। एक और असुर हजारों हाथियों और घोड़ों से घिरा
वृतो रथानां कोट्या च युद्धे तस्मिन्नयुध्यत।
बिडालाख्योऽयुतानां च पञ्चाशद्भिरथायुतैः॥Vrito rathanam kotya cha yuddhe tasminnayudhyata, bidalakhyoyutanam cha panchashadbhirathayutaih.
और एक करोड़ रथों के साथ उस युद्ध में लड़ा। बिडाल नाम का असुर पाँच लाख रथों से घिरकर
युयुधे संयुगे तत्र रथानां परिवारितः।
अन्ये च तत्रायुतशो रथनागहयैर्वृताः॥Yuyudhe samyuge tatra rathanam parivaritah, anye cha tatrayutasho rathanagahayairvritah.
उस संग्राम में लड़ा। और भी अनेक महादैत्य हजारों रथों, हाथियों और घोड़ों से घिरे हुए
युयुधुः संयुगे देव्या सह तत्र महासुराः।
कोटिकोटिसहस्रैस्तु रथानां दन्तिनां तथा॥Yuyudhuh samyuge devya saha tatra mahasurah, kotikotisahasraistu rathanam dantinam tatha.
वहाँ देवी से युद्ध करने लगे। करोड़ों-करोड़ों रथों और हाथियों
हयानां च वृतो युद्धे तत्राभून्महिषासुरः।
तोमरैर्भिन्दिपालैश्च शक्तिभिर्मुसलैस्तथा॥Hayanam cha vrito yuddhe tatrabhunmahishasurah, tomarairbhindipalaishcha shaktibhirmusalaistatha.
और घोड़ों से घिरा महिषासुर स्वयं उस युद्ध में था। तोमर, भिंदिपाल, शक्ति और मूसल से,
युयुधुः संयुगे देव्या खड्गैः परशुपट्टिशैः।
केचिच्च चिक्षिपुः शक्तीः केचित्पाशांस्तथापरे॥Yuyudhuh samyuge devya khadgaih parashupattishaih, kechichcha chikshipuh shaktih kechitpashamstathapare.
तलवार, फरसे और पट्टिश से वे देवी के साथ लड़ने लगे। किसी ने शक्ति चलाई, तो किसी ने पाश फेंके,
देवीं खड्गप्रहारैस्तु ते तां हन्तुं प्रचक्रमुः।
सापि देवी ततस्तानि शस्त्राण्यस्त्राणि चण्डिका॥Devim khadgapraharaistu te tam hantum prachakramuh, sapi devi tatastani shastranyastrani chandika.
और तलवारों के वार से उन्हें मारने का प्रयत्न किया। तब देवी चंडिका ने अपने अस्त्र-शस्त्रों की वर्षा करते हुए
लीलयैव प्रचिच्छेद निजशस्त्रास्त्रवर्षिणी।
अनायस्तानना देवी स्तूयमाना सुरर्षिभिः॥Lilayaiva prachichchheda nijashastrastravarshini, anayastanana devi stuyamana surarshibhih.
उन सब अस्त्र-शस्त्रों को खेल-खेल में काट डाला। उनके मुख पर कोई थकान नहीं थी, और देवता तथा ऋषि उनकी स्तुति कर रहे थे,
मुमोचासुरदेहेषु शस्त्राण्यस्त्राणि चेश्वरी।
सोऽपि क्रुद्धो धुतसटो देव्या वाहनकेशरी॥Mumochasuradeheshu shastranyastrani cheshvari, sopi kruddho dhutasato devya vahanakeshari.
और परमेश्वरी असुरों के शरीरों पर अस्त्र-शस्त्र बरसाती रहीं। देवी का वाहन सिंह भी क्रोध में अयाल झटकता हुआ
चचारासुरसैन्येषु वनेष्विव हुताशनः।
निःश्वासान् मुमुचे यांश्च युध्यमाना रणेऽम्बिका॥Chacharasurasainyeshu vaneshviva hutashanah, nihshvasan mumuche yamshcha yudhyamana ranembika.
असुरों की सेना में ऐसे घूमने लगा जैसे वन में आग फैलती है। युद्ध करती हुई अंबिका ने जो साँसें छोड़ीं,
त एव सद्यः सम्भूता गणाः शतसहस्रशः।
युयुधुस्ते परशुभिर्भिन्दिपालासिपट्टिशैः॥Ta eva sadyah sambhuta ganah shatasahasrashah, yuyudhuste parashubhirbhindipalasipattishaih.
वे तुरंत लाखों गणों के रूप में प्रकट हो गईं, जो फरसों, भिंदिपालों, तलवारों और पट्टिशों से लड़ने लगे,
नाशयन्तोऽसुरगणान् देवीशक्त्युपबृंहिताः।
अवादयन्त पटहान् गणाः शङ्खांस्तथापरे॥Nashayantosuraganan devishaktyupabrimhitah, avadayanta patahan ganah shankhamstathapare.
और देवी की शक्ति से बलवान होकर असुरों का नाश करने लगे। कुछ गण नगाड़े बजा रहे थे, कुछ शंख फूँक रहे थे,
मृदङ्गांश्च तथैवान्ये तस्मिन् युद्धमहोत्सवे।
ततो देवी त्रिशूलेन गदया शक्तिवृष्टिभिः॥Mridangamshcha tathaivanye tasmin yuddhamahotsave, tato devi trishulena gadaya shaktivrishtibhih.
और कुछ उस युद्ध-महोत्सव में मृदंग बजा रहे थे। तब देवी ने त्रिशूल, गदा, शक्ति की वर्षा,
खड्गादिभिश्च शतशो निजघान महासुरान्।
पातयामास चैवान्यान् घण्टास्वनविमोहितान्॥Khadgadibhishcha shatasho nijaghana mahasuran, patayamasa chaivanyan ghantasvanavimohitan.
तलवार आदि से सैकड़ों महादैत्यों को मार डाला, और कई को अपने घंटे की ध्वनि से मोहित करके गिरा दिया।
असुरान् भुवि पाशेन बद्ध्वा चान्यानकर्षयत्।
केचिद् द्विधा कृतास्तीक्ष्णैः खड्गपातैस्तथापरे॥Asuran bhuvi pashena baddhva chanyanakarshayat, kechid dvidha kritastikshnaih khadgapataistathapare.
कुछ असुरों को पाश में बाँधकर धरती पर घसीटा। कुछ तलवार के तीखे वारों से दो टुकड़े हो गए,
विपोथिता निपातेन गदया भुवि शेरते।
वेमुश्च केचिद्रुधिरं मुसलेन भृशं हताः॥Vipothita nipatena gadaya bhuvi sherate, vemushcha kechidrudhiram musalena bhrisham hatah.
कुछ गदा की चोट से कुचले जाकर धरती पर पड़े थे, और कुछ मूसल की भारी मार से खून उगलने लगे।
केचिन्निपतिता भूमौ भिन्नाः शूलेन वक्षसि।
निरन्तराः शरौघेण कृताः केचिद्रणाजिरे॥Kechinnipatita bhumau bhinnah shulena vakshasi, nirantarah sharaughena kritah kechidranajire.
कुछ त्रिशूल से छाती फटने पर धरती पर गिर पड़े, और कुछ रणभूमि में बाणों की बौछार से छलनी हो गए,
श्येनानुकारिणः प्राणान् मुमुचुस्त्रिदशार्दनाः।
केषाञ्चिद् बाहवश्छिन्नाश्छिन्नग्रीवास्तथापरे॥Shyenanukarinah pranan mumuchustridashardanah, keshanchid bahavashchhinnashchhinnagrivastathapare.
और बाज की तरह झपटने वाले वे देवपीड़क असुर प्राण छोड़ बैठे। किसी की भुजाएँ कट गईं, किसी की गर्दन,
शिरांसि पेतुरन्येषामन्ये मध्ये विदारिताः।
विच्छिन्नजङ्घास्त्वपरे पेतुरुर्व्यां महासुराः॥Shiramsi peturanyeshamanye madhye vidaritah, vichchhinnajanghastvapare petururvyam mahasurah.
किसी के सिर गिर पड़े, कोई बीच से चीर दिए गए, और कुछ महादैत्य जाँघें कटने पर धरती पर गिर पड़े।
एकबाह्वक्षिचरणाः केचिद्देव्या द्विधा कृताः।
छिन्नेऽपि चान्ये शिरसि पतिताः पुनरुत्थिताः॥Ekabahvakshicharanah kechiddevya dvidha kritah, chhinnepi chanye shirasi patitah punarutthitah.
कुछ एक भुजा, एक आँख और एक पैर वाले रह गए और देवी ने उन्हें दो टुकड़े कर दिया। कुछ सिर कटने पर गिरकर फिर उठ खड़े हुए।
कबन्धा युयुधुर्देव्या गृहीतपरमायुधाः।
ननृतुश्चापरे तत्र युद्धे तूर्यलयाश्रिताः॥Kabandha yuyudhurdevya grihitaparamayudhah, nanritushchapare tatra yuddhe turyalayashritah.
सिरविहीन धड़ उत्तम हथियार लेकर देवी से लड़ने लगे, और कुछ रणभूमि में बाजों की ताल पर नाचने लगे।
कबन्धाश्छिन्नशिरसः खड्गशक्त्यृष्टिपाणयः।
तिष्ठ तिष्ठेति भाषन्तो देवीमन्ये महासुराः॥Kabandhashchhinnashirasah khadgashaktyrishtipanayah, tishtha tishtheti bhashanto devimanye mahasurah.
दूसरे महादैत्यों के सिरकटे धड़ हाथों में तलवार, शक्ति और ऋष्टि लिए देवी से कह रहे थे, “ठहर, ठहर!”
पातितै रथनागाश्वैरसुरैश्च वसुन्धरा।
अगम्या साभवत्तत्र यत्राभूत्स महारणः॥Patitai rathanagashvairasuraishcha vasundhara, agamya sabhavattatra yatrabhutsa maharanah.
जहाँ वह महासंग्राम हुआ, वहाँ गिरे हुए रथों, हाथियों, घोड़ों और असुरों से धरती चलने लायक नहीं रही।
शोणितौघा महानद्यः सद्यस्तत्र प्रसुस्रुवुः।
मध्ये चासुरसैन्यस्य वारणासुरवाजिनाम्॥Shonitaugha mahanadyah sadyastatra prasusruvuh, madhye chasurasainyasya varanasuravajinam.
असुरों की सेना के बीच, हाथियों, असुरों और घोड़ों के बीच, तुरंत खून की बड़ी-बड़ी नदियाँ बहने लगीं।
क्षणेन तन्महासैन्यमसुराणां तथाम्बिका।
निन्ये क्षयं यथा वह्निस्तृणदारुमहाचयम्॥Kshanena tanmahasainyamasuranam tathambika, ninye kshayam yatha vahnistrinadarumahachayam.
जैसे आग घास और लकड़ी के बड़े ढेर को भस्म कर देती है, वैसे ही अंबिका ने पल भर में असुरों की उस विशाल सेना का नाश कर दिया।
स च सिंहो महानादमुत्सृजन्धुतकेसरः।
शरीरेभ्योऽमरारीणामसूनिव विचिन्वति॥Sa cha simho mahanadamutsrijandhutakesarah, sharirebhyomararinamasuniva vichinvati.
और वह सिंह अयाल झटकते हुए जोर से दहाड़ रहा था, मानो देवशत्रुओं के शरीरों से उनके प्राण ढूँढ-ढूँढकर निकाल रहा हो।
देव्या गणैश्च तैस्तत्र कृतं युद्धं महासुरैः।
यथैषां तुतुषुर्देवाः पुष्पवृष्टिमुचो दिवि॥ ॐ॥Devya ganaishcha taistatra kritam yuddham mahasuraih, yathaisham tutushurdevah pushpavrishtimucho divi. Om.
देवी और उनके गणों ने महादैत्यों से ऐसा युद्ध किया कि स्वर्ग में देवता प्रसन्न होकर फूल बरसाने लगे। ॐ।
इति श्रीमार्कण्डेयपुराणे सावर्णिके मन्वन्तरे देवीमाहात्म्ये महिषासुरसैन्यवधो नाम द्वितीयोऽध्यायः॥
Iti shrimarkandeyapurane savarnike manvantare devimahatmye mahishasurasainyavadho nama dvitiyodhyayah.
इस प्रकार मार्कण्डेय पुराण के देवी माहात्म्य का ‘महिषासुर की सेना का वध’ नामक दूसरा अध्याय पूरा हुआ।