दुर्गा सप्तशती · नवम अध्याय
Durga Saptashati 9: Nishumbha Vadh
ॐ बन्धूककाञ्चननिभं रुचिराक्षमालां पाशाङ्कुशौ च वरदां निजबाहुदण्डैः।
बिभ्राणमिन्दुशकलाभरणं त्रिनेत्रमर्धाम्बिकेशमनिशं वपुराश्रयामि॥Om bandhukakanchananibham ruchirakshamalam pashankushau cha varadam nijabahudandaih, bibhranamindushakalabharanam trinetramardhambikeshamanisham vapurashrayami.
ॐ। मैं सदा उस रूप की शरण लेता हूँ जो आधा अम्बिका और आधा शिव है, जो बन्धूक फूल और सोने जैसी आभा वाला है, जिसकी भुजाओं में सुंदर रुद्राक्ष माला, पाश, अंकुश और वरमुद्रा है, जो चन्द्रकला से सजा है और तीन नेत्रों वाला है।
राजोवाच॥
Rajovacha.
राजा ने कहा:
विचित्रमिदमाख्यातं भगवन् भवता मम।
देव्याश्चरितमाहात्म्यं रक्तबीजवधाश्रितम्॥Vichitramidamakhyatam bhagavan bhavata mama, devyashcharitamahatmyam raktabijavadhashritam.
भगवन्, आपने मुझे रक्तबीज-वध से जुड़ी देवी के चरित्र की महिमा की बड़ी अद्भुत कथा सुनाई।
भूयश्चेच्छाम्यहं श्रोतुं रक्तबीजे निपातिते।
चकार शुम्भो यत्कर्म निशुम्भश्चातिकोपनः॥Bhuyashchechchhamyaham shrotum raktabije nipatite, chakara shumbho yatkarma nishumbhashchatikopanah.
मैं और सुनना चाहता हूँ: रक्तबीज के मारे जाने के बाद शुम्भ और अत्यंत क्रोधी निशुम्भ ने क्या किया?
ऋषिरुवाच॥
Rishiruvacha.
ऋषि ने कहा:
चकार कोपमतुलं रक्तबीजे निपातिते।
शुम्भासुरो निशुम्भश्च हतेष्वन्येषु चाहवे॥Chakara kopamatulam raktabije nipatite, shumbhasuro nishumbhashcha hateshvanyeshu chahave.
जब रक्तबीज और दूसरे असुर युद्ध में मारे गए, तो शुम्भ और निशुम्भ को अपार क्रोध आया।
हन्यमानं महासैन्यं विलोक्यामर्षमुद्वहन्।
अभ्यधावन्निशुम्भोऽथ मुख्ययासुरसेनया॥Hanyamanam mahasainyam vilokyamarshamudvahan, abhyadhavannishumbhotha mukhyayasurasenaya.
अपनी विशाल सेना को मरते देख निशुम्भ क्रोध से भर उठा और असुरों की मुख्य सेना लेकर आगे दौड़ा।
तस्याग्रतस्तथा पृष्ठे पार्श्वयोश्च महासुराः।
सन्दष्टौष्ठपुटाः क्रुद्धा हन्तुं देवीमुपाययुः॥Tasyagratastatha prishthe parshvayoshcha mahasurah, sandashtaushthaputah kruddha hantum devimupayayuh.
उसके आगे, पीछे और दोनों ओर बड़े-बड़े असुर क्रोध से होंठ चबाते हुए देवी को मारने के लिए आए।
आजगाम महावीर्यः शुम्भोऽपि स्वबलैर्वृतः।
निहन्तुं चण्डिकां कोपात्कृत्वा युद्धं तु मातृभिः॥Ajagama mahaviryah shumbhopi svabalairvritah, nihantum chandikam kopatkritva yuddham tu matribhih.
महाबली शुम्भ भी अपनी सेना के साथ मातृकाओं से युद्ध करके क्रोध में चण्डिका को मारने आया।
ततो युद्धमतीवासीद्देव्या शुम्भनिशुम्भयोः।
शरवर्षमतीवोग्रं मेघयोरिव वर्षतोः॥Tato yuddhamativasiddevya shumbhanishumbhayoh, sharavarshamativogram meghayoriva varshatoh.
तब देवी और शुम्भ-निशुम्भ में भयंकर युद्ध हुआ; वे दोनों बरसते बादलों की तरह उन पर बाणों की बौछार करने लगे।
चिच्छेदास्ताञ्छरांस्ताभ्यां चण्डिका स्वशरोत्करैः।
ताडयामास चाङ्गेषु शस्त्रौघैरसुरेश्वरौ॥Chichchhedastanchharamstabhyam chandika svasharotkaraih, tadayamasa changeshu shastraughairasureshvarau.
चण्डिका ने अपने बाणों के समूह से उनके छोड़े बाण काट डाले और अनेक शस्त्रों से उन दोनों असुरराजों के अंगों पर प्रहार किया।
निशुम्भो निशितं खड्गं चर्म चादाय सुप्रभम्।
अताडयन्मूर्ध्नि सिंहं देव्या वाहनमुत्तमम्॥Nishumbho nishitam khadgam charma chadaya suprabham, atadayanmurdhni simham devya vahanamuttamam.
निशुम्भ ने तेज़ तलवार और चमकती ढाल लेकर देवी के श्रेष्ठ वाहन सिंह के सिर पर वार किया।
ताडिते वाहने देवी क्षुरप्रेणासिमुत्तमम्।
निशुम्भस्याशु चिच्छेद चर्म चाप्यष्टचन्द्रकम्॥Tadite vahane devi kshuraprenasimuttamam, nishumbhasyashu chichchheda charma chapyashtachandrakam.
वाहन पर वार होते ही देवी ने छुरे जैसे बाण से निशुम्भ की उत्तम तलवार और आठ चन्द्र-चिह्नों वाली ढाल तुरंत काट दी।
छिन्ने चर्मणि खड्गे च शक्तिं चिक्षेप सोऽसुरः।
तामप्यस्य द्विधा चक्रे चक्रेणाभिमुखागताम्॥Chhinne charmani khadge cha shaktim chikshepa sosurah, tamapyasya dvidha chakre chakrenabhimukhagatam.
ढाल और तलवार कट जाने पर उस असुर ने शक्ति चलाई; पर सामने आती उस शक्ति के भी देवी ने चक्र से दो टुकड़े कर दिए।
कोपाध्मातो निशुम्भोऽथ शूलं जग्राह दानवः।
आयातं मुष्टिपातेन देवी तच्चाप्यचूर्णयत्॥Kopadhmato nishumbhotha shulam jagraha danavah, ayatam mushtipatena devi tachchapyachurnayat.
क्रोध से भरे दानव निशुम्भ ने त्रिशूल उठाया; आते हुए त्रिशूल को देवी ने मुक्के के प्रहार से चूर-चूर कर दिया।
आविध्याथ गदां सोऽपि चिक्षेप चण्डिकां प्रति।
सापि देव्या त्रिशूलेन भिन्ना भस्मत्वमागता॥Avidhyatha gadam sopi chikshepa chandikam prati, sapi devya trishulena bhinna bhasmatvamagata.
फिर उसने गदा घुमाकर चण्डिका पर फेंकी; देवी के त्रिशूल से टकराकर वह भी भस्म हो गई।
ततः परशुहस्तं तमायान्तं दैत्यपुङ्गवम्।
आहत्य देवी बाणौघैरपातयत भूतले॥Tatah parashuhastam tamayantam daityapungavam, ahatya devi banaughairapatayata bhutale.
तब हाथ में फरसा लिए आते उस दैत्यश्रेष्ठ को देवी ने बाणों की बौछार से मारकर धरती पर गिरा दिया।
तस्मिन्निपतिते भूमौ निशुम्भे भीमविक्रमे।
भ्रातर्यतीव संक्रुद्धः प्रययौ हन्तुमम्बिकाम्॥Tasminnipatite bhumau nishumbhe bhimavikrame, bhrataryativa sankruddhah prayayau hantumambikam.
भयंकर पराक्रमी भाई निशुम्भ के धरती पर गिरते ही शुम्भ अत्यंत क्रोधित होकर अम्बिका को मारने चला।
स रथस्थस्तथात्युच्चैर्गृहीतपरमायुधैः।
भुजैरष्टाभिरतुलैर्व्याप्याशेषं बभौ नभः॥Sa rathasthastathatyuchchairgrihitaparamayudhaih, bhujairashtabhiratulairvyapyashesham babhau nabhah.
रथ पर ऊँचा खड़ा, आठ अतुलनीय भुजाओं में उत्तम अस्त्र उठाए वह पूरे आकाश में छाया हुआ दिखा।
तमायान्तं समालोक्य देवी शङ्खमवादयत्।
ज्याशब्दं चापि धनुषश्चकारातीव दुःसहम्॥Tamayantam samalokya devi shankhamavadayat, jyashabdam chapi dhanushashchakarativa duhsaham.
उसे आते देख देवी ने शंख बजाया और धनुष की डोरी की ऐसी टंकार की जो सहन करना कठिन था।
पूरयामास ककुभो निजघण्टास्वनेन च।
समस्तदैत्यसैन्यानां तेजोवधविधायिना॥Purayamasa kakubho nijaghantasvanena cha, samastadaityasainyanam tejovadhavidhayina.
उन्होंने अपने घंटे की ध्वनि से सब दिशाओं को भर दिया, जिससे सारी दैत्य सेना का तेज नष्ट हो गया।
ततः सिंहो महानादैस्त्याजितेभमहामदैः।
पूरयामास गगनं गां तथैव दिशो दश॥Tatah simho mahanadaistyajitebhamahamadaih, purayamasa gaganam gam tathaiva disho dasha.
तब सिंह ने ऐसी भारी गर्जना की कि मदमस्त हाथियों का मद भी उतर गया; उसने आकाश, पृथ्वी और दसों दिशाओं को भर दिया।
ततः काली समुत्पत्य गगनं क्ष्मामताडयत्।
कराभ्यां तन्निनादेन प्राक्स्वनास्ते तिरोहिताः॥Tatah kali samutpatya gaganam kshmamatadayat, karabhyam tanninadena praksvanaste tirohitah.
फिर काली ने आकाश में उछलकर दोनों हाथों से धरती पर प्रहार किया; उस नाद में पहले की सब ध्वनियाँ दब गईं।
अट्टाट्टहासमशिवं शिवदूती चकार ह।
तैः शब्दैरसुरास्त्रेसुः शुम्भः कोपं परं ययौ॥Attattahasamashivam shivaduti chakara ha, taih shabdairasurastresuh shumbhah kopam param yayau.
शिवदूती ने भयंकर, अमंगल अट्टहास किया; उन आवाज़ों से असुर काँप उठे और शुम्भ को बहुत क्रोध आया।
दुरात्मंस्तिष्ठ तिष्ठेति व्याजहाराम्बिका यदा।
तदा जयेत्यभिहितं देवैराकाशसंस्थितैः॥Duratmamstishtha tishtheti vyajaharambika yada, tada jayetyabhihitam devairakashasamsthitaih.
जब अम्बिका ने कहा, ‘ठहर, ठहर, दुरात्मा!’, तब आकाश में खड़े देवताओं ने ‘जय हो!’ का घोष किया।
शुम्भेनागत्य या शक्तिर्मुक्ता ज्वालातिभीषणा।
आयान्ती वह्निकूटाभा सा निरस्ता महोल्कया॥Shumbhenagatya ya shaktirmukta jvalatibhishana, ayanti vahnikutabha sa nirasta maholkaya.
शुम्भ ने पास आकर जो भयंकर ज्वालाओं वाली शक्ति छोड़ी, जो आग के पहाड़ जैसी आ रही थी, उसे देवी ने एक बड़े उल्का से रोक दिया।
सिंहनादेन शुम्भस्य व्याप्तं लोकत्रयान्तरम्।
निर्घातनिःस्वनो घोरो जितवानवनीपते॥Simhanadena shumbhasya vyaptam lokatrayantaram, nirghatanihsvano ghoro jitavanavanipate.
हे राजन, शुम्भ के सिंहनाद से तीनों लोक भर गए, पर देवी के वज्रपात जैसे भयंकर नाद ने उसे दबा दिया।
शुम्भमुक्ताञ्छरान्देवी शुम्भस्तत्प्रहिताञ्छरान्।
चिच्छेद स्वशरैरुग्रैः शतशोऽथ सहस्रशः॥Shumbhamuktanchharandevi shumbhastatprahitanchharan, chichchheda svasharairugraih shatashotha sahasrashah.
शुम्भ के छोड़े बाणों को देवी ने, और देवी के बाणों को शुम्भ ने, अपने उग्र बाणों से सैकड़ों-हज़ारों की संख्या में काट दिया।
ततः सा चण्डिका क्रुद्धा शूलेनाभिजघान तम्।
स तदाभिहतो भूमौ मूर्च्छितो निपपात ह॥Tatah sa chandika kruddha shulenabhijaghana tam, sa tadabhihato bhumau murchchhito nipapata ha.
तब क्रोधित चण्डिका ने उस पर त्रिशूल से प्रहार किया, और घायल होकर वह मूर्च्छित होकर धरती पर गिर पड़ा।
ततो निशुम्भः सम्प्राप्य चेतनामात्तकार्मुकः।
आजघान शरैर्देवीं कालीं केसरिणं तथा॥Tato nishumbhah samprapya chetanamattakarmukah, ajaghana sharairdevim kalim kesarinam tatha.
तब निशुम्भ को होश आया, और उसने धनुष उठाकर देवी, काली और सिंह पर बाणों से प्रहार किया।
पुनश्च कृत्वा बाहूनामयुतं दनुजेश्वरः।
चक्रायुधेन दितिजश्छादयामास चण्डिकाम्॥Punashcha kritva bahunamayutam danujeshvarah, chakrayudhena ditijashchhadayamasa chandikam.
फिर उस दानवराज ने दस हज़ार भुजाएँ बनाकर चक्रों की वर्षा से चण्डिका को ढक दिया।
ततो भगवती क्रुद्धा दुर्गा दुर्गार्तिनाशिनी।
चिच्छेद तानि चक्राणि स्वशरैः सायकांश्च तान्॥Tato bhagavati kruddha durga durgartinashini, chichchheda tani chakrani svasharaih sayakamshcha tan.
तब कठिन संकटों का नाश करने वाली भगवती दुर्गा ने क्रोध में अपने बाणों से वे चक्र और बाण काट डाले।
ततो निशुम्भो वेगेन गदामादाय चण्डिकाम्।
अभ्यधावत वै हन्तुं दैत्यसेनासमावृतः॥Tato nishumbho vegena gadamadaya chandikam, abhyadhavata vai hantum daityasenasamavritah.
तब दैत्य सेना से घिरा निशुम्भ गदा लेकर तेज़ी से चण्डिका को मारने दौड़ा।
तस्यापतत एवाशु गदां चिच्छेद चण्डिका।
खड्गेन शितधारेण स च शूलं समाददे॥Tasyapatata evashu gadam chichchheda chandika, khadgena shitadharena sa cha shulam samadade.
उसके झपटते ही चण्डिका ने तेज़ धार वाली तलवार से उसकी गदा काट दी, तब उसने त्रिशूल उठा लिया।
शूलहस्तं समायान्तं निशुम्भममरार्दनम्।
हृदि विव्याध शूलेन वेगाविद्धेन चण्डिका॥Shulahastam samayantam nishumbhamamarardanam, hridi vivyadha shulena vegaviddhena chandika.
देवताओं को सताने वाला निशुम्भ जब त्रिशूल लेकर आया, तो चण्डिका ने वेग से त्रिशूल चलाकर उसका हृदय बेध दिया।
भिन्नस्य तस्य शूलेन हृदयान्निःसृतोऽपरः।
महाबलो महावीर्यस्तिष्ठेति पुरुषो वदन्॥Bhinnasya tasya shulena hridayannihsritoparah, mahabalo mahaviryastishtheti purusho vadan.
त्रिशूल से फटे उसके हृदय से एक और महाबली, महापराक्रमी पुरुष ‘ठहरो!’ कहता हुआ निकला।
तस्य निष्क्रामतो देवी प्रहस्य स्वनवत्ततः।
शिरश्चिच्छेद खड्गेन ततोऽसावपतद्भुवि॥Tasya nishkramato devi prahasya svanavattatah, shirashchichchheda khadgena tatosavapatadbhuvi.
उसके निकलते ही देवी ने ज़ोर से हँसकर तलवार से उसका सिर काट दिया, और वह धरती पर गिर पड़ा।
ततः सिंहश्चखादोग्रं दंष्ट्राक्षुण्णशिरोधरान्।
असुरांस्तांस्तथा काली शिवदूती तथापरान्॥Tatah simhashchakhadogram damshtrakshunnashirodharan, asuramstamstatha kali shivaduti tathaparan.
तब सिंह ने अपनी दाढ़ों से गर्दनें कुचलकर उन असुरों को खा डाला, और काली तथा शिवदूती ने दूसरों को।
कौमारीशक्तिनिर्भिन्नाः केचिन्नेशुर्महासुराः।
ब्रह्माणीमन्त्रपूतेन तोयेनान्ये निराकृताः॥Kaumarishaktinirbhinnah kechinneshurmahasurah, brahmanimantraputena toyenanye nirakritah.
कुछ महा-असुर कौमारी की शक्ति से बिंधकर मर गए; दूसरे ब्रह्माणी के मंत्र से पवित्र जल से भगा दिए गए।
माहेश्वरीत्रिशूलेन भिन्नाः पेतुस्तथापरे।
वाराहीतुण्डघातेन केचिच्चूर्णीकृता भुवि॥Maheshvaritrishulena bhinnah petustathapare, varahitundaghatena kechichchurnikrita bhuvi.
कुछ माहेश्वरी के त्रिशूल से बिंधकर गिरे; कुछ वाराही के थूथन की चोट से धरती पर चूर-चूर हो गए।
खण्डं खण्डं च चक्रेण वैष्णव्या दानवाः कृताः।
वज्रेण चैन्द्रीहस्ताग्रविमुक्तेन तथापरे॥Khandam khandam cha chakrena vaishnavya danavah kritah, vajrena chaindrihastagravimuktena tathapare.
वैष्णवी के चक्र से दानवों के टुकड़े-टुकड़े हो गए, और कुछ ऐन्द्री के हाथ से छूटे वज्र से।
केचिद्विनेशुरसुराः केचिन्नष्टा महाहवात्।
भक्षिताश्चापरे कालीशिवदूतीमृगाधिपैः॥Kechidvineshurasurah kechinnashta mahahavat, bhakshitashchapare kalishivadutimrigadhipaih.
कुछ असुर मारे गए, कुछ महायुद्ध से भाग गए, और बाकी को काली, शिवदूती और सिंह ने खा लिया।
इति श्रीमार्कण्डेयपुराणे सावर्णिके मन्वन्तरे देवीमाहात्म्ये निशुम्भवधो नाम नवमोऽध्यायः॥
Iti shrimarkandeyapurane savarnike manvantare devimahatmye nishumbhavadho nama navamodhyayah.
इस प्रकार श्री मार्कण्डेय पुराण में सावर्णि मन्वन्तर की कथा, देवी माहात्म्य का ‘निशुम्भ वध’ नामक नौवाँ अध्याय पूरा हुआ।