नारायणीयम् · दशक 12

Narayaneeyam: Dashakam 12

स्तोत्र · संस्कृत · कृष्ण · मेल्पत्तूर् नारायण भट्टतिरि

स्वायम्भुवो मनुरथो जनसर्गशीलो दृष्ट्वा महीमसमये सलिले निमग्नाम्।
स्रष्टारमाप शरणं भवदङ्घ्रिसेवातुष्टाशयं मुनिजनैः सह सत्यलोके॥
Svayambhuvo manuratho janasargashilo drishtva mahimasamaye salile nimagnam, srashtaramapa sharanam bhavadanghrisevatushtashayam munijanaih saha satyaloke.
तब प्रजा की सृष्टि में लगे स्वायम्भुव मनु ने धरती को असमय जल में डूबी देखा। वे मुनियों के साथ सत्यलोक में उन सृष्टिकर्ता ब्रह्मा की शरण में गए, जिनका मन आपके चरणों की सेवा से संतुष्ट था।
कष्टं प्रजाः सृजति मय्यवनिर्निमग्ना स्थानं सरोजभव कल्पय तत्प्रजानाम्।
इत्येवमेष कथितो मनुना स्वयम्भूरम्भोरुहाक्ष तव पादयुगं व्यचिन्तीत्॥
Kashtam prajah srijati mayyavanirnimagna sthanam sarojabhava kalpaya tatprajanam, ityevamesha kathito manuna svayambhurambhoruhaksha tava padayugam vyachintit.
“हाय, मैं प्रजा रच रहा हूँ और धरती डूब गई है। हे कमलयोनि, उस प्रजा के लिए स्थान बनाइए।” मनु के ऐसा कहने पर, हे कमलनयन, ब्रह्मा ने आपके चरणों का ध्यान किया।
हा हा विभो जलमहं न्यपिबं पुरस्तादद्यापि मज्जति मही किमहं करोमि।
इत्थं त्वदङ्घ्रियुगलं शरणं यतोऽस्य नासापुटात्समभवः शिशुकोलरूपी॥
Ha ha vibho jalamaham nyapibam purastadadyapi majjati mahi kimaham karomi, ittham tvadanghriyugalam sharanam yatosya nasaputatsamabhavah shishukolarupi.
“हाय प्रभु! मैंने पहले जल पी लिया था, फिर भी धरती अब भी डूब रही है, मैं क्या करूँ?” इस तरह जब उन्होंने आपके चरणों की शरण ली, तो आप उनकी नाक से एक छोटे सूअर के रूप में प्रकट हुए।
अङ्गुष्ठमात्रवपुरुत्पतितः पुरस्ताद्भूयोऽथ कुम्भिसदृशः समजृम्भथास्त्वम्।
अभ्रे तथाविधमुदीक्ष्य भवन्तमुच्चैर्विस्मेरतां विधिरगात्सह सूनुभिः स्वैः॥
Angushthamatravapurutpatitah purastadbhuyotha kumbhisadrishah samajrimbhathastvam, abhre tathavidhamudikshya bhavantamuchchairvismeratam vidhiragatsaha sunubhih svaih.
आप पहले अंगूठे भर के शरीर से उछलकर उनके सामने आए, फिर हाथी जितने बड़े हो गए। आकाश में आपको ऐसा देखकर ब्रह्मा और उनके पुत्र बहुत चकित हुए।
कोऽसावचिन्त्यमहिमा किटिरुत्थितो मे नासापुटात्किमु भवेदजितस्य माया।
इत्थं विचिन्तयति धातरि शैलमात्रः सद्यो भवन्किल जगर्जिथ घोरघोरम्॥
Kosavachintyamahima kitirutthito me nasaputatkimu bhavedajitasya maya, ittham vichintayati dhatari shailamatrah sadyo bhavankila jagarjitha ghoraghoram.
“मेरी नाक से निकला यह अचिंत्य महिमा वाला वराह कौन है? क्या यह अजेय भगवान की माया है?” जब ब्रह्मा ऐसा सोच रहे थे, तब आप तुरंत पहाड़ जितने बड़े होकर भयंकर गर्जना करने लगे।
तं ते निनादमुपकर्ण्य जनस्तपःस्थाः सत्यस्थिताश्च मुनयो नुनुवुर्भवन्तम्।
तत्स्तोत्रहर्षुलमनाः परिणद्य भूयस्तोयाशयं विपुलमूर्तिरवातरस्त्वम्॥
Tam te ninadamupakarnya janastapahsthah satyasthitashcha munayo nunuvurbhavantam, tatstotraharshulamanah parinadya bhuyastoyashayam vipulamurtiravatarastvam.
आपकी वह गर्जना सुनकर जन, तप और सत्य लोक के निवासी और मुनि आपकी स्तुति करने लगे। उनकी स्तुति से प्रसन्न होकर आप फिर गरजे और विशाल रूप में जल में उतर गए।
ऊर्ध्वप्रसारिपरिधूम्रविधूतरोमा प्रोत्क्षिप्तवालधिरवाङ्मुखघोरघोणः।
तूर्णप्रदीर्णजलदः परिघूर्णदक्ष्णा स्तोतॄन्मुनीन् शिशिरयन्नवतेरिथ त्वम्॥
Urdhvaprasariparidhumravidhutaroma protkshiptavaladhiravanmukhaghoraghonah, turnapradirnajaladah parighurnadakshna stotrinmunin shishirayannavateritha tvam.
आपके धुएँ जैसे भूरे बाल ऊपर उठकर काँप रहे थे, पूँछ उठी हुई थी, भयंकर थूथन नीचे की ओर था; आपने तेज़ी से बादलों को चीरा और घूमती आँखों से स्तुति करने वाले मुनियों को शीतल करते हुए नीचे उतरे।
अन्तर्जलं तदनु सङ्कुलनक्रचक्रं भ्राम्यत्तिमिङ्गिलकुलं कलुषोर्मिमालम्।
आविश्य भीषणरवेण रसातलस्थानाकम्पयन्वसुमतीमगवेषयस्त्वम्॥
Antarjalam tadanu sankulanakrachakram bhramyattimingilakulam kalushormimalam, avishya bhishanaravena rasatalasthanakampayanvasumatimagaveshayastvam.
फिर आप उस जल में घुसे जिसमें मगरमच्छों के झुंड थे, बड़ी-बड़ी व्हेलें घूम रही थीं और मटमैली लहरें उठ रही थीं; अपनी भयंकर गर्जना से रसातल के निवासियों को कँपाते हुए आपने धरती को खोजा।
दृष्ट्वाऽथ दैत्यहतकेन रसातलान्ते संवेशितां झटिति कूटकिटिर्विभो त्वम्।
आपातुकानविगणय्य सुरारिखेटान् दंष्ट्राङ्कुरेण वसुधामदधाः सलीलम्॥
Drishtvatha daityahatakena rasatalante samveshitam jhatiti kutakitirvibho tvam, apatukanaviganayya surarikhetan damshtrankurena vasudhamadadhah salilam.
हे प्रभु, दुष्ट दैत्य द्वारा रसातल के तल में छिपाई गई धरती को देखकर, अद्भुत वराह रूप आपने झपटते असुरों की परवाह न करते हुए खेल-खेल में उसे अपने दाँत की नोक पर उठा लिया।
अभ्युद्धरन्नथ धरां दशनाग्रलग्नमुस्ताङ्कुराङ्कित इवाधिकपीवरात्मा।
उद्धूतघोरसलिलाज्जलधेरुदञ्चन् क्रीडावराहवपुरीश्वर पाहि रोगात्॥
Abhyuddharannatha dharam dashanagralagnamustankurankita ivadhikapivaratma, uddhutaghorasalilajjaladherudanchan kridavarahavapurishvara pahi rogat.
धरती को उठाते हुए आप ऐसे लगे मानो दाँत की नोक पर घास का अंकुर लगा हो, और भयंकर जल को मथकर आप समुद्र से ऊपर उठे। लीला वराह रूप वाले हे ईश्वर, रोग से मेरी रक्षा कीजिए।