नारायणीयम् · दशक 3

Narayaneeyam: Dashakam 3

स्तोत्र · संस्कृत · कृष्ण · मेल्पत्तूर् नारायण भट्टतिरि

पठन्तो नामानि प्रमदभरसिन्धौ निपतिताः स्मरन्तो रूपं ते वरद कथयन्तो गुणकथाः।
चरन्तो ये भक्तास्त्वयि खलु रमन्ते परममूनहं धन्यान्मन्ये समधिगतसर्वाभिलषितान्॥
Pathanto namani pramadabharasindhau nipatitah smaranto rupam te varada kathayanto gunakathah, charanto ye bhaktastvayi khalu ramante paramamunaham dhanyanmanye samadhigatasarvabhilashitan.
हे वरदाता, जो भक्त आपके नाम जपते हुए आनंद के सागर में डूबे रहते हैं, आपके रूप का स्मरण करते हैं, आपके गुणों की कथाएँ कहते हैं और आप में ही रमते हुए विचरते हैं, उन्हें मैं परम धन्य मानता हूँ, उन्होंने सब मनचाहा पा लिया है।
गदक्लिष्टं कष्टं तव चरणसेवारसभरेऽप्यनासक्तं चित्तं भवति बत विष्णो कुरु दयाम्।
भवत्पादाम्भोजस्मरणरसिको नामनिवहानहं गायं गायं कुहचन विवत्स्यामि विजने॥
Gadaklishtam kashtam tava charanasevarasabharepyanasaktam chittam bhavati bata vishno kuru dayam, bhavatpadambhojasmaranarasiko namanivahanaham gayam gayam kuhachana vivatsyami vijane.
हाय विष्णु, मेरा मन रोग से पीड़ित है और आपके चरणों की सेवा के रस में भी नहीं लगता। दया कीजिए। आपके चरण-कमलों के स्मरण में रमकर, आपके नाम बार-बार गाते हुए, मैं कहीं एकांत में रहूँगा।
कृपा ते जाता चेत्किमिव न हि लभ्यं तनुभृतां मदीयक्लेशौघप्रशमनदशा नाम कियती।
न के के लोकेऽस्मिन्ननिशमयि शोकाभिरहिता भवद्भक्ता मुक्ताः सुखगतिमसक्ता विदधते॥
Kripa te jata chetkimiva na hi labhyam tanubhritam madiyakleshaughaprashamanadasha nama kiyati, na ke ke lokesminnanishamayi shokabhirahita bhavadbhakta muktah sukhagatimasakta vidadhate.
यदि आपकी कृपा हो जाए, तो प्राणियों के लिए क्या दुर्लभ है? तब मेरे क्लेशों के समूह को शांत करना कितनी छोटी बात है! इस संसार में आपके कौन से भक्त दिन-रात शोक से मुक्त, आसक्ति-रहित होकर सुख से नहीं विचरते?
मुनिप्रौढा रूढा जगति खलु गूढात्मगतयो भवत्पादाम्भोजस्मरणविरुजो नारदमुखाः।
चरन्तीश स्वैरं सततपरिनिर्भातपरचित्सदानन्दाद्वैतप्रसरपरिमग्नाः किमपरम्॥
Munipraudha rudha jagati khalu gudhatmagatayo bhavatpadambhojasmaranavirujo naradamukhah, charantisha svairam satataparinirbhataparachitsadanandadvaitaprasaraparimagnah kimaparam.
नारद जैसे प्रसिद्ध महामुनि, जिनकी आत्मगति गूढ़ है, आपके चरण-कमलों के स्मरण से रोग-मुक्त होकर, हे ईश, सदा प्रकाशित परम चेतना, आनंद और अद्वैत के प्रवाह में डूबे हुए स्वच्छंद विचरते हैं। और क्या कहें?
भवद्भक्तिः स्फीता भवतु मम सैव प्रशमयेदशेषक्लेशौघं न खलु हृदि सन्देहकणिका।
न चेद्व्यासस्योक्तिस्तव च वचनं नैगमवचो भवेन्मिथ्या रथ्यापुरुषवचनप्रायमखिलम्॥
Bhavadbhaktih sphita bhavatu mama saiva prashamayedasheshakleshaugham na khalu hridi sandehakanika, na chedvyasasyoktistava cha vachanam naigamavacho bhavenmithya rathyapurushavachanaprayamakhilam.
मेरी आपकी भक्ति बढ़े; वही मेरे सारे क्लेशों को मिटा देगी, इसमें मेरे मन में ज़रा भी संदेह नहीं। नहीं तो व्यास के वचन, आपके वचन और वेदों के वचन सब झूठे और गली के आदमी की बातों जैसे हो जाएँगे।
भवद्भक्तिस्तावत्प्रमुखमधुरा त्वद्गुणरसात् किमप्यारूढा चेदखिलपरितापप्रशमनी।
पुनश्चान्ते स्वान्ते विमलपरिबोधोदयमिलन्महानन्दाद्वैतं दिशति किमतः प्रार्थ्यमपरम्॥
Bhavadbhaktistavatpramukhamadhura tvadgunarasat kimapyarudha chedakhilaparitapaprashamani, punashchante svante vimalaparibodhodayamilanmahanandadvaitam dishati kimatah prarthyamaparam.
आपकी भक्ति आपके गुणों के रस से शुरू से ही मीठी है; थोड़ी भी जम जाए तो सारे दुख मिटा देती है, और अंत में हृदय में निर्मल ज्ञान के उदय के साथ महान आनंद रूपी अद्वैत देती है। इससे बढ़कर और क्या माँगें?
विधूय क्लेशान्मे कुरु चरणयुग्मं धृतरसं भवत्क्षेत्रप्राप्तौ करमपि च ते पूजनविधौ।
भवन्मूर्त्यालोके नयनमथ ते पादतुलसीपरिघ्राणे घ्राणं श्रवणमपि ते चारुचरिते॥
Vidhuya kleshanme kuru charanayugmam dhritarasam bhavatkshetrapraptau karamapi cha te pujanavidhau, bhavanmurtyaloke nayanamatha te padatulasiparighrane ghranam shravanamapi te charucharite.
मेरे क्लेश दूर कीजिए। मेरे पैरों को आपके मंदिर तक पहुँचने में, हाथों को आपकी पूजा में, आँखों को आपकी मूर्ति के दर्शन में, नाक को आपके चरणों की तुलसी सूँघने में और कानों को आपकी सुंदर कथा में रस दीजिए।
प्रभूताधिव्याधिप्रसभचलिते मामकहृदि त्वदीयं तद्रूपं परमसुखचिद्रूपमुदियात्।
उदञ्चद्रोमाञ्चो गलितबहुहर्षाश्रुनिवहो यथा विस्मर्यासं दुरुपशमपीडापरिभवान्॥
Prabhutadhivyadhiprasabhachalite mamakahridi tvadiyam tadrupam paramasukhachidrupamudiyat, udanchadromancho galitabahuharshashrunivaho yatha vismaryasam durupashamapidaparibhavan.
बहुत सी चिंताओं और रोगों से ज़ोर से हिले मेरे हृदय में आपका परम सुख और चेतना रूपी वह रूप प्रकट हो, जिससे रोमांचित होकर और आनंद के बहुत से आँसू बहाते हुए मैं न मिटने वाली पीड़ा और कष्ट भूल जाऊँ।
मरुद्गेहाधीश त्वयि खलु पराञ्चोऽपि सुखिनो भवत्स्नेही सोऽहं सुबहु परितप्ये च किमिदम्।
अकीर्तिस्ते मा भूद्वरद गदभारं प्रशमयन् भवद्भक्तोत्तंसं झटिति कुरु मां कंसदमन॥
Marudgehadhisha tvayi khalu paranchopi sukhino bhavatsnehi soham subahu paritapye cha kimidam, akirtiste ma bhudvarada gadabharam prashamayan bhavadbhaktottamsam jhatiti kuru mam kamsadamana.
हे गुरुवायुर के स्वामी, आपसे विमुख लोग भी सुखी हैं, और मैं आपका प्रेमी होकर भी बहुत दुखी हूँ; यह क्या है? हे वरदाता, आपकी बदनामी न हो; मेरे रोग का बोझ हटाकर, हे कंसदमन, मुझे जल्दी अपने भक्तों का मुकुटमणि बना दीजिए।
किमुक्तैर्भूयोभिस्तव हि करुणा यावदुदियादहं तावद्देव प्रहितविविधार्तप्रलपितः।
पुरः क्लृप्ते पादे वरद तव नेष्यामि दिवसान् यथाशक्ति व्यक्तं नतिनुतिनिषेवा विरचयन्॥
Kimuktairbhuyobhistava hi karuna yavadudiyadaham tavaddeva prahitavividhartapralapitah, purah klripte pade varada tava neshyami divasan yathashakti vyaktam natinutinisheva virachayan.
और अधिक कहने से क्या? हे देव, जब तक आपकी करुणा न जागे, तब तक मैं अपने तरह-तरह के दुखों की पुकार करता रहूँगा, और हे वरदाता, सामने स्थापित आपके चरणों में यथाशक्ति प्रणाम, स्तुति और सेवा करते हुए दिन बिताऊँगा।