नारायणीयम् · दशक 4

Narayaneeyam: Dashakam 4

स्तोत्र · संस्कृत · कृष्ण · मेल्पत्तूर् नारायण भट्टतिरि

कल्यतां मम कुरुष्व तावतीं कल्यते भवदुपासनं यया।
स्पष्टमष्टविधयोगचर्यया पुष्टयाऽऽशु तव तुष्टिमाप्नुयाम्॥
Kalyatam mama kurushva tavatim kalyate bhavadupasanam yaya, spashtamashtavidhayogacharyaya pushtayashu tava tushtimapnuyam.
हे प्रभु, मुझे इतना स्वास्थ्य दो कि मैं तुम्हारी उपासना कर सकूँ, ताकि आठ अंगों वाले योग का साफ़ और पूरा अभ्यास करके मैं जल्दी तुम्हें प्रसन्न कर सकूँ।
ब्रह्मचर्यदृढतादिभिर्यमैराप्लवादिनियमैश्च पाविताः।
कुर्महे दृढममी सुखासनं पङ्कजाद्यमपि वा भवत्पराः॥
Brahmacharyadridhatadibhiryamairaplavadiniyamaishcha pavitah, kurmahe dridhamami sukhasanam pankajadyamapi va bhavatparah.
ब्रह्मचर्य की दृढ़ता जैसे यमों और स्नान आदि नियमों से पवित्र होकर, तुममें लगे हम पद्मासन जैसे किसी सुखद आसन का दृढ़ता से अभ्यास करेंगे।
तारमन्तरनुचिन्त्य सन्ततं प्राणवायुमभियम्य निर्मलाः।
इन्द्रियाणि विषयादथापहृत्याऽऽस्महे भवदुपासनोन्मुखाः॥
Taramantaranuchintya santatam pranavayumabhiyamya nirmalah, indriyani vishayadathapahrityasmahe bhavadupasanonmukhah.
मन में लगातार ॐ का चिंतन करते हुए, प्राणवायु को साधकर, निर्मल होकर और इंद्रियों को विषयों से हटाकर, हम तुम्हारी उपासना के लिए तैयार बैठते हैं।
अस्फुटे वपुषि ते प्रयत्नतो धारयेम धिषणां मुहुर्मुहुः।
तेन भक्तिरसमन्तरार्द्रतामुद्वहेम भवदङ्घ्रिचिन्तकाः॥
Asphute vapushi te prayatnato dharayema dhishanam muhurmuhuh, tena bhaktirasamantarardratamudvahema bhavadanghrichintakah.
तुम्हारा रूप अभी धुँधला है, फिर भी हम यत्न से उस पर बार-बार मन टिकाते हैं; तुम्हारे चरणों का चिंतन करते हुए हम भीतर भक्ति-रस की कोमलता अनुभव करें।
विस्फुटावयवभेदसुन्दरं त्वद्वपुस्सुचिरशीलनावशात्।
अश्रमं मनसि चिन्तयामहे ध्यानयोगनिरतास्त्वदाश्रयाः॥
Visphutavayavabhedasundaram tvadvapussuchirashilanavashat, ashramam manasi chintayamahe dhyanayoganiratastvadashrayah.
लंबे अभ्यास से, ध्यान-योग में लगे और तुम्हारे आश्रित होकर, हम बिना श्रम के मन में तुम्हारा सुंदर रूप देखते हैं, जिसका हर अंग अब साफ़ दिखता है।
ध्यायतां सकलमूर्तिमीदृशीमुन्मिषन्मधुरताहृतात्मनाम्।
सान्द्रमोदरसरूपमान्तरं ब्रह्मरूपमयि तेऽवभासते॥
Dhyayatam sakalamurtimidrishimunmishanmadhuratahritatmanam, sandramodarasarupamantaram brahmarupamayi tevabhasate.
जो ऐसे तुम्हारे पूरे रूप का ध्यान करते हैं और उसकी खिलती मधुरता में मन खो देते हैं, उनके भीतर तुम्हारा घने आनंद-रस वाला ब्रह्म-रूप प्रकट होता है।
तत्समास्वदनरूपिणीं स्थितिं त्वत्समाधिमयि विश्वनायक।
आश्रिताः पुनरतः परिच्युतावारभेमहि च धारणादिकम्॥
Tatsamasvadanarupinim sthitim tvatsamadhimayi vishvanayaka, ashritah punaratah parichyutavarabhemahi cha dharanadikam.
हे विश्वनायक, उस आनंद का स्वाद लेने वाली तुम्हारी समाधि की अवस्था में हम टिकेंगे; और अगर उससे फिसलें, तो फिर धारणा आदि से आरंभ करेंगे।
इत्थमभ्यसननिर्भरोल्लसत्त्वत्परात्मसुखकल्पितोत्सवाः।
मुक्तभक्तकुलमौलितां गताः सञ्चरेम शुकनारदादिवत्॥
Itthamabhyasananirbharollasattvatparatmasukhakalpitotsavah, muktabhaktakulamaulitam gatah sancharema shukanaradadivat.
ऐसे अभ्यास से पूरी तरह खिले तुम्हारे परमात्म-सुख का उत्सव मनाते हुए, हम मुक्त भक्तों के शिरोमणि बनकर शुक, नारद आदि की तरह विचरें।
त्वत्समाधिविजये तु यः पुनर्मङ्क्षु मोक्षरसिकः क्रमेण वा।
योगवश्यमनिलं षडाश्रयैरुन्नयत्यज सुषुम्नया शनैः॥
Tvatsamadhivijaye tu yah punarmankshu moksharasikah kramena va, yogavashyamanilam shadashrayairunnayatyaja sushumnaya shanaih.
हे अजन्मा, तुम्हारी समाधि में सिद्धि पाने पर मोक्ष चाहने वाला, चाहे तुरंत या धीरे-धीरे, योग से वश में आई प्राणवायु को सुषुम्ना के रास्ते छह चक्रों से होकर धीरे-धीरे ऊपर उठाता है।
लिङ्गदेहमपि सन्त्यजन्नथो लीयते त्वयि परे निराग्रहः।
ऊर्ध्वलोककुतुकी तु मूर्धतस्सार्धमेव करणैर्निरीयते॥
Lingadehamapi santyajannatho liyate tvayi pare niragrahah, urdhvalokakutuki tu murdhatassardhameva karanairniriyate.
फिर सूक्ष्म शरीर को भी छोड़कर, सब आग्रह से मुक्त होकर वह तुम परमात्मा में लीन हो जाता है। पर ऊँचे लोकों को देखने की इच्छा वाला इंद्रियों के साथ सिर के ऊपरी भाग से बाहर निकलता है।
अग्निवासरवलर्क्षपक्षगैरुत्तरायणजुषा च दैवतैः।
प्रापितो रविपदं भवत्परो मोदवान् ध्रुवपदान्तमीयते॥
Agnivasaravalarkshapakshagairuttarayanajusha cha daivataih, prapito ravipadam bhavatparo modavan dhruvapadantamiyate.
अग्नि, दिन, शुक्ल पक्ष और उत्तरायण के देवताओं द्वारा ले जाया गया तुम्हारा भक्त सूर्यलोक पहुँचता है, और फिर आनंद से ध्रुवलोक के अंत तक जाता है।
आस्थितोऽथ महरालये यदा शेषवक्त्रदहनोष्मणार्द्यते।
ईयते भवदुपाश्रयस्तदा वेधसः पदमतः पुरैव वा॥
Asthitotha maharalaye yada sheshavaktradahanoshmanardyate, iyate bhavadupashrayastada vedhasah padamatah puraiva va.
फिर महर्लोक में रहते हुए, जब प्रलय में शेषनाग के मुख की आग की तपन उसे सताती है, तब तुम्हारे आश्रित वह ब्रह्मलोक चला जाता है, या उससे पहले ही।
तत्र वा तव पदेऽथवा वसन् प्राकृतप्रलय एति मुक्तताम्।
स्वेच्छया खलु पुराऽपि मुच्यते संविभिद्य जगदण्डमोजसा॥
Tatra va tava padethava vasan prakritapralaya eti muktatam, svechchhaya khalu purapi muchyate samvibhidya jagadandamojasa.
वहाँ या तुम्हारे धाम में रहते हुए वह प्रकृति के महाप्रलय पर मुक्त हो जाता है; या अपनी इच्छा से, अपने तेज से ब्रह्मांड के आवरण को भेदकर उससे पहले भी मुक्त हो सकता है।
तस्य च क्षितिपयोमहोऽनिलद्योमहत्प्रकृतिसप्तकावृतीः।
तत्तदात्मकतया विशन् सुखी याति ते पदमनावृतं विभो॥
Tasya cha kshitipayomahoniladyomahatprakritisaptakavritih, tattadatmakataya vishan sukhi yati te padamanavritam vibho.
हे विभु, ब्रह्मांड के पृथ्वी, जल, अग्नि, वायु, आकाश, महत् और प्रकृति के सात आवरणों में से एक-एक का रूप होकर गुज़रते हुए वह सुख से तुम्हारे आवरणरहित धाम पहुँचता है।
अर्चिरादिगतिमीदृशीं व्रजन् विच्युतिं न भजते जगत्पते।
सच्चिदात्मक भवद्गुणोदयानुच्चरन्तमनिलेश पाहि माम्॥
Archiradigatimidrishim vrajan vichyutim na bhajate jagatpate, sachchidatmaka bhavadgunodayanuchcharantamanilesha pahi mam.
हे जगत्पति, ऐसे अर्चि आदि मार्ग से जाने वाला फिर कभी नहीं गिरता। हे सच्चिदानंद, हे गुरुवायूर के स्वामी, तुम्हारे गुणों का गान करते हुए मेरी रक्षा करो।