नारायणीयम् · दशक 19

Narayaneeyam: Dashakam 19

स्तोत्र · संस्कृत · कृष्ण · मेल्पत्तूर् नारायण भट्टतिरि

पृथोस्तु नप्ता पृथुधर्मकर्मठः प्राचीनबर्हिर्युवतौ शतद्रुतौ।
प्रचेतसो नाम सुचेतसः सुतानजीजनत्त्वत्करुणाङ्कुरानिव॥
Prithostu napta prithudharmakarmathah prachinabarhiryuvatau shatadrutau, prachetaso nama suchetasah sutanajijanattvatkarunankuraniva.
पृथु के वंशज, महान धर्म-कर्म में लगे प्राचीनबर्हि ने युवती शतद्रुति से प्रचेता नाम के बुद्धिमान पुत्र पैदा किए, जो मानो आपकी करुणा के अंकुर थे।
पितुः सिसृक्षानिरतस्य शासनाद्भवत्तपस्याभिरता दशापि ते।
पयोनिधिं पश्चिममेत्य तत्तटे सरोवरं सन्ददृशुर्मनोहरम्॥
Pituh sisrikshaniratasya shasanadbhavattapasyabhirata dashapi te, payonidhim pashchimametya tattate sarovaram sandadrishurmanoharam.
सृष्टि में लगे पिता की आज्ञा से वे दसों आपकी तपस्या में लग गए। पश्चिमी सागर पर पहुँचकर उन्होंने उसके किनारे एक मनोहर सरोवर देखा।
तदा भवत्तीर्थमिदं समागतो भवो भवत्सेवकदर्शनादृतः।
प्रकाशमासाद्य पुरः प्रचेतसामुपादिशद्भक्ततमस्तव स्तवम्॥
Tada bhavattirthamidam samagato bhavo bhavatsevakadarshanadritah, prakashamasadya purah prachetasamupadishadbhaktatamastava stavam.
तब आपके सेवकों को देखने के लिए उत्सुक शिव, जो आपके इस तीर्थ पर आए थे, प्रचेताओं के सामने प्रकट हुए और आपके परम भक्त होने के नाते उन्हें आपकी एक स्तुति सिखाई।
स्तवं जपन्तस्तममी जलान्तरे भवन्तमासेविषतायुतं समाः।
भवत्सुखास्वादरसादमीष्वियान्बभूव कालो ध्रुववन्न शीघ्रता॥
Stavam japantastamami jalantare bhavantamasevishatayutam samah, bhavatsukhasvadarasadamishviyanbabhuva kalo dhruvavanna shighrata.
वह स्तुति जपते हुए उन्होंने जल के भीतर दस हज़ार वर्ष आपकी उपासना की। आपके आनंद के रस में डूबे रहने से उनका इतना समय बीत गया; ध्रुव जैसी जल्दी उनमें नहीं थी।
तपोभिरेषामतिमात्रवर्धिभिः स यज्ञहिंसानिरतोऽपि पावितः।
पिताऽपि तेषां गृहयातनारदप्रदर्शितात्मा भवदात्मतां ययौ॥
Tapobhireshamatimatravardhibhih sa yajnahimsaniratopi pavitah, pitapi tesham grihayatanaradapradarshitatma bhavadatmatam yayau.
उनकी लगातार बढ़ती तपस्या से यज्ञ में हिंसा करने वाले उनके पिता भी पवित्र हो गए। घर आए नारद ने उन्हें आत्मा का स्वरूप दिखाया, और वे आप में एक हो गए।
कृपाबलेनैव पुरः प्रचेतसां प्रकाशमागाः पतगेन्द्रवाहनः।
विराजि चक्रादिवरायुधांशुभिर्भुजाभिरष्टाभिरुदञ्चितद्युतिः॥
Kripabalenaiva purah prachetasam prakashamagah patagendravahanah, viraji chakradivarayudhamshubhirbhujabhirashtabhirudanchitadyutih.
केवल करुणा के बल से आप गरुड़ पर सवार होकर प्रचेताओं के सामने प्रकट हुए, आपकी आठ भुजाएँ चक्र आदि श्रेष्ठ अस्त्रों की किरणों से जगमगा रही थीं।
प्रचेतसां तावदयाचतामपि त्वमेव कारुण्यभराद्वरानदाः।
भवद्विचिन्ताऽपि शिवाय देहिनां भवत्वसौ रुद्रनुतिश्च कामदा॥
Prachetasam tavadayachatamapi tvameva karunyabharadvaranadah, bhavadvichintapi shivaya dehinam bhavatvasau rudranutishcha kamada.
प्रचेताओं ने कुछ नहीं माँगा, फिर भी आपने करुणा से भरकर उन्हें वर दिए: “तुम्हारा स्मरण भी प्राणियों का कल्याण करे, और रुद्र की यह स्तुति मनोकामनाएँ पूरी करे।”
अवाप्य कान्तां तनयां महीरुहां तया रमध्वं दशलक्षवत्सरीम्।
सुतोऽस्तु दक्षो ननु तत्क्षणाच्च मां प्रयास्यथेति न्यगदो मुदैव तान्॥
Avapya kantam tanayam mahiruham taya ramadhvam dashalakshavatsarim, sutostu daksho nanu tatkshanachcha mam prayasyatheti nyagado mudaiva tan.
“वृक्षों की सुंदर कन्या को पत्नी बनाकर उसके साथ दस लाख वर्ष सुख से रहो। दक्ष तुम्हारा पुत्र होगा, और फिर तुम मेरे पास आ जाओगे,” आपने प्रसन्न होकर उनसे कहा।
ततश्च ते भूतलरोधिनस्तरून्क्रुधा दहन्तो द्रुहिणेन वारिताः।
द्रुमैश्च दत्तां तनयामवाप्य तां त्वदुक्तकालं सुखिनोऽभिरेमिरे॥
Tatashcha te bhutalarodhinastarunkrudha dahanto druhinena varitah, drumaishcha dattam tanayamavapya tam tvaduktakalam sukhinobhiremire.
फिर जब वे क्रोध में धरती को ढकने वाले पेड़ों को जला रहे थे, तब ब्रह्मा ने उन्हें रोका। पेड़ों द्वारा दी गई कन्या पाकर वे आपके बताए समय तक सुख से रहे।
अवाप्य दक्षं च सुतं कृताध्वराः प्रचेतसो नारदलब्धया धिया।
अवापुरानन्दपदं तथाविधस्त्वमीश वातालयनाथ पाहिमाम्॥
Avapya daksham cha sutam kritadhvarah prachetaso naradalabdhaya dhiya, avapuranandapadam tathavidhastvamisha vatalayanatha pahimam.
दक्ष को पुत्र रूप में पाकर और यज्ञ करके प्रचेताओं ने नारद से मिले ज्ञान से आनंद पद पाया। ऐसे कृपालु हे ईश्वर, गुरुवायुर के नाथ, मेरी रक्षा कीजिए।