नारायणीयम् · दशक 27

Narayaneeyam: Dashakam 27

स्तोत्र · संस्कृत · कृष्ण · मेल्पत्तूर् नारायण भट्टतिरि

दुर्वासास्सुरवनिताप्तदिव्यमाल्यं शक्राय स्वयमुपदाय तत्र भूयः।
नागेन्द्रप्रतिमृदिते शशाप शक्रं का क्षान्तिस्त्वदितरदेवतांशजानाम्॥
Durvasassuravanitaptadivyamalyam shakraya svayamupadaya tatra bhuyah, nagendrapratimridite shashapa shakram ka kshantistvaditaradevatamshajanam.
दुर्वासा ने एक देवांगना से मिली दिव्य माला स्वयं इन्द्र को दी; जब इन्द्र के हाथी ने उसे कुचल दिया, तो उन्होंने इन्द्र को शाप दे दिया। आपके सिवा दूसरे देवताओं के अंश से जन्मे लोगों में क्षमा कहाँ?
शापेन प्रथितजरेऽथ निर्जरेन्द्रे देवेष्वप्यसुरजितेषु निष्प्रभेषु।
शर्वाद्याः कमलजमेत्य सर्वदेवा निर्वाणप्रभव समं भवन्तमापुः॥
Shapena prathitajaretha nirjarendre deveshvapyasurajiteshu nishprabheshu, sharvadyah kamalajametya sarvadeva nirvanaprabhava samam bhavantamapuh.
उस शाप से देवराज इन्द्र बूढ़े हो गए, और असुरों से हारकर देवता तेजहीन हो गए। तब शिव आदि सभी देवता ब्रह्मा के पास गए, और सब साथ मिलकर हे मोक्षदाता, आपके पास आए।
ब्रह्माद्यैः स्तुतमहिमा चिरं तदानीं प्रादुष्षन्वरद पुरः परेण धाम्ना।
हे देवा दितिजकुलैर्विधाय सन्धिं पीयूषं परिमथतेति पर्यशास्त्वम्॥
Brahmadyaih stutamahima chiram tadanim pradushshanvarada purah parena dhamna, he deva ditijakulairvidhaya sandhim piyusham parimathateti paryashastvam.
हे वरदाता, ब्रह्मा आदि ने देर तक आपकी महिमा की स्तुति की, तब आप परम तेज के साथ उनके सामने प्रकट हुए और बोले: ‘हे देवताओ, दैत्यों से संधि करके अमृत के लिए सागर मथो।’
सन्धानं कृतवति दानवैः सुरौघे मन्थानं नयति मदेन मन्दराद्रिम्।
भ्रष्टेऽस्मिन्बदरमिवोद्वहन्खगेन्द्रे सद्यस्त्वं विनिहितवान् पयःपयोधौ॥
Sandhanam kritavati danavaih suraughe manthanam nayati madena mandaradrim, bhrashtesminbadaramivodvahankhagendre sadyastvam vinihitavan payahpayodhau.
जब देवताओं ने दानवों से संधि कर ली और घमंड से मन्दर पर्वत को मथानी बनाने ले जा रहे थे, तो वह गिर पड़ा; तब आपने उसे बेर की तरह गरुड़ पर उठाकर तुरंत क्षीरसागर में रख दिया।
आधाय द्रुतमथ वासुकिं वरत्रां पाथोधौ विनिहितसर्वबीजजाले।
प्रारब्धे मथनविधौ सुरासुरैस्तैर्व्याजात्त्वं भुजगमुखेऽकरोः सुरारीन्॥
Adhaya drutamatha vasukim varatram pathodhau vinihitasarvabijajale, prarabdhe mathanavidhau surasuraistairvyajattvam bhujagamukhekaroh surarin.
जल्दी से वासुकि नाग को रस्सी बनाया गया, सागर में सब तरह की औषधियाँ डाली गईं, और देव-दानव मथने लगे; आपने चतुराई से असुरों को नाग के मुख की ओर कर दिया।
क्षुब्धाद्रौ क्षुभितजलोदरे तदानीं दुग्धाब्धौ गुरुतरभारतो निमग्ने।
देवेषु व्यथिततमेषु तत्प्रियैषी प्राणैषीः कमठतनुं कठोरपृष्ठाम्॥
Kshubdhadrau kshubhitajalodare tadanim dugdhabdhau gurutarabharato nimagne, deveshu vyathitatameshu tatpriyaishi pranaishih kamathatanum kathoraprishtham.
तब पर्वत के हिलने और जल के मथने से वह भारी बोझ के कारण क्षीरसागर में डूब गया। देवता बहुत दुखी हुए, तब उनका भला चाहकर आपने कठोर पीठ वाले कछुए का रूप धारण किया।
वज्रातिस्थिरतरकर्परेण विष्णो विस्तारात्परिगतलक्षयोजनेन।
अम्भोधेः कुहरगतेन वर्ष्मणा त्वं निर्मग्नं क्षितिधरनाथमुन्निनेथ॥
Vajratisthiratarakarparena vishno vistaratparigatalakshayojanena, ambhodheh kuharagatena varshmana tvam nirmagnam kshitidharanathamunninetha.
हे विष्णु, हीरे से भी कठोर कवच वाले, लाख योजन तक फैले अपने शरीर से सागर की गहराई में जाकर आपने डूबे हुए पर्वतराज को ऊपर उठा दिया।
उन्मग्ने झटिति तदा धराधरेन्द्रे निर्मेथुर्दृढमिह सम्मदेन सर्वे।
आविश्य द्वितयगणेऽपि सर्पराजे वैवश्यं परिशमयन्नवीवृधस्तान्॥
Unmagne jhatiti tada dharadharendre nirmethurdridhamiha sammadena sarve, avishya dvitayaganepi sarparaje vaivashyam parishamayannavivridhastan.
जब पर्वतराज तुरंत ऊपर आ गया, तो सब खुशी से ज़ोर-ज़ोर से मथने लगे; और आपने दोनों दलों तथा नागराज में प्रवेश करके उनकी थकान मिटाई और उन्हें बल दिया।
उद्दामभ्रमणजवोन्नमद्गिरीन्द्रन्यस्तैकस्थिरतरहस्तपङ्कजं त्वाम्।
अभ्रान्ते विधिगिरिशादयः प्रमोदादुद्भ्रान्ता नुनुवुरुपात्तपुष्पवर्षाः॥
Uddamabhramanajavonnamadgirindranyastaikasthiratarahastapankajam tvam, abhrante vidhigirishadayah pramodadudbhranta nunuvurupattapushpavarshah.
तेज़ी से घूमते, ऊपर उठते पर्वत पर अपना कमल जैसा हाथ मज़बूती से रखे आपको देखकर आकाश में ब्रह्मा, शिव आदि आनंद से भरकर फूल बरसाते हुए आपकी स्तुति करने लगे।
दैत्यौघे भुजगमुखानिलेन तप्ते तेनैव त्रिदशकुलेऽपि किञ्चिदार्ते।
कारुण्यात्तव किल देव वारिवाहाः प्रावर्षन्नमरगणान्न दैत्यसंघान्॥
Daityaughe bhujagamukhanilena tapte tenaiva tridashakulepi kinchidarte, karunyattava kila deva varivahah pravarshannamaragananna daityasanghan.
नाग के मुख से निकली गर्म साँस से दैत्य झुलस गए, और उससे देवता भी कुछ परेशान हुए; पर हे देव, आपकी करुणा से बादल देवताओं पर बरसे, दैत्यों पर नहीं।
उद्भ्राम्यद्बहुतिमिनक्रचक्रवाले तत्राब्धौ चिरमथितेऽपि निर्विकारे।
एकस्त्वं करयुगकृष्टसर्पराजः संराजन् पवनपुरेश पाहि रोगात्॥
Udbhramyadbahutiminakrachakravale tatrabdhau chiramathitepi nirvikare, ekastvam karayugakrishtasarparajah samrajan pavanapuresha pahi rogat.
उस सागर में, जहाँ बहुत सी व्हेल और मगरमच्छ घूम रहे थे और जो देर तक मथे जाने पर भी अविचल रहा, आप ही दोनों हाथों से नागराज को खींचते हुए शोभा पा रहे थे। हे गुरुवायुर के स्वामी, रोग से मेरी रक्षा करो।