नारायणीयम् · दशक 34

Narayaneeyam: Dashakam 34

स्तोत्र · संस्कृत · कृष्ण · मेल्पत्तूर् नारायण भट्टतिरि

गीर्वाणैरर्थ्यमानो दशमुखनिधनं कोसलेऽष्वृश्यशृङ्गे पुत्रीयामिष्टिमिष्ट्वा ददुषि दशरथक्ष्माभृते पायसाग्र्यम्।
तद्भुक्त्या तत्पुरन्ध्रीष्वपि तिसृषु समं जातगर्भासु जातो रामस्त्वं लक्ष्मणेन स्वयमथ भरतेनापि शत्रुघ्ननाम्ना॥
Girvanairarthyamano dashamukhanidhanam kosaleshvrishyashringe putriyamishtimishtva dadushi dasharathakshmabhrite payasagryam, tadbhuktya tatpurandhrishvapi tisrishu samam jatagarbhasu jato ramastvam lakshmanena svayamatha bharatenapi shatrughnanamna.
देवताओं ने दशमुख रावण के अंत की प्रार्थना की, तब कोसल में ऋष्यशृंग ने पुत्रेष्टि यज्ञ करके राजा दशरथ को उत्तम खीर दी। उसे खाकर उनकी तीनों रानियाँ एक साथ गर्भवती हुईं, और तुम स्वयं राम के रूप में, लक्ष्मण, भरत और शत्रुघ्न के साथ जन्मे।
कोदण्डी कौशिकस्य क्रतुवरमवितुं लक्ष्मणेनानुयातो यातोऽभूस्तातवाचा मुनिकथितमनुद्वन्द्वशान्ताध्वखेदः।
नॄणां त्राणाय बाणैर्मुनिवचनबलात्ताटकां पाटयित्वा लब्ध्वास्मादस्त्रजालं मुनिवनमगमो देव सिद्धाश्रमाख्यम्॥
Kodandi kaushikasya kratuvaramavitum lakshmanenanuyato yatobhustatavacha munikathitamanudvandvashantadhvakhedah, nrinam tranaya banairmunivachanabalattatakam patayitva labdhvasmadastrajalam munivanamagamo deva siddhashramakhyam.
हे देव, धनुष लेकर, लक्ष्मण के साथ, पिता की आज्ञा से तुम विश्वामित्र के यज्ञ की रक्षा करने गए; मुनि की दी विद्या से रास्ते की थकान मिट गई। लोगों की रक्षा के लिए मुनि के कहने पर तुमने बाणों से ताड़का को मारा, उनसे दिव्य अस्त्रों का समूह पाया और सिद्धाश्रम नाम के मुनि-वन पहुँचे।
मारीचं द्रावयित्वा मखशिरसि शरैरन्यरक्षांसि निघ्नन् कल्यां कुर्वन्नहल्यां पथि पदरजसा प्राप्य वैदेहगेहम्।
भिन्दानश्चान्द्रचूडं धनुरवनिसुतामिन्दिरामेव लब्ध्वा राज्यं प्रातिष्ठथास्त्वं त्रिभिरपि च समं भ्रातृवीरैः सदारैः॥
Maricham dravayitva makhashirasi sharairanyarakshamsi nighnan kalyam kurvannahalyam pathi padarajasa prapya vaidehageham, bhindanashchandrachudam dhanuravanisutamindirameva labdhva rajyam pratishthathastvam tribhirapi cha samam bhratriviraih sadaraih.
यज्ञ में मारीच को भगाकर और बाकी राक्षसों को बाणों से मारकर, रास्ते में अपने चरणों की धूल से अहल्या का उद्धार करके तुम जनक के महल पहुँचे। शिव का धनुष तोड़कर साक्षात लक्ष्मी रूपी धरती-पुत्री सीता को पाया, और तीनों वीर भाइयों और उनकी पत्नियों के साथ अपने राज्य को चले।
आरुन्धाने रुषान्धे भृगुकुलतिलके संक्रमय्य स्वतेजो याते यातोऽस्ययोध्यां सुखमिह निवसन्कान्तया कान्तमूर्ते।
शत्रुघ्नेनैकदाथो गतवति भरते मातुलस्याधिवासं तातारब्धोऽभिषेकस्तव किल विहतः केकयाधीशपुत्र्या॥
Arundhane rushandhe bhrigukulatilake sankramayya svatejo yate yatosyayodhyam sukhamiha nivasankantaya kantamurte, shatrughnenaikadatho gatavati bharate matulasyadhivasam tatarabdhobhishekastava kila vihatah kekayadhishaputrya.
जब क्रोध से अंधे भृगुकुल-तिलक परशुराम ने रास्ता रोका, तो तुमने उनका तेज अपने में ले लिया और वे चले गए। हे सुंदर रूप वाले, फिर तुम अयोध्या में अपनी प्रिया के साथ सुख से रहे। एक बार जब भरत शत्रुघ्न के साथ मामा के घर गए थे, तब पिता का शुरू किया तुम्हारा राज्याभिषेक केकयराज की बेटी कैकेयी ने रुकवा दिया।
तातोक्त्या यातुकामो वनमनुजवधूसंयुतश्चापधारः पौरानारुध्य मार्गे गुहनिलयगतस्त्वं जटाचीरधारी।
नावा सन्तीर्य गङ्गामधिपदवि पुनस्तं भरद्वाजमारान्नत्वा तद्वाक्यहेतोरतिसुखमवसश्चित्रकूटे गिरीन्द्रे॥
Tatoktya yatukamo vanamanujavadhusamyutashchapadharah pauranarudhya marge guhanilayagatastvam jatachiradhari, nava santirya gangamadhipadavi punastam bharadvajamarannatva tadvakyahetoratisukhamavasashchitrakute girindre.
पिता की आज्ञा से वन जाने को तैयार, भाई और पत्नी के साथ, धनुष लिए तुमने रास्ते में नगरवासियों को लौटाया, गुह के घर पहुँचे और जटा तथा वल्कल धारण किए। नाव से गंगा पार करके पास ही भरद्वाज मुनि को प्रणाम किया, और उनके कहने पर पर्वतराज चित्रकूट पर बड़े सुख से रहे।
श्रुत्वा पुत्रार्तिखिन्नं खलु भरतमुखात् स्वर्गयातं स्वतातं तप्तो दत्त्वाम्बु तस्मै निदधिथ भरते पादुकां मेदिनीं च।
अत्रिं नत्वाथ गत्वा वनमतिविपुलां दण्डकां चण्डकायं हत्वा दैत्यं विराधं सुगतिमकलयश्चारु भोः शारभङ्गीम्॥
Shrutva putrartikhinnam khalu bharatamukhat svargayatam svatatam tapto dattvambu tasmai nidadhitha bharate padukam medinim cha, atrim natvatha gatva vanamativipulam dandakam chandakayam hatva daityam viradham sugatimakalayashcharu bhoh sharabhangim.
भरत के मुख से सुनकर कि पुत्र-वियोग से दुखी पिता स्वर्ग चले गए, तुमने दुखी मन से उन्हें जलांजलि दी और भरत को अपनी पादुकाएँ और राज्य सौंप दिया। फिर अत्रि मुनि को प्रणाम करके विशाल दंडक वन में गए, भयंकर शरीर वाले विराध राक्षस को मारा, और शरभंग मुनि को सुंदर गति दी।
नत्वाऽगस्त्यं समस्ताशरनिकरसपत्राकृतिं तापसेभ्यः प्रत्यश्रौषीः प्रियैषी तदनु च मुनिना वैष्णवे दिव्यचापे।
ब्रह्मास्त्रे चापि दत्ते पथि पितृसुहृदं वीक्ष्य भूयो जटायुं मोदाद्गोदातटान्ते परिरमसि पुरा पञ्चवट्यां वधूट्या॥
Natvagastyam samastasharanikarasapatrakritim tapasebhyah pratyashraushih priyaishi tadanu cha munina vaishnave divyachape, brahmastre chapi datte pathi pitrisuhridam vikshya bhuyo jatayum modadgodatatante pariramasi pura panchavatyam vadhutya.
अगस्त्य मुनि को प्रणाम करके तुमने तपस्वियों का भला चाहते हुए सब दिशाओं से राक्षसों को मिटाने का वचन दिया; तब मुनि ने तुम्हें विष्णु का दिव्य धनुष और ब्रह्मास्त्र दिया। रास्ते में पिता के मित्र जटायु से मिलकर तुम गोदावरी के किनारे पंचवटी में अपनी पत्नी के साथ आनंद से रहने लगे।
प्राप्तायाः शूर्पणख्या मदनचलधृतेरर्थनैर्निस्सहात्मा तां सौमित्रौ विसृज्य प्रबलतमरुषा तेन निर्लूननासाम्।
दृष्ट्वैनां रुष्टचित्तं खरमभिपतितं दूषणं च त्रिमूर्धं व्याहिंसीराशरानप्ययुतसमधिकांस्तत्क्षणादक्षतोष्मा॥
Praptayah shurpanakhya madanachaladhriterarthanairnissahatma tam saumitrau visrijya prabalatamarusha tena nirlunanasam, drishtvainam rushtachittam kharamabhipatitam dushanam cha trimurdham vyahimsirasharanapyayutasamadhikamstatkshanadakshatoshma.
जब काम से चंचल शूर्पणखा आई, तो उसकी विनती से ऊबकर तुमने उसे लक्ष्मण के पास भेज दिया, जिन्होंने क्रोध में उसकी नाक काट दी। उसे देखकर क्रुद्ध खर, दूषण और त्रिशिरा ने हमला किया, और तुमने बिना किसी चोट के पल भर में उन्हें और दस हजार से अधिक राक्षसों को मार डाला।
सोदर्याप्रोक्तवार्ताविवशदशमुखादिष्टमारीचमायासारङ्गं सारसाक्ष्या स्पृहितमनुगतः प्रावधीर्बाणघातम्।
तन्मायाक्रन्दनिर्यापितभवदनुजां रावणस्तामहार्षीत् तेनार्तोऽपि त्वमन्तः किमपि मुदमधास्तद्वधोपायलाभात्॥
Sodaryaproktavartavivashadashamukhadishtamarichamayasarangam sarasakshya sprihitamanugatah pravadhirbanaghatam, tanmayakrandaniryapitabhavadanujam ravanastamaharshit tenartopi tvamantah kimapi mudamadhastadvadhopayalabhat.
बहन की बात से बेबस रावण ने मारीच को माया का हिरण बनाकर भेजा। कमलनयनी सीता को वह भा गया, और तुमने पीछा करके बाण से उसे मार डाला। उसकी माया-भरी पुकार से जब लक्ष्मण चले गए, तब रावण सीता को हर ले गया। दुखी होने पर भी तुम भीतर कुछ प्रसन्न हुए, क्योंकि उसके वध का कारण मिल गया।
भूयस्तन्वीं विचिन्वन्नहृत दशमुखस्त्वद्वधूं मद्वधेनेत्युक्त्वा याते जटायौ दिवमथ सुहृदः प्रातनोः प्रेतकार्यम्।
गृह्णानं तं कबन्धं जघनिथ शबरीं प्रेक्ष्य पम्पातटे त्वं सम्प्राप्तो वातसूनुं भृशमुदितमनाः पाहि वातालयेश॥
Bhuyastanvim vichinvannahrita dashamukhastvadvadhum madvadhenetyuktva yate jatayau divamatha suhridah pratanoh pretakaryam, grihnanam tam kabandham jaghanitha shabarim prekshya pampatate tvam samprapto vatasunum bhrishamuditamanah pahi vatalayesha.
अपनी पत्नी को खोजते हुए तुम जटायु से मिले, जिसने कहा, “रावण तुम्हारी पत्नी को ले गया और मुझे मारा,” और स्वर्ग चला गया; तुमने अपने मित्र का अंतिम संस्कार किया। पकड़ने वाले कबंध को मारा, शबरी से मिले, और पंपा सरोवर के तट पर पवनपुत्र हनुमान को पाकर बहुत प्रसन्न हुए। हे गुरुवायूर के स्वामी, मेरी रक्षा करो।