नारायणीयम् · दशक 58

Narayaneeyam: Dashakam 58

स्तोत्र · संस्कृत · कृष्ण · मेल्पत्तूर् नारायण भट्टतिरि

त्वयि विहरणलोले बालजालैः प्रलम्बप्रमथनसविलम्बे धेनवः स्वैरचाराः।
तृणकुतुकनिविष्टा दूरदूरं चरन्त्यः किमपि विपिनमैषीकाख्यमीषाम्बभूवुः॥
Tvayi viharanalole balajalaih pralambapramathanasavilambe dhenavah svairacharah, trinakutukanivishta duraduram charantyah kimapi vipinamaishikakhyamishambabhuvuh.
जब आप बालकों के साथ खेल में मग्न थे और प्रलंब के वध में लगे थे, तब गायें घास के लोभ में स्वच्छंद होकर दूर-दूर चरती हुई सरकंडों के एक वन में पहुँच गईं।
अनधिगतनिदाघक्रौर्यवृन्दावनान्ताद्बहिरिदमुपयाताः काननं धेनवस्ताः।
तव विरहविषण्णा ऊष्मलग्रीष्मतापप्रसरविसरदम्भस्याकुलाः स्तम्भमापुः॥
Anadhigatanidaghakrauryavrindavanantadbahiridamupayatah kananam dhenavastah, tava virahavishanna ushmalagrishmatapaprasaravisaradambhasyakulah stambhamapuh.
वृंदावन से, जहाँ गर्मी की क्रूरता कभी महसूस नहीं होती थी, गायें बाहर इस वन में आ गईं; आपके बिना दुखी, गर्मी और प्यास से व्याकुल होकर वे जड़ होकर खड़ी रह गईं।
तदनु सह सहायैर्दूरमन्विष्य शौरे गलितसरणिमुञ्जारण्यसञ्जातखेदम्।
पशुकुलमभिवीक्ष्य क्षिप्रमानेतुमारात्त्वयि गतवति ही ही सर्वतोऽग्निर्जजृम्भे॥
Tadanu saha sahayairduramanvishya shaure galitasaranimunjaranyasanjatakhedam, pashukulamabhivikshya kshipramanetumarattvayi gatavati hi hi sarvatognirjajrimbhe.
फिर हे शौरि, साथियों के साथ दूर तक खोजते हुए आपने सरकंडों के वन में राह भटके और दुखी पशुओं को देखा; जैसे ही आप उन्हें वापस लाने गए, हाय, चारों ओर आग भड़क उठी।
सकलहरिति दीप्ते घोरभाङ्कारभीमे शिखिनि विहतमार्गा अर्धदग्धा इवार्ताः।
अहह भुवनबन्धो पाहि पाहीति सर्वे शरणमुपगतास्त्वां तापहर्तारमेकम्॥
Sakalahariti dipte ghorabhankarabhime shikhini vihatamarga ardhadagdha ivartah, ahaha bhuvanabandho pahi pahiti sarve sharanamupagatastvam tapahartaramekam.
जब भयानक गर्जना के साथ आग सब दिशाओं में धधक उठी, तो रास्ता बंद होने से अधजले और दुखी सब लोग ‘हे जगत के बंधु, बचाओ, बचाओ’ कहते हुए दुख हरने वाले एकमात्र आपकी शरण में आए।
अलमलमतिभीत्या सर्वतो मीलयध्वं दृशमिति तव वाचा मीलिताक्षेषु तेषु।
क्व नु दवदहनोऽसौ कुत्र मुञ्जाटवी सा सपदि ववृतिरे ते हन्त भाण्डीरदेशे॥
Alamalamatibhitya sarvato milayadhvam drishamiti tava vacha militaksheshu teshu, kva nu davadahanosau kutra munjatavi sa sapadi vavritire te hanta bhandiradeshe.
‘बस, डरो मत; सब आँखें बंद कर लो,’ आपने कहा। जब उन्होंने आँखें बंद कीं, तो कहाँ गई वह दावाग्नि और कहाँ वह सरकंडों का वन? अहा, वे तुरंत भांडीर वन में पहुँच गए।
जय जय तव माया केयमीशेति तेषां नुतिभिरुदितहासो बद्धनानाविलासः।
पुनरपि विपिनान्ते प्राचरः पाटलादिप्रसवनिकरमात्रग्राह्यघर्मानुभावे॥
Jaya jaya tava maya keyamisheti tesham nutibhiruditahaso baddhananavilasah, punarapi vipinante pracharah pataladiprasavanikaramatragrahyagharmanubhave.
‘जय हो, जय हो! हे ईश्वर, यह आपकी कैसी माया है?’ उनकी स्तुति पर मुस्कुराते हुए और अनेक खेल खेलते हुए आप फिर वन में घूमने लगे, जहाँ गर्मी का पता केवल पाटल आदि फूलों से चलता था।
त्वयि विमुखमिवोच्चैस्तापभारं वहन्तं तव भजनवदन्तः पङ्कमुच्छोषयन्तम्।
तव भुजवदुदञ्चद्भूरितेजःप्रवाहं तपसमयमनैषीर्यामुनेषु स्थलेषु॥
Tvayi vimukhamivochchaistapabharam vahantam tava bhajanavadantah pankamuchchhoshayantam, tava bhujavadudanchadbhuritejahpravaham tapasamayamanaishiryamuneshu sthaleshu.
आपने यमुना के तटों पर ग्रीष्म ऋतु बिताई, जो मानो आपसे विमुख होकर भारी ताप ढो रही थी, आपकी भक्ति की तरह भीतर का कीचड़ सुखा रही थी, और आपकी भुजाओं जैसे तेज का प्रवाह बहा रही थी।
तदनु जलदजालैस्त्वद्वपुस्तुल्यभाभिर्विकसदमलविद्युत्पीतवासोविलासैः।
सकलभुवनभाजां हर्षदां वर्षवेलां क्षितिधरकुहरेषु स्वैरवासी व्यनैषीः॥
Tadanu jaladajalaistvadvapustulyabhabhirvikasadamalavidyutpitavasovilasaih, sakalabhuvanabhajam harshadam varshavelam kshitidharakuhareshu svairavasi vyanaishih.
फिर पर्वत की गुफाओं में स्वच्छंद रहते हुए आपने सब प्राणियों को आनंद देने वाली वर्षा ऋतु बिताई, जब बादल आपके शरीर जैसे श्याम थे और चमकती बिजली आपके पीतांबर जैसी थी।
कुहरतलनिविष्टं त्वां गरिष्ठं गिरीन्द्रः शिखिकुलनवकेकाकाकुभिः स्तोत्रकारी।
स्फुटकुटजकदम्बस्तोमपुष्पाञ्जलिं च प्रविदधदनुभेजे देव गोवर्धनोऽसौ॥
Kuharatalanivishtam tvam garishtham girindrah shikhikulanavakekakakubhih stotrakari, sphutakutajakadambastomapushpanjalim cha pravidadhadanubheje deva govardhanosau.
हे देव, गिरिराज गोवर्धन ने अपनी गुफाओं में बैठे आपकी सेवा की, मोरों की नई कूक से आपकी स्तुति की और खिले कुटज और कदंब के फूलों की अंजलि अर्पित की।
अथ शरदमुपेतां तां भवद्भक्तचेतोविमलसलिलपूरां मानयन् काननेषु।
तृणममलवनान्ते चारु सञ्चारयन् गाः पवनपुरपते त्वं देहि मे देहसौख्यम्॥
Atha sharadamupetam tam bhavadbhaktachetovimalasalilapuram manayan kananeshu, trinamamalavanante charu sancharayan gah pavanapurapate tvam dehi me dehasaukhyam.
फिर आपके भक्तों के मन जैसे निर्मल जल वाली शरद ऋतु का स्वागत करते हुए और वन के किनारे सुंदर घास पर गायें चराते हुए, हे गुरुवायुर के स्वामी, मुझे शरीर का सुख दो।