नारायणीयम् · दशक 74

Narayaneeyam: Dashakam 74

स्तोत्र · संस्कृत · कृष्ण · मेल्पत्तूर् नारायण भट्टतिरि

सम्प्राप्तो मथुरां दिनार्धविगमे तत्रान्तरस्मिन् वसन्नारामे विहिताशनः सखिजनैर्यातः पुरीमीक्षितुम्।
प्रापो राजपथं चिरश्रुतिधृतव्यालोककौतूहलस्त्रीपुंसोद्यदगण्यपुण्यनिगलैराकृष्यमाणो नु किम्॥
Samprapto mathuram dinardhavigame tatrantarasmin vasannarame vihitashanah sakhijanairyatah purimikshitum, prapo rajapatham chirashrutidhritavyalokakautuhalastripumsodyadaganyapunyanigalairakrishyamano nu kim.
दोपहर ढलने पर मथुरा पहुँचकर तुम वहाँ एक बगीचे में ठहरे, भोजन किया और सखाओं के साथ नगर देखने निकले। तुम राजमार्ग पर आए, मानो उन स्त्री-पुरुषों के अनगिनत पुण्य तुम्हें खींच रहे थे, जो बहुत समय से तुम्हारे बारे में सुनकर तुम्हें देखने को उत्सुक थे।
त्वत्पादद्युतिवत्सरागसुभगास्त्वन्मूर्तिवद्योषितः सम्प्राप्ता विलसत्पयोधररुचो लोला भवद्दृष्टिवत्।
हारिण्यस्त्वदुरः स्थलीवदयि ते मन्दस्मितप्रौढिवन्नैर्मल्योल्लसिताः कचौघरुचिवद्राजत्कलापाश्रिताः॥
Tvatpadadyutivatsaragasubhagastvanmurtivadyoshitah samprapta vilasatpayodhararucho lola bhavaddrishtivat, harinyastvadurah sthalivadayi te mandasmitapraudhivannairmalyollasitah kachaugharuchivadrajatkalapashritah.
ऐसी स्त्रियाँ आईं जो तुम्हारी ही छवि लगती थीं: तुम्हारे चरणों की लालिमा जैसी सुंदर, तुम्हारे रूप जैसी मनोहर, तुम्हारी दृष्टि जैसी चंचल, तुम्हारे वक्ष जैसी मनमोहक, तुम्हारी मंद मुस्कान जैसी निर्मल, और मोरपंख से सजे तुम्हारे केशों जैसी आभूषणों से शोभित।
तासामाकलयन्नपाङ्गवलनैर्मोदं प्रहर्षाद्भुतव्यालोलेषु जनेषु तत्र रजकं कञ्चित्पटीं प्रार्थयन्।
कस्ते दास्यति राजकीयवसनं याहीति तेनोदितः सद्यस्तस्य करेण शीर्षमहृथाः सोऽप्याप पुण्यां गतिम्॥
Tasamakalayannapangavalanairmodam praharshadbhutavyaloleshu janeshu tatra rajakam kanchitpatim prarthayan, kaste dasyati rajakiyavasanam yahiti tenoditah sadyastasya karena shirshamahrithah sopyapa punyam gatim.
तिरछी नज़रों से उनका आनंद बढ़ाते हुए, जब लोग खुशी और अचरज में झूम रहे थे, तुमने एक धोबी से वस्त्र माँगे। “राजा के कपड़े तुम्हें कौन देगा? चलो भागो!” उसने कहा, तो तुमने तुरंत हाथ से उसका सिर उतार दिया, और उसे भी पुण्य गति मिली।
भूयो वायकमेकमायतमतिं तोषेण वेषोचितं दाश्वांसं स्वपदं निनेथ सुकृतं को वेद जीवात्मनाम्।
मालाभिः स्तबकैः स्तवैरपि पुनर्मालाकृता मानितो भक्तिं तेन वृतां दिदेशिथ परां लक्ष्मीं च लक्ष्मीपते॥
Bhuyo vayakamekamayatamatim toshena veshochitam dashvamsam svapadam ninetha sukritam ko veda jivatmanam, malabhih stabakaih stavairapi punarmalakrita manito bhaktim tena vritam dideshitha param lakshmim cha lakshmipate.
फिर एक समझदार जुलाहे ने प्रसन्न होकर तुम्हें उचित वस्त्र दिए, और तुमने उसे अपने धाम पहुँचा दिया; जीवों के पुण्य को कौन जानता है? माली ने मालाओं, गुलदस्तों और स्तुतियों से तुम्हारा सम्मान किया, और हे लक्ष्मीपति, तुमने उसे उसकी माँगी परम भक्ति और लक्ष्मी भी दी।
कुब्जामब्जविलोचनां पथि पुनर्दृष्ट्वाङ्गरागे तया दत्ते साधु किलाङ्गरागमददास्तस्या महान्तं हृदि।
चित्तस्थामृजुतामथ प्रथयितुं गात्रेऽपि तस्याः स्फुटं गृह्णन् मञ्जुकरेण तामुदनयस्तावज्जगत्सुन्दरीम्॥
Kubjamabjavilochanam pathi punardrishtvangarage taya datte sadhu kilangaragamadadastasya mahantam hridi, chittasthamrijutamatha prathayitum gatrepi tasyah sphutam grihnan manjukarena tamudanayastavajjagatsundarim.
फिर रास्ते में तुमने कमलनयनी कुब्जा को देखा। उसने तुम्हें अंगराग दिया, तो तुमने उसके हृदय में महान प्रेम-रूपी अंगराग दिया। फिर उसके मन की सरलता को उसके शरीर में भी साफ़ दिखाने के लिए तुमने सुंदर हाथ से उसे पकड़कर सीधा कर दिया और उसे संसार की सबसे सुंदर स्त्री बना दिया।
तावन्निश्चितवैभवास्तव विभो नात्यन्तपापा जना यत्किञ्चिद्ददते स्म शक्त्यनुगुणं ताम्बूलमाल्यादिकम्।
गृह्णानः कुसुमादि किञ्चन तदा मार्गे निबद्धाञ्जलिर्नातिष्ठं बत हा यतोऽद्य विपुलामार्तिं व्रजामि प्रभो॥
Tavannishchitavaibhavastava vibho natyantapapa jana yatkinchiddadate sma shaktyanugunam tambulamalyadikam, grihnanah kusumadi kinchana tada marge nibaddhanjalirnatishtham bata ha yatodya vipulamartim vrajami prabho.
हे विभु, तब तुम्हारी महिमा को जानने वाले, बहुत पापी न होने वाले लोगों ने अपनी शक्ति के अनुसार पान, माला आदि जो बन पड़ा दिया। हाय, मैं उस समय रास्ते में हाथ जोड़कर कुछ फूल लिए खड़ा नहीं था; हे प्रभु, इसीलिए आज मैं इतना कष्ट भोग रहा हूँ।
एष्यामीति विमुक्तयापि भगवन्नालेपदात्र्या तया दूरात्कातरया निरीक्षितगतिस्त्वं प्राविशो गोपुरम्।
आघोषानुमितत्वदागममहाहर्षोल्ललद्देवकीवक्षोजप्रगलत्पयोरसमिषात् त्वत्कीर्तिरन्तर्गता॥
Eshyamiti vimuktayapi bhagavannalepadatrya taya duratkataraya nirikshitagatistvam pravisho gopuram, aghoshanumitatvadagamamahaharshollaladdevakivakshojapragalatpayorasamishat tvatkirtirantargata.
“मैं आऊँगा” कहकर छोड़ी गई वह अंगराग देने वाली स्त्री दूर से व्याकुल होकर तुम्हें जाते देखती रही, और तुम नगर-द्वार में चले गए। शोर से तुम्हारे आने का अनुमान करके अत्यंत हर्षित देवकी के स्तनों से बहते दूध के बहाने तुम्हारी कीर्ति पहले ही भीतर पहुँच गई थी।
आविष्टो नगरीं महोत्सववतीं कोदण्डशालां व्रजन् माधुर्येण नु तेजसा नु पुरुषैर्दूरेण दत्तान्तरः।
स्रग्भिर्भूषितमर्चितं वरधनुर्मामेति वादात्पुरः प्रागृह्णाः समरोपयः किल समाक्राक्षीरभाङ्क्षीरपि॥
Avishto nagarim mahotsavavatim kodandashalam vrajan madhuryena nu tejasa nu purushairdurena dattantarah, sragbhirbhushitamarchitam varadhanurmameti vadatpurah pragrihnah samaropayah kila samakrakshirabhankshirapi.
उत्सव से भरे नगर में घुसकर तुम धनुषशाला गए; तुम्हारी मधुरता या तेज के कारण पहरेदारों ने दूर से ही रास्ता दे दिया। उनके सामने “यह मेरा है” कहकर तुमने मालाओं से सजे, पूजित उस श्रेष्ठ धनुष को उठाया, उस पर डोरी चढ़ाई, खींचा और तोड़ डाला।
श्वः कंसक्षपणोत्सवस्य पुरतः प्रारम्भतूर्योपमश्चापध्वंसमहाध्वनिस्तव विभो देवानरोमाञ्चयत्।
कंसस्यापि च वेपथुस्तदुदितः कोदण्डखण्डद्वयीचण्डाभ्याहतरक्षिपूरुषरवैरुत्कूलितोऽभूत्त्वया॥
Shvah kamsakshapanotsavasya puratah prarambhaturyopamashchapadhvamsamahadhvanistava vibho devanaromanchayat, kamsasyapi cha vepathustaduditah kodandakhandadvayichandabhyahatarakshipurusharavairutkulitobhuttvaya.
हे विभु, धनुष टूटने की वह भारी आवाज़, जो अगले दिन होने वाले कंस-वध उत्सव के आरंभ की तुरही जैसी थी, देवताओं को रोमांचित कर गई। और उस आवाज़ से कंस को जो कँपकँपी हुई, उसे तुमने धनुष के दोनों टुकड़ों से पीटे गए पहरेदारों की चीखों से और बढ़ा दिया।
शिष्टैर्दुष्टजनैश्च दृष्टमहिमा प्रीत्या च भीत्या ततः सम्पश्यन् पुरसम्पदं प्रविचरन् सायं गतो वाटिकाम्।
श्रीदाम्ना सह राधिकाविरहजं खेदं वदन् प्रस्वपन्नानन्दन्नवतारकार्यघटनाद्वातेश संरक्ष माम्॥
Shishtairdushtajanaishcha drishtamahima pritya cha bhitya tatah sampashyan purasampadam pravicharan sayam gato vatikam, shridamna saha radhikavirahajam khedam vadan prasvapannanandannavatarakaryaghatanadvatesha samraksha mam.
सज्जनों ने प्रेम से और दुष्टों ने भय से तुम्हारी महिमा देखी; तुम नगर की शोभा देखते घूमे और शाम को बगीचे में लौट आए। श्रीदामा से राधा के वियोग का दुख कहते हुए, अवतार के कार्य के सधने पर प्रसन्न होकर तुम सो गए। हे गुरुवायूर के स्वामी, मेरी रक्षा करो।