नारायणीयम् · दशक 87

Narayaneeyam: Dashakam 87

स्तोत्र · संस्कृत · कृष्ण · मेल्पत्तूर् नारायण भट्टतिरि

कुचेलनामा भवतः सतीर्थ्यतां गतः स सान्दीपनिमन्दिरे द्विजः।
त्वदेकरागेण धनादिनिःस्पृहो दिनानि निन्ये प्रशमी गृहाश्रमी॥
Kuchelanama bhavatah satirthyatam gatah sa sandipanimandire dvijah, tvadekaragena dhanadinihspriho dinani ninye prashami grihashrami.
कुचेल नाम के ब्राह्मण, जो सांदीपनि के आश्रम में तुम्हारे सहपाठी थे, केवल तुम्हारे प्रेम में रहकर धन आदि से बेपरवाह, शांत मन से गृहस्थ जीवन बिता रहे थे।
समानशीलाऽपि तदीयवल्लभा तथैव नो चित्तजयं समेयुषी।
कदाचिदूचे बत वृत्तिलब्धये रमापतिः किं न सखा निषेव्यते॥
Samanashilapi tadiyavallabha tathaiva no chittajayam sameyushi, kadachiduche bata vrittilabdhaye ramapatih kim na sakha nishevyate.
उनकी पत्नी स्वभाव में वैसी ही थी, पर उसने मन को उतना नहीं जीता था। एक दिन उसने कहा, “हाय, गुज़ारे के लिए अपने मित्र लक्ष्मीपति के पास क्यों नहीं जाते?”
इतीरितोऽयं प्रियया क्षुधार्तया जुगुप्समानोऽपि धने मदावहे।
तदा त्वदालोकनकौतुकाद्ययौ वहन्पटान्ते पृथुकानुपायनम्॥
Itiritoyam priyaya kshudhartaya jugupsamanopi dhane madavahe, tada tvadalokanakautukadyayau vahanpatante prithukanupayanam.
भूख से व्याकुल पत्नी के ऐसा कहने पर, घमंड लाने वाले धन से घृणा करते हुए भी, वे केवल तुम्हें देखने की इच्छा से कपड़े के छोर में चिउड़े की भेंट बाँधकर चल पड़े।
गतोऽयमाश्चर्यमयीं भवत्पुरीं गृहेषु शैब्याभवनं समेयिवान्।
प्रविश्य वैकुण्ठमिवाप निर्वृतिं तवातिसम्भावनया तु किं पुनः॥
Gatoyamashcharyamayim bhavatpurim griheshu shaibyabhavanam sameyivan, pravishya vaikunthamivapa nirvritim tavatisambhavanaya tu kim punah.
वे तुम्हारी अद्भुत नगरी पहुँचे और महलों के बीच तुम्हारी रानी के भवन में आए। भीतर जाकर उन्हें वैकुंठ पहुँचने जैसा आनंद मिला; फिर तुम्हारे भव्य स्वागत का तो कहना ही क्या!
प्रपूजितं तं प्रियया च वीजितं करे गृहीत्वाऽकथयः पुरा कृतम्।
यदिन्धनार्थं गुरुदारचोदितैरपर्तुवर्षं तदमर्षि कानने॥
Prapujitam tam priyaya cha vijitam kare grihitvakathayah pura kritam, yadindhanartham gurudarachoditairapartuvarsham tadamarshi kanane.
जब तुम्हारी प्रिया ने उनकी पूजा की और पंखा झला, तब तुमने उनका हाथ पकड़कर पुरानी बातें याद कीं: कैसे गुरुपत्नी के कहने पर लकड़ियाँ लाने गए तुम दोनों ने जंगल में बेमौसम की बारिश सही थी।
त्रपाजुषोऽस्मात्पृथुकं बलादथ प्रगृह्य मुष्टौ सकृदाशिते त्वया।
कृतं कृतं नन्वियतेति सम्भ्रमाद्रमा किलोपेत्य करं रुरोध ते॥
Trapajushosmatprithukam baladatha pragrihya mushtau sakridashite tvaya, kritam kritam nanviyateti sambhramadrama kilopetya karam rurodha te.
फिर लज्जा से सकुचाते उन ब्राह्मण से तुमने ज़बरदस्ती चिउड़ा लेकर एक मुट्ठी खा ली; कहते हैं, तब लक्ष्मी जी घबराकर आईं और तुम्हारा हाथ पकड़ लिया: “बस, बस, इतना काफ़ी है!”
भक्तेषु भक्तेन स मानितस्त्वया पुरीं वसन्नेकनिशां महासुखम्।
बतापरेद्युर्द्रविणं विना ययौ विचित्ररूपस्तव खल्वनुग्रहः॥
Bhakteshu bhaktena sa manitastvaya purim vasannekanisham mahasukham, bataparedyurdravinam vina yayau vichitrarupastava khalvanugrahah.
भक्तों में भक्त मानकर तुमने उनका सम्मान किया, और वे एक रात नगरी में बड़े सुख से रहे। पर हाय, अगले दिन वे बिना धन के ही लौट गए; सचमुच तुम्हारी कृपा के रूप विचित्र हैं।
यदि ह्ययाचिष्यमदास्यदच्युतो वदामि भार्यां किमिति व्रजन्नसौ।
त्वदुक्तिलीलास्मितमग्नधीः पुनः क्रमादपश्यन्मणिदीप्रमालयम्॥
Yadi hyayachishyamadasyadachyuto vadami bharyam kimiti vrajannasau, tvaduktililasmitamagnadhih punah kramadapashyanmanidipramalayam.
“अगर मैं माँगता तो अच्युत दे देते; पत्नी से क्या कहूँगा?” चलते-चलते वे सोचते रहे; पर फिर उनका मन तुम्हारी बातों, लीलाओं और मुस्कान में डूब गया, और धीरे-धीरे उन्होंने मणियों से चमकता अपना घर देखा।
किं मार्गविभ्रंश इति भ्रमन्क्षणं गृहं प्रविष्टः स ददर्श वल्लभाम्।
सखीपरीतां मणिहेमभूषितां बुबोध च त्वत्करुणां महाद्भुताम्॥
Kim margavibhramsha iti bhramankshanam griham pravishtah sa dadarsha vallabham, sakhiparitam manihemabhushitam bubodha cha tvatkarunam mahadbhutam.
“क्या मैं रास्ता भटक गया?” वे पल भर सोचते रहे। घर में जाकर उन्होंने सखियों से घिरी, मणि और सोने से सजी अपनी पत्नी को देखा, और तुम्हारी अत्यंत अद्भुत करुणा को समझ गए।
स रत्नशालासु वसन्नपि स्वयं समुन्नमद्भक्तिभरोऽमृतं ययौ।
त्वमेवमापूरितभक्तवाञ्छितो मरुत्पुराधीश हरस्व मे गदान्॥
Sa ratnashalasu vasannapi svayam samunnamadbhaktibharomritam yayau, tvamevamapuritabhaktavanchhito marutpuradhisha harasva me gadan.
रत्नों से जड़े भवनों में रहते हुए भी उनकी भक्ति लगातार बढ़ती रही, और उन्होंने अमृत पद पाया। इस तरह भक्तों की इच्छा पूरी करने वाले, हे गुरुवायूर के स्वामी, मेरे रोग हर लो।