नारायणीयम् · दशक 88

Narayaneeyam: Dashakam 88

स्तोत्र · संस्कृत · कृष्ण · मेल्पत्तूर् नारायण भट्टतिरि

प्रागेवाचार्यपुत्राहृतिनिशमनया स्वीयषट्सूनुवीक्षां काङ्क्षन्त्या मातुरुक्त्या सुतलभुवि बलिं प्राप्य तेनार्चितस्त्वम्।
धातुश्शापाद्धिरण्यान्वितकशिपुभवान् शौरिजान् कंसभग्नानानीयैनान् प्रदर्श्य स्वपदमनयथाः पूर्वपुत्रान्मरीचेः॥
Pragevacharyaputrahritinishamanaya sviyashatsunuviksham kankshantya maturuktya sutalabhuvi balim prapya tenarchitastvam, dhatushshapaddhiranyanvitakashipubhavan shaurijan kamsabhagnananiyainan pradarshya svapadamanayathah purvaputranmaricheh.
पहले, यह सुनकर कि आपने गुरु पुत्र को लौटा दिया, आपकी माँ ने अपने छह पुत्रों को देखना चाहा। उनके कहने पर आप सुतल लोक गए, बलि ने आपकी पूजा की, और आप उन पुत्रों को लाए जो पहले मरीचि के पुत्र थे, ब्रह्मा के शाप से हिरण्यकशिपु के यहाँ और फिर वसुदेव के यहाँ जन्मे और कंस द्वारा मारे गए; उन्हें माँ को दिखाकर आप अपने धाम ले गए।
श्रुतदेव इति श्रुतं द्विजेन्द्रं बहुलाश्वं नृपतिं च भक्तिपूर्णम्।
युगपत्त्वमनुग्रहीतुकामो मिथिलां प्रापिथ तापसैः समेतः॥
Shrutadeva iti shrutam dvijendram bahulashvam nripatim cha bhaktipurnam, yugapattvamanugrahitukamo mithilam prapitha tapasaih sametah.
भक्ति से भरे प्रसिद्ध ब्राह्मण श्रुतदेव और राजा बहुलाश्व, दोनों पर एक साथ कृपा करने की इच्छा से आप मुनियों के साथ मिथिला पहुँचे।
गच्छन्द्विमूर्तिरुभयोर्युगपन्निकेतमेकेन भूरिविभवैर्विहितोपचारः।
अन्येन तद्दिनभृतैश्च फलौदनाद्यैस्तुल्यं प्रसेदिथ ददाथ च मुक्तिमाभ्याम्॥
Gachchhandvimurtirubhayoryugapanniketamekena bhurivibhavairvihitopacharah, anyena taddinabhritaishcha phalaudanadyaistulyam praseditha dadatha cha muktimabhyam.
दो रूप धारण करके आप एक साथ दोनों के घर गए; एक ने बड़े वैभव से आपकी सेवा की, दूसरे ने उसी दिन जुटाए फल और भात आदि से। आप दोनों से बराबर प्रसन्न हुए और दोनों को मुक्ति दी।
भूयोऽथ द्वारवत्यां द्विजतनयमृतिं तत्प्रलापानपि त्वं को वा दैवं निरुन्ध्यादिति किल कथयन्विश्ववोढाऽप्यसोढाः।
जिष्णोर्गर्वं विनेतुं त्वयि मनुजधिया कुण्ठितां चास्य बुद्धिं तत्त्वारूढां विधातुं परमतमपदप्रेक्षणेनेति मन्ये॥
Bhuyotha dvaravatyam dvijatanayamritim tatpralapanapi tvam ko va daivam nirundhyaditi kila kathayanvishvavodhapyasodhah, jishnorgarvam vinetum tvayi manujadhiya kunthitam chasya buddhim tattvarudham vidhatum paramatamapadaprekshaneneti manye.
फिर द्वारका में, ‘भाग्य को कौन रोक सकता है?’ कहते हुए, पूरे संसार का भार उठाने वाले आपने एक ब्राह्मण के पुत्र की मृत्यु और उसका विलाप सहा। मेरे विचार से यह अर्जुन के घमंड को मिटाने और आपको मनुष्य समझने से कुंठित उसकी बुद्धि को परम धाम दिखाकर तत्त्व में स्थिर करने के लिए था।
नष्टा अष्टास्य पुत्राः पुनरपि तव तूपेक्षया कष्टवादः स्पष्टो जातो जनानामथ तदवसरे द्वारकामाप पार्थः।
मैत्र्या तत्रोषितोऽसौ नवमसुतमृतौ विप्रवर्यप्ररोदं श्रुत्वा चक्रे प्रतिज्ञामनुपहृतसुतस्सन्निवेक्ष्ये कृशानुम्॥
Nashta ashtasya putrah punarapi tava tupekshaya kashtavadah spashto jato jananamatha tadavasare dvarakamapa parthah, maitrya tatroshitosau navamasutamritau vipravaryaprarodam shrutva chakre pratijnamanupahritasutassannivekshye krishanum.
उस ब्राह्मण के आठ पुत्र मर गए, और आपकी उदासीनता देखकर लोग कड़वी बातें कहने लगे। तभी अर्जुन द्वारका आए; मित्रता से वहाँ रहते हुए नौवें पुत्र की मृत्यु पर ब्राह्मण का विलाप सुनकर उन्होंने प्रतिज्ञा की, ‘यदि पुत्र को न लौटा सका, तो अग्नि में प्रवेश करूँगा।’
मानी स त्वामपृष्ट्वा द्विजनिलयगतो बाणजालैर्महास्त्रै रुन्धानः सूतिगेहं पुनरपि सहसा दृष्टनष्टे कुमारे।
याम्यामैन्द्रीं तथान्यास्सुरवरनगरीर्विद्ययाऽऽसाद्य सद्यो मोघोद्योगः पतिष्यन्हुतभुजि भवता सस्मितं वारितोऽभूत्॥
Mani sa tvamaprishtva dvijanilayagato banajalairmahastrai rundhanah sutigeham punarapi sahasa drishtanashte kumare, yamyamaindrim tathanyassuravaranagarirvidyayasadya sadyo moghodyogah patishyanhutabhuji bhavata sasmitam varitobhut.
अभिमानी अर्जुन आपसे पूछे बिना ब्राह्मण के घर गए और बाणों के जाल और महान अस्त्रों से प्रसूति गृह को घेर दिया; फिर भी बालक दिखते ही गायब हो गया। अपनी विद्या से उन्होंने यम, इंद्र और अन्य देवताओं के नगर खोजे, और प्रयास विफल होने पर अग्नि में कूदने वाले थे कि आपने मुस्कुराकर उन्हें रोक दिया।
सार्धं तेन प्रतीचीं दिशमतिजविना स्यन्दनेनाभियातो लोकालोकं व्यतीतस्तिमिरभरमथो चक्रधाम्ना निरुन्धन्।
चक्रांशुक्लिष्टदृष्टिं स्थितमथ विजयं पश्य पश्येति वारां पारे त्वं प्राददर्शः किमपि हि तमसां दूरदूरं पदं ते॥
Sardham tena pratichim dishamatijavina syandanenabhiyato lokalokam vyatitastimirabharamatho chakradhamna nirundhan, chakramshuklishtadrishtim sthitamatha vijayam pashya pashyeti varam pare tvam pradadarshah kimapi hi tamasam duraduram padam te.
उनके साथ आप अत्यंत तेज़ रथ से पश्चिम दिशा की ओर गए, लोकालोक पर्वत को पार किया, और चक्र के प्रकाश से घने अंधकार को चीर दिया। चक्र की किरणों से चौंधियाई आँखों वाले अर्जुन से ‘देखो, देखो’ कहकर आपने जल के पार अंधकार से बहुत दूर अपना धाम दिखाया।
तत्रासीनं भुजङ्गाधिपशयनतले दिव्यभूषायुधाद्यैरावीतं पीतचेलं प्रतिनवजलदश्यामलं श्रीमदङ्गम्।
मूर्तीनामीशितारं परमिह तिसृणामेकमर्थं श्रुतीनां त्वामेव त्वं परात्मन् प्रियसखसहितो नेमिथ क्षेमरूपम्॥
Tatrasinam bhujangadhipashayanatale divyabhushayudhadyairavitam pitachelam pratinavajaladashyamalam shrimadangam, murtinamishitaram paramiha tisrinamekamartham shrutinam tvameva tvam paratman priyasakhasahito nemitha kshemarupam.
हे परमात्मा, वहाँ अपने प्रिय सखा के साथ आपने स्वयं अपने उस रूप को नमन किया: जो शेषनाग की शय्या पर विराजमान, दिव्य आभूषणों और अस्त्रों से सजा, पीतांबरधारी, नए बादल जैसे श्याम सुंदर शरीर वाला, तीनों मूर्तियों का परम स्वामी, वेदों का एकमात्र अर्थ और कल्याण स्वरूप है।
युवां मामेवद्वावधिकविवृतान्तर्हिततया विभिन्नौ सन्द्रष्टुं स्वयमहमहार्षं द्विजसुतान्।
नयेतं द्रागेनानिति खलु वितीर्णान्पुनरमून् द्विजायादायादाः प्रणुतमहिमा पाण्डुजनुषा॥
Yuvam mamevadvavadhikavivritantarhitataya vibhinnau sandrashtum svayamahamaharsham dvijasutan, nayetam dragenaniti khalu vitirnanpunaramun dvijayadayadah pranutamahima pandujanusha.
‘तुम दोनों मैं ही हूँ, प्रकट और छिपे रूप से दो बने हो; तुम्हें यहाँ देखने के लिए मैंने ही ब्राह्मण के पुत्र लिए थे। इन्हें जल्दी ले जाओ।’ उन्हें पाकर आपने ब्राह्मण को लौटा दिया, और अर्जुन ने आपकी महिमा गाई।
एवं नानाविहारैर्जगदभिरमयन्वृष्णिवंशं प्रपुष्णन्नीजानो यज्ञभेदैरतुलविहृतिभिः प्रीणयन्नेणनेत्राः।
भूभारक्षेपदम्भात्पदकमलजुषां मोक्षणायावतीर्णः पूर्णं ब्रह्मैव साक्षाद्यदुषु मनुजतारूषितस्त्वं व्यलासीः॥
Evam nanaviharairjagadabhiramayanvrishnivamsham prapushnannijano yajnabhedairatulavihritibhih prinayannenanetrah, bhubharakshepadambhatpadakamalajusham mokshanayavatirnah purnam brahmaiva sakshadyadushu manujatarushitastvam vyalasih.
इस प्रकार अनेक लीलाओं से संसार को आनंदित करते, वृष्णि वंश का पोषण करते, अनेक यज्ञ करते और अनुपम लीलाओं से मृगनयनी रानियों को प्रसन्न करते हुए, आप साक्षात पूर्ण ब्रह्म, पृथ्वी का भार उतारने के बहाने अपने चरण कमलों के भक्तों को मुक्त करने के लिए अवतरित हुए और मनुष्य रूप में यादवों के बीच शोभित हुए।
प्रायेण द्वारवत्यामवृतदयि तदा नारदस्त्वद्रसार्द्रस्तस्माल्लेभे कदाचित्खलु सुकृतनिधिस्त्वत्पिता तत्त्वबोधम्।
भक्तानामग्रयायी स च खलु मतिमानुद्धवस्त्वत्त एव प्राप्तो विज्ञानसारं स किल जनहितायाधुनाऽस्ते बदर्याम्॥
Prayena dvaravatyamavritadayi tada naradastvadrasardrastasmallebhe kadachitkhalu sukritanidhistvatpita tattvabodham, bhaktanamagrayayi sa cha khalu matimanuddhavastvatta eva prapto vijnanasaram sa kila janahitayadhunaste badaryam.
तब आपके प्रेम में भीगे नारद प्रायः द्वारका में ही रहते थे, और उनसे पुण्य के भंडार आपके पिता ने तत्त्व ज्ञान पाया। और भक्तों में अग्रणी बुद्धिमान उद्धव ने आपसे ही ज्ञान का सार पाया; कहा जाता है कि वे आज भी लोगों के हित के लिए बदरी में रहते हैं।
सोऽयं कृष्णावतारो जयति तव विभो यत्र सौहार्दभीतिस्नेहद्वेषानुरागप्रभृतिभिरतुलैरश्रमैर्योगभेदैः।
आर्तिं तीर्त्वा समस्ताममृतपदमगुस्सर्वतः सर्वलोकाः स त्वं विश्वार्तिशान्त्यै पवनपुरपते भक्तिपूर्त्यै च भूयाः॥
Soyam krishnavataro jayati tava vibho yatra sauhardabhitisnehadveshanuragaprabhritibhiratulairashramairyogabhedaih, artim tirtva samastamamritapadamagussarvatah sarvalokah sa tvam vishvartishantyai pavanapurapate bhaktipurtyai cha bhuyah.
हे प्रभु, आपके उस कृष्णावतार की जय हो, जिसमें सब लोकों के प्राणी मित्रता, भय, स्नेह, द्वेष और प्रेम जैसे अनुपम और सहज योग मार्गों से सारे दुख पार करके अमृत पद को पहुँचे। हे गुरुवायुर के स्वामी, संसार के दुख की शांति और भक्ति की पूर्ति के लिए आप हमारे साथ रहें।