नारायणीयम् · दशक 96

Narayaneeyam: Dashakam 96

स्तोत्र · संस्कृत · कृष्ण · मेल्पत्तूर् नारायण भट्टतिरि

त्वं हि ब्रह्मैव साक्षात् परमुरुमहिमन्नक्षराणामकारस्तारो मन्त्रेषु राज्ञां मनुरसि मुनिषु त्वं भृगुर्नारदोऽपि।
प्रह्लादो दानवानां पशुषु च सुरभिः पक्षिणां वैनतेयो नागानामस्यनन्तः सुरसरिदपि च स्रोतसां विश्वमूर्ते॥
Tvam hi brahmaiva sakshat paramurumahimannaksharanamakarastaro mantreshu rajnam manurasi munishu tvam bhrigurnaradopi, prahlado danavanam pashushu cha surabhih pakshinam vainateyo naganamasyanantah surasaridapi cha srotasam vishvamurte.
हे महान महिमा वाले, आप साक्षात परब्रह्म हैं। अक्षरों में आप ‘अ’ हैं, मंत्रों में ॐ, राजाओं में मनु, मुनियों में भृगु और नारद; दानवों में प्रह्लाद, पशुओं में कामधेनु सुरभि, पक्षियों में गरुड़, नागों में अनन्त, और हे विश्वरूप, नदियों में गंगा हैं।
ब्रह्मण्यानां बलिस्त्वं क्रतुषु च जपयज्ञोऽसि वीरेषु पार्थो भक्तानामुद्धवस्त्वं बलमसि बलिनां धाम तेजस्विनां त्वम्।
नास्त्यन्तस्त्वद्विभूतेर्विकसदतिशयं वस्तु सर्वं त्वमेव त्वं जीवस्त्वं प्रधानं यदिह भवदृते तन्न किञ्चित्प्रपञ्चे॥
Brahmanyanam balistvam kratushu cha japayajnosi vireshu partho bhaktanamuddhavastvam balamasi balinam dhama tejasvinam tvam, nastyantastvadvibhutervikasadatishayam vastu sarvam tvameva tvam jivastvam pradhanam yadiha bhavadrite tanna kinchitprapanche.
ब्राह्मण-भक्तों में आप बलि हैं, यज्ञों में जपयज्ञ, वीरों में अर्जुन, भक्तों में उद्धव; आप बलवानों का बल और तेजस्वियों का तेज हैं। आपकी विभूतियों का अंत नहीं; जो कुछ श्रेष्ठ है, सब आप ही हैं। आप ही जीव हैं, आप ही प्रकृति; इस संसार में आपके बिना कुछ नहीं है।
धर्मं वर्णाश्रमाणां श्रुतिपथविहितं त्वत्परत्वेन भक्त्या कुर्वन्तोऽन्तर्विरागे विकसति शनकैस्सन्त्यजन्तो लभन्ते।
सत्तास्फूर्तिप्रियत्वात्मकमखिलपदार्थेषु भिन्नेष्वभिन्नं निर्मूलं विश्वमूलं परममहमिति त्वद्विबोधं विशुद्धम्॥
Dharmam varnashramanam shrutipathavihitam tvatparatvena bhaktya kurvantontarvirage vikasati shanakaissantyajanto labhante, sattasphurtipriyatvatmakamakhilapadartheshu bhinneshvabhinnam nirmulam vishvamulam paramamahamiti tvadvibodham vishuddham.
वेदों में बताए वर्ण और आश्रम के धर्म को आपके प्रति भक्ति से करते हुए, और भीतर वैराग्य बढ़ने पर धीरे-धीरे उन्हें छोड़ते हुए, लोग आपका शुद्ध ज्ञान पाते हैं: ‘मैं ही परम हूँ’, जो सत्ता, चेतना और आनंद रूप है, सब अलग दिखने वाली वस्तुओं में एक है, स्वयं मूलरहित और विश्व का मूल है।
ज्ञानं कर्मापि भक्तिस्त्रितयमिह भवत्प्रापकं तत्र तावन्निर्विण्णानामशेषे विषय इह भवेत् ज्ञानयोगेऽधिकारः।
सक्तानां कर्मयोगस्त्वयि हि विनिहितो ये तु नात्यन्तसक्ता नाप्यत्यन्तं विरक्तास्त्वयि च धृतरसा भक्तियोगो ह्यमीषाम्॥
Jnanam karmapi bhaktistritayamiha bhavatprapakam tatra tavannirvinnanamasheshe vishaya iha bhavet jnanayogedhikarah, saktanam karmayogastvayi hi vinihito ye tu natyantasakta napyatyantam viraktastvayi cha dhritarasa bhaktiyogo hyamisham.
ज्ञान, कर्म और भक्ति, ये तीनों आप तक पहुँचाते हैं। जो सब विषयों से ऊब चुके हैं, वे ज्ञानयोग के अधिकारी हैं; आसक्त लोगों के लिए आपको अर्पित कर्मयोग है; और जो न बहुत आसक्त हैं, न बहुत विरक्त, और आपमें रस लेते हैं, उनके लिए भक्तियोग है।
ज्ञानं त्वद्भक्ततां वा लघु सुकृतवशान्मर्त्यलोके लभन्ते तस्मात्तत्रैव जन्म स्पृहयति भगवन् नाकगो नारको वा।
आविष्टं मां तु दैवाद्भवजलनिधिपोतायिते मर्त्यदेहे त्वं कृत्वा कर्णधारं गुरुमनुगुणवातायितस्तारयेथाः॥
Jnanam tvadbhaktatam va laghu sukritavashanmartyaloke labhante tasmattatraiva janma sprihayati bhagavan nakago narako va, avishtam mam tu daivadbhavajalanidhipotayite martyadehe tvam kritva karnadharam gurumanugunavatayitastarayethah.
मनुष्य लोक में लोग पुण्य से जल्दी ज्ञान या आपकी भक्ति पा लेते हैं; इसलिए हे भगवन्, स्वर्ग या नरक में रहने वाले भी वहीं जन्म चाहते हैं। भाग्य से मुझे संसार-सागर की नाव जैसा मनुष्य शरीर मिला है; गुरु को उसका मल्लाह बनाकर और स्वयं अनुकूल हवा बनकर मुझे पार लगाइए।
अव्यक्तं मार्गयन्तः श्रुतिभिरपि नयैः केवलज्ञानलुब्धाः क्लिश्यन्तेऽतीव सिद्धिं बहुतरजनुषामन्त एवाप्नुवन्ति।
दूरस्थः कर्मयोगोऽपि च परमफले नन्वयं भक्तियोगस्त्वामूलादेव हृद्यस्त्वरितमयि भवत्प्रापको वर्धतां मे॥
Avyaktam margayantah shrutibhirapi nayaih kevalajnanalubdhah klishyantetiva siddhim bahutarajanushamanta evapnuvanti, durasthah karmayogopi cha paramaphale nanvayam bhaktiyogastvamuladeva hridyastvaritamayi bhavatprapako vardhatam me.
जो केवल ज्ञान के लोभी होकर वेदों और तर्कों से अव्यक्त को खोजते हैं, वे बहुत कष्ट उठाते हैं और कई जन्मों के अंत में ही सिद्धि पाते हैं। कर्मयोग भी परम फल से दूर है; पर यह भक्तियोग शुरू से ही मनभावन है और जल्दी आप तक पहुँचाता है। यह मुझमें बढ़े।
ज्ञानायैवातियत्नं मुनिरपवदते ब्रह्मतत्त्वं तु शृण्वन् गाढं त्वत्पादभक्तिं शरणमयति यस्तस्य मुक्तिः कराग्रे।
त्वद्ध्यानेऽपीह तुल्या पुनरसुकरता चित्तचाञ्चल्यहेतोरभ्यासादाशु शक्यं तदपि वशयितुं त्वत्कृपाचारुताभ्याम्॥
Jnanayaivatiyatnam munirapavadate brahmatattvam tu shrinvan gadham tvatpadabhaktim sharanamayati yastasya muktih karagre, tvaddhyanepiha tulya punarasukarata chittachanchalyahetorabhyasadashu shakyam tadapi vashayitum tvatkripacharutabhyam.
मुनि केवल ज्ञान के लिए अत्यधिक प्रयास की निंदा करते हैं; जो ब्रह्मतत्त्व सुनते हुए आपके चरणों की गहरी भक्ति की शरण लेता है, मुक्ति उसकी मुट्ठी में है। आपके ध्यान में भी मन की चंचलता से वैसी ही कठिनाई है; पर अभ्यास से और आपकी कृपा तथा सुंदरता के सहारे उसे जल्दी वश में किया जा सकता है।
निर्विण्णः कर्ममार्गे खलु विषमतमे त्वत्कथादौ च गाढं जातश्रद्धोऽपि कामानयि भुवनपते नैव शक्नोमि हातुम्।
तद्भूयो निश्चयेन त्वयि निहितमना दोषबुद्ध्या भजंस्तान् पुष्णीयां भक्तिमेव त्वयि हृदयगते मङ्क्षु नङ्क्ष्यन्ति सङ्गाः॥
Nirvinnah karmamarge khalu vishamatame tvatkathadau cha gadham jatashraddhopi kamanayi bhuvanapate naiva shaknomi hatum, tadbhuyo nishchayena tvayi nihitamana doshabuddhya bhajamstan pushniyam bhaktimeva tvayi hridayagate mankshu nankshyanti sangah.
हे भुवनपति, मैं अत्यंत कठिन कर्म-मार्ग से ऊब गया हूँ और आपकी कथाओं में मेरी गहरी श्रद्धा है, फिर भी मैं कामनाएँ नहीं छोड़ पाता। इसलिए दृढ़ निश्चय से आपमें मन लगाकर, उनके दोष जानते हुए उन्हें भोगते हुए, मैं केवल भक्ति को बढ़ाऊँ; आपके हृदय में बसने पर आसक्तियाँ जल्दी मिट जाएँगी।
कश्चित्क्लेशार्जितार्थक्षयविमलमतिर्नुद्यमानो जनौघैः प्रागेवं प्राह विप्रो न खलु मम जनः कालकर्मग्रहा वा।
चेतो मे दुःखहेतुस्तदिह गुणगणं भावयत्सर्वकारीत्युक्त्वा शान्तो गतस्त्वां मम च कुरु विभो तादृशीं चित्तशान्तिम्॥
Kashchitklesharjitarthakshayavimalamatirnudyamano janaughaih pragevam praha vipro na khalu mama janah kalakarmagraha va, cheto me duhkhahetustadiha gunaganam bhavayatsarvakarityuktva shanto gatastvam mama cha kuru vibho tadrishim chittashantim.
पहले एक ब्राह्मण ने, जिसका मन मेहनत से कमाए धन के नष्ट होने से निर्मल हो गया था, लोगों के सताए जाने पर कहा: ‘न लोग, न काल, न कर्म, न ग्रह, बल्कि मेरा अपना मन ही मेरे दुख का कारण है, जो गुणों की कल्पना करके सब कुछ करवाता है।’ ऐसा कहकर वह शांत हुआ और आपको पा गया। हे विभु, मुझे भी वैसी मन की शांति दीजिए।
ऐलः प्रागुर्वशीं प्रत्यतिविवशमनाः सेवमानश्चिरं तां गाढं निर्विद्य भूयो युवतिसुखमिदं क्षुद्रमेवेति गायन्।
त्वद्भक्तिं प्राप्य पूर्णः सुखतरमचरत्तद्वदुद्धूय सङ्गं भक्तोत्तंसं क्रिया मां पवनपुरपते हन्त मे रुन्धि रोगान्॥
Ailah pragurvashim pratyativivashamanah sevamanashchiram tam gadham nirvidya bhuyo yuvatisukhamidam kshudrameveti gayan, tvadbhaktim prapya purnah sukhataramacharattadvaduddhuya sangam bhaktottamsam kriya mam pavanapurapate hanta me rundhi rogan.
पहले ऐल पुरूरवा उर्वशी के प्रेम में विवश होकर लंबे समय तक उसके साथ रहे, फिर गहरे वैराग्य से गाने लगे, ‘यह स्त्री-सुख तुच्छ ही है’; आपकी भक्ति पाकर वे पूर्ण होकर सुख से रहे। उसी तरह मेरी आसक्ति छुड़ाकर मुझे भक्तों का शिरोमणि बनाइए, हे गुरुवायुर के स्वामी, और मेरे रोग रोकिए।