नारायणीयम् · दशक 100
Narayaneeyam: Dashakam 100
अग्रे पश्यामि तेजो निबिडतरकलायावलीलोभनीयं पीयूषाप्लावितोऽहं तदनु तदुदरे दिव्यकैशोरवेषम्।
तारुण्यारम्भरम्यं परमसुखरसास्वादरोमाञ्चिताङ्गैरावीतं नारदाद्यैर्विलसदुपनिषत्सुन्दरीमण्डलैश्च॥Agre pashyami tejo nibidatarakalayavalilobhaniyam piyushaplavitoham tadanu tadudare divyakaishoravesham, tarunyarambharamyam paramasukharasasvadaromanchitangairavitam naradadyairvilasadupanishatsundarimandalaishcha.
मैं अपने सामने घने नीले कलाय फूलों के गुच्छे से भी मनोहर एक तेज देखता हूँ। अमृत में डूबा हुआ मैं फिर उसके भीतर एक दिव्य किशोर रूप देखता हूँ, जो यौवन के आरंभ से सुंदर है, परम आनंद के रस से पुलकित नारद आदि से और सुंदरियों के रूप में चमकती उपनिषदों के समूह से घिरा है।
नीलाभं कुञ्चिताग्रं घनममलतरं संयतं चारुभङ्ग्या रत्नोत्तंसाभिरामं वलयितमुदयच्चन्द्रकैः पिञ्छजालैः।
मन्दारस्रङ्निवीतं तव पृथुकबरीभारमालोकयेऽहं स्निग्धश्वेतोर्ध्वपुण्ड्रामपि च सुललितां फालबालेन्दुवीथीम्॥Nilabham kunchitagram ghanamamalataram samyatam charubhangya ratnottamsabhiramam valayitamudayachchandrakaih pinchhajalaih, mandarasrannivitam tava prithukabaribharamalokayeham snigdhashvetordhvapundramapi cha sulalitam phalabalenduvithim.
मैं आपके घने केशों को देखता हूँ: नीली आभा वाले, सिरों पर घुँघराले, घने और निर्मल, सुंदरता से बँधे, रत्नों के आभूषण से सजे, चमकती आँखों वाले मोरपंखों से घिरे और मंदार की माला से लिपटे; और बाल चंद्रमा जैसे आपके सुंदर माथे को, जिस पर चमकता सफेद ऊर्ध्व तिलक है।
हृद्यं पूर्णानुकम्पार्णवमृदुलहरीचञ्चलभ्रूविलासैरानीलस्निग्धपक्ष्मावलिपरिलसितं नेत्रयुग्मं विभो ते।
सान्द्रच्छायं विशालारुणकमलदलाकारमामुग्धतारं कारुण्यालोकलीलाशिशिरितभुवनं क्षिप्यतां मय्यनाथे॥Hridyam purnanukamparnavamridulaharichanchalabhruvilasairanilasnigdhapakshmavaliparilasitam netrayugmam vibho te, sandrachchhayam vishalarunakamaladalakaramamugdhataram karunyalokalilashishiritabhuvanam kshipyatam mayyanathe.
हे प्रभु, आपके मनोहर नेत्र, जिनकी भौंहें पूर्ण करुणा के सागर की कोमल लहरों जैसी चंचल हैं, जो काली कोमल पलकों से सजे, गहरी छाया वाले, बड़े लाल कमल की पंखुड़ी जैसे और सुंदर पुतलियों वाले हैं, और जो करुणा भरी दृष्टि से संसार को शीतल करते हैं, वे मुझ अनाथ पर पड़ें।
उत्तुङ्गोल्लासिनासं हरिमणिमुकुरप्रोल्लसद्गण्डपालीव्यालोलत्कर्णपाशाञ्चितमकरमणीकुण्डलद्वन्द्वदीप्रम्।
उन्मीलद्दन्तपङ्क्तिस्फुरदरुणतरच्छायबिम्बाधरान्तःप्रीतिप्रस्यन्दिमन्दस्मितमधुरतरं वक्त्रमुद्भासतां मे॥Uttungollasinasam harimanimukuraprollasadgandapalivyalolatkarnapashanchitamakaramanikundaladvandvadipram, unmiladdantapanktisphuradarunatarachchhayabimbadharantahpritiprasyandimandasmitamadhurataram vaktramudbhasatam me.
आपका मुख मेरे सामने प्रकाशित हो: ऊँची सुंदर नाक, नीलम के दर्पण जैसे चमकते गाल, कानों में झूलते मकर आकार के रत्न कुंडलों से दमकता, और दाँतों की झलक से चमकते बिंब फल जैसे लाल होंठों से प्रेम बहाती मंद मुस्कान से अत्यंत मधुर।
बाहुद्वन्द्वेन रत्नोज्ज्वलवलयभृता शोणपाणिप्रवालेनोपात्तां वेणुनालीं प्रसृतनखमयूखाङ्गुलीसङ्गशाराम्।
कृत्वा वक्त्रारविन्दे सुमधुरविकसद्रागमुद्भाव्यमानैः शब्दब्रह्मामृतैस्त्वं शिशिरितभुवनैस्सिञ्च मे कर्णवीथीम्॥Bahudvandvena ratnojjvalavalayabhrita shonapanipravalenopattam venunalim prasritanakhamayukhangulisangasharam, kritva vaktraravinde sumadhuravikasadragamudbhavyamanaih shabdabrahmamritaistvam shishiritabhuvanaissincha me karnavithim.
रत्नों के चमकते कंगन पहने दोनों भुजाओं और मूँगे जैसे लाल हाथों से आप बाँसुरी पकड़ते हैं, जिस पर नाखूनों की किरणें पड़ती हैं। उसे कमल-मुख पर रखकर, संसार को शीतल करने वाली मधुर खिलती रागों के रूप में नाद ब्रह्म के अमृत से मेरे कानों को सींच दीजिए।
उत्सर्पत्कौस्तुभश्रीततिभिररुणितं कोमलं कण्ठदेशं वक्षः श्रीवत्सरम्यं तरलतरसमुद्दीप्रहारप्रतानम्।
नानावर्णप्रसूनावलिकिसलयिनीं वन्यमालां विलोलल्लोलम्बां लम्बमानामुरसि तव तथा भावये रत्नमालाम्॥Utsarpatkaustubhashritatibhirarunitam komalam kanthadesham vakshah shrivatsaramyam taralatarasamuddipraharapratanam, nanavarnaprasunavalikisalayinim vanyamalam vilolallolambam lambamanamurasi tava tatha bhavaye ratnamalam.
मैं कौस्तुभ मणि की फैलती आभा से लाल हुए आपके कोमल कंठ का, श्रीवत्स से सुंदर और चमकते हारों की लड़ियों वाले वक्ष का, छाती पर लटकती अनेक रंगों के फूलों और कोंपलों वाली वनमाला का, जिस पर भौंरे मँडराते हैं, और रत्नों की माला का ध्यान करता हूँ।
अङ्गे पञ्चाङ्गरागैरतिशयविकसत्सौरभाकृष्टलोकं लीनानेकत्रिलोकीविततिमपि कृशां बिभ्रतं मध्यवल्लीम्।
शक्राश्मन्यस्ततप्तोज्ज्वलकनकनिभं पीतचेलं दधानं ध्यायामो दीप्तरश्मिस्फुटमणिरशनाकिङ्किणीमण्डितं त्वाम्॥Ange panchangaragairatishayavikasatsaurabhakrishtalokam linanekatrilokivitatimapi krisham bibhratam madhyavallim, shakrashmanyastataptojjvalakanakanibham pitachelam dadhanam dhyayamo diptarashmisphutamanirashanakinkinimanditam tvam.
हम आपका ध्यान करते हैं: आपके अंग पाँच सुगंधित लेपों से सजे हैं जिनकी सुगंध संसार को खींचती है; आपकी पतली कमर में अनगिनत ब्रह्मांड समाए हैं; आप नीलम पर रखे तपे सोने जैसा चमकता पीतांबर पहनते हैं, और चमकती किरणों वाली रत्नों की करधनी और घुँघरुओं से सजे हैं।
ऊरू चारू तवोरू घनमसृणरुचौ चित्तचोरौ रमाया विश्वक्षोभं विशङ्क्य ध्रुवमनिशमुभौ पीतचेलावृताङ्गौ।
आनम्राणां पुरस्तान्न्यसनधृतसमस्तार्थपालीसमुद्गच्छायां जानुद्वयं च क्रमपृथुलमनोज्ञे च जङ्घे निषेवे॥Uru charu tavoru ghanamasrinaruchau chittachorau ramaya vishvakshobham vishankya dhruvamanishamubhau pitachelavritangau, anamranam purastannyasanadhritasamastarthapalisamudgachchhayam janudvayam cha kramaprithulamanojne cha janghe nisheve.
मैं आपकी सुंदर, सुडौल और चिकनी जाँघों की सेवा करता हूँ, जो लक्ष्मी का मन चुराती हैं और मानो संसार के विचलित होने के डर से सदा पीतांबर से ढकी रहती हैं; आपके घुटनों की, जो झुकने वालों को देने के लिए सब संपदा रखने वाली पेटियों जैसे हैं; और क्रम से पतली होती सुंदर पिंडलियों की।
मञ्जीरं मञ्जुनादैरिव पदभजनं श्रेय इत्यालपन्तं पादाग्रं भ्रान्तिमज्जत्प्रणतजनमनोमन्दरोद्धारकूर्मम्।
उत्तुङ्गाताम्रराजन्नखरहिमकरज्योत्स्नया चाऽश्रितानां सन्तापध्वान्तहन्त्रीं ततिमनुकलये मङ्गलामङ्गुलीनाम्॥Manjiram manjunadairiva padabhajanam shreya ityalapantam padagram bhrantimajjatpranatajanamanomandaroddharakurmam, uttungatamrarajannakharahimakarajyotsnaya chashritanam santapadhvantahantrim tatimanukalaye mangalamangulinam.
मैं आपके नूपुरों का ध्यान करता हूँ, जो मधुर ध्वनि से मानो कहते हैं कि आपके चरणों का भजन ही कल्याण है; पैरों के अगले भाग का, जो भ्रम में डूबते भक्तों के मन रूपी मंदर पर्वत को उठाने वाले कच्छप जैसा है; और उँगलियों की उस मंगल पंक्ति का, जिनके ऊँचे तांबई नाखूनों की चाँदनी शरणागतों के दुख का अँधेरा मिटाती है।
योगीन्द्राणां त्वदङ्गेष्वधिकसुमधुरं मुक्तिभाजां निवासो भक्तानां कामवर्षद्युतरुकिसलयं नाथ ते पादमूलम्।
नित्यं चित्तस्थितं मे पवनपुरपते कृष्ण कारुण्यसिन्धो हृत्वा निःशेषतापान्प्रदिशतु परमानन्दसन्दोहलक्ष्मीम्॥Yogindranam tvadangeshvadhikasumadhuram muktibhajam nivaso bhaktanam kamavarshadyutarukisalayam natha te padamulam, nityam chittasthitam me pavanapurapate krishna karunyasindho hritva nihsheshatapanpradishatu paramanandasandohalakshmim.
हे नाथ, आपके चरणों के तलवे, जो योगियों को आपके सब अंगों में सबसे मधुर लगते हैं, मुक्त जीवों का निवास हैं और भक्तों के लिए कामनाएँ बरसाने वाले कल्पवृक्ष की कोंपल हैं, वे सदा मेरे मन में रहें। हे गुरुवायुर के स्वामी, करुणा के सागर कृष्ण, मेरे सब दुख हरकर मुझे परम आनंद की संपदा दीजिए।
अज्ञात्वा ते महत्त्वं यदिह निगदितं विश्वनाथ क्षमेथाः स्तोत्रं चैतत्सहस्रोत्तरमधिकतरं त्वत्प्रसादाय भूयात्।
द्वेधा नारायणीयं श्रुतिषु च जनुषा स्तुत्यतावर्णनेन स्फीतं लीलावतारैरिदमिह कुरुतामायुरारोग्यसौख्यम्॥Ajnatva te mahattvam yadiha nigaditam vishvanatha kshamethah stotram chaitatsahasrottaramadhikataram tvatprasadaya bhuyat, dvedha narayaniyam shrutishu cha janusha stutyatavarnanena sphitam lilavatarairidamiha kurutamayurarogyasaukhyam.
हे विश्वनाथ, आपकी महिमा को जाने बिना मैंने यहाँ जो कहा, उसे क्षमा कीजिए, और हजार से भी अधिक श्लोकों वाला यह स्तोत्र आपकी कृपा पाने का साधन बने। यह नारायणीय दो तरह से नारायण का है, क्योंकि इसमें नारायण की स्तुति है और यह नारायण नाम के कवि से जन्मा है; आपकी लीलाओं और अवतारों से भरा यह ग्रंथ यहाँ आयु, आरोग्य और सुख दे।