Narayaneeyam: Dashakam 25
নারাযণীযম্ · দশক 25
The Sanskrit text in Bengali script. The Roman line and the meaning are the same as in the original.
স্তম্ভে ঘট্টযতো হিরণ্যকশিপোঃ কর্ণৌ সমাচূর্ণযন্নাঘূর্ণজ্জগদণ্ডকুণ্ডকুহরো ঘোরস্তবাভূদ্রবঃ।
শ্রুত্বা যং কিল দৈত্যরাজহৃদযে পূর্বং কদাপ্যশ্রুতং কম্পঃ কশ্চন সম্পপাত চলিতোঽপ্যম্ভোজভূর্বিষ্টরাৎ॥Stambhe ghattayato hiranyakashipoh karnau samachurnayannaghurnajjagadandakundakuharo ghorastavabhudravah, shrutva yam kila daityarajahridaye purvam kadapyashrutam kampah kashchana sampapata chalitopyambhojabhurvishtarat.
As Hiranyakashipu struck the pillar, your terrible roar rang out, shattering his ears and shaking the hollow of the cosmic egg. Hearing it, a tremor he had never known entered the demon king’s heart, and even Brahma was shaken on his seat.
দৈত্যে দিক্ষু বিসৃষ্টচক্ষুষি মহাসংরম্ভিণি স্তম্ভতঃ সম্ভূতং ন মৃগাত্মকং ন মনুজাকারং বপুস্তে বিভো।
কিং কিং ভীষণমেতদদ্ভুতমিতি ব্যুদ্ভ্রান্তচিত্তেঽসুরে বিস্ফূর্জদ্ধবলোগ্ররোমবিকসদ্বর্ষ্মা সমাজৃম্ভথাঃ॥Daitye dikshu visrishtachakshushi mahasamrambhini stambhatah sambhutam na mrigatmakam na manujakaram vapuste vibho, kim kim bhishanametadadbhutamiti vyudbhrantachittesure visphurjaddhavalograromavikasadvarshma samajrimbhathah.
As the furious demon cast his eyes in every direction, your form emerged from the pillar, O Lord, neither wholly beast nor wholly man. While he wondered, bewildered, What is this terrible, wondrous thing?, you swelled to a vast size, your body bristling with fierce, flashing white hair.
তপ্তস্বর্ণসবর্ণঘূর্ণদতিরূক্ষাক্ষং সটাকেসরপ্রোত্কম্পপ্রনিকুম্বিতাম্বরমহো জীযাত্তবেদং বপুঃ।
ব্যাত্তব্যাপ্তমহাদরীসখমুখং খড্গোগ্রবল্গন্মহাজিহ্বানির্গমদৃশ্যমানসুমহাদংষ্ট্রাযুগোড্ডামরম্॥Taptasvarnasavarnaghurnadatirukshaksham satakesaraprotkampapranikumbitambaramaho jiyattavedam vapuh, vyattavyaptamahadarisakhamukham khadgogravalganmahajihvanirgamadrishyamanasumahadamshtrayugoddamaram.
May this form of yours triumph: its rolling, fierce eyes the colour of molten gold, its quivering mane crowding the sky, its gaping mouth like a great cave, fearsome with a pair of huge fangs and a vast tongue flashing like a sword.
উত্সর্পদ্বলিভঙ্গভীষণহনুং হ্রস্বস্থবীযস্তরগ্রীবং পীবরদোশ্শতোদ্গতনখক্রূরাংশুদূরোল্বণম্।
ব্যোমোল্লঙ্ঘিঘনাঘনোপমঘনপ্রধ্বাননির্ধাবিতস্পর্ধালুপ্রকরং নমামি ভবতস্তন্নারসিংহং বপুঃ॥Utsarpadvalibhangabhishanahanum hrasvasthaviyastaragrivam pivaradoshshatodgatanakhakruramshudurolbanam, vyomollanghighanaghanopamaghanapradhvananirdhavitaspardhaluprakaram namami bhavatastannarasimham vapuh.
I bow to your Narasimha form: its jaws terrible with rippling folds, its neck short and massive, its hundred stout arms fearsome with the cruel gleam of their claws, its roar like thunderclouds beyond the sky scattering every challenger.
নূনং বিষ্ণুরযং নিহন্ম্যমুমিতি ভ্রাম্যদ্গদাভীষণং দৈত্যেন্দ্রং সমুপাদ্রবন্তমধৃথা দোর্ভ্যাং পৃথুভ্যামমুম্।
বীরো নির্গলিতোঽথ খড্গফলকে গৃহ্ণন্বিচিত্রশ্রমান্ ব্যাবৃণ্বন্পুনরাপপাত ভুবনগ্রাসোদ্যতং ত্বামহো॥Nunam vishnurayam nihanmyamumiti bhramyadgadabhishanam daityendram samupadravantamadhritha dorbhyam prithubhyamamum, viro nirgalitotha khadgaphalake grihnanvichitrashraman vyavrinvanpunarapapata bhuvanagrasodyatam tvamaho.
Thinking, This must be Vishnu; I will kill him, the demon king rushed at you whirling his terrible mace, and you caught him in your mighty arms. The warrior slipped free, took up sword and shield, showed many skilled moves, and attacked you again as you stood ready to swallow the worlds.
ভ্রাম্যন্তং দিতিজাধমং পুনরপি প্রোদ্গৃহ্য দোর্ভ্যাং জবাদ্দ্বারেঽথোরুযুগে নিপাত্য নখরান্ব্যুত্খায বক্ষোভুবি।
নির্ভিন্দন্নধিগর্ভনির্ভরগলদ্রক্তাম্বু বদ্ধোত্সবং পাযং পাযমুদৈরযো বহুজগত্সংহারিসিংহারবান্॥Bhramyantam ditijadhamam punarapi prodgrihya dorbhyam javaddvarethoruyuge nipatya nakharanvyutkhaya vakshobhuvi, nirbhindannadhigarbhanirbharagaladraktambu baddhotsavam payam payamudairayo bahujagatsamharisimharavan.
Seizing that vilest son of Diti again in your arms, you swiftly laid him across your thighs at the threshold, drove your claws into his chest and tore it open; drinking deep in triumph the blood that poured out, you let out lion roars that could destroy many worlds.
ত্যক্ত্বা তং হতমাশু রক্তলহরীসিক্তোন্নমদ্বর্ষ্মণি প্রত্যুত্পত্য সমস্তদৈত্যপটলীং চাখাদ্যমানে ত্বযি।
ভ্রাম্যদ্ভূমিবিকম্পিতাম্বুধিকুলং ব্যালোলশৈলোত্করং প্রোত্সর্পত্খচরং চরাচরমহো দুঃস্থামবস্থাং দধৌ॥Tyaktva tam hatamashu raktalaharisiktonnamadvarshmani pratyutpatya samastadaityapatalim chakhadyamane tvayi, bhramyadbhumivikampitambudhikulam vyalolashailotkaram protsarpatkhacharam characharamaho duhsthamavastham dadhau.
Casting aside the slain demon, your towering body drenched in waves of blood, you leapt up and began devouring the whole host of demons. Then all the world fell into turmoil: the earth reeled, the oceans shook, mountains tottered, and the beings of the sky fled upward.
তাবন্মাংসবপাকরালবপুষং ঘোরান্ত্রমালাধরং ত্বাং মধ্যেসভমিদ্ধরোষমুষিতং দুর্বারগুর্বারবম্।
অভ্যেতুং ন শশাক কোঽপি ভুবনে দূরে স্থিতা ভীরবঃ সর্বে শর্ববিরিঞ্চবাসবমুখাঃ প্রত্যেকমস্তোষত॥Tavanmamsavapakaralavapusham ghorantramaladharam tvam madhyesabhamiddharoshamushitam durvaragurvaravam, abhyetum na shashaka kopi bhuvane dure sthita bhiravah sarve sharvavirinchavasavamukhah pratyekamastoshata.
Your body fearsome with flesh and fat, wearing a terrible garland of entrails, blazing with rage in the middle of the hall, your mighty roar unstoppable, no one in the world could come near you. Shiva, Brahma, Indra and the rest stood far off in fear and praised you one by one.
ভূযোঽপ্যক্ষতরোষধাম্নি ভবতি ব্রহ্মাজ্ঞযা বালকে প্রহ্লাদে পদযোর্নমত্যপভযে কারুণ্যভারাকুলঃ।
শান্তস্ত্বং করমস্য মূর্ধ্নি সমধাঃ স্তোত্রৈরথোদ্গাযতস্তস্যাকামধিযোঽপি তেনিথ বরং লোকায চানুগ্রহম্॥Bhuyopyakshataroshadhamni bhavati brahmajnaya balake prahlade padayornamatyapabhaye karunyabharakulah, shantastvam karamasya murdhni samadhah stotrairathodgayatastasyakamadhiyopi tenitha varam lokaya chanugraham.
While your rage still burned, the boy Prahlada, at Brahma’s bidding, fearlessly bowed at your feet. Overflowing with compassion, you grew calm and laid your hand on his head; and as he sang your praises, you gave boons to him, though he wanted nothing, and grace to the world.
এবং নাটিতরৌদ্রচেষ্টিত বিভো শ্রীতাপনীযাভিধ শ্রুত্যন্তস্ফুটগীতসর্বমহিমন্নত্যন্তশুদ্ধাকৃতে।
তত্তাদৃঙ্নিখিলোত্তরং পুনরহো কস্ত্বাং পরো লঙ্ঘযেৎ প্রহ্লাদপ্রিয হে মরুত্পুরপতে সর্বামযাত্পাহি মাম্॥Evam natitaraudracheshtita vibho shritapaniyabhidha shrutyantasphutagitasarvamahimannatyantashuddhakrite, tattadrinnikhilottaram punaraho kastvam paro langhayet prahladapriya he marutpurapate sarvamayatpahi mam.
O Lord who acted out such fierce deeds, whose whole glory is clearly sung in the Nrisimha Tapaniya Upanishad, whose form is utterly pure: who could ever surpass you, highest of all? O beloved of Prahlada, Lord of Guruvayur, protect me from every illness.