Narayaneeyam: Dashakam 25
నారాయణీయమ్ · దశక 25
The Sanskrit text in Telugu script. The Roman line and the meaning are the same as in the original.
స్తమ్భే ఘట్టయతో హిరణ్యకశిపోః కర్ణౌ సమాచూర్ణయన్నాఘూర్ణజ్జగదణ్డకుణ్డకుహరో ఘోరస్తవాభూద్రవః।
శ్రుత్వా యం కిల దైత్యరాజహృదయే పూర్వం కదాప్యశ్రుతం కమ్పః కశ్చన సమ్పపాత చలితోఽప్యమ్భోజభూర్విష్టరాత్॥Stambhe ghattayato hiranyakashipoh karnau samachurnayannaghurnajjagadandakundakuharo ghorastavabhudravah, shrutva yam kila daityarajahridaye purvam kadapyashrutam kampah kashchana sampapata chalitopyambhojabhurvishtarat.
As Hiranyakashipu struck the pillar, your terrible roar rang out, shattering his ears and shaking the hollow of the cosmic egg. Hearing it, a tremor he had never known entered the demon king’s heart, and even Brahma was shaken on his seat.
దైత్యే దిక్షు విసృష్టచక్షుషి మహాసంరమ్భిణి స్తమ్భతః సమ్భూతం న మృగాత్మకం న మనుజాకారం వపుస్తే విభో।
కిం కిం భీషణమేతదద్భుతమితి వ్యుద్భ్రాన్తచిత్తేఽసురే విస్ఫూర్జద్ధవలోగ్రరోమవికసద్వర్ష్మా సమాజృమ్భథాః॥Daitye dikshu visrishtachakshushi mahasamrambhini stambhatah sambhutam na mrigatmakam na manujakaram vapuste vibho, kim kim bhishanametadadbhutamiti vyudbhrantachittesure visphurjaddhavalograromavikasadvarshma samajrimbhathah.
As the furious demon cast his eyes in every direction, your form emerged from the pillar, O Lord, neither wholly beast nor wholly man. While he wondered, bewildered, What is this terrible, wondrous thing?, you swelled to a vast size, your body bristling with fierce, flashing white hair.
తప్తస్వర్ణసవర్ణఘూర్ణదతిరూక్షాక్షం సటాకేసరప్రోత్కమ్పప్రనికుమ్బితామ్బరమహో జీయాత్తవేదం వపుః।
వ్యాత్తవ్యాప్తమహాదరీసఖముఖం ఖడ్గోగ్రవల్గన్మహాజిహ్వానిర్గమదృశ్యమానసుమహాదంష్ట్రాయుగోడ్డామరమ్॥Taptasvarnasavarnaghurnadatirukshaksham satakesaraprotkampapranikumbitambaramaho jiyattavedam vapuh, vyattavyaptamahadarisakhamukham khadgogravalganmahajihvanirgamadrishyamanasumahadamshtrayugoddamaram.
May this form of yours triumph: its rolling, fierce eyes the colour of molten gold, its quivering mane crowding the sky, its gaping mouth like a great cave, fearsome with a pair of huge fangs and a vast tongue flashing like a sword.
ఉత్సర్పద్వలిభఙ్గభీషణహనుం హ్రస్వస్థవీయస్తరగ్రీవం పీవరదోశ్శతోద్గతనఖక్రూరాంశుదూరోల్బణమ్।
వ్యోమోల్లఙ్ఘిఘనాఘనోపమఘనప్రధ్వాననిర్ధావితస్పర్ధాలుప్రకరం నమామి భవతస్తన్నారసింహం వపుః॥Utsarpadvalibhangabhishanahanum hrasvasthaviyastaragrivam pivaradoshshatodgatanakhakruramshudurolbanam, vyomollanghighanaghanopamaghanapradhvananirdhavitaspardhaluprakaram namami bhavatastannarasimham vapuh.
I bow to your Narasimha form: its jaws terrible with rippling folds, its neck short and massive, its hundred stout arms fearsome with the cruel gleam of their claws, its roar like thunderclouds beyond the sky scattering every challenger.
నూనం విష్ణురయం నిహన్మ్యముమితి భ్రామ్యద్గదాభీషణం దైత్యేన్ద్రం సముపాద్రవన్తమధృథా దోర్భ్యాం పృథుభ్యామముమ్।
వీరో నిర్గలితోఽథ ఖడ్గఫలకే గృహ్ణన్విచిత్రశ్రమాన్ వ్యావృణ్వన్పునరాపపాత భువనగ్రాసోద్యతం త్వామహో॥Nunam vishnurayam nihanmyamumiti bhramyadgadabhishanam daityendram samupadravantamadhritha dorbhyam prithubhyamamum, viro nirgalitotha khadgaphalake grihnanvichitrashraman vyavrinvanpunarapapata bhuvanagrasodyatam tvamaho.
Thinking, This must be Vishnu; I will kill him, the demon king rushed at you whirling his terrible mace, and you caught him in your mighty arms. The warrior slipped free, took up sword and shield, showed many skilled moves, and attacked you again as you stood ready to swallow the worlds.
భ్రామ్యన్తం దితిజాధమం పునరపి ప్రోద్గృహ్య దోర్భ్యాం జవాద్ద్వారేఽథోరుయుగే నిపాత్య నఖరాన్వ్యుత్ఖాయ వక్షోభువి।
నిర్భిన్దన్నధిగర్భనిర్భరగలద్రక్తామ్బు బద్ధోత్సవం పాయం పాయముదైరయో బహుజగత్సంహారిసింహారవాన్॥Bhramyantam ditijadhamam punarapi prodgrihya dorbhyam javaddvarethoruyuge nipatya nakharanvyutkhaya vakshobhuvi, nirbhindannadhigarbhanirbharagaladraktambu baddhotsavam payam payamudairayo bahujagatsamharisimharavan.
Seizing that vilest son of Diti again in your arms, you swiftly laid him across your thighs at the threshold, drove your claws into his chest and tore it open; drinking deep in triumph the blood that poured out, you let out lion roars that could destroy many worlds.
త్యక్త్వా తం హతమాశు రక్తలహరీసిక్తోన్నమద్వర్ష్మణి ప్రత్యుత్పత్య సమస్తదైత్యపటలీం చాఖాద్యమానే త్వయి।
భ్రామ్యద్భూమివికమ్పితామ్బుధికులం వ్యాలోలశైలోత్కరం ప్రోత్సర్పత్ఖచరం చరాచరమహో దుఃస్థామవస్థాం దధౌ॥Tyaktva tam hatamashu raktalaharisiktonnamadvarshmani pratyutpatya samastadaityapatalim chakhadyamane tvayi, bhramyadbhumivikampitambudhikulam vyalolashailotkaram protsarpatkhacharam characharamaho duhsthamavastham dadhau.
Casting aside the slain demon, your towering body drenched in waves of blood, you leapt up and began devouring the whole host of demons. Then all the world fell into turmoil: the earth reeled, the oceans shook, mountains tottered, and the beings of the sky fled upward.
తావన్మాంసవపాకరాలవపుషం ఘోరాన్త్రమాలాధరం త్వాం మధ్యేసభమిద్ధరోషముషితం దుర్వారగుర్వారవమ్।
అభ్యేతుం న శశాక కోఽపి భువనే దూరే స్థితా భీరవః సర్వే శర్వవిరిఞ్చవాసవముఖాః ప్రత్యేకమస్తోషత॥Tavanmamsavapakaralavapusham ghorantramaladharam tvam madhyesabhamiddharoshamushitam durvaragurvaravam, abhyetum na shashaka kopi bhuvane dure sthita bhiravah sarve sharvavirinchavasavamukhah pratyekamastoshata.
Your body fearsome with flesh and fat, wearing a terrible garland of entrails, blazing with rage in the middle of the hall, your mighty roar unstoppable, no one in the world could come near you. Shiva, Brahma, Indra and the rest stood far off in fear and praised you one by one.
భూయోఽప్యక్షతరోషధామ్ని భవతి బ్రహ్మాజ్ఞయా బాలకే ప్రహ్లాదే పదయోర్నమత్యపభయే కారుణ్యభారాకులః।
శాన్తస్త్వం కరమస్య మూర్ధ్ని సమధాః స్తోత్రైరథోద్గాయతస్తస్యాకామధియోఽపి తేనిథ వరం లోకాయ చానుగ్రహమ్॥Bhuyopyakshataroshadhamni bhavati brahmajnaya balake prahlade padayornamatyapabhaye karunyabharakulah, shantastvam karamasya murdhni samadhah stotrairathodgayatastasyakamadhiyopi tenitha varam lokaya chanugraham.
While your rage still burned, the boy Prahlada, at Brahma’s bidding, fearlessly bowed at your feet. Overflowing with compassion, you grew calm and laid your hand on his head; and as he sang your praises, you gave boons to him, though he wanted nothing, and grace to the world.
ఏవం నాటితరౌద్రచేష్టిత విభో శ్రీతాపనీయాభిధ శ్రుత్యన్తస్ఫుటగీతసర్వమహిమన్నత్యన్తశుద్ధాకృతే।
తత్తాదృఙ్నిఖిలోత్తరం పునరహో కస్త్వాం పరో లఙ్ఘయేత్ ప్రహ్లాదప్రియ హే మరుత్పురపతే సర్వామయాత్పాహి మామ్॥Evam natitaraudracheshtita vibho shritapaniyabhidha shrutyantasphutagitasarvamahimannatyantashuddhakrite, tattadrinnikhilottaram punaraho kastvam paro langhayet prahladapriya he marutpurapate sarvamayatpahi mam.
O Lord who acted out such fierce deeds, whose whole glory is clearly sung in the Nrisimha Tapaniya Upanishad, whose form is utterly pure: who could ever surpass you, highest of all? O beloved of Prahlada, Lord of Guruvayur, protect me from every illness.