Narayaneeyam: Dashakam 39

ನಾರಾಯಣೀಯಮ್ · ದಶಕ 39

The Sanskrit text in Kannada script. The Roman line and the meaning are the same as in the original.

Stotras · Sanskrit · Krishna · by Melpathur Narayana Bhattathiri

ಭವನ್ತಮಯಮುದ್ವಹನ್ ಯದುಕುಲೋದ್ವಹೋ ನಿಸ್ಸರನ್ ದದರ್ಶ ಗಗನೋಚ್ಚಲಜ್ಜಲಭರಾಂ ಕಲಿನ್ದಾತ್ಮಜಾಮ್।
ಅಹೋ ಸಲಿಲಸಞ್ಚಯಃ ಸ ಪುನರೈನ್ದ್ರಜಾಲೋದಿತೋ ಜಲೌಘ ಇವ ತತ್ಕ್ಷಣಾತ್ಪ್ರಪದಮೇಯತಾಮಾಯಯೌ॥
Bhavantamayamudvahan yadukulodvaho nissaran dadarsha gaganochchalajjalabharam kalindatmajam, aho salilasanchayah sa punaraindrajalodito jalaugha iva tatkshanatprapadameyatamayayau.
Carrying you, Vasudeva, best of the Yadus, set out and saw the Yamuna, its waters surging sky-high. Ah, at that very moment the vast flood, as if raised by magic, sank to the depth of his ankles.
ಪ್ರಸುಪ್ತಪಶುಪಾಲಿಕಾಂ ನಿಭೃತಮಾರುದದ್ಬಾಲಿಕಾಮಪಾವೃತಕವಾಟಿಕಾಂ ಪಶುಪವಾಟಿಕಾಮಾವಿಶನ್।
ಭವನ್ತಮಯಮರ್ಪಯನ್ ಪ್ರಸವತಲ್ಪಕೇ ತತ್ಪದಾದ್ವಹನ್ ಕಪಟಕನ್ಯಕಾಂ ಸ್ವಪುರಮಾಗತೋ ವೇಗತಃ॥
Prasuptapashupalikam nibhritamarudadbalikamapavritakavatikam pashupavatikamavishan, bhavantamayamarpayan prasavatalpake tatpadadvahan kapatakanyakam svapuramagato vegatah.
He entered the cowherds’ home, where the women slept, the door stood open and a baby girl cried softly. Laying you on the birthing bed and taking the girl, who was Maya in disguise, he hurried back to his city.
ತತಸ್ತ್ವದನುಜಾರವಕ್ಷಪಿತನಿದ್ರವೇಗದ್ರವದ್ಭಟೋತ್ಕರನಿವೇದಿತಪ್ರಸವವಾರ್ತಯೈವಾರ್ತಿಮಾನ್।
ವಿಮುಕ್ತಚಿಕುರೋತ್ಕರಸ್ತ್ವರಿತಮಾಪತನ್ ಭೋಜರಾಡತುಷ್ಟ ಇವ ದೃಷ್ಟವಾನ್ ಭಗಿನಿಕಾಕರೇ ಕನ್ಯಕಾಮ್॥
Tatastvadanujaravakshapitanidravegadravadbhatotkaraniveditaprasavavartayaivartiman, vimuktachikurotkarastvaritamapatan bhojaradatushta iva drishtavan bhaginikakare kanyakam.
Then the guards, woken by the cry of your little sister, rushed to report the birth. Distressed, his hair dishevelled, Kamsa, king of the Bhojas, hurried there and, as if disappointed, saw a girl in his sister’s hands.
ಧ್ರುವಂ ಕಪಟಶಾಲಿನೋ ಮಧುಹರಸ್ಯ ಮಾಯಾ ಭವೇದಸಾವಿತಿ ಕಿಶೋರಿಕಾಂ ಭಗಿನಿಕಾಕರಾಲಿಙ್ಗಿತಾಮ್।
ದ್ವಿಪೋ ನಲಿನಿಕಾನ್ತರಾದಿವ ಮೃಣಾಲಿಕಾಮಾಕ್ಷಿಪನ್ನಯಂ ತ್ವದನುಜಾಮಜಾಮುಪಲಪಟ್ಟಕೇ ಪಿಷ್ಟವಾನ್॥
Dhruvam kapatashalino madhuharasya maya bhavedasaviti kishorikam bhaginikakaralingitam, dvipo nalinikantaradiva mrinalikamakshipannayam tvadanujamajamupalapattake pishtavan.
‘Surely this is a trick of that deceiver Vishnu,’ he thought, and snatching the girl from his sister’s arms, as an elephant plucks a lotus stem from a pond, he dashed your sister against a stone slab.
ತತೋ ಭವದುಪಾಸಕೋ ಝಟಿತಿ ಮೃತ್ಯುಪಾಶಾದಿವ ಪ್ರಮುಚ್ಯ ತರಸೈವ ಸಾ ಸಮಧಿರೂಢರೂಪಾನ್ತರಾ।
ಅಧಸ್ತಲಮಜಗ್ಮುಷೀ ವಿಕಸದಷ್ಟಬಾಹುಸ್ಫುರನ್ಮಹಾಯುಧಮಹೋ ಗತಾ ಕಿಲ ವಿಹಾಯಸಾ ದಿದ್ಯುತೇ॥
Tato bhavadupasako jhatiti mrityupashadiva pramuchya tarasaiva sa samadhirudharupantara, adhastalamajagmushi vikasadashtabahusphuranmahayudhamaho gata kila vihayasa didyute.
Then, ah, she slipped from his grip as from the noose of death, took another form, and instead of falling rose into the sky, shining with eight arms bearing great weapons.
ನೃಶಂಸತರ ಕಂಸ ತೇ ಕಿಮು ಮಯಾ ವಿನಿಷ್ಪಿಷ್ಟಯಾ ಬಭೂವ ಭವದನ್ತಕಃ ಕ್ವಚನ ಚಿನ್ತ್ಯತಾಂ ತೇ ಹಿತಮ್।
ಇತಿ ತ್ವದನುಜಾ ವಿಭೋ ಖಲಮುದೀರ್ಯ ತಂ ಜಗ್ಮುಷೀ ಮರುದ್ಗಣಪಣಾಯಿತಾ ಭುವಿ ಚ ಮನ್ದಿರಾಣ್ಯೇಯುಷೀ॥
Nrishamsatara kamsa te kimu maya vinishpishtaya babhuva bhavadantakah kvachana chintyatam te hitam, iti tvadanuja vibho khalamudirya tam jagmushi marudganapanayita bhuvi cha mandiranyeyushi.
‘Cruel Kamsa, what do you gain by crushing me? Your killer has been born somewhere; think of your own good.’ Saying this to the villain, your sister, O Lord, praised by the gods, went away and took up her temples on earth.
ಪ್ರಗೇ ಪುನರಗಾತ್ಮಜಾವಚನಮೀರಿತಾ ಭೂಭುಜಾ ಪ್ರಲಮ್ಬಬಕಪೂತನಾಪ್ರಮುಖದಾನವಾ ಮಾನಿನಃ।
ಭವನ್ನಿಧನಕಾಮ್ಯಯಾ ಜಗತಿ ಬಭ್ರಮುರ್ನಿರ್ಭಯಾಃ ಕುಮಾರಕವಿಮಾರಕಾಃ ಕಿಮಿವ ದುಷ್ಕರಂ ನಿಷ್ಕೃಪೈಃ॥
Prage punaragatmajavachanamirita bhubhuja pralambabakaputanapramukhadanava maninah, bhavannidhanakamyaya jagati babhramurnirbhayah kumarakavimarakah kimiva dushkaram nishkripaih.
Next morning, urged by the king after hearing her words, proud demons like Pralamba, Baka and Putana roamed the land fearlessly, killing infants in the hope of killing you. What is too cruel for the merciless?
ತತಃ ಪಶುಪಮನ್ದಿರೇ ತ್ವಯಿ ಮುಕುನ್ದ ನನ್ದಪ್ರಿಯಾಪ್ರಸೂತಿಶಯನೇಶಯೇ ರುದತಿ ಕಿಞ್ಚಿದಞ್ಚತ್ಪದೇ।
ವಿಬುಧ್ಯ ವನಿತಾಜನೈಸ್ತನಯಸಂಭವೇ ಘೋಷಿತೇ ಮುದಾ ಕಿಮು ವದಾಮ್ಯಹೋ ಸಕಲಮಾಕುಲಂ ಗೋಕುಲಮ್॥
Tatah pashupamandire tvayi mukunda nandapriyaprasutishayaneshaye rudati kinchidanchatpade, vibudhya vanitajanaistanayasambhave ghoshite muda kimu vadamyaho sakalamakulam gokulam.
Then, Mukunda, as you lay crying on the bed of Nanda’s wife, kicking your little feet, the women woke and joyfully announced the birth of a son. What can I say? All of Gokula was astir with excitement.
ಅಹೋ ಖಲು ಯಶೋದಯಾ ನವಕಲಾಯಚೇತೋಹರಂ ಭವನ್ತಮಲಮನ್ತಿಕೇ ಪ್ರಥಮಮಾಪಿಬನ್ತ್ಯಾ ದೃಶಾ।
ಪುನಃ ಸ್ತನಭರಂ ನಿಜಂ ಸಪದಿ ಪಾಯಯನ್ತ್ಯಾ ಮುದಾ ಮನೋಹರತನುಸ್ಪೃಶಾ ಜಗತಿ ಪುಣ್ಯವನ್ತೋ ಜಿತಾಃ॥
Aho khalu yashodaya navakalayachetoharam bhavantamalamantike prathamamapibantya drisha, punah stanabharam nijam sapadi payayantya muda manoharatanusprisha jagati punyavanto jitah.
Ah, Yashoda first drank you in with her eyes, you who steal hearts like a fresh dark flower, then joyfully nursed you at once, touching your lovely body; she outdid all the fortunate ones of the world.
ಭವತ್ಕುಶಲಕಾಮ್ಯಯಾ ಸ ಖಲು ನನ್ದಗೋಪಸ್ತದಾ ಪ್ರಮೋದಭರಸಙ್ಕುಲೋ ದ್ವಿಜಕುಲಾಯ ಕಿಂ ನಾದದಾತ್।
ತಥೈವ ಪಶುಪಾಲಕಾಃ ಕಿಮು ನ ಮಙ್ಗಲಂ ತೇನಿರೇ ಜಗತ್ತ್ರಿತಯಮಙ್ಗಲ ತ್ವಮಿಹ ಪಾಹಿ ಮಾಮಾಮಯಾತ್॥
Bhavatkushalakamyaya sa khalu nandagopastada pramodabharasankulo dvijakulaya kim nadadat, tathaiva pashupalakah kimu na mangalam tenire jagattritayamangala tvamiha pahi mamamayat.
Wishing for your welfare, what did Nanda the cowherd, overflowing with joy, not give to the Brahmins? And what celebrations did the cowherds not hold? O blessing of the three worlds, protect me here from illness.