Narayaneeyam: Dashakam 65

ನಾರಾಯಣೀಯಮ್ · ದಶಕ 65

The Sanskrit text in Kannada script. The Roman line and the meaning are the same as in the original.

Stotras · Sanskrit · Krishna · by Melpathur Narayana Bhattathiri

ಗೋಪೀಜನಾಯ ಕಥಿತಂ ನಿಯಮಾವಸಾನೇ ಮಾರೋತ್ಸವಂ ತ್ವಮಥ ಸಾಧಯಿತುಂ ಪ್ರವೃತ್ತಃ।
ಸಾನ್ದ್ರೇಣ ಚಾನ್ದ್ರಮಹಸಾ ಶಿಶಿರೀಕೃತಾಶೇ ಪ್ರಾಪೂರಯೋ ಮುರಲಿಕಾಂ ಯಮುನಾವನಾನ್ತೇ॥
Gopijanaya kathitam niyamavasane marotsavam tvamatha sadhayitum pravrittah, sandrena chandramahasa shishirikritashe prapurayo muralikam yamunavanante.
Then, to fulfil the festival of love you had promised the gopis at the end of their vow, you began to play your flute at the edge of the Yamuna forest, every direction cooled by the moon’s rich light.
ಸಮ್ಮೂರ್ಛನಾಭಿರುದಿತಸ್ವರಮಣ್ಡಲಾಭಿಃ ಸಮ್ಮೂರ್ಛಯನ್ತಮಖಿಲಂ ಭುವನಾನ್ತರಾಲಮ್।
ತ್ವದ್ವೇಣುನಾದಮುಪಕರ್ಣ್ಯ ವಿಭೋ ತರುಣ್ಯಸ್ತತ್ತಾದೃಶಂ ಕಮಪಿ ಚಿತ್ತವಿಮೋಹಮಾಪುಃ॥
Sammurchhanabhiruditasvaramandalabhih sammurchhayantamakhilam bhuvanantaralam, tvadvenunadamupakarnya vibho tarunyastattadrisham kamapi chittavimohamapuh.
Hearing your flute, its swelling melodies and notes enchanting the whole universe, Lord, the young women fell into an indescribable rapture of the heart.
ತಾ ಗೇಹಕೃತ್ಯನಿರತಾಸ್ತನಯಪ್ರಸಕ್ತಾಃ ಕಾನ್ತೋಪಸೇವನಪರಾಶ್ಚ ಸರೋರುಹಾಕ್ಷ್ಯಃ।
ಸರ್ವಂ ವಿಸೃಜ್ಯ ಮುರಲೀರವಮೋಹಿತಾಸ್ತೇ ಕಾನ್ತಾರದೇಶಮಯಿ ಕಾನ್ತತನೋ ಸಮೇತಾಃ॥
Ta gehakrityaniratastanayaprasaktah kantopasevanaparashcha saroruhakshyah, sarvam visrijya muraliravamohitaste kantaradeshamayi kantatano sametah.
Those lotus-eyed women, busy with housework, caring for children or serving their husbands, dropped everything, entranced by the flute, and gathered in the forest, O lovely one.
ಕಾಶ್ಚಿನ್ನಿಜಾಙ್ಗಪರಿಭೂಷಣಮಾದಧಾನಾ ವೇಣುಪ್ರಣಾದಮುಪಕರ್ಣ್ಯ ಕೃತಾರ್ಧಭೂಷಾಃ।
ತ್ವಾಮಾಗತಾ ನನು ತಥೈವ ವಿಭೂಷಿತಾಭ್ಯಸ್ತಾ ಏವ ಸಂರುರುಚಿರೇ ತವ ಲೋಚನಾಯ॥
Kashchinnijangaparibhushanamadadhana venupranadamupakarnya kritardhabhushah, tvamagata nanu tathaiva vibhushitabhyasta eva samruruchire tava lochanaya.
Some, in the middle of putting on their ornaments, heard the flute and came to you half-adorned; and to your eyes they looked lovelier than those fully adorned.
ಹಾರಂ ನಿತಮ್ಬಭುವಿ ಕಾಚನ ಧಾರಯನ್ತೀ ಕಾಞ್ಚೀಂ ಚ ಕಣ್ಠಭುವಿ ದೇವ ಸಮಾಗತಾ ತ್ವಾಮ್।
ಹಾರಿತ್ವಮಾತ್ಮಜಘನಸ್ಯ ಮುಕುನ್ದ ತುಭ್ಯಂ ವ್ಯಕ್ತಂ ಬಭಾಷ ಇವ ಮುಗ್ಧಮುಖೀ ವಿಶೇಷಾತ್॥
Haram nitambabhuvi kachana dharayanti kanchim cha kanthabhuvi deva samagata tvam, haritvamatmajaghanasya mukunda tubhyam vyaktam babhasha iva mugdhamukhi visheshat.
One came to you, Lord, wearing her necklace on her hips and her girdle at her throat; with her innocent face, Mukunda, she seemed to be telling you plainly how captivating her hips were.
ಕಾಚಿತ್ ಕುಚೇ ಪುನರಸಜ್ಜಿತಕಞ್ಚುಲೀಕಾ ವ್ಯಾಮೋಹತಃ ಪರವಧೂಭಿರಲಕ್ಷ್ಯಮಾಣಾ।
ತ್ವಾಮಾಯಯೌ ನಿರುಪಮಪ್ರಣಯಾತಿಭಾರರಾಜ್ಯಾಭಿಷೇಕವಿಧಯೇ ಕಲಶೀಧರೇವ॥
Kachit kuche punarasajjitakanchulika vyamohatah paravadhubhiralakshyamana, tvamayayau nirupamapranayatibhararajyabhishekavidhaye kalashidhareva.
Another, in her daze, came to you without her bodice, unnoticed by the other women, as though carrying ceremonial pitchers for the coronation of her boundless love.
ಕಾಶ್ಚಿದ್ಗೃಹಾತ್ ಕಿಲ ನಿರೇತುಮಪಾರಯನ್ತ್ಯಸ್ತ್ವಾಮೇವ ದೇವ ಹೃದಯೇ ಸುದೃಢಂ ವಿಭಾವ್ಯ।
ದೇಹಂ ವಿಧೂಯ ಪರಚಿತ್ಸುಖರೂಪಮೇಕಂ ತ್ವಾಮಾವಿಶನ್ ಪರಮಿಮಾ ನನು ಧನ್ಯಧನ್ಯಾಃ॥
Kashchidgrihat kila niretumaparayantyastvameva deva hridaye sudridham vibhavya, deham vidhuya parachitsukharupamekam tvamavishan paramima nanu dhanyadhanyah.
Some who could not get out of their homes held you firmly in their hearts, Lord, cast off the body and entered you, the one supreme consciousness and bliss. Blessed, truly blessed were they.
ಜಾರಾತ್ಮನಾ ನ ಪರಮಾತ್ಮತಯಾ ಸ್ಮರನ್ತ್ಯೋ ನಾರ್ಯೋ ಗತಾಃ ಪರಮಹಂಸಗತಿಂ ಕ್ಷಣೇನ।
ತಂ ತ್ವಾಂ ಪ್ರಕಾಶಪರಮಾತ್ಮತನುಂ ಕಥಞ್ಚಿಚ್ಚಿತ್ತೇ ವಹನ್ನಮೃತಮಶ್ರಮಮಶ್ನುವೀಯ॥
Jaratmana na paramatmataya smarantyo naryo gatah paramahamsagatim kshanena, tam tvam prakashaparamatmatanum kathanchichchitte vahannamritamashramamashnuviya.
Those women, remembering you as a lover and not as the Supreme Self, reached in a moment the goal of the highest ascetics. May I, somehow holding you in my mind as the radiant Supreme Self, taste immortality without effort.
ಅಭ್ಯಾಗತಾಭಿರಭಿತೋ ವ್ರಜಸುನ್ದರೀಭಿರ್ಮುಗ್ಧಸ್ಮಿತಾರ್ದ್ರವದನಃ ಕರುಣಾವಲೋಕೀ।
ನಿಸ್ಸೀಮಕಾನ್ತಿಜಲಧಿಸ್ತ್ವಮವೇಕ್ಷ್ಯಮಾಣೋ ವಿಶ್ವೈಕಹೃದ್ಯ ಹರ ಮೇ ಪವನೇಶ ರೋಗಾನ್॥
Abhyagatabhirabhito vrajasundaribhirmugdhasmitardravadanah karunavaloki, nissimakantijaladhistvamavekshyamano vishvaikahridya hara me pavanesha rogan.
Gazed on by the beauties of Vraja gathered all around, your face soft with an innocent smile and your glance full of compassion, boundless ocean of beauty, sole delight of the universe, Lord of Guruvayur, take away my illnesses.