नारायणीयम् · दशक 10

Narayaneeyam: Dashakam 10

स्तोत्र · संस्कृत · कृष्ण · मेल्पत्तूर् नारायण भट्टतिरि

वैकुण्ठ वर्धितबलोऽथ भवत्प्रसादादम्भोजयोनिरसृजत्किल जीवदेहान्।
स्थास्नूनि भूरुहमयानि तथा तिरश्चां जातीर्मनुष्यनिवहानपि देवभेदान्॥
Vaikuntha vardhitabalotha bhavatprasadadambhojayonirasrijatkila jivadehan, sthasnuni bhuruhamayani tatha tirashcham jatirmanushyanivahanapi devabhedan.
हे वैकुंठनाथ, फिर आपकी कृपा से बढ़े बल वाले कमलयोनि ब्रह्मा ने जीवों के शरीर रचे: अचल पेड़-पौधे, पशुओं की जातियाँ, मनुष्यों के समूह और देवताओं के अनेक भेद।
मिथ्याग्रहास्मिमतिरागविकोपभीतिरज्ञानवृत्तिमिति पञ्चविधां स सृष्ट्वा।
उद्दामतामसपदार्थविधानदूनस्तेने त्वदीयचरणस्मरणं विशुद्ध्यै॥
Mithyagrahasmimatiragavikopabhitirajnanavrittimiti panchavidham sa srishtva, uddamatamasapadarthavidhanadunastene tvadiyacharanasmaranam vishuddhyai.
उन्होंने पाँच प्रकार का अज्ञान रचा: मिथ्या मोह, अहंकार, राग, क्रोध और भय। ऐसी तामसी चीज़ें बनाकर दुखी होकर उन्होंने शुद्धि के लिए आपके चरणों का स्मरण किया।
तावत्ससर्ज मनसा सनकं सनन्दं भूयस्सनातनमुनिं च सनत्कुमारम्।
ते सृष्टिकर्मणि तु तेन नियुज्यमानास्त्वत्पादभक्तिरसिका जगृहुर्न वाणीम्॥
Tavatsasarja manasa sanakam sanandam bhuyassanatanamunim cha sanatkumaram, te srishtikarmani tu tena niyujyamanastvatpadabhaktirasika jagrihurna vanim.
तब उन्होंने मन से सनक, सनंदन, सनातन मुनि और सनत्कुमार को रचा। पर जब उन्होंने उन्हें सृष्टि के काम में लगाना चाहा, तो आपके चरणों की भक्ति में रमे उन्होंने उनकी बात नहीं मानी।
तावत्प्रकोपमुदितं प्रतिरुन्धतोऽस्य भ्रूमध्यतोऽजनि मृडो भवदेकदेशः।
नामानि मे कुरु पदानि च हा विरिञ्चेत्यादौ रुरोद किल तेन स रुद्रनामा॥
Tavatprakopamuditam pratirundhatosya bhrumadhyatojani mrido bhavadekadeshah, namani me kuru padani cha ha virinchetyadau ruroda kila tena sa rudranama.
जब वे उठे हुए क्रोध को रोक रहे थे, तब उनकी भौंहों के बीच से आपके ही अंश शिव जन्मे। जन्मते ही वे रोए कि हे ब्रह्मा, मुझे नाम और स्थान दीजिए; इसी रोने से उनका नाम रुद्र पड़ा।
एकादशाह्वयतया च विभिन्नरूपं रुद्रं विधाय दयिता वनिताश्च दत्त्वा।
तावन्त्यदत्त च पदानि भवत्प्रणुन्नः प्राह प्रजाविरचनाय च सादरं तम्॥
Ekadashahvayataya cha vibhinnarupam rudram vidhaya dayita vanitashcha dattva, tavantyadatta cha padani bhavatpranunnah praha prajavirachanaya cha sadaram tam.
ब्रह्मा ने रुद्र को ग्यारह नाम और रूप दिए, उन्हें प्रिय पत्नियाँ और उतने ही स्थान दिए, और आपकी प्रेरणा से आदर के साथ उनसे प्रजा रचने को कहा।
रुद्राभिसृष्टभयदाकृतिरुद्रसङ्घसम्पूर्यमाणभुवनत्रयभीतचेताः।
मा मा प्रजाः सृज तपश्चर मङ्गलायेत्याचष्ट तं कमलभूर्भवदीरितात्मा॥
Rudrabhisrishtabhayadakritirudrasanghasampuryamanabhuvanatrayabhitachetah, ma ma prajah srija tapashchara mangalayetyachashta tam kamalabhurbhavadiritatma.
जब रुद्र के रचे भयंकर रूप वाले रुद्रों के समूहों से तीनों लोक भरने लगे, तो डरे हुए ब्रह्मा ने आपकी प्रेरणा से उनसे कहा: नहीं, प्रजा मत रचो; कल्याण के लिए तप करो।
तस्याथ सर्गरसिकस्य मरीचिरत्रिस्तत्राङ्गिराः क्रतुमुनिः पुलहः पुलस्त्यः।
अङ्गादजायत भृगुश्च वसिष्ठदक्षौ श्रीनारदश्च भगवन् भवदङ्घ्रिदासः॥
Tasyatha sargarasikasya marichiratristatrangirah kratumunih pulahah pulastyah, angadajayata bhrigushcha vasishthadakshau shrinaradashcha bhagavan bhavadanghridasah.
फिर सृष्टि में लगे ब्रह्मा के अंगों से मरीचि, अत्रि, अंगिरा, क्रतु मुनि, पुलह, पुलस्त्य, भृगु, वसिष्ठ, दक्ष और हे भगवन, आपके चरणों के दास श्री नारद उत्पन्न हुए।
धर्मादिकानभिसृजन्नथ कर्दमं च वाणीं विधाय विधिरङ्गजसङ्कुलोऽभूत्।
त्वद्बोधितैः सनकदक्षमुखैस्तनूजैरुद्बोधितश्च विरराम तमो विमुञ्चन्॥
Dharmadikanabhisrijannatha kardamam cha vanim vidhaya vidhirangajasankulobhut, tvadbodhitaih sanakadakshamukhaistanujairudbodhitashcha virarama tamo vimunchan.
धर्म आदि, कर्दम और वाणी को रचकर ब्रह्मा काम से व्याकुल हो गए; पर आपके द्वारा समझाए गए सनक, दक्ष आदि पुत्रों के जगाने पर वे रुक गए और उस तमोगुण को छोड़ दिया।
वेदान्पुराणनिवहानपि सर्वविद्याः कुर्वन्निजाननगणाच्चतुराननोऽसौ।
पुत्रेषु तेषु विनिधाय स सर्गवृद्धिमप्राप्नुवंस्तव पदाम्बुजमाश्रितोऽभूत्॥
Vedanpurananivahanapi sarvavidyah kurvannijananaganachchaturananosau, putreshu teshu vinidhaya sa sargavriddhimaprapnuvamstava padambujamashritobhut.
चतुर्मुख ब्रह्मा ने अपने मुखों से वेद, पुराण और सब विद्याएँ रचीं और सृष्टि बढ़ाने का काम उन पुत्रों को सौंपा; फिर भी जब सृष्टि नहीं बढ़ी, तो उन्होंने आपके चरण कमलों की शरण ली।
जानन्नुपायमथ देहमजो विभज्य स्त्रीपुंसभावमभजन्मनुतद्वधूभ्याम्।
ताभ्यां च मानुषकुलानि विवर्धयंस्त्वं गोविन्द मारुतपुरेश निरुन्धि रोगान्॥
Janannupayamatha dehamajo vibhajya stripumsabhavamabhajanmanutadvadhubhyam, tabhyam cha manushakulani vivardhayamstvam govinda marutapuresha nirundhi rogan.
फिर उपाय जानकर ब्रह्मा ने अपने शरीर को बाँटकर मनु और उनकी पत्नी के रूप में पुरुष और स्त्री भाव धारण किया; और उनसे आपने मनुष्यों के कुल बढ़ाए। हे गोविंद, हे गुरुवायुर के स्वामी, मेरे रोगों को रोकिए।