नारायणीयम् · दशक 29

Narayaneeyam: Dashakam 29

स्तोत्र · संस्कृत · कृष्ण · मेल्पत्तूर् नारायण भट्टतिरि

उद्गच्छतस्तव करादमृतं हरत्सु दैत्येषु तानशरणाननुनीय देवान्।
सद्यस्तिरोदधिथ देव भवत्प्रभावादुद्यत्स्वयूथ्यकलहा दितिजा बभूवुः॥
Udgachchhatastava karadamritam haratsu daityeshu tanasharanananuniya devan, sadyastirodadhitha deva bhavatprabhavadudyatsvayuthyakalaha ditija babhuvuh.
हे देव, जब तुम अमृत लेकर समुद्र से निकले, तो दैत्यों ने उसे तुम्हारे हाथ से छीन लिया। असहाय देवताओं को सांत्वना देकर तुम तुरंत अंतर्धान हो गए, और तुम्हारे प्रभाव से दैत्य आपस में ही झगड़ने लगे।
श्यामां रुचापि वयसापि तनुं तदानीं प्राप्तोऽसि तुङ्गकुचमण्डलभङ्गुरां त्वम्।
पीयूषकुम्भकलहं परिमुच्य सर्वे तृष्णाकुलाः प्रतिययुस्त्वदुरोजकुम्भे॥
Shyamam ruchapi vayasapi tanum tadanim praptosi tungakuchamandalabhanguram tvam, piyushakumbhakalaham parimuchya sarve trishnakulah pratiyayustvadurojakumbhe.
तब तुमने साँवली कांति वाली, युवा, भरे वक्ष और पतली कमर वाली एक स्त्री का रूप धारण किया। अमृत-कलश का झगड़ा छोड़कर सब दैत्य कामना से व्याकुल होकर तुम्हारी ओर मुड़ गए।
का त्वं मृगाक्षि विभजस्व सुधामिमामित्यारूढरागविवशानभियाचतोऽमून्।
विश्वस्यते मयि कथं कुलटास्मि दैत्या इत्यालपन्नपि सुविश्वसितानतानीः॥
Ka tvam mrigakshi vibhajasva sudhamimamityarudharagavivashanabhiyachatomun, vishvasyate mayi katham kulatasmi daitya ityalapannapi suvishvasitanatanih.
“हे मृगनयनी, तुम कौन हो? यह अमृत हम में बाँट दो,” मोह से विवश होकर उन्होंने विनती की। “हे दैत्यो, मुझ पर कैसे भरोसा करते हो? मैं तो चंचल स्त्री हूँ,” ऐसा कहकर भी तुमने उन्हें पूरा भरोसा दिलाकर झुका लिया।
मोदात्सुधाकलशमेषु ददत्सु सा त्वं दुश्चेष्टितं मम सहध्वमिति ब्रुवाणा।
पङ्क्तिप्रभेदविनिवेशितदेवदैत्या लीलाविलासगतिभिः समदाः सुधां ताम्॥
Modatsudhakalashameshu dadatsu sa tvam dushcheshtitam mama sahadhvamiti bruvana, panktiprabhedaviniveshitadevadaitya lilavilasagatibhih samadah sudham tam.
जब उन्होंने खुशी से अमृत-कलश तुम्हें दे दिया, तब तुमने कहा, “मैं जो भी करूँ, सह लेना,” और देवताओं और दैत्यों को अलग-अलग पंक्तियों में बिठाकर लीला-भरी सुंदर चाल से वह अमृत परोसा।
अस्मास्वियं प्रणयिनीत्यसुरेषु तेषु जोषं स्थितेष्वथ समाप्य सुधां सुरेषु।
त्वं भक्तलोकवशगो निजरूपमेत्य स्वर्भानुमर्धपरिपीतसुधं व्यलावीः॥
Asmasviyam pranayinityasureshu teshu josham sthiteshvatha samapya sudham sureshu, tvam bhaktalokavashago nijarupametya svarbhanumardhaparipitasudham vyalavih.
जब दैत्य यह सोचकर चुपचाप बैठे रहे कि “यह हम पर मोहित है,” तब तुमने देवताओं को सारा अमृत पिला दिया। फिर भक्तों के वश में रहने वाले तुमने अपने रूप में आकर आधा अमृत पी चुके राहु का सिर काट दिया।
त्वत्तः सुधाहरणयोग्यफलं परेषु दत्त्वा गते त्वयि सुरैः खलु ते व्यगृह्णन्।
घोरेऽथ मूर्छति रणे बलिदैत्यमायाव्यामोहिते सुरगणे त्वमिहाविरासीः॥
Tvattah sudhaharanayogyaphalam pareshu dattva gate tvayi suraih khalu te vyagrihnan, ghoretha murchhati rane balidaityamayavyamohite suragane tvamihavirasih.
अमृत छीनने वालों को उचित फल और दूसरों (देवताओं) को अमृत देकर जब तुम चले गए, तब दैत्य देवताओं से भिड़ गए। उस भयंकर युद्ध में जब बलि दैत्य की माया से मोहित देवगण मूर्छित हो गए, तब तुम वहाँ प्रकट हुए।
त्वं कालनेमिमथ मालिमुखाञ्जघन्थ शक्रो जघान बलिजम्भवलान् सपाकान्।
शुष्कार्द्रदुष्करवधे नमुचौ च लूने फेनेन नारदगिरा न्यरुणो रणं त्वम्॥
Tvam kalanemimatha malimukhanjaghantha shakro jaghana balijambhavalan sapakan, shushkardradushkaravadhe namuchau cha lune phenena naradagira nyaruno ranam tvam.
तुमने कालनेमि, माली आदि को मारा; इंद्र ने बलि, जंभ, वल और पाक को मारा। जिसे न सूखी न गीली चीज़ से मारा जा सकता था, उस नमुचि का सिर झाग से काटे जाने पर तुमने नारद के कहने से युद्ध रोक दिया।
योषावपुर्दनुजमोहनमाहितं ते श्रुत्वा विलोकनकुतूहलवान्महेशः।
भूतैस्समं गिरिजया च गतः पदं ते स्तुत्वाब्रवीदभिमतं त्वमथो तिरोधाः॥
Yoshavapurdanujamohanamahitam te shrutva vilokanakutuhalavanmaheshah, bhutaissamam girijaya cha gatah padam te stutvabravidabhimatam tvamatho tirodhah.
दैत्यों को मोहने वाले तुम्हारे स्त्री-रूप के बारे में सुनकर उसे देखने को उत्सुक महेश पार्वती और भूतगणों के साथ तुम्हारे धाम आए। स्तुति करके उन्होंने अपनी इच्छा कही, और तब तुम अंतर्धान हो गए।
आरामसीमनि च कन्दुकघातलीलालोलायमाननयनां कमनीं मनोज्ञाम्।
त्वामेष वीक्ष्य विगलद्वसनां मनोभूवेगादनङ्गरिपुरङ्ग समालिलिङ्ग॥
Aramasimani cha kandukaghatalilalolayamananayanam kamanim manojnam, tvamesha vikshya vigaladvasanam manobhuvegadanangaripuranga samalilinga.
फिर एक उपवन के किनारे उन्होंने तुम्हें गेंद खेलती, चंचल आँखों वाली, सुंदर, मनोहर स्त्री के रूप में देखा, जिसका वस्त्र खिसक रहा था; और काम के वेग में बहकर कामदेव के शत्रु शिव ने भी तुम्हें आलिंगन में भर लिया।
भूयोऽपि विद्रुतवतीमुपधाव्य देवो वीर्यप्रमोक्षविकसत्परमार्थबोधः।
त्वन्मानितस्तव महत्वमुवाच देव्यै तत्तादृशस्त्वमव वातनिकेतनाथ॥
Bhuyopi vidrutavatimupadhavya devo viryapramokshavikasatparamarthabodhah, tvanmanitastava mahatvamuvacha devyai tattadrishastvamava vataniketanatha.
तुम्हारे छूटकर भागने पर भी वे पीछे दौड़े, और जब उनका वेग शांत हुआ तो परम तत्त्व का बोध लौट आया। तुमसे सम्मान पाकर उन्होंने देवी पार्वती को तुम्हारी महिमा बताई। हे गुरुवायूर के स्वामी, ऐसे तुम मेरी रक्षा करो।