नारायणीयम् · दशक 30

Narayaneeyam: Dashakam 30

स्तोत्र · संस्कृत · कृष्ण · मेल्पत्तूर् नारायण भट्टतिरि

शक्रेण संयति हतोऽपि बलिर्महात्मा शुक्रेण जीविततनुः क्रतुवर्धितोष्मा।
विक्रान्तिमान् भयनिलीनसुरां त्रिलोकीं चक्रे वशे स तव चक्रमुखादभीतः॥
Shakrena samyati hatopi balirmahatma shukrena jivitatanuh kratuvardhitoshma, vikrantiman bhayanilinasuram trilokim chakre vashe sa tava chakramukhadabhitah.
युद्ध में इन्द्र के हाथों मारे जाने पर भी महात्मा बलि को शुक्राचार्य ने जीवित कर दिया, और यज्ञों से उसका तेज बढ़ गया। आपके चक्र की धार से भी न डरने वाले उस पराक्रमी ने तीनों लोकों को वश में कर लिया, और देवता डरकर छिप गए।
पुत्रार्तिदर्शनवशाददितिर्विषण्णा तं काश्यपं निजपतिं शरणं प्रपन्ना।
त्वत्पूजनं तदुदितं हि पयोव्रताख्यं सा द्वादशाहमचरत्त्वयि भक्तिपूर्णा॥
Putrartidarshanavashadaditirvishanna tam kashyapam nijapatim sharanam prapanna, tvatpujanam taduditam hi payovratakhyam sa dvadashahamacharattvayi bhaktipurna.
अपने पुत्रों का दुख देखकर व्याकुल अदिति ने अपने पति कश्यप की शरण ली। उन्होंने आपकी भक्ति से भरकर उनके बताए पयोव्रत नाम के आपके पूजन का बारह दिन पालन किया।
तस्यावधौ त्वयि निलीनमतेरमुष्याः श्यामश्चतुर्भुजवपुः स्वयमाविरासीः।
नम्रां च तामिह भवत्तनयो भवेयं गोप्यं मदीक्षणमिति प्रलपन्नयासीः॥
Tasyavadhau tvayi nilinamateramushyah shyamashchaturbhujavapuh svayamavirasih, namram cha tamiha bhavattanayo bhaveyam gopyam madikshanamiti pralapannayasih.
व्रत के अंत में जब उनका मन आपमें लीन था, तब आप स्वयं श्याम, चतुर्भुज रूप में प्रकट हुए। उनके प्रणाम करने पर आप बोले, ‘मैं यहाँ तुम्हारा पुत्र बनूँगा; मेरे इस दर्शन को गुप्त रखना,’ और चले गए।
त्वं काश्यपे तपसि सन्निदधत्तदानीं प्राप्तोऽसि गर्भमदितेः प्रणुतो विधात्रा।
प्रासूत च प्रकटवैष्णवदिव्यरूपं सा द्वादशीश्रवणपुण्यदिने भवन्तम्॥
Tvam kashyape tapasi sannidadhattadanim praptosi garbhamaditeh pranuto vidhatra, prasuta cha prakatavaishnavadivyarupam sa dvadashishravanapunyadine bhavantam.
तब आप कश्यप के तप में स्थित होकर अदिति के गर्भ में आए, और ब्रह्मा ने आपकी स्तुति की। उन्होंने द्वादशी और श्रवण नक्षत्र के पवित्र दिन आपको आपके दिव्य विष्णु-रूप में जन्म दिया।
पुण्याश्रमं तमभिवर्षति पुष्पवर्षैर्हर्षाकुले सुरकुले कृततूर्यघोषे।
बद्ध्वाञ्जलिं जय जयेति नुतः पितृभ्यां त्वं तत्क्षणे पटुतमं वटुरूपमाधाः॥
Punyashramam tamabhivarshati pushpavarshairharshakule surakule kritaturyaghoshe, baddhvanjalim jaya jayeti nutah pitribhyam tvam tatkshane patutamam vaturupamadhah.
जब आनंद से भरे देवता उस पवित्र आश्रम पर फूल बरसा रहे थे और बाजे बजा रहे थे, और माता-पिता हाथ जोड़कर ‘जय हो, जय हो!’ कहकर स्तुति कर रहे थे, तभी आपने अत्यंत तेजस्वी ब्रह्मचारी बालक (वटु) का रूप धारण कर लिया।
तावत्प्रजापतिमुखैरुपनीय मौञ्जीदण्डाजिनाक्षवलयादिभिरर्च्यमानः।
देदीप्यमानवपुरीश कृताग्निकार्यस्त्वं प्रास्थिथा बलिगृहं प्रकृताश्वमेधम्॥
Tavatprajapatimukhairupaniya maunjidandajinakshavalayadibhirarchyamanah, dedipyamanavapurisha kritagnikaryastvam prasthitha baligriham prakritashvamedham.
तब प्रजापति आदि ने आपका उपनयन किया और मूँज की मेखला, दण्ड, मृगछाला, रुद्राक्ष माला आदि से आपका सत्कार किया। हे ईश, तेज से दमकते शरीर के साथ अग्निहोत्र करके आप बलि के घर चले, जहाँ अश्वमेध यज्ञ शुरू हुआ था।
गात्रेण भाविमहिमोचितगौरवं प्राग्व्यावृण्वतेव धरणीं चलयन्नयासीः।
छत्रं परोष्मतिरणार्थमिवादधानो दण्डं च दानवजनेष्विव सन्निधातुम्॥
Gatrena bhavimahimochitagauravam pragvyavrinvateva dharanim chalayannayasih, chhatram paroshmatiranarthamivadadhano dandam cha danavajaneshviva sannidhatum.
आप अपने शरीर से धरती को हिलाते हुए चले, मानो आने वाली महिमा का भार पहले से दिखा रहे हों; छाता ऐसे लिए थे मानो दूसरों का ताप रोकना हो, और दण्ड ऐसे मानो दानवों को दण्ड देना हो।
तां नर्मदोत्तरतटे हयमेधशालामासेदुषि त्वयि रुचा तव रुद्धनेत्रैः।
भास्वान्किमेष दहनो नु सनत्कुमारो योगी नु कोऽयमिति शुक्रमुखैः शशङ्के॥
Tam narmadottaratate hayamedhashalamasedushi tvayi rucha tava ruddhanetraih, bhasvankimesha dahano nu sanatkumaro yogi nu koyamiti shukramukhaih shashanke.
जब आप नर्मदा के उत्तरी तट पर उस अश्वमेध-शाला में पहुँचे, तो आपकी कांति से चौंधियाई आँखों वाले शुक्राचार्य आदि सोचने लगे: ‘क्या यह सूर्य है, या अग्नि, या सनत्कुमार? यह कौन योगी है?’
आनीतमाशु भृगुभिर्महसाभिभूतैस्त्वां रम्यरूपमसुरः पुलकावृताङ्गः।
भक्त्या समेत्य सुकृती परिणिज्य पादौ तत्तोयमन्वधृत मूर्धनि तीर्थतीर्थम्॥
Anitamashu bhrigubhirmahasabhibhutaistvam ramyarupamasurah pulakavritangah, bhaktya sametya sukriti parinijya padau tattoyamanvadhrita murdhani tirthatirtham.
आपके तेज से अभिभूत भृगुवंशी पुरोहित आपको जल्दी भीतर ले आए। पुलकित शरीर वाले पुण्यात्मा असुरराज ने भक्ति से आपके पास आकर आपके चरण धोए, और वह तीर्थों का भी तीर्थ जल अपने सिर पर धारण किया।
प्रह्लादवंशजतया क्रतुभिर्द्विजेषु विश्वासतो नु तदिदं दितिजोऽपि लेभे।
यत्ते पदाम्बु गिरिशस्य शिरोभिलाल्यं स त्वं विभो गुरुपुरालय पालयेथाः॥
Prahladavamshajataya kratubhirdvijeshu vishvasato nu tadidam ditijopi lebhe, yatte padambu girishasya shirobhilalyam sa tvam vibho gurupuralaya palayethah.
प्रह्लाद के वंश में जन्म लेने से, या यज्ञों और ब्राह्मणों में विश्वास के कारण, दिति के वंशज ने भी आपका वह चरणजल पाया जिसे शिव अपने सिर पर सजाते हैं। हे विभु, गुरुवायुर में बसने वाले, मेरी रक्षा करो।